Toshkentda havo sifati o‘zgarishi mumkin: noqulay meteorologik sharoit kutilmoqda

25-oktyabrdan 26-oktyabrga o‘tar kechasi Toshkentda PM2.5 va PM10 zarrachalari miqdori ortib, havo sifati xalqaro indeks bo‘yicha “noqulay” darajaga yetishi mumkin.

Bunga kuchsiz shamol, haroratning pasayishi va harorat inversiyasi sabab bo‘lishi kutilmoqda.

 Telegram | Live | Youtube | Instagram

Afg‘onistonda yer silkinishi: zilzila O‘zbekiston hududlarida sezildi

2026-yil 25-oktyabr kuni soat 22:44 da Afg‘onistonning Badaxshon hududida 5,4 magnitudali zilzila sodir bo‘ldi.

Ma’lumotlarga ko‘ra, zilzila o‘chog‘i 149 kilometr chuqurlikda joylashgan. Uning epitsentri Toshkentdan 577 kilometr janubi-sharqda qayd etilgan.

Yer silkinishi O‘zbekistonning ayrim hududlarida ham sezilgan. Xususan, Surxondaryo, Farg‘ona va Qashqadaryo viloyatlarida zilzilaning sezilish kuchi 2 ballni tashkil etgan.

Telegram | Live | Youtube | Instagram

Yog‘ingarchilik kutilmaydi: havo harorati 20 darajagacha ko‘tariladi

O‘zgidromet ma’lumotiga ko‘ra, bugun kunduzi respublika bo‘ylab yog‘ingarchilik kutilmaydi. Shamol 7–12 m/s tezlikda esadi, shimolda va cho‘l hududlarining ba’zi joylarida 13–18 m/s gacha kuchayishi, ayrim joylarda chang-to‘zonlar bilan kuzatilishi mumkin. Havo harorati 15–20° iliq, shimolda 10–15° iliq bo‘ladi.

Poytaxtda yog‘ingarchilik kutilmaydi. Shamol 3–8 m/s tezlikda esadi. Havo harorati 18–20° iliq bo‘ladi.

Tog‘li hududlarda yog‘ingarchilik kutilmaydi. Shamol 7–12 m/s tezlikda esadi. Havo harorati 12–17° iliq bo‘ladi.

Telegram | Live | Youtube | Instagram

Hayvonlardan odamga: kamyob virus ilk bor insonda aniqlandi

Hayvonlar orasida tarqaladigan Shamalonda virusi ilk bor insonda aniqlandi. Virusni yuqtirgan bemor vafot etdi.

Telegram | Live | Youtube | Instagram

Is gazidan zaharlanish xavfi: isitish mavsumida qanday qoidalarga amal qilish kerak?

Havo haroratining pasayishi bilan xonadonlarda isitish moslamalaridan foydalanish ko‘paymoqda. Biroq gaz uskunalaridan noto‘g‘ri foydalanish, qo‘lbola yoki nostandart isitish qurilmalarini ishlatish, shuningdek, ularni malakasiz mutaxassislarga o‘rnattirish inson hayoti va salomatligi uchun jiddiy xavf tug‘dirishi mumkin.

Energetika vazirligi isitish mavsumida gazdan xavfsiz foydalanish bo‘yicha ogohlantirish berdi.

Telegram | Live | Youtube | Instagram

O‘zbekistonda islomiy bank tizimiga ilk qadam: “Open bank” litsenziya oldi

Markaziy bank boshqaruvi qaroriga muvofiq, “Open bank” aksiyadorlik jamiyatiga islomiy bank faoliyatini amalga oshirish huquqini beruvchi litsenziya taqdim etildi.

Telegram | Live | Youtube | Instagram

Toshkent havosida zararli zarrachalar ko‘paydi: sifat “juda nosog‘lom” darajaga yetdi

25-oktyabrdan 26-oktyabrga o‘tar kechasi shamolning kuchsizligi, havo haroratining pasayishi va harorat inversiyasi sabab havoda PM2.5 va PM10 zarrachalari miqdori oshdi.

