Nikoh statistikasi: yarim yilda 694 nafar ayol 50 yoshdan keyin turmush qurdi

O‘zbekistonda 2026-yilning yanvar–iyun oylarida 92,3 mingta nikoh qayd etildi.

Yilning birinchi yarmida qayd etilgan nikohlardagi ayollarning yosh bo‘yicha taqsimoti quyidagicha:

20 yoshgacha — 32 902 nafar;

20–30 yosh — 49 280 nafar;

31–40 yosh — 7 570 nafar;

41 yosh va undan katta — 2 562 nafar.

Shundan 694 nafar ayol nikohdan o‘tgan vaqtda 50 yosh yoki undan katta bo‘lgan.

Telegram | Live | Youtube | Instagram

Darsdan chiqarib, xonaga olib kirgan: o‘quvchiga shilqimlik qilgan texnikum xodimi ishdan olindi

Surxondaryo viloyati Jarqo‘rg‘on tumanida ishlab chiqarish ta’limi ustasi o‘ziga biriktirilgan guruhda tahsil olayotgan qizni o‘qituvchidan ruxsat olib darsdan chiqargan va kafedra xonasiga olib kirgan. U yerda o‘quvchiga nisbatan shahvoniy tusdagi harakatlarni sodir etgan. Qiz qarshilik ko‘rsatib, xonadan chiqib ketgan.

Shu kuni darslar tugagach, xodim boshqa raqamdan qo‘ng‘iroq qilib, o‘zini boshqa ism bilan tanishtirgan va o‘quvchini sport zaliga chaqirgan. Qiz u yerga borganida unga yana shilqimlik qilgan.

Voyaga yetmagan o‘quvchiga shilqimlik qilgan texnikum xodimi ishdan bo‘shatildi. Holat yuzasidan o‘tkazilgan xizmat o‘rganishi natijasida yana ikki rahbar va psixolog lavozimidan ozod etilgan, uch nafar xodimga hayfsan berilgan.

Telegram | Live | Youtube | Instagram

O‘zbekistonda ham o‘lat kuzatilishi mumkinmi?

Rossiyaning Irkutsk viloyatida 28 yoshli laboratoriya xodimi vafot etgani ortidan ko‘pchilikda xavotir paydo bo‘ldi. Rossiya tomoni esa o‘lat tarqalgani haqidagi xabarlarni rad etdi.

Xo‘sh, vaziyat aslida qanday? Bu kasallik chindan ham xavflimi? Xavotirli xabarlardan so‘ng O‘zbekistonda ham zarur choralar ko‘rila boshlandimi?

👉 BATAFSIL VIDEODA KO‘RISH

Telegram | Live | Youtube | Instagram

Soxta qatnov, qimmat chipta va aldangan yo‘lovchilar: Transport vazirligi ogohlantirdi
 
Vazirlik ma’lumotiga ko‘ra, so‘nggi vaqtlarda ijtimoiy tarmoqlar hamda YouTube kanallarida «Uzautotrans Service» kompaniyasi avtobuslarining foto va videolaridan foydalanib, soxta qatnov e’lonlarini joylashtirish holatlari kuzatilmoqda.
 
Firibgarlar yo‘lovchilarga ularni kompaniyaning avtobuslari orqali Toshkentga jo‘natishlarini aytib, tegishli reyslar uchun kassalarda chipta qolmaganini vaj qilishadi. Shundan so‘ng chiptalarni bevosita o‘zlaridan bir necha barobar qimmat narxda sotib olishni taklif etishadi. Ayrim yo‘lovchilar esa chipta xarid qilganidan keyin noqonuniy faoliyat yurituvchi avtobuslarga chiqarib yuborilmoqda.
 
Transport vazirligi ma’lumotiga ko‘ra, «Uzautotrans Service» kompaniyasi Moskva shahridagi «Novoyasenevskaya» va «Kotelniki» avtostansiyalaridan Toshkent avtovokzaliga haftaning dushanba va payshanba kunlari avtobus qatnovlarini amalga oshiradi.

Telegram | Live | Youtube | Instagram

Sakkizta tinchlik bo'yicha Nobel mukofotini olishim kerak edi — Tramp

AQSh Prezidenti Donald Tramp tinchlik bo'yicha Nobel mukofotiga sazovor bo‘lmagani yuzasidan norozilik bildirdi. U Truth Social ijtimoiy tarmog‘idagi sahifasida aslida sakkizta Nobel tinchlik mukofotini olishi kerak bo‘lganini ta’kidladi.

«Aslida men bitta emas, sakkizta tinchlik bo'yicha Nobel mukofotini olishim kerak edi», — deb yozdi Tramp.

