Ayrim hududlarda yomg’ir: harorat 20 darajagacha koʻtariladi

Oʻzgidromet xabariga koʻra, bugun kunduzi yog‘ingarchilik kutilmaydi, faqat Navoiy, Samarqand, Jizzax, Qashqadaryo, Surxondaryo viloyatlarining ayrim joylarda yomg‘ir yog‘ishi mumkin. Shamol 7-12 m/s tezlikda esadi. Havo harorati 17-22° iliq, shimolda 13-18° iliq bo‘ladi.
 
Poytaxtda yog‘ingarchilik kutilmaydi. Shamol 3-8 m/s tezlikda esadi. Havo harorati 18-20° iliq bo‘ladi.
 
Tog‘oldi va tog‘li hududlarning ba’zi joylarda yomg‘ir yog‘ishi, baland tog‘li hududlarda qorga aylanishi mumkin. Shamol 7-12 m/s tezlikda esadi. Havo harorati 10-15° iliq bo‘ladi.

Telegram | Live | Youtube | Instagram

Microsoft’da yangi taklif: 60 ming xodimga ishdan ketish uchun pul taklif qilinmoqda

Kompaniya sun’iy intellektga milliardlab dollar sarflayotgan bir paytda joriy etilgan ushbu dastur belgilangan talablarga javob beradigan xodimlarga taalluqli.

Telegram | Live | Youtube | Instagram

64 ming USDTlik litsenziyasiz kripto-savdo: talaba ustidan jinoyat ishi qo‘zg‘atildi

Ma’lum qilinishicha, Toshkent tumanida yashovchi, 2008-yilda tug‘ilgan fuqaro 2025-yil dekabridan 2026-yil oktabrigacha “Bitget” kripto-birjasi platformasida litsenziyasiz faoliyat yuritgan. U turli tranzaksiyalar orqali jami 64 715 USDT miqdoridagi kripto-aktivlar oldi-sotdisini amalga oshirgan.

Shuningdek, mazkur shaxs “Telegram” messenjeri orqali xorijiy davlatlarning 140 ta virtual telefon raqamini sotish bilan ham shug‘ullangani aniqlangan. Uning kripto-hamyonida 450 USDT mavjudligi ham qayd etilgan.

Hozirda mazkur holat yuzasidan jinoyat ishi qo‘zg‘atilib, tergov harakatlari olib borilmoqda.

Telegram | Live | Youtube | Instagram

Tailandga 15 kun vizasiz kirish: O‘zbekiston ham ro‘yxatda

Tailand rasmiylari O‘zbekiston, Kolumbiya va Meksika fuqarolari uchun 15 kunlik vizasiz rejim joriy etishni taklif qilmoqda. Tashabbus viza rasmiylashtirishdagi kechikishlarni bartaraf etish va uzoq masofadan keladigan sayyohlar oqimini oshirishga qaratilgan.

Telegram | Live | Youtube | Instagram

Prezident Shavkat Mirziyoyev:

“Inson uchun eng bebaho boylik – uning salomatligi. Shu bois, inson salomatligini asrashni islohotlarimizning eng muhim yo‘nalishlaridan biri etib belgilaganmiz”.

Telegram | Live | Youtube | Instagram

Prokuraturaga 299 mingdan ortiq murojaat kelib tushdi: qariyb 56 ming fuqaroning huquqi tiklandi

O‘zbekistonda 2026-yilning yanvar–sentyabr oylarida prokuratura organlari tomonidan 55 898 nafar fuqaroning buzilgan huquqlari tiklandi. Hisobot davrida fuqarolar va tashkilotlardan jami 299 649 ta murojaat kelib tushgan.

Tushgan murojaatlarning 178 493 tasi yoki 59,5 foizi bevosita prokuratura organlarida ko‘rib chiqilgan. Shulardan 50 087 tasi qanoatlantirilgan, 126 058 tasi bo‘yicha huquqiy tushuntirish berilgan.

Telegram | Live | Youtube | Instagram

Yevropani egallayotgan o‘zbeklar: kim qayerda to‘p suryapti?

O‘zbekiston futbolchilari Yevropaning nufuzli klublariga yo‘l olmoqda. Abduqodir Husanov "Manchester City"da, Abbosbek Fayzullayev Turkiyada, yana bir qator yosh futbolchilar esa Portugaliya, Shveysariya va Belgiyada o‘z imkoniyatlarini sinab ko‘rmoqda.

Ammo Yevropaga transferning o‘zi muvaffaqiyat degani emas. Futbolchilar yangi jamoalarida qancha o‘yin amaliyotiga ega? Kim asosiy tarkibga yaqin, kim esa hali rivojlanish bosqichida?