Ekologiya vazirligi ma’lumotiga ko‘ra, kuzatuv punktlarining aksariyatida havo sifati xalqaro AQI indeksi bo‘yicha “nosog‘lom” va “juda nosog‘lom” toifalariga mos kelgan.

Telegram | Live | Youtube | Instagram

Chaplin merosi Toshkentda

Toshkentda afsonaviy aktyor va rejissyor Charli Chaplin merosiga bag‘ishlangan “Chaplin Awards” mukofotlarini topshirish marosimi bo‘lib o‘tdi. Tadbir doirasida xalqaro kino sanoati vakillari uchrashdi, kino sohasidagi hamkorlik istiqbollari muhokama qilindi.

👉 BATAFSIL VIDEODA

Telegram | Live | Youtube | Instagram

Samarqandda 42 yoshli ayol o'limi: u ro'mol bilan o'zini osgan

Qayd etilishicha, 2026-yil 21-oktyabr kuni soat taxminan 12:30 da ayol o‘z uyining hovlisidagi turnikka ayollar ro‘moli bilan bo‘yin sohasidan osib o'z joniga qasd qilgan va hodisa joyida vafot etgan.

Hodisa joyiga tezkor-tergov guruhi chiqib, voqea joyi ko‘zdan kechirilgan. Marhumaning o‘limi sababini va tanasida jarohatlar bor-yo‘qligini aniqlash uchun sud-tibbiy ekspertizasi tayinlangan.

Telegram | Live | Youtube | Instagram

Bugun Prezident Shavkat Mirziyoyev "Renessans" kino uyiga tashrif buyurib, kinematografiya sohasi xodimlari bilan uchrashadi hamda sohada amalga oshirilayotgan ishlar va kelgusi rejalarni muhokama qiladi.

Telegram | Live | Youtube | Instagram

“Fuqarolarimiz o‘zini tinch yurtda yashayotganini his qilishi uchun vatanparvarlik yurishini qilyapmiz” — Aziz Toshpo‘latov

O‘zbekiston ichki ishlar organlari tashkil etilganining 35 yilligi munosabati bilan poytaxtda zamonaviy dron-shou tashkil etildi.

Telegram | Live | Youtube | Instagram

“Tinchlik kelishuvi bo‘lmasa, 200 foizlik boj” — Tramp

Donald Tramp Rossiya va Ukrainaga tinchlik kelishuviga erishilmagani sababli 200 foizlik tariflar joriy etish imkoniyatini tilga oldi. Biroq u bunday choraning samaradorligiga ham shubha bildirdi.

“Tariflar bizga sakkizta urushni tugatishga yordam berdi. Balki bu yondashuvni darhol Ukraina va Rossiyaga nisbatan qo‘llashimiz kerakdir. Men bu haqda ilgari o‘ylamagan edim, lekin bu baribir ishlamasligi mumkin, chunki biz ulardan ko‘p narsa sotib olmaymiz”, — degan u.

Telegram | Live | Youtube | Instagram

Farg‘onada 28 nafar bog‘cha tarbiyalanuvchisi kasalxonaga yotqizildi: oziq-ovqat namunalari tekshirilmoqda

Farg‘ona shahridagi 2-, 7- va 47-sonli maktabgacha ta’lim tashkilotlari tarbiyalanuvchilari turli alomatlar bilan viloyat yuqumli kasalliklar shifoxonasiga murojaat qilgan. 2026-yil 26-oktabr holatiga ko‘ra, 28 nafar bola shifoxonada davolanmoqda.

Bolalar tana haroratining ko‘tarilishi, qorin sohasidagi og‘riq, holsizlik, ko‘ngil aynishi va ich ketishidan shikoyat qilgan.

Dastlabki epidemiologik surishtiruv doirasida bolalar iste’mol qilgan oziq-ovqat mahsulotlari va taomlar o‘rganilmoqda. Shuningdek, mahsulot yetkazib beruvchilar ham aniqlangan.

Oziq-ovqat mahsulotlari va tayyor taomlardan laboratoriya tekshiruvlari uchun namunalar olingan. Hozirda epidemiologik surishtiruv va laboratoriya tekshiruvlari davom etmoqda.

Telegram | Live | Youtube | Instagram