ምግብ ያለመብላት በሽታ



▶አኖሬክዚያ ነርቮሳ (Anorexia Nervosa) ይህ በሽታ ከአዕምሮ በሽታዎች አንዱ ሲሆን ፤ የዚህ በሽታ ተጠቂ የሆኑ ሰዎች ስለሚበሉት እና ስለ መወፈር አብዝቶ የሚያሳስባቸው ሲሆን መወፈርን እጅግ አብዝተው የሚጠሉ ናቸው::

▶ይህ በሽታ በሴቶች ላይ ጎልቶ የሚስተዋል ሲሆን በአብዛኛው እድሜያቸው ከ 20 ዓመት በታሽ የሆኑትን ያጠቃል::

🔸የዚህ በሽታ መለያው ምንድነው?

▪እራስን ለረሃብ ማጋለጥ

▪መወፈርን አጥብቆ መፍራት እና መጨነቅ

▪ውፍረትን ለመቀነስ በማሰብ ትንሽ መብላት

▪የበሉትን ምግብ ማስመለስ

▪የምግብ ሰዓትን ማሳለፍ

▪ከመጠን በላይ ከስተው እያሉ የራሳቸውን ሰውነት እጅግ በጣም እንደወፈረ ማሰብ

🔹በበሽታው ምክንያት በሰውነት ላይ የሚታዩ ምልክቶች አሉ?

▪ለልብ በሽታ መጋለጥ
▪ሰውነት መድከም እና ሁሌም ብርድ ብርድ ማለት

▪በሴቶች የወር አበባ መዛባት እንዲሁም ለተከታታይ ጊዜያት የወር አበባ አለማየት
▪የሆድ ድርቀት
▪የእንቅልፍ ችግር
▪የማሰብ እና የማስታወስ ችሎታ መቀነስ
▪ለድብርት በሽታ መጋለጥ

🔹ለዚህ በሽታ መፍትሄ ይኖረው ይሆን?

▪የአመጋገብ ስርዓትን ለመቀየር ከሃኪም ጋር መማክር

▪የስነልቦና ህክምና

#Share #share #share

🙏🙏🙏መልካም ምሽት 🙏🙏🙏

የበሽታ መከላከያ ህክምና የሚያስፈልጋቸው ሰዎች?

የሄፐታይተስ ቢ ሆነ የሄፐታይተስ ሲ ቫይረስ ህክምና በኢትዮጵያ በተወሰኑ የመንግስት ሆስፒታሎች የሚሰጥ ሲሆን ምርመራውን አድርጎ ቫይረሱ የተገኘበት ሰው ወደ ሆስፒታሎች በመምጣት አገልግሎቱን ማግኘት ይችላል።

መልካም ቀን ☕️
#share

"ሰላም ዶክተር ልጄ የ1 ዓመቱ ነው። ፎቶ ላይ እንደሚታየው በአንገቱ ፊት ለፊት ላይ እብጠት አለው። ይህ ምን ሊሆን ይችላል? ስለዚህ ጉዳይ በደንብ ብታብራራልኝ!"
(የወላጅ ጥያቄ)

🌡ውድ ጠያቂያችን ስለ ጥያቄው በጣም እናመሰግናለን!

🌡ይህ ችግር በጣም የተለመደ እና በየቀኑ ከምናያቸው ችግሮች መካከል አንዱ ነው! ይህም ችግር Thyroglossal Duct Cyst ይባላል!

🌡በልጆች በአንገት ላይ የላይኛው ወይም መካከለኛው የፊት ክፍል ላይ ህመም የማያሳይ እብጠት ሲሆን አንዳንዴም ፈሳሽ ሊፈነዳ እና ፊስቱላ ሊፈጥር የሚችል ችግር ነው።

🌡ከአፈጣጠር ጋር የተያያዘ ችግር ሲሆን የካንሰርነት ባህሪ የሌለው እብጠት ነው።

✍ጥያቄ-1፡ Thyroglossal Duct cyst ምንድን ነው?

🌡አንድ ጽንስ እያደገ ሲሄድ የታይሮይድ ዕጢ ከምላስ አካባቢ በመነሳት የታችኛው የአንገት ክፍል መውረድ አለበት።

🌡የሚወርድበት መንገድ ብዙውን ጊዜ ምንም ዱካ አይተውም። መዘጋት አለበት!

🌡 የዚህ መንገድ ትንሽ ክፍል ከቀረ በፈሳሽ ሊሞላና የታይሮግሎሳል ቱቦ ሲስት (Thyroglossal Duct Cyst) ሊፈጥር ይችላል።

✍ጥያቄ-2፡- ለምን አሁን ታዬ? ለምን እንደ ተወለደ አልታየም?

🌡ክፍተተቱ ልጆች ከተወለዱበት ጊዜ ጀምሮ ይኖራል። ከላይ በአይናችን ላናየው እንችላለን!

🌡ነገር ግን ከጊዜ በኋላ ብዙውን ጊዜ ከ1-5 ዓመት አካባቢ ፣ በተለይም ከጉንፋን ወይም ከጉሮሮ ኢንፌክሽን በኋላ ሊታወቅ ይችላል፣ ይህም እብጠቱን ሊያባብሰው ይችላል።

✍ጥያቄ -3 ፡- አደገኛ ነው? ካንሰርነት ባህሪ ይኖረው ይሆን?

🌡ያን ያክል አደገኛ የሚባል ችግር አይደለም።

🌡በልጆች ላይ ይህ ሁኔታ ሁልጊዜ ማለት ይቻላል የካንሰርነት ባህሪ ያለው አይደለም።

🌡ለወደፊቱ ከእዚህ እብጠት የሚነሳ ካንሰር እጅግ በጣም አልፎ አልፎ የሚከሰት ሲሆን ብዙውን ጊዜ በአዋቂዎች ላይ እንጂ በትናንሽ ልጆች ላይ አይታይም።

✍ጥያቄ-4 ፡- ይህ እብጠት መኖር አለመኖሩን እንዴት ይታወቃል?

