“Siz mamlakatingizni dunyoga ochdingiz” — Marko Rubio Prezident Shavkat Mirziyoyev islohotlariga yuksak baho berdi

AQSh davlat kotibi Marko Rubio Amerika — O‘zbekiston ishbilarmonlik va investitsiya kengashining ikkinchi yig‘ilishida so‘zga chiqib, O‘zbekiston bilan hamkorlik Vashington uchun ustuvor yo‘nalishlardan biri ekanini ta’kidladi.

“Lekin bularning barchasi Siz amalga oshirgan islohotlarsiz mumkin bo‘lmas edi, janob Prezident. Siz mamlakatingizni dunyoga ochdingiz. Eng muhimi, Qo‘shma Shtatlar va Prezident Trampni hamkor sifatida qabul qildingiz. Natijada Siz nafaqat o‘z mamlakatingiz, balki butun mintaqa, qo‘shni davlatlar va Qo‘shma Shtatlar uchun ham birgalikda rivojlanish borasida ulkan imkoniyatlar yaratdingiz”, — dedi Rubio.

AQSh davlat kotibi ikki mamlakat o‘rtasidagi hamkorlik so‘nggi yillarda sezilarli darajada jadallashganini ta’kidlab, kelgusida iqtisodiy va investitsiyaviy aloqalar yanada kengayishiga ishonch bildirdi.

Shuningdek, Rubio O‘zbekiston joriy yil oxirida AQShda o‘tkaziladigan G20 yig‘ilishiga kuzatuvchi sifatida taklif etilayotganini alohida qayd etdi.

Telegram | Live | Youtube | Instagram

Zelenskiy Tramp vakillari bilan uchrashdi: muzokaralar Osloda o‘tdi

Ukraina prezidenti Volodimir Zelenskiy Norvegiya poytaxti Osloda AQSh prezidenti Donald Trampning maxsus vakili Stiv Uitkoff bilan uchrashdi. Trampning kuyovi Jared Kushner muzokaralarda masofadan turib ishtirok etdi.

Uchrashuvga Norvegiya bosh vaziri Jonas Gar Styore va Finlandiya prezidenti Aleksandr Stubb ham qo‘shilishi rejalashtirilgan.

Telegram | Live | Youtube | Instagram

Yog’ingarchilik yoʻq: havo harorati 28 darajagacha koʻtariladi

“O‘zgidromet” ma’lumotiga ko‘ra, bugun Qoraqalpog‘iston va Xorazmda harorat 15–20°, Buxoro va Navoiyda 20–25°, Toshkent, Sirdaryo, Jizzax va Samarqandda 20–25°, Qashqadaryo va Surxondaryoda 23–28°, Andijon, Namangan va Farg‘onada 20–25° bo‘ladi. Shamol sharqdan 5–12 m/s tezlikda esadi.

Poytaxtda havo o‘zgaruvchan bo‘ladi, yog‘ingarchilik kutilmaydi. Shamol sharqdan 3–8 m/s tezlikda esadi. Harorat kechasi 8–10°, kunduzi 21–23° bo‘ladi.

Tog‘li hududlarda ham yog‘ingarchilik kutilmaydi. Shamol sharqdan 7–12 m/s tezlikda esadi. Harorat kechasi 3–8°, kunduzi 13–18° bo‘ladi.

Telegram | Live | Youtube | Instagram

“Halol sheriklikning mohiyati ham shunda: har ikki tomon ham manfaat ko‘rishi kerak” – Saida Mirziyoyeva

Telegram | Live | Youtube | Instagram

Bugun Prezident Shavkat Mirziyoyev Qashqadaryo viloyatiga tashrif buyuradi. Davlat rahbari sanoat, qishloq xo‘jaligi, ta’lim sohalarida hamda mahallalarda amalga oshirilayotgan ishlar bilan tanishadi.

Shuningdek, loyihalarni ishga tushirish va yangilarining qurilishini boshlash tadbirida ishtirok etish hamda viloyatni kompleks rivojlantirish masalalariga bag‘ishlangan yig‘ilish o‘tkazish rejalashtirilgan.

Telegram | Live | Youtube | Instagram

Misrda sayyohlik avtobusi halokatga uchradi: 13 kishi halok bo'ldi, 34 kishi jarohatlandi

Misrda 20-oktyabr kuni Qohira — Asyut G‘arbiy cho‘l avtomobil yo‘lida sayyohlik avtobusi va yuk mashinasi to‘qnashib ketdi. Hodisa oqibatida 13 kishi halok bo‘lgan, yana 34 kishi jarohatlangan.

Mahalliy ommaviy axborot vositalari xabarlariga ko‘ra, YTH Giza hududida sodir bo‘lgan. Hodisa joyiga jabrlanganlarga yordam ko‘rsatish uchun 28 ta tez yordam mashinasi yuborilgan. Jarohatlanganlar shifoxonalarga olib borilgan.

