🚨 هدايا تيك توك ممكن تتحول لوسيلة ابتـ.ـزاز وتهـ.ـديد 🚫

القصة للتوعية مو للتشهير بأي حدا ❌

صبية كانت تفتح لايڤ على تيك توك وكان يجيلها دعم من المتابعين على شكل هدايا افتراضية متل " الأسد , الحوت وغيرهم ... و يلي ممكن توصل قيمتهن لمبالغ كبيرة

القصة ما كانت بس دعم وهدايا , بعض الداعمين كان عندهم شرط مقابل هالدعم وهو الحصول على صور خاصة بمحتوى +18 , تنبعت على الخاص مقابل الهدايا يلي بيقدموها باللايڤ

بأحد الأيام وهي فاتحة بث مباشر ظهر داعم جديد وبلش يبعتلها أسد ورا أسد

الداعم الأساسي تبعها انتبه للموضوع وبلش يسألها عن هالشخص وليش عم يدعما بهالشكل وشك انو في تواصل بيناتهم على الخاص وانو هالدعم ممكن يكون مقابلو صور خاصة كمان

بعدها بلش يهـ.ـددها , وللأسف التهـ.ـديد ما ضل مجرد حكي الشخص نفذ تهـ.ـديدو ونشر الصور يلي كانت باعتتلو ياها

#الفكرة انو مو كل شخص بيدعمك مادياً يعني انو نيتو سليمة ولا كل محادثة خاصة بتعني انو أسرارك بأمان

ممكن هدية افتراضية تنبعت بثواني بس عواقب مشاركة صورة حساسة ممكن تضل لسنين

#حافظي_على_نفسك_سمعتك_أغلى_من_أي_دعم 💙

#كروب_تكنولوجيا_المعلومات

باقة مجـ.ـانية تتضمن 1 غيغابايت و 60 دقيقة خلوية لأهلنا في محافظات دير الزور والرقة والحسكة، صالحة لمدة 3 أيام، سيتم تفعيلها بشكل تدريجي، نتيجة العواصف والأمطار الغزيرة التي شهدتها المنطقة الشرقية
حماكم الله وحفظكم…

#كروب_تكنولوجيا_المعلومات
أ. ياسر قاسم

جوجل تعلن رسميًا عن نموذج Gemini 4 Carbon وقالت أنه أقوى نموذج متوفر حاليًا حيث يتفوق على إصدار Argon بنسبة 50% وتفوق على المنافسين من أنثروبيك Cloude و OpenAI يالي هو ChatGPT في اختبارات البرمجة والأمن السيبراني.

#كروب_تكنولوجيا_المعلومات
أ. عيد الحسين

باينانس أكدت رسمياً إنها تعرضت لهجوم كبير، وقدّرت حجمه بحوالي 6.3 مليار دولار، وتقريباً نصف المبلغ اتجمّد قبل ما يطلع من إيد المهاجمين.
بالبداية قالت إنو السبب لابتوب مهندس عندها اخترق ومنه وصلو لحاوية خدمة ونفذوا سحوبات، وما لقت دليل على تسريب مفاتيح المحافظ... بس بتحديث لاحق اعترفت إنها لقت نقاط اختراق إضافية، ووصفتو بهجوم معقّد.

وضع المنصة هلق: السحوبات موقوفة مؤقتاً وبتقول رح ترجع بعد حوالي 45 ساعة من آخر تحديث، والإيداعات شغالة.. وتعهدت تغطي كل الخسائر من صندوق SAFU وأموال الشركة، يعني حسب كلامها مصاري المستخدمين محمية..

بالنسبة للمنفذ، شركة TRM Labs المتخصصة بتحليل البلوكتشين بتقول بثقة عالية إنو وراء الهجوم مجموعة TraderTraitor المرتبطة بكوريا الشمالية.. وهاد تحليل خارجي مو إعلان رسمي من باينانس.
وللأمانة باينانس عدّلت بيانها الأول مرتين خلال 13 دقيقة، فخلونا نتعامل مع تصريحاتها بحذر لحد ما تنزّل التقرير التقني الكامل.
نصيحة بهالأيام: انتبهو من أي رابط أو رسالة عم تحكي عن "استرداد" أو "تعويضات" لأنو حملات التصيد بتنتشر بعد هيك أحداث.. وما تعطو حدا مفاتيحكم أو عبارة الاسترداد مهما كان الادعاء، وتابعوا الأخبار من حسابات باينانس الرسمية بس

#كروب_تكنولوجيا_المعلومات
أ. ياسر قاسم

آمس الخميس ناس كتير بمحور 26 يوليو بالجيزة انصدمو بلقطات ابا،حية عم تنعرض على شاشة إعلانات عالطريق

