الفيلم بيحكي عن أختين ، إلينور وماريان ، كل واحدة فيهم بتمثل طريقة مختلفة للتعامل مع الحياة والحب ..

إلينور : الوعي المحكوم بالعقل
إلينور بتفكر قبل ما تحس، وبتتحكم في مشاعرها علشان تحافظ على صورتها ومسؤولياتها..

ماريان : الوعي المندمج مع المشاعر
ماريان بتعيش الحب بكل كيانها ، لكنها أحيانًا بتخلط بين قوة المشاعر وحقيقة العلاقة..

الأولى تثير سؤال :
هل أنا هادئة فعلًا ، ولا بخاف أعبّر عن مشاعري علشان ما أفقد السيطرة؟

الثانية تثير سؤال : هل أنا بحب الشخص نفسه ، ولا بحب الإحساس اللي وجوده بيخلقه داخلي ؟

ماريان بتنجذب لويلوبي لأنه بيشبه الصورة الرومانسية اللي رسمتها للحب..
هو بيشاركها اهتماماتها ، وبيثير مشاعرها ، وبيخليها تحس إنها مرئية ومفهومة..

لكن هنا المفارقة :
التوافق العاطفي مش بالضرورة توافق في القيم أو القدرة على الالتزام ..

إلينور بتبدو أكثر نضجًا من ماريان ، لكن الفيلم بيكشف إن كتمان المشاعر ممكن يكون مؤلمًا بقدر الاندفاع وراها..

إلينور بتتحمل وبتسكت وبتحاول تكون قوية طول الوقت..

وهنا الفرق بين حالتين:

الكبت : أنا م بسمح لنفسي أحس علشان خايفة من النتائج ..

التنظيم العاطفي : أنا بسمح لنفسي أحس ، لكن مش بسيب الإحساس يقود كل قراراتي ..

الوعي إنك تقدري تشوفي مشاعرك من غير ما تضيعي جواها ..

بيظهر كمان الكولونيل براندون بيقدم شكل مختلف من الحب و ..

و ......

لا لا أفضل روحوا تفرجوا ع الفيلم 😍

كارمن🦚