Hodisadan so‘ng uning sabablarini aniqlash bo‘yicha tergov harakatlari boshlangan.

Telegram | Live | Youtube | Instagram

Yangiyo‘lda ta’mirlash ishlari: 181-avtobus yo‘nalishi vaqtincha o‘zgartirildi

Toshkent viloyati Yangiyo‘l tumanidagi Beruniy ko‘chasida ta’mirlash ishlari olib borilayotgani sababli 181-sonli avtobus Samarqand, Nazirova va Beshariq ko‘chalari orqali harakatlanadi.

Tirbandliklar tufayli avtobuslar qatnovi oralig‘i uzayishi va yo‘nalishga qo‘shimcha o‘zgartirishlar kiritilishi mumkin.

Yo‘lovchilardan safarlarini oldindan rejalashtirish so‘raldi.

Telegram | Live | Youtube | Instagram

Bolalar farovonligi — kelajakka sarmoya: Samarqandda jahon sammiti boshlandi

Bugun, 21-oktabr kuni Samarqand shahrida «Bolalar farovonligiga investitsiya: kelajak avlodlar barqaror va adolatli taraqqiyoti sari yo‘l» Jahon sammiti boshlandi.

Tadbirning ochilish qismida O‘zbekiston Respublikasining Birinchi xonimi, “Zamin” xalqaro jamoat fondi Vasiylik kengashi raisi Ziroat Mirziyoyeva nutq so‘zladi.

Ushbu nufuzli anjumanda 100 dan ortiq davlat vakillari va xalqaro tashkilotlar ishtirok etmoqda.

Telegram | Live | Youtube | Instagram

Alifbo takomillashtirildi: uzoq yillik bahslarga uzil-kesil nuqta qo‘yildi!

Yodingizda bo‘lsa, 2023-yil 11-dekabr kuni poytaxtimizda jadidlar merosi va g‘oyalariga bag‘ishlangan yirik xalqaro ilmiy konferensiya bo‘lib o‘tgan edi. O‘sha tarixiy tadbirda Prezident Administrasiyasi rahbari Saida Mirziyoyeva ziyolilarimiz va keng jamoatchilik oldida chiqish qilib, millat savodxonligi yo‘lida eng muhim qadamlardan biri haqida gapirgandi: “Alifbodagi ayrim o‘zgarishlarni joriy etishimiz va shu bilan alifbo masalasiga qat’iy nuqta qo‘yishimiz zarur!”

Mana, nihoyat o‘sha kutilgan onlar yetib keldi, berilgan va’da va belgilangan maqsad amalga oshdi! “Lotin yozuviga asoslangan o‘zbek alifbosini joriy etish to‘g‘risida”gi O‘zbekiston Respublikasi Qonuniga o‘zgartirish kiritish haqida”gi Qonun qabul qilindi.

Xo‘sh, alifbo nima uchun takomillashtirilmoqda? Amaldagi alifboda ayrim harf birikmalari va ayniqsa, teskari vergul belgisi matn terish, ma’lumotlarni qidirish hamda raqamli platformalarda ishlashda doimiy noqulayliklar tug‘dirib kelayotgan edi. Endi bu muammolar tarixda qoladi.

Eng asosiysi, «Bir tovush — bir harf» tamoyilini mustahkamlaydi. Yoshlarimiz va kattalar uchun o‘qish va yozish jarayonini keskin soddalashtiradi. Bog‘cha va maktabdagi bolalarning savod chiqarishini osonlashtiradi. O‘zbek tilining raqamli muhitdagi (internet, dasturlar va ijtimoiy tarmoqlardagi) imkoniyatlarini kengaytiradi. Qardosh turkiy xalqlar bilan madaniy va ilmiy aloqalarni yanada rivojlantirishga katta yordam beradi.

Telegram | Live | Youtube | Instagram

Qashqadaryolik tadbirkor Prezidentga o‘z fabrikasida ishlab chiqarilgan kiyimni sovg‘a qildi

Prezident Shavkat Mirziyoyev Qashqadaryodagi 54 million dollarlik “Sulton Tex Group” to‘qimachilik fabrikasi faoliyati bilan tanishdi. Yiliga 20 ming tonna mato ishlab chiqarish quvvatiga ega korxonada 840 ta ish o‘rni yaratilgan. Mahsulotlar ko‘rgazmasi davomida tadbirkor davlat rahbariga shu yerning o‘zida ishlab chiqarilgan kiyimni taqdim etdi.

“Inson mehnat qilsa, albatta, natijasi ham boshqacha bo‘ladi. Mana shu yangi avlod tadbirkorlarimiz bilan hozir mutlaqo boshqa darajaga chiqyapmiz, ular nafaqat qo‘shimcha qiymat zanjiri yaratyapti, balki “yashil” texnologiyalar bilan ekologiyaga g‘amxo‘rligini ham namoyon etmoqda”, — dedi davlat rahbari.

Telegram | Live | Youtube | Instagram