Ohangaronda “bulut chiqaradigan zavod” bormi?

Ijtimoiy tarmoqlarda Toshkent viloyatining Ohangaron tumani hududida joylashgan Issiqlik elektr stansiyasidan havoga juda ko‘p miqdorda “tutun” chiqib turgani aks etgan videolar tarqalib, muhokamalarga sabab bo‘lgandi.

“Issiqlik elektr stansiyalari” AJ ishlab chiqarish bosh boshqarmasi boshlig‘i G‘olibjon Salimyorov mana shu holatga izoh berarkan, aslida u tutun yoki zaharli gaz emas, balki suvning issiqlik natijasida hosil bo‘lgan bug‘i ekanini aytdi.

Telegram | Live | Youtube | Instagram

O‘zbekiston Respublikasi Prezidenti Administratsiyasi Rahbarining farmoyishi bilan Akramjon Murodjon o‘g‘li Fozilov O‘zbekiston Respublikasi Prezidentining vakillik organlari, nodavlat notijorat tashkilotlar va yoshlar masalalari bo‘yicha maslahatchisining birinchi o‘rinbosari lavozimiga tayinlandi va shu munosabat bilan O‘zbekiston Respublikasi Prezidenti Administratsiyasi Kommunikatsiyalar departamenti boshlig‘ining birinchi o‘rinbosari lavozimidan ozod etildi.

Telegram | Live | Youtube | Instagram

O‘zbekiston Respublikasi Prezidenti Administratsiyasi Rahbarining farmoyishi bilan Aziza Abdusabitovna Qurbonova O‘zbekiston Respublikasi Prezidenti Administratsiyasi Kommunikatsiyalar departamenti boshlig‘ining birinchi o‘rinbosari lavozimiga tayinlandi.

Telegram | Live | Youtube | Instagram

O‘zbekiston Respublikasi Prezidenti Administratsiyasi Rahbarining farmoyishi bilan Xushnud G‘ayratovich Xudayberdiyev O‘zbekiston Respublikasi Prezidenti Administratsiyasi Kommunikatsiyalar departamenti boshlig‘i o‘rinbosari lavozimiga tayinlandi.

Telegram | Live | Youtube | Instagram

O‘zbekiston Respublikasi Prezidenti Administratsiyasi Rahbarining farmoyishi bilan Farruh Farxodjonovich Omonov boshqa ishga o‘tishi munosabati bilan O‘zbekiston Respublikasi Prezidenti Administratsiyasi Kommunikatsiyalar departamenti boshlig‘i o‘rinbosari – O‘zbekiston Respublikasi Prezidenti Xalq qabulxonasi boshlig‘i lavozimidan ozod etildi.

Telegram | Live | Youtube | Instagram

Bugun havo iliq: havo harorati 27 darajagacha koʻtariladi

Oʻzgidromet bugun kunduzi respublika bo‘ylab yog‘ingarchilik kutilmaydi. Shamol 7-12 m/s tezlikda esadi. Havo harorati 22-27° iliq bo‘ladi.
 
Poytaxtda yog‘ingarchilik kutilmaydi. Shamol 3-8 m/s tezlikda esadi. Havo harorati 24-26° bo‘ladi.
 
Tog‘li hududlarning yog‘ingarchilik kutilmaydi. Shamol 7-12 m/s tezlikda esadi. Havo harorati 15-20° iliq bo‘ladi.

Telegram | Live | Youtube | Instagram

Diplom bor, kelajak yo‘q: Xitoy yoshlari muvaffaqiyat poygasidan charchamoqda

Xitoyda millionlab yoshlar diplom bilan ish izlamoqda, biroq iqtisodiy sekinlashuv va sun’iy intellekt mehnat bozoridagi imkoniyatlarni toraytirmoqda. Natijada yoshlar nafaqat ish topish, balki kelajak rejalarini amalga oshirishga bo‘lgan ishonchini ham yo‘qotmoqda.

Telegram | Live | Youtube | Instagram

25 ming dollarlik kelishuv: Toshkent tumani hokimi o‘rinbosari ushlandi

Toshkent viloyatining Toshkent tumani hokimi o‘rinbosari tadbirkorga qurilish texnologiyalari va kompozit eshiklar ishlab chiqarish sanoat majmuasini tashkil etish uchun tuman hokimligi balansidagi 1 gektar yer maydonini auksion savdolariga chiqarib, olib berishni va’da qilgan. Buning uchun u davlat aktivlarini boshqarish tizimida ishlovchi tanishlari orqali yordam berishini aytib, 25 ming dollar talab qilgan.

O‘tkazilgan tezkor tadbirda hokim o‘rinbosari so‘ralgan pulni olayotgan vaqtida ashyoviy dalillar bilan ushlangan.

Telegram | Live | Youtube | Instagram

Toshkentda havo sifati yomonlashdi: ayrim hududlarda ifloslanish darajasi oshdi

16-oktabrga o‘tar kechasi Toshkent shahrida noqulay meteorologik sharoitlar ta’sirida atmosfera havosi sifati yomonlashdi.

15-oktabr soat 21:00 dan boshlab Xalqaro havo sifati indeksi (AQI) bo‘yicha ko‘rsatkichlar sezgir guruhlar uchun nosog‘lom darajaga ko‘tarilgan. Eng yuqori ko‘rsatkichlar 16-oktabr soat 00:00 atrofida kuzatilgan, ayrim hududlarda esa qisqa muddatli nosog‘lom daraja qayd etilgan.

