To‘rt yillik sukunatdan keyin ziddiyat kuchaydi: Ar-Riyodda portlashlar eshitildi

23-oktabr kuni ertalab Ar-Riyodda kuchli portlashlar sodir bo‘lgan. Mahalliy aholiga yuzaga kelishi mumkin bo‘lgan xavf haqida ogohlantirishlar berilgan.
 
Saudiya Arabistoni boshchiligidagi koalitsiya Yamandagi husiylar tomonidan Ar-Riyod tomon uchirilgan ballistik raketa urib tushirilganini ma’lum qilgan.
 
Husiylar va Saudiya Arabistoni o‘rtasidagi ziddiyat avgust oyida, to‘rt yillik nisbiy sukunatdan keyin yana kuchaydi. Xabarlarga ko‘ra, husiylar Qizil dengizda Saudiya Arabistoni tankerlariga hujum qilgan. Bu esa Ar-Riyod qo‘llab-quvvatlaydigan Yaman hukumat kuchlarining Sano aeroportiga hujumiga javob sifatida ko‘rilgan.

Telegram | Live | Youtube | Instagram

Xitoyda 7 magnitudali zilzila: kamida 16 kishi halok bo‘ldi

Xitoyning Tibet avtonom viloyatidagi Nagchu shahri yaqinida 7 magnitudali zilzila sodir bo‘ldi. Zilzila oqibatida kamida 16 kishi halok bo‘lgan, 32 kishi jarohatlangan. Jabrlanganlarning 11 nafari og‘ir ahvolda ekani ma’lum qilingan.

Dastlabki ma’lumotlarga ko‘ra, zilzilada 339 ta oilaning uyi vayron bo‘lgan.

Telegram | Live | Youtube | Instagram

Shavkat Mirziyoyev “Rosatom” rahbarini qabul qildi

Prezident Shavkat Mirziyoyev 23-oktyabr kuni “Rosatom” davlat korporatsiyasi bosh direktori Aleksey Lixachyovni qabul qildi.

Uchrashuvda mamlakatda ilk integratsiyalashgan atom elektr stansiyasini barpo etish loyihasini amalga oshirish, shuningdek, ilg‘or texnologiyalar va bilimlar asosida tegishli infratuzilmani rivojlantirish masalalari muhokama qilindi.

Suhbat davomida soha uchun malakali mutaxassislar tayyorlashga ham alohida e’tibor qaratildi. Bunda “MMFI” Milliy tadqiqot yadro universitetining Toshkentdagi filiali hamda “Rosatom” obyektlari imkoniyatlaridan foydalanish masalalari ko‘rib chiqildi.

Telegram | Live | Youtube | Instagram

Botkin qabristonida devor quladi: qabr toshlariga zarar yetdi

Botkin qabristonini ajratib turuvchi devor qulashi oqibatida 15-sektorning so‘nggi qatoridagi bir nechta qabr toshlariga shikast yetgan. Qabrlarning o‘zi ochilib qolmagan.

Toshkent shahar hokimligi holat yuzasidan huquqiy baho berilishini, aybdorlar javobgarlikka tortilishini ma’lum qildi. Shuningdek, buyurtmachi tashkilotga devor oqibatlarini bartaraf etish va shikastlangan qabr toshlarini tiklash majburiyati yuklatildi.

Telegram | Live | Youtube | Instagram

Ziroat Mirziyoyeva birinchi xonimlar bilan Imom Buxoriy majmuasiga bordi

“Bolalar farovonligiga investitsiya” sammiti doirasida O‘zbekiston Birinchi xonimi Ziroat Mirziyoyeva sammitda ishtirok etayotgan birinchi xonimlar va yuqori martabali mehmonlar bilan birga Imom Buxoriy yodgorlik majmuasiga tashrif buyurdi.

Telegram | Live | Youtube | Instagram

Turkiyadagi ko‘mir konida metan portladi: uch kishi halok bo‘ldi

Portlash oqibatida ikki konchi halok bo‘lgani ma’lum qilingan. Yana besh kishi jarohatlar bilan shifoxonaga yotqizilgan. Shuningdek, bir konchi yer ostida qolib ketgan. Qutqaruv ishlari davomida uning jasadi topilgan va halok bo‘lganlar soni uch nafarga yetgan.

Turkiya Adliya vazirligi ma’lumotiga ko‘ra, portlash metan gazining to‘planishi oqibatida yuz bergan. Hodisaning boshqa tafsilotlari va jarohatlanganlarning ahvoli haqida hozircha aniq ma’lumot berilmagan.

Telegram | Live | Youtube | Instagram

Shavkat Mirziyoyev “Eldridge Industries” kompaniyasi bosh direktorini qabul qildi

Uchrashuvda AQShning mazkur yetakchi korporatsiyasi bilan yirik kooperatsiya loyihalarini amalga oshirish istiqbollari koʻrib chiqildi.

Davlat rahbari hamkorlikning ustuvor yo‘nalishlarini belgilab berdi. Xususan, tog‘-kon sanoati, metallurgiya va qurilish sohalarida sheriklikni kengaytirish, shuningdek, shahar infratuzilmasiga zamonaviy raqamli yechimlarni joriy etish masalalariga e’tibor qaratildi.

Muzokaralar yakunida tomonlar ko‘p qirrali hamkorlikni yanada rivojlantirishga qaratilgan qo‘shma “yo‘l xaritasi”ni qabul qilishga kelishib oldi.

Telegram | Live | Youtube | Instagram