- مُبارك عليكم الشهر والله يجعلنا وياكم من صوامه وقوامه .🤍

‏عيّدكم مبارك كل عيّد وكل عام 🤍.

‏مثل ما يمحي نقى التوبة سواد الذنوب
شوفتك تمحي الجروح وينجلي باسها .

من عرف وش لذّة الحسن ما يبغى الحياة
ما يبا إلا حسن وجهك – وحسّن الخاتمة .

‏أشوف الليالي اللي تجيبه عريبة ساس
من أجزل ليال العمر ومن أبرك أعياده .

من علَّم الليله تسافر في متاهات الشروق
ما علمك إن النجوم بدون وصلك طافيه ؟
- عبدالملك الخربوش .

‏انتهى عمر المحبه و المعاتب و الطلايب
و لا بقى غير الليال المقبلات تمد يدها .

‏أعرف إن الليالي جارحة وإنك رحلت بـ حِل
طلبتك — كل ما مرِّك قصيدي ، ردِّد أبياته .

‏سلام الله على وجهٍ تمادى و أستوى بالبال
سرابه يبتسم بسمة غديرٍ وعاشقه يّظمى .

‏تداعب جفني طيوف الليالي و الليالي عوب
تراودني على ماضي – قفلت من الحزن بابه .

‏عليك من العتب طرقٍ ماهو يكتب بروس أقلام
وهاجوسٍ قديم إلى أمسوا العالم سرى ساريه .
- سعيد بن محماس .

‏حتى لو إن الأرض جرداء والسما تلفح هجير
للحين في صدري ربيع سنين و أنت أولى بها .

‏بدأ طيفك يراود ليلتي بين السفر و الحلّ
ترى ما شد عيني في هواك – الا مسافاته .

‏أنت ولو مريت بـ عمر أدمي حظه شحوح
ماعاد يبغي من عطايا الحظ حاجةٍ تقنعه .
- سعد المهلي .

على خبرك لازلت فدربك المترامي المشَّاي
بعد كل السنين اللي مَضن ليتك على خبري .

دخيل أمك وأبوك تصون سر الحب وعهوده
ترى قلبي لقى عقب الجحيم أنهار و اجناني .

أشوفك في الليال السود نورٍ يوصل لـ رجواي
وأعدك وسعة الخاطر لا منها ضاقت رحابي .
- سعد بن لويبه .

مامر قلبي من هذاك اليوم — ياغايّب سرور
‏لو كنت مدري ليه رحت ووين صارت وجهّتك .

كان لي ضحكة نسلها الله وخلّاها مجسّم
‏وبث فيها الروح واختارت وراحت عن دياري .
- سلطان الحوالي .

مو غريب إن السكون يجول في سكّة نهاري
‏الغريب إن الصخب في ليلي أحداثه – كثيره .