BIR DAVRADA...
  Ardoqli hofiz Sherali Jo'raevga

Hofiz kirib keldi horg'in davraga...
Kuygan, suyganlarning dilini  chertib.
Qaradi. Bazmning avji to'rida
Bir mashshoq kuylardi bo'g'zini yirtib...
Bu qo'shiq..
bu yurak uniki edi!
Musallam arshiga dam urgan damlar.
Osmon girdobiga uryon uchganda
"Dod"solib qulardi ko'kdan odamlar!..
Necha dovonlarga dov urgandi u,
Arslon o'kirigi - na'rasin tortib.
Bir millat sha'nini ko'targandi u,
Bir millat yukini yelkaga ortib!
Qani o'sha Qayslar?
Devona Qayslar...
Alam xori kirgan tovonlariga?
"Hu'"desa,
"Yohu!" deb ergashgan kaslar?
Boshin urib o'lsa Dovonlariga...
Qani Zulayholar?
Zuhrolar qani?
Ishq uchun jon berib, jonini tutgan?
Oltin beshiklarda tebrangan qoni?..
Nahot bari o'tgan?
Bari unutgan?

...Poygakda jimgina kutadi Hofiz
Ochilar darvoza tabaqalari!
"Bahor ayyomi"ga...charx urar bir qiz,
Sarmast chayqaladi izdihom qa'ri.
...O'tirar
va chekar...qattiq, xijolat.
Buzganday bir oliy dam shukuhini.
Nogoh ko'rib qolar;
ko'zlarida dard,
U'ziday mujarrad shoir Ruhini!
...Shoir yalangoyok, tushadi yo'lga,
Mohim Begim bo'lib chaqirar Qobul...
Hech kim payqamaydi,
Hech kim bilmaydi,
G'amgin chiqib ketar davradan Bobur!..
        16.09.2014.
....Bu o'shanda Shoirga bag'ishlangan katta bir anjumanda
yuz bergandi...
Olloh rahmat qilsin...
@Zebo_mirzo

Abduhoshim Ismoilov nimani o'g'irlab kelgan edi?
Nimani gapirishni hohlamadi?
Sir tutilgan ko'ngildagi achchiq haqiqatlar?
"Maqom" uchun qanday zarbalar qabul qilgan edilar?

Shu... va boshqalar haqida "Zamondosh" ko'rsatuvida.
"Madaniyat va ma'rifat" Telekanali, yakshanba soat 17-07 da!

Такроран так,дим этилмок,да.
Ку'ринг ва мулох,азаларингизни юборинг.

Ассалому алайкум! Сиз билан яна бирга эканлигимиздан бахтиёрмиз.
"Замондош" кўрсатувининг бугунги қаҳрамони Ўзбекистонда хизмат кўрсатган артист Беҳзод Муҳаммадкаримов.
"Буюк Амир  Темур" роли учун уни танлашмаган эди!
Камералар нега бузилди?..
Кино учун театрдан ҳайдалишга тўғри келдими?..
Иккинчи Отабек бўлиш қийинми...
Унинг энг севимли образи...
Ҳали кимдир сўрамаган саволларга...очиқ жавоблар...
Юрак ҳақиқатлари...
Бугун  соат 20-40ларда.
"Маданият ва маърифат" телеканалида учрашамиз.
Бизни ўтказиб юборманг...
Ҳурмат билан Зебо Мирзо.

#onatilimfaxrim
"Qadring baland bo'lsin, ona tilim!"


ONA TILIGA QASIDA
✍🏻 Zebo MIRZO she'ri

https://www.youtube.com/watch?v=_XCHNQRL8aI Zebo Mirzoning "Istayveraman" she'ri Turkiyada Furkan O'zdemir blogida Turk tilida yangradi.

Монолог: "Онамга" (Зебо Мирзо)
@Zebo_mirzo

Bugun Zebo Mirzo tavallud topgan kun!

Навоийга нома...

