Bugun Prezident Shavkat Mirziyoyev Ko‘ksaroy qarorgohida sog‘liqni saqlash va farmatsevtika sohasi xodimlari bilan uchrashuv o‘tkazadi hamda Olimpiya shaharchasiga tashrif buyurib, Prezident Olimpiadasining ochilish marosimida ishtirok etadi.

Telegram | Live | Youtube | Instagram

Uchtepadagi yong‘in ortida qotillik: ayol qasddan o‘ldirilgani ma’lum bo‘ldi

Toshkent shahrining Uchtepa tumanida xonadonlardan birida sodir bo‘lgan yong‘inda halok bo‘lgan ayol qasddan o‘ldirilgani ma’lum bo‘ldi.

2026-yil 24-oktyabr kuni soat 02:00 larda Uchtepa tumanidagi xonadonlardan birida yong‘in sodir bo‘lgan. Hodisa joyida ushbu xonadonda yashagan, 2000-yil 30-mayda tug‘ilgan ayolning jasadi aniqlangan. Uning tanasida yelka qismidan son-oyoq sohasigacha termik jarohatlar bo‘lgan.

Tekshiruv davomida oshxona, yotoqxona va mehmonxonada bir-biriga bog‘liq bo‘lmagan uchta yong‘in o‘chog‘i, shuningdek, qasddan o‘t qo‘yish alomatlari aniqlangan.

Telegram | Live | Youtube | Instagram

Universitetga o‘qishga kiritish va’dasi: 18 mln so‘m olayotgan shaxs qo‘lga tushdi

Namangan shahrida fuqaroni nodavlat oliy ta’lim muassasasiga o‘qishga kiritib qo‘yishni va’da qilib, 18 million so‘m talab qilgan shaxs ushlandi.

Ma’lum qilinishicha, gumonlanuvchi fuqaroni Andijon iqtisodiyot va pedagogika universitetining 3-kursiga o‘qishga kiritib qo‘yishini aytib, buning evaziga 18 million so‘m so‘ragan. Gumonlanuvchi kelishilgan pulni olayotgan vaqtida ashyoviy dalillar bilan ushlangan.

Telegram | Live | Youtube | Instagram

O‘zbekistonda tibbiy xizmatlar hajmi uch baravar oshdi

Prezident Shavkat Mirziyoyevning tibbiyot va farmatsevtika sohasi xodimlari bilan uchrashuvi boshlandi. Davlat rahbari ularni kasb bayrami bilan tabriklab, mehnati uchun minnatdorlik bildirdi.

So‘nggi 10 yilda 10 million aholiga xizmat ko‘rsatadigan yangi poliklinika va shifoxonalar ishga tushirildi, 58 mingta shifo o‘rni yaratildi. Tibbiy xizmatlar hajmi esa uch baravar oshdi.

Ilgari chet elda bajarilgan tug‘ma yurak nuqsonlari operatsiyalari, a’zolar transplantatsiyasi, robot jarrohligi va bosh miyadagi murakkab amaliyotlar kabi yuzdan ortiq turdagi tibbiy xizmatlar bugun O‘zbekistonda ham amalga oshirilmoqda.

Prezident bu natijalarda tibbiyot xodimlarining bilim va mahorati muhim o‘rin tutayotganini ta’kidladi.

Telegram | Live | Youtube | Instagram

Tibbiyotda sun’iy intellekt shifokor va hamshiralarga ko‘makchi bo‘ladi

“Yaqinda bu tizimni sun’iy intellekt imkoniyatlari bilan yanada boyitib, shifokor va hamshiralarning haqiqiy ko‘makchisiga aylantiramiz”,

— dedi Prezident Shavkat Mirziyoyev.

Shuningdek, farmatsevtika mahsulotlarining 70 foizini ichki imkoniyatlar hisobidan qoplash maqsad qilingan. So‘nggi yillarda 1 milliard dollarlik 330 ta yangi quvvat ishga tushirildi. Farmatsevtika zonalarida 1,2 milliard dollarlik loyihalar amalga oshirilmoqda.

