Уууф деп бұл мәреден де өттік: портфелім $50 мыңға жетті, ағайын ✊🏻

Марафонға үйреніп қалсаңыздар,күнделікті жаңалықтарды қайта жазып отырамын✊🏻

ҚазМұнайГаз өз тарихындағы максимум бағасына жетті. 13430теңге бір акциясына🔥

ҚазАтомПром -5% түсіп кетті.Пайдалы қазбаларға салынатын салық 6-9% арасында көтеріледі деген жаңалықтан соң акция қозғалысы қызыл болды.

Доллардың курсы біраз құбылып жатыр. 9.07 күні $1=481теңге болған еді. Бүгін $1=474теңге.

Қайырлы таң🌻

DAY-4. Жинақ және Төтенше Қорлар

Мақсаты:
• Қаржылық мақсаттарды жүзеге асыру (саяхат, көлік сатып алу, білім алу, т.б.).
• Болашақтағы үлкен шығындарға дайын болу (үйлену тойы, балалардың білімі, т.б.).
• Күтпеген жағдайлар (жұмыссыздық, медициналық шығындар, жөндеу жұмыстары, т.б.) кезінде қаржылық тұрақтылықты қамтамасыз ету.
• Қарызға батпау және қаржылық қиыншылықтарды жеңілдету.

Артықшылықтары:
• Қаржылық қауіпсіздік пен тұрақтылықты арттырады.
• Қаржылық мақсаттарға жетуге көмектеседі.
• Психологиялық жағынан тыныштық береді, себебі күтпеген шығындарға дайындық бар.
• Қарыз алу қажеттілігін азайтады.

Жоспарлау:
• Ай сайынғы табыстың белгілі бір пайызын (мысалы, 10-20%) жинақв қорына бөлу.
• Төтенше қор мөлшерін анықтау: 3-6 айлық негізгі шығындарды жабуға жеткілікті болуы керек.
• Төтенше қорды қауіпсіз, бірақ оңай қол жетімді жерде сақтау (мысалы, депозиттік счеттар Kaspi-дан басқа банкта сақтаған дұрыс).
• Жинақтауды автоматтандыру: банк арқылы автоматты аударымдар жасау.

Мысал:

Жәңгірбайдың Жағдайы:
• Ай сайынғы табыс: 300 000 теңге.
• Ай сайынғы негізгі шығындар: 150 000 теңге.
• Жинақ қоры үшін ай сайынғы табыстың 10%-ын (30 000 теңге) бөлу.
• 6 айлық қор мөлшері: 150 000 * 6 = 900 000 теңге.

Жәңгірбайға 6 ай бойы негізгі шығындарына 900мың теңге жеткілікті болып тұр,демек оған жинақ қорына сол 900мыңды жинақтау қажет.

Қадамдар:
Жинақ қоры:
• Ай сайын 30 000 теңге жинақтауды жоспарлау.
• 1 жылдық жинақ: 30 000 * 12 = 360 000 теңге.
• Жинақтау мақсатына жету үшін арнайы шот ашу және автоматты түрде аударым жасау.

Тапсырма:✊🏻
1 Өз табысыңызды анықтаңыз: Ай сайынғы табысыңызды есептеңіз.
2 Негізгі шығындарыңызды анықтаңыз: Ай сайынғы негізгі шығындарды есептеңіз (тұрғын үй, азық-түлік, көлік, т.б.).
3 Жинақ қорының пайызын анықтаңыз: Жинақ қоры үшін ай сайынғы табысыңыздың қанша пайызын бөлуге дайын екеніңізді анықтаңыз.
4 Қордың мөлшерін есептеңіз: Негізгі шығындарды есептеп, 3-6 айлық қордың мөлшерін анықтаңыз.
5 Жоспар құрыңыз: Жинақ қорларды қалыптастыру жоспарын жасаңыз.

Қалайсыздар?
Тапсырмаларды орындап жатырсыздар ма?

Жасағандарыңыз болса,тағы да еске сала кетейін✊🏻

DAY-4.Тапсырмасы:

1. Бүгін жаратқан ақшаны жазып,есептеп жүру
2.Жинақ қорына жоспар және қанша ақша салатыныңызды есептеу

Салеметсіздер ме?!

Марафон бастағалы жатырмыз деп,бүгін ортасына келіп қалыппыз. Берілген тапсырмалар сіздерге пайдалы болып жатыр деп үміттенемін❤️


DAY-5.Ізденіс

Бүгін сіздерге көп ақпарат пен тапсырма бермеймін.