Оппоқ тонглар эшигин очиб борар оппоқ шам,
Осмонга оят ёзар Нурли Илоҳий Қалам.
-Навоийдан бир Сўз айт, токи уйғонсин олам,
Ухлаётган дилларни Сўзлар уйғотар, болам!
Айтгил: "Сиз элнинг шони, фитрати Навоийсиз,
Сўз мулкининг султони Ҳазрати Навоийсиз!
Сизким,
Ул Низомиддин Мир Алишер ...ҳам Фоний,
Ҳам Туркийда яктосиз, форсийда шер лисоний,
"Кўнгилларнинг севгани" – "Хазойин -ул маоний",
Малак кифтида олий, фалак кафтида оний,
Юрт қалбининг уммони, ҳайбати Навоийсиз..
"Бадое ул-бидоя" – ёшлик айёмида Ишқ,
"Наводир ун ниҳоя" – умрнинг шомида Ишқ ,
"Насойим ул-муҳаббат" – оловнинг домида Ишқ,
Аттор пайғомида Ишқ , Жомийнинг жомида Ишқ,
Лутфийнинг бор туғёни,  ҳайрати Навоийсиз..
Ким билмас, Амир Темур Жаҳонгир довруғини,
Ер юзин меҳварига санчганда Ўз туғини!
Кўтарайин кўкка деб бутун бир халқ руҳини
Бани башар қалбига қадади Сўз туғини!
Сизким, Руҳ  арслонин шиддати Навоийсиз!
Дунёга сўз айтдингиз Қуш тилин  оҳангида,
Деҳавий, Ганжавийлар дил берган ишқ рангида.
Панжага панжа уриб, қиличлар жарангида
Беш қитъани олдингиз Буюк "Хамса" жангида!
Беш муаззам достони шуҳрати Навоийсиз!
Рубъи маскун гавҳари Самарқандни ёд этиб,
Боғи чорбоғ , мадраса, кўприклар бунёд этиб,
Сўзу Соз, Нақшу нигор аҳли ҳам ижод этиб,
Эл кўнглини шод этиб, мамлакат обод этиб,
Шоҳ, Байқаро аркони давлати – Навоийсиз..
Тариқат сулукида асрор – Ваҳдатул вужуд,
Пири дастгирсиз Валий – Ҳақ сори учган Ҳудҳуд.
Ки,  Беҳзод   мўйқалами  учида порлаган ўт,
Ёндирди Ғарбу Шарқни ...Қосим Али...ё Маҳмуд
Музаҳҳибнинг энг ёниқ  суврати – Навоийсиз!
Ғайб қушлари  сиз сари алҳон учиб келурлар,
Қизғалдоқлар қирлардан алвон  кўчиб келурлар.
Лайли Мажнунлар ваҳдат майин ичиб келурлар,
"Ишқ" деб, Фарҳод Ширинлар жондин кечиб келурлар,
Олис ишқнинг осмони, талъати Навоийсиз!
18 минг оламнинг сарҳадини билганлар,
Ўлмай туриб ўлганлар, Қақнусдай туғилганлар.
Юракнинг ҳар сасидан қайтадан тирилганлар,
Худодан берилганлар, Худога берилгайлар!..
Ҳақ йўлининг ҳоқони, қуввати Навоийсиз!
Сиз деганда Хуросон, Ҳинду афғон бирлашур,
Қиличлар пастга тушиб,  ёвлар хушхон бирлашур.
Мулки Турон бирлашур, Турку Турон бирлашур,
Жаҳон  харитасида аҳли жаҳон бирлашур,
Руҳ ила қалб бирлашур, жисм ила жон бирлашур,
Сўз мулкининг султони Ҳазрати Навоийсиз,
Олам элининг жони, қудрати Навоийсиз!..

Зебо Мирзо
20 январ
3 феврал 2023
@Zebo_Mirzo

O‘zbekiston Respublikasi Prezidentining “Madaniyat, san’at va adabiyot sohalari xodimlaridan bir guruhini mukofotlash to‘g‘risida”gi Farmoniga binoan

Mirzayeva Zebo Boymanovna - O‘zbekiston Yozuvchilar uyushmasi a’zosi, shoira

«O‘zbekiston Respublikasida xizmat ko‘rsatgan madaniyat xodimi» faxriy unvoni bilan taqdirlandi.

O‘zbekistonda xizmat ko‘rsatgan madaniyat xodimi Zebo Mirzo “Mahalla” telekanalining “Kun nafasi” dasturi mehmoni bo‘ldi.

O‘zbekiston Yozuvchilar uyushmasi Axborot xizmati

“Sen borki, xalq bo‘lib birlashamiz biz!”

O‘zbekiston Respublikasida xizmat ko‘rsatgan madaniyat xodimi Zebo Mirzo bilan Adiblar xiyoboni bo‘ylab sayr qilamiz. Yo‘l-yo‘lakay “O‘zbek tiliga qasida” tinglaymiz va shoiraning o‘zbek tiliga oid mulohazalari bilan tanishamiz.

Videoning sifatli variantini mana bu yerda ko‘rishingiz mumkin.

Eslatma: Video kasbiy ta’lim tashkilotlari oʻquvchilari va OTM talabalari uchun tayyorlandi.

Bizni kuzatib boring:
Instagram | Telegram | Youtube | Facebook

* Ифтихор

Она тилимизни ҳамма севади!

Зебо Мирзо. Она тилига қасида

Жондор туман ихтисослаштирилган мактаб она тили ва адабиёт фани ўқитувчиси Назарова Дилнавоз ва 8-синф ўқувчиларидан байрам туҳфаси