💬ДЕМАЛЫСТЫ ЖАҒЫМДЫ ӘРІ ҚАУІПСІЗ ЕТУ ҮШІН НЕ ІСТЕУ КЕРЕК?

☀️Иә, жаз — бұл демалыс, саяхат және белсенді серуен кезеңі.
Алайда күннің қызуы мен жылы ауа райымен қатар, денсаулыққа қауіп төндіретін бірқатар факторлар да артады: қызып кету, сусыздану (дегидратация), тамақтан улану, судағы жазатайым оқиғалар мен жәндіктердің шағуы.

Қоғамдық денсаулық сақтау ұлттық орталығы еске салады:

Қарапайым, бірақ тиімді шараларды сақтау денсаулықты сақтауға және демалудан тек жағымды эмоциялар алуға көмектеседі.

🌡️ Жылу мен сусызданудан қорғаныңыз
Күннің ең ыстық уақыты (сағат 11:00 мен 16:00) аралығында далада ұзақ болудан аулақ болыңыз.
🧢 Ашық түсті, жеңіл киім киіп, бас киімді ұмытпаңыз. Су ішуді шөлдеуді күтпей бастаңыз.
🚫 Алкоголь мен тәтті газдалған сусындар дегидратацияны күшейтеді — олардан аулақ болыңыз.

🧴 Күннен қорғану
Жоғары SPF деңгейі бар күннен қорғайтын кремдерді қолданыңыз, әсіресе жағажайда немесе таулы аймақта болғанда.
😎 Күннен қорғайтын көзілдірік пен бас киім киіңіз.
Күннен күйіп қалу — тек терінің зақымдануы ғана емес, болашақта тері обырының қаупін арттыратын фактор екенін есте сақтаңыз.

🌊 Суда қауіпсіздік шараларын сақтаңыз
Тек арнайы рұқсат етілген орындарда шомылыңыз.
👶 Балаларды су жағасында қараусыз қалдырмаңыз.
Алкоголь ішіп суға түсу — аса қауіпті. Тіпті тәжірибелі жүзушілер де қиын жағдайға тап болуы мүмкін.

🍉 Тамақтану мен гигиена ережелерін сақтаңыз
Жазда тамақ тез бұзылады.
🧼 Тек жаңа дайындалған тағамдарды тұтынып, оларды дұрыс жағдайда сақтау аса маңызды.
Күмәнді жерлерде көшеде тамақтанудан аулақ болыңыз. Табиғатта немесе жолда жүргенде, тамақ ішер алдында қолыңызды жуыңыз.

🦟 Жәндіктердің шағуынан сақтаныңыз
Кенелер мен масалар көп болатын аумақтарда репелленттер қолданыңыз.
🌿 Табиғатқа шыққанда жабық киім киіп, серуеннен кейін денеңізді мұқият қарап шығыңыз.

✅ Қарапайым ережелер — қауіпсіз демалыстың кепілі!
Жазғы күндер пайдалы әрі қауіпсіз болуы үшін осындай сақтық шараларын есте ұстаңыз.
☀️ Күн, ауа, су — сізге тек пайда әкеледі, егер сіз оларға ақылмен қарасаңыз.
Өзіңізді қорғаңыз, денсаулығыңызды сақтаңыз және демалысты шынымен де пайдалы өткізіңіз!

Құрметті мектепке дейінгі ұйым ата аналар. Шілде айының 03-13 күндері аралығында индиго электронды жүйесі арқылы балаңыздың табелін растау керектігін хабарлайды.
Егерде табель 2 ай қатар расталмаса, 2024жылғы 30 желтоқсандағы N372 бұйрық негізінде бөбекжай келісімшартты бұзуға құқылы

Жезқазған қаласы бойынша 2024-2025 жазғы жинақтау орындары ваучер арқылы беріледі. Ваучер әр ата анаға жеке беріледі. Ақшаға алып беремін деген қызметтерге сенбеңіздер. Жеке парақшаларыңыздың логин паролдеріңізді ешкімге бермеңіздер. Толық ақпарат алу үшін Жезқазған қаласының білім бөліміне хабарласыңыздар немесе білім бөлімінің әлеуметтік желілеріндегі ақпаратпен танысыңыздар (инста, фб, телегерамм)

ҚҰРМЕТТІ АТА-АНАЛАР!
15 шілдеден мектепке дейінгі ұйымдарда күнтізбелік жылда 2 жасқа толатын балаларға орын алу үшін ваучерлерді тарату басталды. Ал 3-4 жастағы балаларға 21 шілдеде беріледі.
ЕД 24 қосымшасына ваучер берілгені туралы хабарлама келгенде, БӨБЕКЖАЙДАҒЫ бос орынның барына көз жеткізіп алып қабылдаңыздар. Ол үшін хабарлама келген уақытта INDIGO жүйесіне кіріп БОС ОРЫНДАР бастырмасынан орынның бар болуын қарап көз жеткізгеннен кейін
ВАУЧЕРДІ қабылдаңыздар.
Ваучерлер INDIGO жүйесінде кезекпен автоматты түрде БӨБЕКЖАЙДА орынның бар немесе жоқ екеніне, баланың жасына қарамай жаппай таратылады, оларды беру процесіне ешкім әсер ете алмайды! Ұлытау облысының білім бөлімінің Жезқазған қаласының білім бөлімі «ақшаға қызмет алып берушілер» (мошенники) сізге көмектеспейді, зиян тигізетінін ескертеді!
Ата-аналар, «ақшаға қызмет алып берушілерге» жеке кабинетінің құпия сөзін бергенде (былтырғы жылы да!), олар жеке кабинетке кіріп, ваучер алынғанын көріп қызметі үшін ақша талап етеді, ақша аударудан бас тартқан жағдайда баланы кезектен алып тастайды. Мұндай жағдайда кезекті қалпына келтіру мүмкін емес, ата-аналар баланы қайтадан кезекке қоюға мәжбүр болады! Егер сіз өзіңіздің деректеріңізді «ақшаға қызмет алып берушілер» (мошенники) жіберген болсаңыз-жеке кабинетке кіру үшін құпия сөзді шұғыл түрде өзгертіңіз!

