Yangiyo‘lda ta’mirlash ishlari: 181-avtobus yo‘nalishi vaqtincha o‘zgartirildi

Toshkent viloyati Yangiyo‘l tumanidagi Beruniy ko‘chasida ta’mirlash ishlari olib borilayotgani sababli 181-sonli avtobus Samarqand, Nazirova va Beshariq ko‘chalari orqali harakatlanadi.

Tirbandliklar tufayli avtobuslar qatnovi oralig‘i uzayishi va yo‘nalishga qo‘shimcha o‘zgartirishlar kiritilishi mumkin.

Yo‘lovchilardan safarlarini oldindan rejalashtirish so‘raldi.

Telegram | Live | Youtube | Instagram

Bolalar farovonligi — kelajakka sarmoya: Samarqandda jahon sammiti boshlandi

Bugun, 21-oktabr kuni Samarqand shahrida «Bolalar farovonligiga investitsiya: kelajak avlodlar barqaror va adolatli taraqqiyoti sari yo‘l» Jahon sammiti boshlandi.

Tadbirning ochilish qismida O‘zbekiston Respublikasining Birinchi xonimi, “Zamin” xalqaro jamoat fondi Vasiylik kengashi raisi Ziroat Mirziyoyeva nutq so‘zladi.

Ushbu nufuzli anjumanda 100 dan ortiq davlat vakillari va xalqaro tashkilotlar ishtirok etmoqda.

Telegram | Live | Youtube | Instagram

Alifbo takomillashtirildi: uzoq yillik bahslarga uzil-kesil nuqta qo‘yildi!

Yodingizda bo‘lsa, 2023-yil 11-dekabr kuni poytaxtimizda jadidlar merosi va g‘oyalariga bag‘ishlangan yirik xalqaro ilmiy konferensiya bo‘lib o‘tgan edi. O‘sha tarixiy tadbirda Prezident Administrasiyasi rahbari Saida Mirziyoyeva ziyolilarimiz va keng jamoatchilik oldida chiqish qilib, millat savodxonligi yo‘lida eng muhim qadamlardan biri haqida gapirgandi: “Alifbodagi ayrim o‘zgarishlarni joriy etishimiz va shu bilan alifbo masalasiga qat’iy nuqta qo‘yishimiz zarur!”

Mana, nihoyat o‘sha kutilgan onlar yetib keldi, berilgan va’da va belgilangan maqsad amalga oshdi! “Lotin yozuviga asoslangan o‘zbek alifbosini joriy etish to‘g‘risida”gi O‘zbekiston Respublikasi Qonuniga o‘zgartirish kiritish haqida”gi Qonun qabul qilindi.

Xo‘sh, alifbo nima uchun takomillashtirilmoqda? Amaldagi alifboda ayrim harf birikmalari va ayniqsa, teskari vergul belgisi matn terish, ma’lumotlarni qidirish hamda raqamli platformalarda ishlashda doimiy noqulayliklar tug‘dirib kelayotgan edi. Endi bu muammolar tarixda qoladi.

Eng asosiysi, «Bir tovush — bir harf» tamoyilini mustahkamlaydi. Yoshlarimiz va kattalar uchun o‘qish va yozish jarayonini keskin soddalashtiradi. Bog‘cha va maktabdagi bolalarning savod chiqarishini osonlashtiradi. O‘zbek tilining raqamli muhitdagi (internet, dasturlar va ijtimoiy tarmoqlardagi) imkoniyatlarini kengaytiradi. Qardosh turkiy xalqlar bilan madaniy va ilmiy aloqalarni yanada rivojlantirishga katta yordam beradi.

Telegram | Live | Youtube | Instagram

Qashqadaryolik tadbirkor Prezidentga o‘z fabrikasida ishlab chiqarilgan kiyimni sovg‘a qildi

Prezident Shavkat Mirziyoyev Qashqadaryodagi 54 million dollarlik “Sulton Tex Group” to‘qimachilik fabrikasi faoliyati bilan tanishdi. Yiliga 20 ming tonna mato ishlab chiqarish quvvatiga ega korxonada 840 ta ish o‘rni yaratilgan. Mahsulotlar ko‘rgazmasi davomida tadbirkor davlat rahbariga shu yerning o‘zida ishlab chiqarilgan kiyimni taqdim etdi.

“Inson mehnat qilsa, albatta, natijasi ham boshqacha bo‘ladi. Mana shu yangi avlod tadbirkorlarimiz bilan hozir mutlaqo boshqa darajaga chiqyapmiz, ular nafaqat qo‘shimcha qiymat zanjiri yaratyapti, balki “yashil” texnologiyalar bilan ekologiyaga g‘amxo‘rligini ham namoyon etmoqda”, — dedi davlat rahbari.

Telegram | Live | Youtube | Instagram

Tibbiyot sohasiga 50 trln so‘m ajratiladi — vazir

Sog‘liqni saqlash vaziri Eldor Adilov Samarqandda o‘tayotgan sammit doirasida jurnalistlarga bergan intervyusida sohaga davlat byudjetidan ajratiladigan mablag‘ miqdorini maʼlum qildi. Shuningdek, u bolalar salomatligini asrashga qaratilgan tibbiy loyihalar haqida ham so‘z yuritdi.

Telegram | Live | Youtube | Instagram

Bugun O‘zbek tili bayrami!

Respublika ma’naviyat va ma’rifat markazi bayram arafasida sun’iy intellekt yordamida qo‘shiq va videorolik tayyorladi.

Unda Alisher Navoiy, Rauf Parfi, Xurshid Davron, Xalima Xudoyberdiyeva, Muhammad Yusuf va Erkin Vohidovning satrlari bir qo‘shiqqa jamlangan.

Telegram | Live | Youtube | Instagram

"Ba’zi shifokorlar pul topish maqsadida keraksiz dorilarni yozib berishadi" — Abdulla Azizov

Farmatsevtika agentligi direktori ayrim shifokorlar bemorlarga 10–15 turdagi dori vositalarini yozib berishi va bu orqali daromad topishini tanqid qildi. U «Nima uchun shuncha ko‘p dori yozish kerak?» degan savolni o‘rtaga tashlab, bunday amaliyotga chek qo‘yish yechimini ham taklif qildi.

Mas’ul biologik faol qo‘shimchalar va retseptsiz beriladigan dori vositalari narxlari monitoring qilinmagani ham ularni yozish holatlari ko‘payishiga sabab bo‘lganini tan oldi.

Telegram | Live | Youtube | Instagram

Prezident Shavkat Mirziyoyev G‘uzorda paxta hosilini ko‘zdan kechirdi.

Telegram | Live | Youtube | Instagram

Ukraina mojarosi yakuniga qarab bormoqda — Rossiya prezidentining yordamchisi

"Biz bunga qanchalik yaqinlashayotganimizni bilmayman, lekin ish shunga qarab ketyapti", — dedi Yuriy Ushakov.

Telegram | Live | Youtube | Instagram

Prezidentning Qamashi tumanidagi Chim mahallasiga tashrifi samimiy uchrashuvlarga boy bo‘ldi

Prezident Shavkat Mirziyoyev Qamashi tumanidagi Chim mahallasida amalga oshirilgan bunyodkorlik ishlari va aholi bandligini taʼminlash choralari bilan tanishdi.

Telegram | Live | Youtube | Instagram