👉 BATAFSIL VIDEODA KO‘RISH

Telegram | Live | Youtube | Instagram

Toshkentda 6 kishi is gazidan vafot etdi: holat yuzasidan jinoyat ishi qoʻzg’atilgan

2026-yil 25-oktyabr kuni Toshkent shahrining Mirzo Ulug‘bek tumanidagi xususiy uyda is gazidan zaharlanish oqibatida 6 kishi vafot etdi, yana ikki kishi og‘ir ahvolda shifoxonaga yotqizildi.

Dastlabki ma’lumotlarga ko‘ra, hodisa qurilish-ta’mirlash ishlari olib borilayotgan uyda sodir bo‘lgan. Aniqlanishicha, uyning yerto‘lasiga o‘rnatilgan isitish qozoni xavfsizlik talablariga javob bermagan. Shuningdek, gaz tarmog‘iga belgilangan tartibda tegishli texnik shartlarsiz ulanish holati aniqlangan.

Mazkur holat yuzasidan Mirzo Ulug‘bek tumani prokuraturasi tomonidan Jinoyat kodeksining 116, 257 va 205-moddalari bilan jinoyat ishi qo‘zg‘atilgan.

Telegram | Live | Youtube | Instagram

Ispaniyada ikkita tezyurar poyezd to‘qnashdi: 46 kishi halok bo‘ldi

Ispaniyaning markaziy qismida ikkita yo‘lovchi poyezdi to‘qnashishi oqibatida kamida 46 kishi halok bo‘ldi. Mahalliy hokimiyat hodisani ko‘plab qurbonlarga sabab bo‘lgan jiddiy avariya deb atadi.

ABC News xabariga ko‘ra, Madrid–Sevilya yo‘nalishida harakatlangan poyezd xususiy Iryo operatoriga tegishli poyezd bilan to‘qnashgan. Hodisa oqibatida to‘rtta vagon relsdan chiqib, to‘g‘onga qulagan.

Telegram | Live | Youtube | Instagram

O‘zbekiston bilan chegarada yangi talab: Qozog‘iston chegarasida navbat band qilish pulli bo‘ladi

2026-yil 9-noyabrdan boshlab Qozog‘istonning O‘zbekiston bilan chegarasidagi uchta nazorat-o‘tkazish punktida elektron navbatni band qilish uchun 20 AEK, ya’ni 86 500 tenge miqdorida kafolat puli to‘lash talab etiladi.

Yangi tartib xalqaro yuk tashuvchilarga tegishli bo‘lib, “Kazygurt”, “B. Konysbayeva” va “Atameken” nazorat-o‘tkazish punktlarida amal qiladi.

Elektron navbatni band qilish uchun tashuvchining maxsus elektron hisobida belgilangan miqdorda mablag‘ bo‘lishi kerak. Agar transport vositasi belgilangan vaqtda nazorat-o‘tkazish punktiga yetib kelsa, depozit tashuvchiga avtomatik ravishda to‘liq qaytariladi.

Biroq tashuvchi 90 kalendar kun ichida belgilangan vaqtda ketma-ket ikki marta nazorat-o‘tkazish punktiga kelmasa, kafolat puli qaytarilmaydi va davlat budjetiga o‘tkaziladi.

Telegram | Live | Youtube | Instagram

Taniqli jurnalist Ozod Hamidxo‘jayev vafot etdi

Taniqli jurnalist, “O‘zbekiston 24” telekanali sharhlovchisi Ozod Hamidxo‘jayev vafot etdi.

Ozod Hamidxo‘jayev ko‘p yillik jurnalistik faoliyati, “Tahlilnoma” ko‘rsatuvi hamda “Axborot” informatsion dasturidagi samarali mehnati bilan tanilgan. U telejurnalistika rivojiga munosib hissa qo‘shgan ijodkor sifatida hamkasblari va tomoshabinlar qalbidan joy olgan.

Zamon.uz jamoasi marhumning oila a’zolari va yaqinlariga chuqur hamdardlik bildiradi.

Telegram | Live | Youtube | Instagram

4 ming dollarlik noqonuniy savdo: uch kishi qo‘lga olindi

Toshkent shahri Yangihayot tumanida Ichki ishlar vazirligi Tezkor-qidiruv departamenti va uning hududiy bo‘limlari hamda Davlat xavfsizlik xizmati xodimlari hamkorligida tezkor tadbir o‘tkazildi.