Tramp yozishicha, u sakkizta urushni hal qilishga erishgan va yana ikkita mojaroni yakunlashga yaqin turibdi.

Telegram | Live | Youtube | Instagram

Daraxtkush kim va nima maqsadda qo‘pordi?

Bo‘stonliq tumanida ikki gektar maydondagi 586 tup daraxt va buta shunchaki kesib tashlanmagan, balki ildizi bilan qo‘porilgan. Oqibatda tabiatga 1 milliard 705 million 660 ming so‘m zarar yetkazilgan.

👉 BATAFSIL VIDEODA KO‘RISH

Telegram | Live | Youtube | Instagram

Ba’zi joylarda yomg‘ir yog‘adi: havo harorati 32 darajagacha bo‘ladi

Bugun kunduzi ba’zi joylarda yomg‘ir yog‘adi, Toshkent viloyatida va Farg‘ona vodiysida yog‘ingarchilik kutilmaydi. Shamol 7-12 m/s tezlikda esadi, ba’zi joylarda chang-to‘zonlar bilan 15-20 m/s gacha kuchayadi. Harorat 22-27°,  janubda 32° gacha bo‘ladi.

Poytaxtda yog‘ingarchilik kutilmaydi. Shamol 3-8 m/s tezlikda esadi, 10-12 m/s gacha kuchayishi, ayrim joylarda chang-to‘zonlar bilan kuzatilishi mumkin. Harorat 25-27° bo‘ladi.

Tog‘li hududlarda ba’zi joylarda yomg‘ir yog‘adi. Sel-suv toshqin hodisalari yuzaga kelishi mumkin.  Shamol 7-12 m/s tezlikda esadi. Harorat 15-20° bo‘ladi.

Telegram | Live | Youtube | Instagram

"Bizga hujum qilmang, bolalarimizni o‘ldirmang. Biz dizelingizga hujum qilishni to‘xtatamiz. Fikrimcha, bu adolatli kelishuv hisoblanadi" — Ukraina prezidenti Volodimir Zelenskiy.

Telegram | Live | Youtube | Instagram

Ayrim hududlarda yomg’ir yog’adi: harorat 28 darajagacha boʻladi

Oʻzgidromet ma’lumotiga koda, bugun kunduzi ba’zi joylarda yomg‘ir yog‘adi, Qoraqalpog‘iston Respublikasi, Xorazm viloyatida yog‘ingarchilik kutilmaydi. Shamol 7-12 m/s tezlikda esadi. Harorat 18-23°, janubda 28° gacha bo‘ladi.
 
Poytaxtda vaqti-vaqti bilan yomg‘ir yog‘adi. Shamol 3-8 m/s tezlikda esadi. Harorat 19-21° bo‘ladi.
 
Tog’li hududlarda vaqti-vaqti bilan yomg‘ir yog‘adi, ba’zi joylarda kuchli bo‘ladi. Baland tog‘larda qorga aylanishi mumkin. Sel-suv toshqin hodisalari yuzaga kelishi mumkin. Shamol 7-12 m/s tezlikda esadi. Harorat 7-12° bo‘ladi.

Telegram | Live | Youtube | Instagram

Derazasiz samolyot: noodatiy layner yaratilmoqda

Skat baliq shaklini eslatuvchi Z4 samolyoti 250 nafarga yaqin yo‘lovchini tashishi va yoqilg‘i sarfini 50 foizgacha kamaytirishi mumkin.

Telegram | Live | Youtube | Instagram

Bugun Prezident Shavkat Mirziyoyev Yangi Toshkentga tashrif buyurib, bu yerda yirik loyihalarni amalga oshirayotgan investor va tadbirkorlar bilan uchrashuv o‘tkazadi. Tadbir doirasida davlatimiz rahbari Yangi Toshkent hududidagi bir qator obyektlarni ishga tushirish va qurilishini boshlash marosimida ishtirok etadi.

Telegram | Live | Youtube | Instagram

Yangi Toshkentda har oy ochiq muloqot o‘tkaziladi

“Qurilish sohasi bo‘yicha o‘zgarishlar bo‘ldi desak, loyihalashtirish bo‘yicha, arxitektura bo‘yicha shoshilmadik, ochiq gap, izlandik. Lekin hali o‘rganishimiz kerak bo‘lgan narsalarimiz juda ko‘p.

Qurilishning eng katta maʼno-mazmuni bir narsaga bog‘liq. Bizga 100 yildan keyin ham odamlar to‘g‘ri baho berishi kerak”, — dedi Prezident.

Shuningdek, davlat rahbari Yangi Toshkentda har oyda bir marta ochiq muloqot o‘tkazilishini maʼlum qildi.

Telegram | Live | Youtube | Instagram