Tunda havo harorati 11,8 darajagacha pasaygan, shamol tezligi 0,7–1,5 m/s atrofida bo‘lgan.

Telegram | Live | Youtube | Instagram

Green Card lotereyasi qaytadimi? AQSH sudidan yangi qaror

AQSHning Kaliforniya shtati Janubiy okrugi federal sudi mamlakat Davlat departamentiga Green Card lotereyasini qayta tiklash bo‘yicha buyruq chiqardi.
 
Sud hujjatiga ko'ra, AQSH davlat kotibi Marko Rubio 2027-moliya yili uchun Diversity Visa (DV) dasturida ro‘yxatdan o‘tishni 18-oktabr kuni AQSH Sharqiy vaqti bilan yarim tungacha boshlashi kerak. Ro‘yxatdan o‘tish muddati 30 kun etib belgilangan. Shuningdek, Davlat departamentiga ro‘yxatdan o‘tish boshlanadigan sanani rasmiy veb-saytida e’lon qilish topshirilgan.

Telegram | Live | Youtube | Instagram

Energetika sohasiga 35 mlrd dollar investitsiya kiritildi

Prezident Shavkat Mirziyoyev yoqilg‘i-energetika sohasi investorlari bilan ochiq muloqot o‘tkazmoqda. Davlat rahbari barqaror energiya ta’minoti tadbirkorlar sarmoyasi va aholining ertangi kunga ishonchi uchun muhimligini ta’kidladi.

So‘nggi o‘n yilda sohaga 35 milliard dollar investitsiya kiritildi. Qayta tiklanuvchi energiyaning jami generatsiyadagi ulushi 31 foizga, “yashil” quvvatlar esa 11,1 gigavattga yetdi.

Muloqot doirasida umumiy qiymati 4,7 milliard dollarlik 6 ta loyiha bo‘yicha bitimlar imzolandi. Ular orqali 3 ming megavatt generatsiya va 400 megavatt energiya saqlash quvvati yaratiladi.

Telegram | Live | Youtube | Instagram

O‘zbekiston energetikasining 2050-yilgacha bo‘lgan bosh rejasi ishlab chiqiladi

Energetika sohasining 2050-yilgacha bo‘lgan Milliy bosh rejasi ilk bor ishlab chiqilib, ochiq e’lon qilinadi. Kelgusi yil 1-martgacha tarmoqlarga ulanish imkoniyatlari xaritasi, 1-iyulga qadar esa to‘liq bosh reja taqdim etiladi.

Hujjatlarda hududlarda elektr energiyasiga talabning o‘sishi, zarur infratuzilma va yangi quvvatlarni joylashtirish imkoniyatlari ko‘rsatiladi. Bu investorlarga uzoq muddatli rejalar tuzishga yordam beradi.

Shuningdek, “yashil” energiya ishlab chiqaruvchilarga sertifikatlar va karbon kreditlaridan qo‘shimcha daromad olish imkoniyati yaratiladi. Ushbu daromadni davlat va investorlar o‘rtasida adolatli taqsimlash mexanizmlari joriy etiladi.

Telegram | Live | Youtube | Instagram

Prezident Shavkat Mirziyoyev yoqilg‘i-energetika sohasidagi investorlar bilan muloqotda:

“Men bugun sizlarni ko‘proq muloqotga taklif qilaman. Bir narsani bilishlaring kerakki, investor bilan davlat orasidagi O‘zbekistondagi tizim yangi pog‘onaga chiqishi kerak.

Albatta, zamon shiddat bilan o‘zgarayapti. Biz yangi-yangi talablarga butun komandamiz bilan mos bo‘lish uchun bugun sizlarni ko‘proq eshitmoqchiman.

Bironta muammo bugun qolmasligi kerak. Hamma masalani hal qilishimiz kerak. Yutug‘imiz bor, lekin kamchiligimiz ham juda ko‘p. Shuning uchun endi xato qilishga haqqimiz yo‘q.

Biz bir-birimiz bilan do‘st bo‘lishimiz uchun hamma narsa ochiq bo‘lishi kerak, ayon bo‘lishi kerak, shaffof bo‘lishi kerak.

Kelgusi yilga bu yil zamin yaratishimiz kerak”.

Telegram | Live | Youtube | Instagram

Davlat rahbari investorlarga: “Prezident komandasi sizlarga ko‘makchi bo‘ladi!”

Prezident Shavkat Mirziyoyev 2030 yilgacha O‘zbekistonda 22 ming MVt yangi quvvat yaratilishi, elektr energiyasi ishlab chiqarish 129 mlrd kVt⋅soatdan oshishi, “yashil” energiya ulushi esa 54 foizga yetishi rejalashtirilganini taʼkidladi. Bu maqsadlarga erishishda investorlarning sarmoyasi va ilg‘or texnologiyalari asosiy o‘rin tutadi.

Telegram | Live | Youtube | Instagram

Saida Mirziyoyevaning Turkiyaga safarida hamkorlikni mustahkamlashga qaratilgan muhim uchrashuvlar va istiqbolli tashabbuslar o‘rin oldi.

Telegram | Live | Youtube | Instagram