🌌🌌  🌌🌌🌌

🌌🌌🌌🌌

🌌🌌🌌🌌🌌🌌🌌🌌🌌

🇺🇿Zarafshon shahridagi Oltin vodiy madaniyat saroyida 25-oktabr — Ichki ishlar organlari xodimlari kuni hamda O‘zbekiston Respublikasi Ichki ishlar vazirligi tashkil etilganining 35 yilligi munosabati bilan tantanali bayram tadbiri bo‘lib o‘tdi.

Unda Zarafshon shahar hokimi Nazirbek Rahmanov, shahar prokurori Shavkat Shernazarov, shahar Ichki ishlar bo‘limi boshlig‘i Sardor Latipov, mutasaddilar, ichki ishlar organlari xodimlari hamda ularning oila a’zolari ishtirok etdilar.

Tadbirda shahar hokimi so‘zga chiqib ichki ishlar organlari xodimlarini kasb bayrami bilan samimiy muborakbod etib, ularga ezgu tilaklarini bildirdi. Shuningdek, jamiyatda tinchlik va osoyishtalikni ta’minlash, jamoat tartibini saqlash, fuqarolarning huquq va erkinliklarini himoya qilish yo‘lida ichki ishlar organlari xodimlarining sharafli xizmatining ahamiyati alohida ta’kidlandi.

Bayram tadbiri davomida o‘z xizmat vazifalarini sidqidildan bajarib, faoliyati davomida yuksak natijalarga erishgan, xizmatda namuna ko‘rsatib kelayotgan bir guruh ichki ishlar organlari xodimlariga shahar hokimligining tashakkurnomalari va esdalik sovg‘alari tantanali ravishda topshirildi.

Tadbirning badiiy qismida Oltin vodiy madaniyat saroyi hamda Yulduz madaniyat markazi ijodkorlari tomonidan ijro etilgan kuy-qo‘shiqlar ishtirokchilarga ko‘tarinki kayfiyat ulashib, bayram shukuhini yanada oshirdi.

📣Zarafshon shahar hokimligi
Axborot xizmati

✉️Telegram | 🗳Facebook | 🌐Veb Sayt | 📹Youtube |