🌡 በአካል ምርመራ በምናደርግበት ጊዜ እንደሚከተለው ሆኖ ሊታይ ይችላል!

💊💊በአንገታቸው መሃል ላይ ለስላሳ፣ ክብ እብጠት

💊💊 ሲውጡ ወይም ምላሳቸውን ወደ ውጭ ሲያወጡ ወደ ላይ እና ወደ ታች ሲንቀሳቀስ ይታያል!

🌡🌡ብዙውን ጊዜ ኢንፌክሽን ካልፈጠረ ስቃይ እና ህመም የለውም

✍ጥያቄ -5 ፡ የልጄን መተንፈስ፣ አመጋገብ ወይም ንግግር ላይ ተጽዕኖ ያደርስበት ይሆን?

🌡አብዛኛውን ጊዜ ይህን አይነት ችግር አያስከትልም።

🌡እነዚህ ችግሮች የሚከሰቱት ሲስቱ ከተበከለ( if it is superinfected) ወይም በጣም ትልቅ ከሆነ ብቻ ነው።

✍ጥያቄ-6፥ ተጨማሪ ምርመራዎች ያስፈልጉት ይሆን?

🌡አብዛኛውን ጊዜ የአንገት አልትራሳውንድ ምርመራ በቂ ነው።
🌡 የብጠት መኖሩን እና ከሌሎች እብጠት ምክንያቶች መለየት ይቻላል!
🌡ሌላው የታይሮይድ ዕጢ በተለመደው ቦታ ላይ መሆኑን ያረጋግጣል።

🌡 የደም ምርመራ እምብዛም አያስፈልግም።

✍ጥያቄ -7፡- ህክምና ያስፈልገዋል?

🌡አዎ!
🌡 የመጨረሻው ሕክምና ቀዶ ጥገና ነው!
🌡 ቀዶ ጥገናው Sistrunk Procedure ተብሎ የሚጠራ ሲሆን ይህም እብጠቱን ከስሩ እና አብሮ የተያያዘውን መካከለኛ የhyoid አጥንት ክፍል የማስወገድ ሂደት ነው!
🌡ይህም እንደገና እንዳይከሰት ይከላከላል።

🌡ቀዶ ጥገናው ብዙውን ጊዜ የሚከናወነው ህፃኑ ጤናማ እና ምንም አይነት ኢንፌክሽን በሌለበት ጊዜ መሆን ይኖርበታል ።

✍ጥያቄ - 8፡ ባይታከም ምን ሊያስከትል ይችላል?

🌡ካልታከመ የሚከተሉትን ችግሮች ሊያስከትል ይችላል፡

🩺በተደጋጋሚ ኢንፌክሽን መፍጠር
🩺ሊፈነዳ ወይም ፊስቱላ ሊፈጥር ይችላል!
🩺ከጊዜ በኃላ ከዚህ እብጠት ካንሰር ሊነሳ ይችላል!

🌡ስለዚህ እብጠቱ ህመም የሌለው ቢሆንም እንኳ በቀዶ ጥገና ማስወገድ ይመከራል።

✍ጥያቄ - 9፡- ቀዶ ጥገናው ለአንድ ዓመት ልጅ ደህንነቱ የተጠበቀ ነው?

🌡 አዎ!
🌡ልምድ ባላቸው ባለሙያዎች ከተሰራ በጣም የተለመደ እና ደህንነቱ የተጠበቀ የህፃናት ቀዶ ጥገና አይነት ነው።

🌡ልጆች ከዚህ ህክምና በኋላ በፍጥነት በማገገም በአጭር ጊዜ ውስጥ ወደ ቤታቸው ይሄዳሉ።

✍ጥያቄ- 10 ፡- ከቀዶ ጥገና በኋላ ተመልሶ ይመጣል ወይ?

🌡ቀዶ ጥገናው በትክክል ከተደረገ በድጋሚ የመምጣት እድሉ በጣም አልፎ አልፎ የሚከሰት ነው።

💊በመጨረሻም ውድ ጠያቂያችን ይህ ችግር በልጆች ላይ የተለመደና ሊታከም የሚችል ችግር ሲሆን በተገቢው ህክምና መስተካክል የሚችል እንደሆን መረዳት ያስፈልጋል።

❤️ ጠቃሚ መረጃ ነው ብለው ካሰቡ ለሌሎችም ወላጆች እንዲደርስ በቅንነት #share ያድርጉት ‼️🙏

📘በዚህ ጉዳይ ተጨማሪ ጥያቄ መጠየቅ ከፈለጉ ወይም በሌሎች ጉዳዬች በማንኛውም ጊዜ ማንኛውንም ጥያቄ ለመጠየቅ ከስር ያለውን አድራሻ መጠቀም ይቻላል።
👇👇👇👇👇👇

📲+251911441651

🌡🙏ሌሎች መረጃዎች ሲለቀቁ እንዲደርሷችሁ የtelegram አድራሻችንን ይቀላቀሉ!

http://t.me/DrSaleamlakT

ህፃናት በሁሉም ቦታ በቂ እንክብካቤ እንዲያገኙ እንሰራለን!!!

አዘጋጅ :-

ዶ/ር ሳለአምላክ ጥጋቤ: የህፃናት ቀዶ ህክምና ስፔሻሊስት ሐኪም እና ረዳት ፕሮፌሰር (YK12HMC)

Dr. Saleamlak Tigabie: MD, Pediatric Surgeon, FCS-ECSA(at YK12HMC) ,Addis Ababa, Ethiopia