وزارة الداخلية المصرية قالت إنو السبب اختراق ونفس المقطع انبث بنفس التوقيت على شاشات مشابهة بعدة دول تانية
اللافت إنو الشاشة بمصر تابعة لشركة إعلان محلية بس اللي اخترق فعلياً هو موقع الشركة الدولية المتعاقدة معها يعني المخترق ما دخل على كل شاشة لحالها.. دخل مرة وحدة على النقطة المركزية اللي بتتحكم فيهم كلهم
وهاد اسمو هجوم سلسلة التوريد: بتكون أمّنت كل شي عندك، بس المزود اللي بتعتمد عليه انكسر، فانكسرت معه

بالنسبة للمنفذ: مجموعة بتسمي حالها «Leakers» تبنّت العملية وقالت إنها استغلت ثغرة ببرنامج نقل المحتوى لشاشات LED وإنو هدفها كشف الضعف الأمني.. بس هاد ادعاء منها ما في تأكيد مستقل لا من الجهات الرسمية ولا من الشركة.. وهالجهات لحد هلق بتحكي عن "جهة مجهولة" والتحقيق شغال.
الدرس لأي شركة عندها مزودين: شو بيصير عندكم إذا اخترق مزود الخدمة؟ في فصل بين نظامكم ونظامه؟ وبتراقبو اللي بينعرض أو بينرسل من عندو؟

#كروب_تكنولوجيا_المعلومات
أ. ياسر قاسم

ديفيش نايدو مطوّر تطبيق سيمولون يستعرض تقنية التصيير المُدرك للواقع (Reality-Aware Rendering) التي تتيح إنشاء شخصيات رقمية تتفاعل مع الكلام والحركة والعناصر المحيطة باستخدام آيفون

التطبيق يتوفر مجاناً على متجر آب ستور مع خطط لإطلاق نسخة لأجهزة أندرويد لاحقاً فيما تتيح التقنية للمبدعين إنتاج مشاهد تفاعلية مدعومة بالذكاء الاصطناعي والواقع المختلط

#كروب_تكنولوجيا_المعلومات
أ. ياسر قاسم

‏ واتساب قررت تساعدكن وتحميكن من عمليات الاحتيال قبل وقوعها.. لما تبدأ دردشة مع شخص جديد.. بيعرضو تفاصيل إضافية حول حسابه لتقرر إذا كنت تريد المتابعة أو الحظر أو الإبلاغ..

واتساب عم تحاول تنبهك انو في حفرة قدامك انتبه توقع فيها.. واغلبكن 👈 اوك شايفها شايفها 🦵 🕳️ 🤸🙂

#كروب_تكنولوجيا_المعلومات
أ. ياسر قاسم

#أنف_إلكتروني 👃🏻

🔴 قريباً .. ممكن تشم الروائح عبر الإنترنت 🌐

طوّر باحثون تقنية جديدة تعرف باسم «Scentronic» تعتمد على أنف إلكتروني يتعرف على المركبات الكيميائية للروائح ويرسل بياناتها عبر الإنترنت إلى جهاز آخر يعيد إنتاجها باستخدام مواد عطرية

🧪 شملت الاختبارات حتى الآن 5 روائح منها " "القهوة , البرتقال , الكعك"

📌 للتوضيح : الروائح نفسها لا تنتقل عبر الإنترنت وإنما ترسل بياناتها ليعيد الجهاز المستقبل تكوينها

التقنية لا تزال في مرحلة البحث والتطوير وليست منتجاً تجارياً متاحاً حتى الآن ..

#كروب_تكنولوجيا_العملومات

وزارة العدل الأمريكية أعلنت الخميس إنو محكمة فيدرالية بولاية فرجينيا حكمت على السوري أحمد عمر أغا المعروف باسم "Th3Pr0" بالسجن 42 شهر.. عمره 32 سنة

حسب الوزارة الرجل كان ضمن "الجيش السوري الإلكتروني" وشارك باختراق حوالي 47 جهة بين 2011 و2024 بين وسائل إعلام وشركات ومنظمات وجهات حكومية أمريكية وحليفة وكل هيك لنشر دعاية النظام السابق.. وبتقول إنو المجموعة كانت تُدار من مقرّبين من الدائرة الضيقة لبشار الأسد..
من أشهر العمليات المنسوبة إلو: اختراق حساب وكالة أنباء دولية على تويتر سنة 2013 ونشر خبر كاذب إنو أوباما انصاب بانفجارين بالبيت الأبيض.. وكمان اختراق شركة بتستضيف موقع تجنيد مشاة البحرية الأمريكية وتحويل الزوار لرسالة بتحث الجنود يرفضو الأوامر واتقدّر إنو حوالي 3500 شخص شافوها..
وللتوضيح القصة مو جديدة: الملاحقة بلشت سنة 2014 والتهم الرسمية اتوجهت سنة 2018 إلو ولشريكه فراس دردار وهاد الأخير لسا هارب.. ومتهم تالت اسمه بيتر رومار تسلمته أمريكا من ألمانيا وأقر بذنبه سنة 2016