Telegram | Live | Youtube | Instagram

Tibbiyot xodimlari uchun Ibn Sino nomidagi davlat mukofoti ta’sis etilishi taklif qilindi

Prezident Shavkat Mirziyoyev tibbiyot va farmatsevtika sohasidagi o‘zgarishlarda 800 mingdan ziyod xodimning munosib hissasi borligini ta’kidladi.

Uchrashuvda soha fidoyilarining bir guruhi davlat mukofotlari bilan taqdirlandi. Ular orasida tibbiyot xodimlari, tadbirkorlar va xorijlik hamkorlar ham bor.

Shuningdek, inson salomatligini asrash va ilg‘or davolash usullarini joriy etishda o‘rnak bo‘layotgan tibbiyot xodimlari uchun Ibn Sino nomidagi alohida davlat mukofotini ta’sis etish tashabbusi ilgari surildi.

Telegram | Live | Youtube | Instagram

Tibbiyot talabalari haftasiga uch kun bemorlar bilan ishlashni o‘rganadi

“Qancha zamonaviy klinikalar qurmaylik, eng so‘nggi uskunalarni olib bermaylik, malakali xodimlarsiz natija bo‘lmaydi”,

— dedi Prezident Shavkat Mirziyoyev.

Shu bois, kelasi yildan tibbiyot talabalari haftasiga uch kun bemorlar bilan ishlashni o‘rganadi. Bitiruvchilar esa oxirgi o‘quv yilida to‘liq tibbiyot muassasasida amaliyot o‘taydi.

Bakalavriatni tugatgan hamshira va tibbiyot og‘alariga 1,5 million so‘m, magistratura bitiruvchilariga 2,5 million so‘m qo‘shimcha ustama to‘lanadi. Oilaviy shifokorlik bo‘yicha tor soha mutaxassislari uchun ustama 5,5 million so‘m bo‘ladi.

Telegram | Live | Youtube | Instagram

2027-yildan tibbiyot rezidenturasi bepul bo‘ladi

2027-yildan oliygohlarda tor soha mutaxassisligi bo‘yicha o‘qish — rezidentura bepul bo‘ladi. Talabalarga 3 million so‘m stipendiya to‘lanadi.

Rezidentura yo‘nalishga qarab ikki yildan besh yilgacha davom etadi. Oilaviy shifokorlik bo‘yicha o‘qish ikki yil, jarrohlik bo‘yicha esa besh yil bo‘ladi.

Shuningdek, tibbiyotga oid ilmiy tadqiqotlarning 80 foizi oliygohlar klinikalarida o‘tkazilishi belgilandi. Tadqiqotlarda tashxis aniqligini oshirish, davolash samarasini yaxshilash va asoratlarni kamaytirishga e’tibor qaratiladi.

Telegram | Live | Youtube | Instagram

Tibbiyot xodimlarining malaka oshirish xarajatlari to‘liq qoplanadi

“Tibbiyot xodimlari doim o‘z ustida ishlashi, yangiliklardan ortda qolmasligi kerak!”

— dedi Prezident Shavkat Mirziyoyev.

Shu bois, tibbiyot xodimlari malaka oshirish joyini mustaqil tanlaydi. Birlamchi bo‘g‘in va tumanlardagi xodimlarning malaka oshirish xarajatlari davlat tomonidan to‘liq qoplanadi.

Natijada tumanlarda ishlaydigan 130 ming tibbiyot xodimining har yili 100 milliard so‘m mablag‘i o‘zida qoladi.

Telegram | Live | Youtube | Instagram

Xorijda tajriba orttirgan shifokorlarga 50 million so‘mgacha ustama to‘lanadi

“Biz ularni o‘zimizdagi shifoxonalarga olib kelib, Yangi O‘zbekiston tibbiyotida o‘z maktabini yaratishiga xizmat qiladigan yangi tizimni yo‘lga qo‘yamiz”,

— dedi Prezident Shavkat Mirziyoyev.

