Har bir viloyatga ham Yangi Toshkentdan 100 gektardan yer ajratiladi

Prezident Shavkat Mirziyoyev har bir viloyatga Yangi Toshkent hududidan 100 gektardan yer berilishini ma’lum qildi.

Viloyat hokimlari o‘z hududlari uchun ishlab chiqilgan loyiha va arxitektura yechimlarini Prezidentga taqdim etib, tasdiqlatganidan keyin qurilishni boshlaydi. Shuningdek, viloyat hokimlari har oy 5 kun Yangi Toshkentda ishlaydi.

“Bu Yangi O‘zbekiston, bu tarix. 50 yil, 100 yildan keyin odamlar: ‘Otasiga rahmat, o‘sha «komanda» shunday zamin yaratib ketgan ekan’, degan fikrda bo‘lishi kerak”,

— dedi Prezident.

Telegram | Live | Youtube | Instagram

“Toshkent turizm maskani bo‘ladi” — Prezident

O‘zbekiston 20 mln turist jalb qilishni maqsad qilgan. Prezident Toshkentning ochiqligi, xavfsizligi va yaratilgan sharoitlarni butun dunyo ko‘rayotganini taʼkidladi.

“Bu boshlanishi. Bu yerda FIFA talablariga to‘liq javob beradigan 55 ming o‘rinli stadion qurilyapti. Bu stadion kelasi yili 20 yoshgacha bo‘lgan yoshlar o‘rtasida o‘tkaziladigan jahon chempionatining asosiy arenalaridan biri bo‘ladi.

Kelgan mehmonlar uchun mehmonxona kerak, kafe kerak, restoran kerak. Eng katta narsa — ko‘ngilochar maskanlar zarur”, — dedi davlat rahbari.

Telegram | Live | Youtube | Instagram

9 ta viloyatda sel xavfi bor: fuqarolardan ehtiyotkorlik so‘raldi

13–14-oktyabr kunlari yog‘ishi kutilayotgan yomg‘irlar sababli O‘zbekistonning 9 ta viloyatida sel-suv toshqinlari xavfi mavjud.

Xavf Qashqadaryo, Surxondaryo, Samarqand, Navoiy, Jizzax, Toshkent, Namangan, Farg‘ona va Andijon viloyatlarining tog‘oldi hamda tog‘li hududlarida kuzatilishi mumkin.

Bundan tashqari, respublikaning ayrim hududlarida yomg‘ir suvlari to‘planib, hududlarni suv bosishiga olib kelishi ehtimoli bor.

Fuqarolardan, ayniqsa, tog‘oldi va tog‘li hududlarda yashovchilar, dam oluvchilar hamda ushbu hududlarda harakatlanayotgan haydovchilardan ehtiyot choralarini ko‘rish so‘raldi.

Telegram | Live | Youtube | Instagram

“Har bir elchi bir oyda bitta investor olib kelmaguncha kabinetda o‘tirmaydi” — Prezident

Prezident Shavkat Mirziyoyev O‘zbekiston elchilari oldiga har oy kamida bittadan investor olib kelish vazifasini qo‘ydi.

“Yangi Toshkentga yangi investitsiya, sarmoya olib kelayotgan har bir tadbirkorga alohida munosabat bo‘ladi.

Kim uchun qilyapmiz? Tadbirkorlar uchun. Nima uchun? Yo‘limiz oson bo‘lishi, daromadimiz ko‘payishi, sizlarga sharoit yaratish uchun”, — dedi davlat rahbari.

Telegram | Live | Youtube | Instagram

Katta Chimyonda adashgan sayyohlar topildi: jarohatlanganlar yo‘q

11-oktyabr kuni Toshkent viloyatining Bo‘stonliq tumanida joylashgan Katta Chimyon tog‘iga sayr qilish uchun borgan 7 nafar fuqaro yo‘ldan adashib, tog‘dan tusha olmay qolgan.

Qutqaruvchilar hududda qidiruv ishlarini olib borib, fuqarolarni topgan va xavfsiz hududga olib chiqqan.

Hodisa oqibatida hech kim tan jarohati olmagan.

Telegram | Live | Youtube | Instagram

“Taʼlimga bekorga eng ishongan kadrimni olib kelmadim” — Shavkat Mirziyoyev nega Erkinjon Turdimovni taʼlim va ilm-fan vaziri lavozimiga tayinlagani haqida

Telegram | Live | Youtube | Instagram

Sulh bo‘yicha kelishuvga erishilmadi: Eron AQSh javobidan norozi

Eron Xavfsizlik kengashi kotibi Mohsen Rizoiy AQShning Hurmuz bo‘g‘ozini ochish va mojaroni tartibga solishga qaratilgan yetti bandli rejaga javobini qoniqarsiz deb baholadi.

“Biz amerikaliklarga javob bermayapmiz. Ular bizga javob berishdi va biz ularning javobini qoniqarsiz deb bilamiz”, — dedi Rizoiy. Uning ta’kidlashicha, mojaroni imkon qadar tezroq tugatish uchun Vashington Eronning barcha talablarini qabul qilishi lozim.

Rizoiy Eron va AQSh o‘rtasida uch bosqichli muzokaralar o‘tkazilganini, biroq ularning har biri AQShning rad javobi bilan yakunlanganini aytdi. Uning fikricha, bu holat Tehronni diplomatiyaga yondashuvini o‘zgartirishga majbur qilgan.