#كروب_تكنولوجيا_العملومات
أ. ياسر قاسم

⚠️ تنبيه مهم لمستخدمي العملات الرقمية 💱

بعد حادثة الاختراق الأخيرة المرتبطة بمنصة بينانس , حابة نبّه الجميع لضرورة الحذر وعدم ترك مبالغ كبيرة داخل المنصات أو المحافظ الإلكترونية مهما كانت شهرتها أو مكانتها العالمية

كمان لاحظنا انو بعض المستخدمين انسحبت من محافظهم مبالغ مالية لذلك ضروري تراجعوا أرصدتكم وحركات السحب بشكل مستمر وتهتموا بتأمين حساباتكم

النقطة الإيجابية انو منصة بينانس تعهّدت بإعادة كامل أموال المتضررين من الحادثة

بالنهاية لا تثقوا بأي منصة ثقة عمياء مهما كانت عالمية أو معروفة وخلي دائماً مبالغ بسيطة ضمن المحفظة

الحكي بيشمل كل المنصات والمحافظ الإلكترونية ..

#كروب_تكنولوجيا_العملومات

#طلبات_الصداقة
من كتاب درعك الرقمي

للاعضاء الجدد :

كتاب درعك الرقمي على قناة تلغرام
https://t.me/yasser987/4689

كتاب درعك الرقمي رابط خارجي
https://www.mediafire.com/?i6n2gfpswy8gfr3

كتاب درعك الرقمي على مكتبة نور الرقمية
noor-book.com/sucq9yd

#كروب_تكنولوجيا_المعلومات
أ. ياسر قاسم

بواتساب في ثغرة بتمكن الطرف الاخر اخذ لقطة شاشة للصورة ذاتية التدمير (لمرة واحدة)
هي الثغرة حصرا على اجهزة ايفون موجودة

#كروب_تكنولوجيا_العملومات
أ. ياسر قاسم

#غلاف_واتساب

يستعد تطبيق واتساب لإضافة ميزة صورة الغلاف إلى الحسابات الشخصية , على غرار فيسبوك , بعد أن كانت مقتصرة على حسابات الأعمال فقط

وتتيح الميزة للمستخدمين :

📸 اختيار صورة من المعرض أو التقاط صورة جديدة
🤖 إنشاء صورة غلاف باستخدام الذكاء الاصطناعي
🔒 التحكم بخصوصية الصورة وتحديد من يمكنه مشاهدتها

تأكد من تحديث التطبيق إلى أحدث إصدار وانتظر وصول الميزة إلى حسابك تدريجياً

#كروب_تكنولوجيا_المعلومات

بوستات المساعدة المادية والتـ.ـبرع لحالات مرضية..
في ناس كتير عم تشاركها مكتورين الخير بس عم يحذفو من البوست حساب شام كاش الاساسي للتـ.ـبرع ويحطو حسابهن 🙂🙂

#كروب_تكنولوجيا_العملومات
أ. ياسر قاسم

هاكرز دخلو عن بُعد على أنظمة التبريد بسوبر ماركت بخمس دول، وغيّروا إعدادات الحرارة بالبرادات والفريزرات النتيجة إنو الحرارة ارتفعت والأكل فسد وصارت خسائر غذائية.
والموجة هي مو الأولى هي موجة تانية.. المرة هي طالت بلجيكا ولوكسمبورغ والسويد وإستونيا
هاد هجوم على الأجهزة الفيزيائية نفسها.. أي شي موصول بالإنترنت حتى برّادات المتاجر صارت هدف

#كروب_تكنولوجيا_المعلومات
أ. ياسر قاسم

جهزوو الفواتير 🙃

#كروب_تكنولوجيا_المعلومات
أ. ياسر قاسم

هي طريقة تصيّد بدنا ننتبه منها خصوصا الصبايا
الشخص بيحدد ارقام عشوائية ع الواتساب وبيتاكد انهم بنات لانو صورتهم الشخصية للعامة وهاد الخطأ الاول
ولانو مفعلين من يمكنه اضافتك الى المجموعات (الجميع)
وهاد الخطأ التاني
بيعمل عليهن هندسة اجتماعية وبيوهمن انو هن مختـ.ـترقين
وممكن يطبق كم صورة ع موقع اباحـ.ـ.ي فيها ارقامهن ليخوفن اكتر..
____
فوت ع الخصوصية بالواتساب واضبط اعدادات حسابك بشكل صحيح ✅

#كروب_تكنولوجيا_المعلومات
أ. ياسر قاسم