Xorijiy klinikalarda tajriba to‘plagan vatandosh shifokorlarga oyiga 50 million so‘mgacha ustama to‘lanadi. Ularning ish joylari zamonaviy uskunalar bilan jihozlanadi, o‘z jamoasini shakllantirish hamda xorijiy hamkasblari bilan tajriba almashish xarajatlari qoplanadi.

Bu ishlar dastlab 26 ta ixtisoslashgan markazda boshlanadi. Kelasi yili har bir markaz 5–10 nafardan vatandosh shifokorni jalb qiladi.

Telegram | Live | Youtube | Instagram

Tibbiyot xodimlariga uy-joy va qo‘shimcha ustamalar bo‘yicha imtiyozlar beriladi

Shavkat Mirziyoyev shifokor mehnatining qadri haqida so‘z yuritib, Abdurauf Fitratning “Insonga xizmat qilgan har bir soha muqaddas, ammo inson sog‘lig‘iga xizmat qilgan soha – ulug‘roqdir” degan so‘zlarini esladi.

Tizimda kamida 15 yil ishlagan xodimlarning ipoteka kreditining bir qismini qoplash uchun 50 milliard so‘m ajratildi. Kelasi yili ushbu imkoniyat orqali 1 ming nafar tibbiyot xodimi yangi uyga ko‘chib o‘tadi. Shuningdek, har yili 500 nafar yosh tibbiyot xodimining ipoteka krediti boshlang‘ich badalining 25 foizi qoplab beriladi.

Kelgusi yildan olis hududlarda ishlaydigan shifokorlarning oylik ustamasi 2 million so‘mdan 4,5 million so‘mga oshiriladi. Bunday hududlarga ishga kirgan shifokorlarga 50 million so‘m bir martalik rag‘bat puli ham beriladi.

Telegram | Live | Youtube | Instagram

Saida Mirziyoyevaning sa’y-harakatlari tufayli Apple Pay va Google Pay tizimlari O‘zbekiston to‘lov tizimlariga integratsiya qilindi

Mazkur xizmatlarning joriy etilishi fuqarolar va xorijiy mehmonlarga smartfon orqali kontaktsiz to‘lovlarni amalga oshirish imkoniyatini kengaytiradi. Bu kundalik hisob-kitoblarni soddalashtirish, naqd pulga ehtiyojni kamaytirish va sayyohlar uchun qo‘shimcha qulayliklar yaratishga xizmat qiladi.

Telegram | Live | Youtube | Instagram

Rashk ortidagi fojia: ona va besh yoshli qiz hayotdan ko‘z yumdi
 
Rashk va oilaviy kelishmovchiliklar mudhish fojiaga sabab bo‘ldi. 29 yoshli ayol sharʼiy nikohdagi turmush o‘rtog‘ining qonuniy rafiqasi va uning ikki nafar voyaga yetmagan qiziga pichoq bilan hujum qildi. Oqibatda ona va uning besh yoshli qizi vafot etdi. Uch yoshli qizaloq esa og‘ir jarohat oldi.

Jinoyat ishi sudda ko‘rib chiqilib, sudlanuvchiga nisbatan hukm o‘qildi. Ammo bu fojia ortida bir oilaning singan taqdiri va farzandlar kelajagiga tushgan og‘ir soya qoldi.

👉 BATAFSIL VIDEODA KO‘RISH

Telegram | Live | Youtube | Instagram

Qirg‘izistonda hududiy boshqaruv o‘zgaradi: viloyat va tumanlar tugatiladi

Qirg‘izistonda ma’muriy-hududiy islohotlarning ikkinchi bosqichi doirasida mavjud viloyat va tumanlarni tugatib, ular o‘rniga 20 dan ortiq yirik ma’muriy hudud tashkil etish rejalashtirilmoqda.

Yangi tizimda tumanlardan kattaroq, ammo viloyatlardan kichikroq hududlar — okruglar tashkil etilishi ko‘zda tutilgan. Natijada hozirgi 40 dan ortiq tuman o‘rniga 20 dan ortiq okrug faoliyat yuritishi mumkin.

