🇺🇿O‘zbekiston Respublikasi Prezidentining qarori bilan Mirmansur Mirshaxidovich Mirxamidov O‘zbekiston Respublikasi ichki ishlar vazirining birinchi o‘rinbosari – Tezkor-qidiruv departamenti boshlig‘i lavozimiga tayinlandi.

“OPER”larning yangi rahbari)

⚖️@Yurist_Akmalov☑

O’zbekiston Respublikasi Vazirlar Mahkamasining tegishli qaroro bilan, Aminova Munira Abdug‘afurovna O‘zbekiston Respublikasi Fanlar akademiyasi huzuridagi Oliy attestatsiya komissiyasi raisi etib tayinlandi.

U mazkur tayinlovga qadar Xalqaro qishloq xo‘jaligi universiteti rektori lavozimida faoliyat ko‘rsatgan.

⚖️@Yurist_Akmalov☑

OTA-ONA AJRASHSA BOLA KIMDA
QOLADI❓

✅ Oila kodeksining 75-moddasi 5-qismiga muvofiq: Ota-ona alohida yashaganda bolalarning qayerda yashashi ota-onaning kelishuviga binoan belgilanadi.

Ota-ona o‘rtasida kelishuv bo‘lmasa, nizo sud tomonidan bolalar manfaatlaridan kelib chiqib, ularning fikrini hisobga olgan holda hal etiladi. Bunda sud, bolaning ota-onadan, aka-uka, opa-singillaridan qaysi biriga bog‘lanib qolganligini, bolaning yoshini, ota-onasining axloqiy va boshqa shaxsiy fazilatlarini, ota-onaning har biri bilan bola o‘rtasidagi munosabatlarni, bolani tarbiyalash va uning kamoloti uchun shart-sharoitlar (ota-onasining mashg‘ulot turi, ish tartibi, moddiy hamda oilaviy ahvoli va boshqalar) yaratish imkoniyatini hisobga oladi.

⚖️@Yurist_Akmalov☑

25 yil — chorak asrlik umrim

Bugun ortga qarasam, 25 yil bir zumda o’tgandek tuyuladi. Lekin har bir yilning o’z sinovi, o’z saboqi va o’z quvonchi bor edi.

Jizzax, Sirdaryo, Qoraqalpog’iston va Toshkent — hayotim shu go’sha diyorlarida kechdi. Har bir maskan menga o’z saboqini berdi, har birida qadrdon insonlar, unutilmas xotiralar qoldi. Qayerda bo’lmay, yurtimizning har bir go’shasi o’z uyimdek bo’lib qoldi.

Bolaligimda tezroq katta bo’lishni orzu qilardim. Endi esa o’sha beg’ubor kunlarni sog’inib eslayman. Ulg’aygan sari tushundimki, orzuga erishish uchun faqat xohish emas, sabr, mehnat va to’g’ri insonlar kerak ekan.
Ba’zan yiqilgan paytlarim ham bo’ldi. Hammasi ham reja bo’yicha ketmadi. Ammo har safar meni qaytadan oyoqqa turg’izgan narsa Yaratganning marhamati, ota-onamning duosi va yonimdagi yaqinlarim bo’ldi.

Huquq sohasini tanlaganim hayotimdagi eng to’g’ri qarorlardan biri bo’ldi. Bakalavriat va magistraturani tamomladim, hozir esa doktoranturada ilm yo’lini davom ettiryapman. 3-darajali yurist darajasiga erishganim men uchun shunchaki unvon emas, zimmamdagi mas’uliyatning yanada ortgani hamdir. Bu kasb menga adolatli bo’lishni, insonlarning muammosiga befarq bo’lmaslikni o’rgatdi. Bir insonning haqini himoya qilib, uning ko’zidagi minnatdorlikni ko’rish men uchun har qanday mukofotdan qimmat.
Bu yo’lda menga bilim bergan ustozlarimga, har kuni yelkama-yelka ishlayotgan hamkasblarimga alohida rahmat.

Allohga beadad shukr meni shu kunlarga yetkazgani uchun. Sababchilarim - aziz ota-onam, oilam va yaqinlarim sizlarga rahmat. Hayotimdagi eng katta ne’mat sizlarsiz. Har bir yutug’im ortida sizning bedor tunlaringiz va tinimsiz duolaringiz turibdi. Alloh sizlarni boshimizda uzoq yillar omon qilsin.

Bugungi samimiy tabriklaringiz uchun sizlardan ham minnatdorman! Kanalimni, faoliyatimni kuzatib, qo’llab-quvvatlab kelayotganingiz uchun tashakkur!
Keyingi yillarim yanada mazmunli, insonlarga yanada foydali bo’lishini niyat qildim. Ilm yo’lini muvaffaqiyatli yakunlab, bilimimni yurtim va xalqim xizmatiga sarflash eng katta orzuyim. Uzoq yillar el-yurtni, xalqimizni duosini olib yurish nasib qilsin🤲

⚖️@Yurist_Akmalov☑

🗣BUGUNGI KUN HOLATIGA O‘ZBEKISTON HUDUDIDA:

✅ mehnatga haq to‘lashning eng kam miqdori – 1 360 000 so‘m;

✅ bazaviy hisoblash miqdori – 440 000 so‘m;

✅ pensiyani hisoblashning bazaviy miqdori – 504 000 so‘m;