ВАУЧЕРДІ қабылдамасаңыздар, 2 күннің ішінде тоқтату парағына түседі, ол жерден төмендегі ҚАЙТА КЕЗЕККЕ ОРАЛУ бастырмасы арқылы қайта кезекке келтіруге болады.

Жезқазған қаласы білім бөлімі, ВАУЧЕР алу кезінде немесе ИНДИГО жүйесінде түсінбеушіліктер болса, Жезқазған қаласы.
Ғарышкерлер көшесі 35 ғимарат
Аманат” ғимараты
1 қабат, 1 кабинетке келіңіздер.
Байланыс тел: 87102410861
Жұмыс уақыты: 9.00-18.00
Түскі ас уақыты 13.00-14.30

📌📌📌. Құрметті мектепке дейінгі жастағы ата аналар. Бөбекжайларда бос орындар әлі де ашылуда. Орын ваучер берілгеннен кейін қол жетімді болады. Ваучер жұмыс күндері кешкі 18.00 де бастап беріледі, бірінші күту парағында тұрғандарға, содан кейін 19.00 де жалпы ваучерлері бар тұлғаларға.

ҚР Оқу-ағарту министрлігі: оқушылардың оқу және демалыс кезеңдері айқындалды


ҚР Оқу-ағарту министрлігі орта білім беру ұйымдарында 2025-2026 оқу жылының басталу және аяқталу мерзімдерін, сондай-ақ каникул кезеңдерін нақтылады.

Оқу процесі 2025 жылғы 2 қыркүйекте басталып, 2026 жылғы 25 мамырда аяқталады. Білім күніне арналған салтанатты жиынның уақыты мен күні мектептің педагогикалық кеңесінің шешімімен белгіленеді.
Бірінші тоқсанда оқу уақыты 8 апта. Күзгі каникул 2025 жылғы 27 қазанда басталып, 2 қарашаны қоса алғандағы 7 күнге созылады.

Екінші тоқсан 8 оқу аптасынан тұрады. Қысқы каникул 2025 жылғы 29 желтоқсанда басталып, 2026 жылғы 7 қаңтарды қоса алғандағы 10 күнге жалғасады.
Бірінші сынып оқушылары үшін қосымша демалыс 2026 жылғы 9 ақпаннан 15 ақпанды қоса алғандағы 7 күнді құрайды.

Үшінші тоқсан 10 оқу аптасынан тұрады.

Көктемгі каникул 2026 жылғы 19 наурызда басталып, 29 наурызды қоса алғандағы 11 күнге созылады.
Төртінші тоқсанның ұзақтығы 8 оқу аптасын құрайды, оқу жылы 2026 жылғы 25 мамырда аяқталады.

ЖЕЗҚАЗҒАН ҚАЛАСЫ, ГЕОЛОГИЯ ЕЛДІ МЕКЕНІНДЕ ОРНАЛАСҚАН «ҰЛЫТАУ ОБЛЫСЫНЫҢ БІЛІМ БАСҚАРМАСЫНЫҢ ЖЕЗҚАЗҒАН ҚАЛАСЫНЫҢ БІЛІМ БӨЛІМІНІҢ №12 ЖАЛПЫ БІЛІМ БЕРЕТІН МЕКТЕБІНЕ ЖҰМЫСҚА ТӨМЕНДЕГІДЕЙ ҚЫЗМЕТКЕРЛЕРДІ ҚАБЫЛДАЙДЫ:
* Директордың оқу ісі жөніндегі орынбасары -1 бірлік
* Директордың тәрбие ісі жөніндегі орынбасары-1 бірлік
* АӘД пәні мұғалімі -1 бірлік
* Әлеуметтік педагог -1 бірлік
* Педагог психолог – 1 бірлік
* Логопед – 1 бірлік
* Тәлімгер -0,5 бірлік
* Кітапханашы -0,5 бірлік
* Лаборант -4 бірлік
* ПӘН МҰҒАЛІМДЕР -20 бірлік (бастауыш сынып және барлық пән мұғалімдері)
* Іс қағазын жүргізуші 1 бірлік
* Бухгалтер – 1 бірлік
* Экономист – 1 бірлік
* Шаруашылық бойынша меңгеруші -1 бірлік
* Инженер техник- 1 бірлік
* Техникалық қызметкерлер 11 бірлік
* Жұмыскерлер – 4 бірлік
* Күзетші – 3 бірлік
* Вахтер – 2 бірлік
* Аула сыпырушы – 1 бірлік
* Гардеробщик -1 бірлік
Жоғарыдағы вакансия орындарға ТҮЙІНДЕМЕНІ (РЕЗЮМЕ) Жезқазған қаласының білім бөліміне Жезқазған қаласы Ғарышкерлер көшесі 35 ғимаратында (АМАНАТ ) 1 кабинетке немесе Геология елді мекені Шамшырақ -25 мекен жайында орналасқан Жезқазған қаласының білім бөлімінің №12 жалпы білім беретін мектебіне өткізулеріңізге болады. Байланыс телефон: 87770724528
Жұмыс уақыты 9.00-18.30. түскі ас уақыты: 13.00-14.30