Tadbir davomida 1995-yilda Samarqand viloyatida tug‘ilgan erkak, 1994-yilda tug‘ilgan ayol va 2000-yilda tug‘ilgan yigit oq rangli “Gentra” avtomobilida 672 dona kuchli ta’sir qiluvchi “Regapen” dori vositasini 4 ming AQSh dollariga sotayotgan vaqtda qo‘lga olindi.

Ma’lumotlarga ko‘ra, 1995-yilda tug‘ilgan shaxs narkotik moddalar savdosida yirik sotuvchi vazifasini bajargan, uning sheriklari esa narkosavdo bilan shug‘ullangan.

Telegram | Live | Youtube | Instagram

Prezident Shavkat Mirziyoyev poyezdlar to‘qnashuvi munosabati bilan Ispaniya qiroliga hamdardlik bildirdi

O‘zbekiston Prezidenti Shavkat Mirziyoyev Ispaniyaning Toledo provinsiyasida poyezdlar to‘qnashuvi oqibatida ko‘plab insonlar halok bo‘lgani va jarohat olgani munosabati bilan Ispaniya qiroli Felipe VI ga hamdardlik yo‘lladi.

Davlat rahbari Ispaniya xalqiga, halok bo‘lganlarning oila a’zolari va yaqinlariga ta’ziya izhor etib, jarohatlanganlarning tezroq sog‘ayib ketishini tiladi.

Telegram | Live | Youtube | Instagram

Shavkat Mirziyoyev amaliy tashrif bilan Turkiyaga boradi

Oʻzbekiston Respublikasi Prezidenti Shavkat Mirziyoyev Turkiya Respublikasi Prezidenti Rejep Tayyip Erdogʻanning taklifiga binoan 29-30-oktyabr kunlari rasmiy tashrif bilan ushbu mamlakatda boʻladi. Davlat rahbari Turkiy davlatlar tashkilotining Anqara shahrida bo‘lib o‘tadigan navbatdagi sammitida ishtirok etadi.

Telegram | Live | Youtube | Instagram

Putin bilan muloqot: Yevropa Rossiyaga nisbatan yondashuvini o‘zgartiryaptimi?

Rossiyaning Ukrainaga qarshi urushi Yevropa davlatlarining keskin noroziligiga sabab bo‘ldi. Yevropa mamlakatlarining aksariyati Moskvaga qarshi keng ko‘lamli sanksiyalar joriy etib, Rossiyani xalqaro maydonda yakkalashga harakat qildi.

Biroq urush davom etayotgan bir paytda Yevropa yetakchilarining o‘zi ham Vladimir Putin bilan to‘g‘ridan to‘g‘ri muloqot qilish imkoniyatlarini ko‘rib chiqmoqda.

Xo‘sh, nega aynan hozir? Bu Rossiyaga nisbatan Yevropa siyosatining o‘zgarayotganidan dalolatmi yoki urushni to‘xtatish yo‘lida diplomatik muloqotning ahamiyati tobora ortib borayotganini anglatadimi?

👉 BATAFSIL VIDEODA KO‘RISH

Telegram | Live | Youtube | Instagram

Ayrim hududlarda yomg’ir: harorat 22 darajagacha koʻtariladi

Oʻzgidromet ma’lumotiga koʻra, bugun kunduzi yog‘ingarchilik kutilmaydi, faqat Toshkent, Sirdaryo viloyatlarida
va Farg‘ona vodiysida ertalab ayrim joylarda yomg‘ir yog‘ishi mumkin. Shamol 7-12 m/s tezlikda esadi. Havo harorati 17-22° iliq, shimolda 13-18° iliq bo‘ladi.
 
Poytaxtda ertalab yomg‘ir yog‘ishi mumkin, kunduzi yog‘ingarchilik kutilmaydi. Shamol 3-8 m/s tezlikda esadi. Havo harorati 18-20° iliq bo‘ladi.
 
Tog‘oldi va tog‘li hududlarning ba’zi joylarida yomg‘ir yog‘adi, baland tog‘li hududlarda qorga aylanishi mumkin.  Ba’zi joylarga tuman tushishi mumkin. Shamol 7-12 m/s tezlikda esadi. Havo harorati 11-16° iliq bo‘ladi.

Telegram | Live | Youtube | Instagram

Yangi o‘zbek alifbosi niqobi: klaviatura orqali bank kartalaridagi pullar o‘g‘irlanmoqda

Yangi o‘zbek alifbosida yozish uchun taklif qilinayotgan klaviatura ilovasi bank kartasidagi pullardan ayrilishga sabab bo‘lishi mumkin.

Telegram | Live | Youtube | Instagram