Telegram | Live | Youtube | Instagram

Ichki aviaqatnovlar uchun yangi tariflar: chiptalar 20 foizgacha arzon bo‘ladi

O‘zbekistonda ichki aviaqatnovlar uchun tariflar qayta ko‘rib chiqildi. Raqobat qo‘mita va Uzbekistan Airways hamkorligida ichki aviaqatnovlar tariflari qayta ko‘rib chiqilgan. Natijada 16-oktabrdan boshlab ichki yo‘nalishlardagi aviachiptalar narxi o‘rtacha 20 foizgacha arzonlashtiriladi.

Telegram | Live | Youtube | Instagram

Termizdagi fojia: Cobalt’ni boshqargan 10-sinf o‘quvchisi sinfdoshining o‘limiga sabab bo‘ldi

2026-yil 9-oktabr kuni soat taxminan 13:00 da Surxondaryo viloyatining Termiz tumanida voyaga yetmaganlar ishtirokida yo‘l-transport hodisasi sodir bo‘ldi.

Dastlabki ma’lumotlarga ko‘ra, 2010-yilda tug‘ilgan, Termiz shahridagi 25-maktabning 10-sinfida tahsil oluvchi o‘quvchi onasiga tegishli Cobalt avtomobilini haydovchilik huquqisiz, yuqori tezlikda boshqargan. Natijada u boshqaruvni yo‘qotib, yo‘l o‘rtasidagi yoritish ustuniga urilgan.

YTH oqibatida avtomobil haydovchisi og‘ir tan jarohatlari bilan jonlantirish bo‘limiga yotqizilgan. Uning 2010-yilda tug‘ilgan sinfdoshi esa voqea joyida vafot etgan.

Holat yuzasidan Termiz tumani Ichki ishlar bo‘limi tergov guruhi tomonidan jinoyat ishi qo‘zg‘atilgan.

Telegram | Live | Youtube | Instagram

AQSh Ukrainaga qurol yetkazib berishni to‘xtatish bilan tahdid qilmoqda — Financial Times

Donald Tramp ma’muriyati Ukrainani Rossiya energetika infratuzilmasiga hujumlarni to‘xtatishga undash maqsadida mamlakatga Amerika qurollarini yetkazib berish mexanizmini to‘xtatish bilan tahdid qilmoqda.

AQSh vakillari shanba va yakshanba kunlari Yevropa davlatlari hamda Ukraina rasmiylari bilan bog‘lanib, Rossiya neftni qayta ishlash zavodlariga berilayotgan zarbalarni to‘xtatish masalasida bosim o‘tkazgan.

Telegram | Live | Youtube | Instagram

Jinoyatlar statistikasi va ochiq qolgan savollar — IIVda nima gap?
 
Jinoyatchilik statistikasi, Odilov ishi va jabrlanuvchilarning hikoyalari muhokama markazi. Keskin savollar, bahslar va ochiq qolgan masalalar yuzasidan qanday javoblar berildi?

👉 BATAFSIL VIDEODA KO‘RISH

Telegram | Live | Youtube | Instagram

O‘zbekiston Respublikasi Prezidentining tegishli farmoni bilan:

Botir Baxromovich Kudratxodjayev O‘zbekiston Respublikasi mudofaa vaziri lavozimiga tayinlandi.

Bundan ilgariroq B.Kudratxodjayev nomzodi Oliy Majlis Qonunchilik palatasi deputatlari tomonidan ma’qullangan edi;

Shuxrat Gayratdjanovich Xalmuxamedov boshqa ishga o‘tishi munosabati bilan O‘zbekiston Respublikasi mudofaa vaziri lavozimidan ozod etildi.

Telegram | Live | Youtube | Instagram

O‘zbekiston Respublikasi Prezidentining farmoni bilan Doniyor Baxtiyorovich Kadirov Sirdaryo viloyati hokimi vazifasini bajaruvchi etib tayinlandi.

Telegram | Live | Youtube | Instagram

Hormuz bo‘g‘ozida 750 ming barrel neft ortilgan tanker mina bilan to‘qnashuv sabab portlab ketgani aytilmoqda.

Telegram | Live | Youtube | Instagram

Bugun havo iliq: harorat 25 darajagacha koʻtariladi

Oʻzgidromet ma’lumotiga koʻra, bugun kunduzi yog‘ingarchilik kutilmaydi, faqat Samarqand, Qashqadaryo, Surxondaryo viloyatlarida ba’zi joylarda yomg‘ir yog‘ishi mumkin. Shamol 7-12 m/s tezlikda esadi. Harorat 20-25° gacha bo‘ladi.
 
Poytaxtda yog‘ingarchilik kutilmaydi. Shamol 3-8 m/s tezlikda esadi. Harorat 22-24° bo‘ladi.
 
Tog‘ oldi va tog‘li hududlarda ba’zi joylarda yomg‘ir yog‘adi, kuchli bo‘lishi mumkin. Baland tog‘larda qorga aylanishi mumkin. Ba’zi joylarga tuman tushishi mumkin. Sel-suv toshqin hodisalari yuzaga kelishi mumkin. Shamol 7-12 m/s tezlikda esadi. Harorat 14-19° bo‘ladi.

Telegram | Live | Youtube | Instagram

Bill Geyts ogohlantirdi: 2027-yilda xakerlar uchun yangi imkoniyatlar ochilishi mumkin

Sun’iy intellekt jinoyatchilar qo‘lida qanday qurolga aylanishi mumkin? Microsoft asoschisi ilg‘or modellar yordamida uyushtiriladigan kiberhujumlar kelasi yildayoq jiddiy muammoga aylanishidan ogohlantirdi.

Telegram | Live | Youtube | Instagram