✅ yoshga doir eng kam pensiya – 983 000 so‘m;

✅ nogironlik pensiyalari, jumladan ish staji to‘liq bo‘lmagan chog‘dagi nogironlik pensiyasining eng kam miqdori – 1 083 000 so‘m;

✅ mehnatga layoqatsiz fuqarolarga beriladigan nogironlik nafaqasi va bolalikdan nogironligi bo‘lgan shaxslarga beriladigan nafaqa – 1 083 000 so‘m;

✅ belgilangan yoshga doir eng kam pensiya miqdoridan (983 000 so‘mdan) 1 083 000 so‘mgacha pensiya oluvchilarning yoshga doir pensiyalari – 1 083 000 so‘m;

✅ zarur ish stajiga ega bo‘lmagan keksa yoshdagi fuqarolarga beriladigan nafaqa – 878 000 so‘m;

✅ ish staji to‘liq bo‘lmagan chog‘dagi yoshga doir pensiyaning eng kam miqdori qo‘shimcha to‘lovni hisobga olgan holda – 878 000 so‘mni tashkil etadi.

⚖️@Yurist_Akmalov☑

Endilikda tadbirkorlar o‘rnatgan radarlar ham xavfsizlik kamari (rement) taqmaganlik qoidabuzarligini qayd etadi❗️

Vazirlar Mahkamasining “Yo‘l harakati qoidalari buzilganligini maxsus avtomatlashtirilgan foto va video qayd etish dasturiy-texnik vositalari orqali qayd etish tizimini takomillashtirish bo‘yicha qo‘shimcha chora-tadbirlar to‘g‘risida”gi qarori (596-son, 29.10.2026 y.) qabul qilindi.

✅Qarorga ko‘ra, 2026 yil 1 noyabrdan boshlab tadbirkorlar tomonidan o‘rnatilgan yo‘l harakati qoidalari buzilganligini maxsus avtomatlashtirilgan foto va video qayd etish dasturiy-texnik vositalari orqali haydovchilarning transportni boshqarish va yo‘lovchilar tashishda xavfsizlik kamaridan foydalanish qoidalariga rioya etmaslik qoidabuzarliklarini qayd etishga ruxsat beriladi.

⏺Bunda haydovchining yuz ko‘rinishi, xavfsizlik kamaridan foydalangan yoki foydalanmaganligi yuqori sifatdagi fotosuratlarda aks ettirilishi shart.

⚖️@Yurist_Akmalov☑

1-noyabrdan chorrahagacha 50 metr va qayrilib olish joyigacha 20 metr masofada 1.1 va 1.3 chiziqlarni bosib o‘tganlik uchun bayonnoma tuzilmaydi❗️

✅Vazirlar Mahkamasining 29-oktabrdagi 596-son qaroriga ko‘ra, 1-noyabrdan chorrahagacha 50 metr, qayrilib olish joyigacha 20 metr masofada 1.1 va 1.3 yo‘l yotiq chiziqlarini bosib harakatlanganlik uchun YPX inspektorlari tomonidan ma’muriy bayonnoma tuzilmaydi.

⚖️@Yurist_Akmalov☑

🗣Diqqat: yo‘llarda mobil radarlar borligi oldindan ogohlantirilmasligi mumkin❗️

Vazirlar Mahkamasining 2025-yil 15-maydagi qaroriga ko‘ra, harakat tezligini nazorat qilishga mo‘ljallangan har qanday turdagi stasionar va mobil radarlar joylashgan hududda va ungacha kamida 250 metrdan kam hamda 500 metrdan ko‘p bo‘lmagan hududda “Radar” yo‘l belgisining o‘rnatilishi majburiy hisoblanar edi.

Hukumatning 29-oktabr sanasidagi 596-son qarorida esa ushbu talab faqat stasionar radarlargagina qo‘llaniladi, mobil radarlar borligi majburiy ogohlantirilishi haqidagi talab olib tashlangan.

P/S: Endi yo'llardagi barcha radarlardan oldin ogohlantiruvchi yo'l belgisi bo'lmasligi mumkin, belgilangan tezlikda harakatlangan ma'qul.

⚖️@Yurist_Akmalov☑

"Imarat Development" ishi yuzasidan❗️

Kompaniya Quyichirchiq tumanida ko‘p qavatli uylar qurishni rejalashtirgan. Biroq xonadonlar Toshkent shahrida qurilishini kutgan ayrim fuqarolar norozilik bildirib, to‘lagan pullarini qaytarishni talab qilgan. Ammo mablag‘lar qaytarilmagan.

Mazkur holat yuzasidan kompaniya rahbariyatiga nisbatan Jinoyat kodeksining 168-moddasi (firibgarlik) hamda 192¹¹-moddasi (nodavlat tijorat tashkilotida yoki boshqa nodavlat tashkilotida mansabdor shaxslar tomonidan oʻz vakolatlarini suiisteʼmol qilish) bo‘yicha jinoyat ishi qo‘zg‘atilgan.

“Imarat Development” qurilish loyihasi egasi Marat Hamdamov jinoyat ishida gumonlanuvchi tariqasida jalb etilgan va JPKning 227-moddasi (surishtiruvchining, tergovchining yoki prokurorning qaroriga binoan ushlab turish) tartibida ushlangan.

⚖️@Yurist_Akmalov☑