“Бабылдағы ең бай адам” кітабын оқып шығыңыздар.

Ертең соған байланысты тапсырмалар орындаймыз және викторина ойнаймыз✊🏻
Барлық сұраққа дұрыс жауап берген адамға сыйлық дайындап қоямын❤️ Сәттілік

DAY-5. Тапсырмасы:

1. Бүгін жаратқан ақшаны жазып,есептеп жүру
2.Бабылдағы ең бай адам кітабын оқу

Пост оқысаңыз, лайк басып тұрыңыздар. Қанша адамның оқып жүргенін білейік ❤️

Салеметсіздер ме
DAY-6. Инвестицияға кіріспе.

Бүгін жексенбі,әр-кімнің өз шаруасы мен тірліктері бар. Біреулер болса демалғысы келеді.
Сондықтан,бүгінге қиын тапсырма жоқ.
Кешегі кітапты оқыңыздар,демалыңыздар✊🏻

Инвестицияға кіріспе ретінде сіздерге арнап,қаржы-инвестиция жайлы ТОП-5 фильм дайындап қойдым,демалыңыздар❤️

1.Стать Уорреном Баффеттом (Becoming Warren Buffett), 2017
2.Предел риска (Margin Call), 2011
3.Волк с Уолл-стрит (Wolf Of Wall Street), 2013
4.Игра на понижение (The Big Short), 2015
5.Нефть (There Will Be Blood), 2007

DAY-6.Тапсырмасы:

1. Бүгін жаратқан ақшаны жазып,есептеп жүру
2.Инвестицияға байланысты фильм қарап,демалу🤝

Салеметсіздер ме?!

Жұмыс күндеріңіз сәтті өтсін❤️
Сенбі күні Бабылдағы ең бай адам кітабын оқимыз деп келісіп едік қой✊🏻

Клейсонның байыту туралы 7 ережесі

1 Әмиянды толтыра бастаңыз. Бұл қарапайым нәрсе, бірақ сіз ақша жинай бастауыңыз керек.
2 Шығындарыңызды бақылаңыз.
3 Дәулетті көбейтіңіз.
4 Байлығыңызды шығындардан қорғаңыз.
5 Үйіңізді табысты кәсіпорынға айналдырыңыз.
6 Болашаққа кіріс қамтамасыз етіңіз.
7 Ақша табу қабілетін жетілдіріңіз.

DAY-7. Инвестиция негіздері

Мақсаты: Қатысушыларға инвестициялау негіздерін үйретіп, өз қаржыларын тиімді түрде көбейтуді түсіндіру.
1. Инвестиция дегеніміз не?
• Анықтама: Инвестиция – бұл уақыт өте келе пайда әкелу мақсатында ақша немесе ресурстарды салу.
• Мақсаты: Ақшаны жұмыс істету арқылы байлықты көбейту.
2. Инвестиция түрлері
• Акциялар: Компания акцияларын сатып алу арқылы сол компанияның бір бөлігіне иелік ету.
• Облигациялар: Үкімет немесе компания шығарған қарыз құралына инвестициялау.
• Жылжымайтын мүлік: Тұрғын үйлер, коммерциялық ғимараттар немесе жерге инвестициялау.
• Пайлық қорлар: Көптеген инвесторлардың қаражатын жинақтап, түрлі активтерге инвестиция салатын қорлар.
• ETF (Exchange-Traded Funds): Пайлық қорларға ұқсас, бірақ биржада сатылатын қорлар.
• Криптовалюталар: Сандық валюталарға инвестициялау (мысалы, Bitcoin, Ethereum).

DAY-7.Тапсырмасы:

1. Бүгін жаратқан ақшаны жазып,есептеп жүру
2.Өзіңізге ыңғайлы инвестиция түрін таңдау

Жұмыс күндеріңізге сәттілік❤️

Бүгінгі жаңалықтар:

ҚР Ұлттық банкі $970 млн. мөлшерінде шетел валютасын сатып, ҚазАтомПром акцияларын алады.

Қазақстанның Ұлттық банкі $970 миллион мөлшерінде шетел валютасын сатуды жоспарлап отыр. Бұл сома Ұлттық қордан шетел валютасы түрінде алынатын болады және Казатомөнеркәсіп компаниясының акцияларын сатып алуға бағытталады деп хабарлады орталық банк.

Валюта сату төрт ай ішінде біркелкі жүзеге асырылатын болады. Ұлттық қор акцияларды мемлекеттік Самұрық-Қазына холдингінен сатып алады, ал қаражат бюджетке бағытталады деп хабарлаған болатын.

Нарық: