Бүгін 20:00-де басталады. Үш күн бойы живой эфир өткізіп, инвестицияны толық талдаймын

Қазақстан акциялары
Шетел акциялары
Облигация
ETF
Алтынға инвестиция

Осыларлың бәрін талдаймын. Курстың ватсап тобына қосылып алыңыздар

https://inst.kz/yerkintd/

Курстың тобына сілтеме 👆🏻

Отанқорғаушылар күні құтты болсын✊🏻

Жігіттер,мерекелеріңізбен❤️

9 мамыр - Ұлы Жеңіс күні құтты болсын✊🏻

Мамырдың мерекелерінде демалыстарыңыз сәтті өтсін❤️
Мен де,отбасыммен тойлатуға Алматыға келдім)

IPO-да жаңа компания

Omada Health деген АҚШ-тағы медициналық қызмет көрсететін онлайн компания. Олар адамдарға қант диабеті, артық салмақ, қан қысымы сияқты созылмалы (ұзаққа созылатын) аурулармен күресуге көмектеседі. Қазір бұл компания өз акцияларын биржаға шығарып, инвесторлардан ақша тартқысы келіп жатыр.

Олар бұған дейін компанияға 2022 жылы 192 миллион доллар тартқан. 2024 жылы табысы 38%-ға өсіп, 169,8 миллион доллар болған. Ал 2025 жылдың алғашқы үш айында 55 миллион доллар тапқан, бұл да өткен жылмен салыстырғанда айтарлықтай өсім.

Компания акцияларын Nasdaq биржасына тіркегісі келіп отыр. Акция белгісі – “OMDA”.

Қысқаша айтқанда, бұл компания енді үлкен деңгейге шығуға дайындалып жатыр.

Бұл инвестициялық кеңес емес!
Кез-келген акцияны алар кезде,өзіңіз зерттеп алыңыз!

Бүгінгі жаңалықтар:

1. OpenAI мен Microsoft серіктестікті жаңартады!
ChatGPT жасаған OpenAI мен Microsoft өзара келісім шарттарын қайта қарап жатыр. Бұл OpenAI-ға болашақта IPO жасауға мүмкіндік береді. Ал Microsoft жасанды интеллекттің үздік модельдеріне қолжетімділікті сақтап қалмақ.
2. Danone – Kate Farms-ты сатып алды!
Францияның ірі азық-түлік өндірушісі Danone АҚШ-тағы өсімдік негізіндегі органикалық сусындар шығаратын Kate Farms компаниясының басым үлесін сатып алды. Бұл өнімдер емдәмге арналған және денсаулыққа пайдалы

АҚШ пен Қытай өзара тарифтерді арттыруды 90 күнге тоқтата тұруға келісті.

Вашингтон қытай тауарларына салынатын тарифтерді 30%-ға дейін төмендетсе, Бейжің америкалық импортқа қойылатын баж салығын 10%-ға дейін қысқартты. Бұл туралы екі ел демалыс күндері өткен маңызды сауда келіссөздерінен кейін сирек кездесетін бірлескен мәлімдемеде хабарлады.

Портфельдеріңізді қарап қойыңыздар,акцияларыңыз көтеріліп жатқан болар)

Бүгінгі жаңалықтар:

Tesla (NASDAQ: TSLA) осы айдың соңында Қытайдан АҚШ-қа Cybercab пен Semi жүк көліктеріне арналған бөлшектерді жеткізуді қайта бастайды. Бұл шешім АҚШ пен Қытай арасындағы тарифтік шиеленістің азаюынан кейін қабылданды. Бұған дейін тарифтердің 145%-ға дейін көтерілуі компания жоспарларына қауіп төндірген еді.

Ал Samsung Electronics (KS: 005930) Германияның FlaktGroup компаниясын 1,5 млрд еуроға сатып алмақ. Бұл қадам — жасанды интеллект жобалары үшін қолданылатын деректер орталықтарын салқындатуға деген сұраныстың күрт өсуіне жауап.

Бүгін Алматыға жолға шығамын.
Ертең Qadam форумындамын)

Қозғайтын тақырып: Ақшаны сақтап,тиімді көбейтудің жолы

Алматылық оқырмандарым,келіңіздер✊🏻

Соңғы уақыттарда $1 млн капитал туралы жиі айтып жүрмін.

Себебі, жақын қалды.

Сол капиталға жетуге қажетті дүниелер туралы өз ойымды 30 минуттық видеоға сыйдырған екенмін.

Қарап, бағасын беріңіздер ✊🏻

Qadam forum-ға бардым. 400 адамға 1 сағат сабақ түсіндірдім.

Ертең Астанадағы unknownkazak talks-та боламын. Келіңіздер✊🏻

🔻 Технологиялық алпауыттардан жаңалық:

Дүйсенбі күні Tesla (-4.7%) мен Nvidia (-3%) бастаған «Великолепная семерка» акциялары төмендеді. Бұған инвесторлардың пайдасын алып алған соң, акцияларды сатуы және Moody’s агенттігінің АҚШ-тың несие рейтингін төмендетуі себеп болды.

📉 Қалғандар да төмендедеі:
Meta –2.1% | Amazon –2% | Alphabet –2% | Apple –1.8% | Microsoft –1.2%

🟢 Бірақ, өткен аптада бұл компаниялар орта есеппен +9.3% өсім көрсетті — бұл 2023 жылдан бергі ең жоғары көрсеткіш.

📌 Өсімнің негізгі себебі — Трамптың Таяу Шығысқа сапары кезінде жарияланған жасанды интеллект жобалары.

Казахтелеком (KZTK) дивиденд төлейтіні жайлы айтты - әр акцияға 40%.

Қазіргі бағасы - 58 970тг

🔧 Toyota Industries акциялары бүгін 9%-ға өсіп, тарихи максимумға – 18 000 иенге жетті. Себеп – Toyota Motor компанияны толық сатып алуды жоспарлап отыр. Сатып алу құны 41 млрд доллар болуы мүмкін. Toyota Motor акциялары да 2%-ға өсті.

📱 Xiaomi өз өндірісіндегі алғашқы қуатты чип – Xring O1-ді жаппай шығара бастады. Бұл чип алғаш болып Xiaomi 15S Pro смартфонында және Pad 7 Ultra планшетінде қолданылады.

Жаңа құрылғылар бейсенбі күні таныстырылады.

Бүгінгі күннің жаңалықтары:

📊 Zoom өзінің жылдық табыс болжамын көтерді! Компания гибридті жұмыс форматына және жасанды интеллектті құралдарына енгізу арқылы табысын арттыруда. Наурызда Zoom AI Companion және басқа да AI жаңартуларын іске қосты.

💻 Lenovo төртінші тоқсанда табысының 64%-ға төмендегенін хабарлады. Бұл, негізінен, ордерлер құнының ақшасыз азаюына байланысты. Дегенмен, тоқсандық табыс 16,98 млрд долларды құрап, сарапшылар күткен 15,6 млрд доллардан асып түсті.

🚗 Xiaomi акциялары төмендеді. Себебі бас директор Лэй Цзюнь жаңа электрлік жол талғамайтын көлік — YU7 шілде айында нарыққа шығатынын жариялады. Дегенмен, көлік бағасы мен алдын ала тапсырыстар туралы ақпарат әлі жарияланған жоқ.

Жұма күні америкалық акциялар тағы да төмендеп, апта бойындағы шығындарды арттырды. Бұған себеп — президент Трамптың жаңа тарифтік мәлімдемелері мен салықтық жоспарлары.

🔻 Негізгі индекстер:

Dow Jones — 0.6%-ға төмендеді
S&P 500 — 0.7%-ға төмендеді
Nasdaq — 1%-ға құлдырады
Үшеуі де апта ішінде 2%-дан астам жоғалтты.

📱 Трамп Apple компаниясы АҚШ-та өндірілмеген iPhone үшін 25% салық төлеуі керек деді. Бұл мәлімдеме инвесторларды алаңдатып, Apple акциялары 3%-ға арзандады.

05.06.2025 календарьға белгілеп қойыңыздар

Бүгінгі жаңалықтар:

OpenAI компаниясы Сеулде (Оңтүстік Корея) алғашқы кеңсесін ашатынын хабарлады. Бұл шешім ChatGPT-ке сұраныстың артуына байланысты қабылданған. Айта кетсек, Корея — АҚШ-тан кейінгі ең көп ақылы жазылушысы бар ел екен.

Гонконг биржасында тіркелген BYD компаниясының акциялары дүйсенбі күні 6%-ға төмендеді. Бұған себеп — инвесторлардың өткен аптадағы рекордтық өсімнен кейін табыстарын бекітіп, акцияларын сата бастауы. Акциялар бір жылда 75%-ға дейін қымбаттаған болатын.

Франция президенті Макрон Вьетнамға ресми сапармен барып, екі ел арасында бірнеше келісім жасасты. Соның ішінде Airbus компаниясының 20 ұшағына тапсырыс беру туралы келісім де бар. Бұл сапар Францияның Вьетнамдағы байланыстарын нығайтып, АҚШ пен ЕО арасындағы сауда мәселелері аясында жүргізілді.

Бүгінгі жаңалықтар легі:

Nvidia компаниясының акциялары күндіз 2,5%-ға өсті. Инвесторлар компанияның Қытайдағы бизнесі АҚШ санкциялары аясында қанша шығын әкелуі мүмкін екенін білгісі келеді.

Apple акциялары 1,6%-ға көтерілді. Себебі сәуір айында Үндістаннан жіберілген америкалық iPhone көлемі шамамен 3 миллионға жеткен — бұл өткен жылмен салыстырғанда 76%-ға көп.

Ал Қытайдың PDD Holdings компаниясының акциялары 17%-ға төмендеді. Себебі оның ішкі платформасы Pinduoduo тұтынушылардың белсенділігінің төмендеуінен зардап шексе, халықаралық Temu платформасы жаһандық саудадағы белгісіздікке тап болған.

Tesla компаниясының акциялары 2,2%-ға өсті. Бұл Еуропадағы сатылым сәуірде өткен жылмен салыстырғанда екі есе қысқарғанына қарамастан орын алды. Сатылым төртінші ай қатарынан төмендеді. Бұған Илон Масктың саяси көзқарастарына байланысты сын, жаңа Model Y-ге деген салқын реакция және еуропалық пен қытайлық бәсекелестердің күшеюі әсер еткен.