Telegram | Live | Youtube | Instagram

Yuk mashinasidagi yashirin yuk: O‘zbekistonga 20 kg dan ortiq olib kirilgan opiy fosh etildi

Ma’lum qilinishicha, Fors ko‘rfazi mamlakatlaridan birining 1971-yilda tug‘ilgan fuqarosi shaxsi hozirda aniqlashtirilayotgan qo‘shni davlat fuqarosi bilan til biriktirib, o‘zi boshqaruvidagi “Renault” rusumli yuk avtomashinasida giyohvandlik vositasini xorijdan O‘zbekistonga olib kirgan.

Samarqand viloyat bojxona va ichki ishlar boshqarmalari bilan hamkorlikda o‘tkazilgan tadbir davomida xorijlik fuqaro vaqtincha yashab turgan Ishtixon tumanidagi uy ko‘zdan kechirilgan. Natijada sof og‘irligi 20 kg 239 gramm bo‘lgan ekstraksiyalangan opiy aniqlanib, protsessual tartibda olib qo‘yilgan.

Qayd etilishicha, narkotik modda yuk avtomashinasining maxfiy joyiga hamda ikkita akkumulyator ichiga yashirilgan holda olib kelingan.

Telegram | Live | Youtube | Instagram

OTMga imtihonsiz qabul: Prezident Olimpiadasi g'oliblari uchun yangi imtiyoz belgilanmoqda

Kelasi yildan Prezident Olimpiadasi sovrindorlarining pul mukofotlari 2,5 baravar oshiriladi. Shuningdek, musobaqa dasturi kengaytirilib, g‘oliblar uchun stipendiya va xorijdagi mashg‘ulot yig‘inlarida qatnashish imkoniyati yaratiladi.

Olimpiadada g'olib boʻlib, O'zbekiston rekordini yangilagan maktab bitiruvchilari oliygohlarning sport yo'nalishlariga imtihonsiz, davlat granti asosida qabul qilinadi.

Telegram | Live | Youtube | Instagram

Toshkentda havo sifati yomonlashishi mumkin: kechasi noqulay daraja kutilmoqda

27-oktyabrdan 28-oktyabrga o‘tar kechasi poytaxtda havo sifati yomonlashishi kutilmoqda.

Prognozlarga ko‘ra, kechki va tungi soatlarda havo sifati xalqaro AQI indeksi bo‘yicha “noqulay”, milliy havo sifati indeksi bo‘yicha esa asosan “sariq” darajada bo‘lishi mumkin.

Atmosfera havosi sifati Maxsus komissiya tomonidan doimiy monitoring qilib borilmoqda.

Telegram | Live | Youtube | Instagram

O‘zbekiston demografiyasi raqamlarda: aholi soni, nikohlar va migratsiya ko‘rsatkichlari

2026-yil 1-oktyabr holatiga ko‘ra, O‘zbekistonning doimiy aholisi 39 million 535,2 ming kishini tashkil etdi. Shundan 20 million 14 ming nafari erkaklar, 19 million 521,2 ming nafari ayollardir.

Aholining 21,5 million nafardan ortig‘i shaharlarda, 18 million nafari esa qishloqlarda yashaydi.

Milliy statistika qo‘mitasi ma’lumotlariga ko‘ra, 2026-yilning yanvar–sentyabr oylarida mamlakatda 172 mingta nikoh qayd etilgan, 36,8 mingta nikohdan ajralish holati ro‘yxatga olingan.

Tashqi migratsiya bo‘yicha esa to‘qqiz oyda 2 114 kishi xorijdan O‘zbekistonga ko‘chib kelgan, 6 398 kishi esa mamlakatdan chet elga ko‘chib ketgan.

Ma’lumotlar 2026-yilda o‘tkazilgan aholi va qishloq xo‘jaligini ro‘yxatga olish natijalari asosida hisoblangan.

Telegram | Live | Youtube | Instagram