▪ မွန်အမျိုးသားနေ့ဟာ မွန်လူမျိုးတို့ အထွဋ်အမြတ်ထားတဲ့ နေ့ထူးနေ့မြတ် ဖြစ်ပါတယ် ။ သာသနာသက္ကရာဇ် (၁၁၁၆)ခုနှစ်၊ တပို့တွဲလပြည့်ကျော်(၁)ရက်၊ တနင်္လာနေ့မှာ သမလကုမ္မာနဲ့ ဝိမလကုမ္မာ မွန်မင်းသားညီနောင်နှစ်ပါးတို့ ဟံသာဝတီမင်းနေပြည်တော်ကို စတင်တည်ထောင်ခဲ့တဲ့နေ့ကို အစွဲပြုပြီး "မွန်အမျိုးသားနေ့" သတ်မှတ်ခဲ့ကြတာဖြစ်ပါတယ် ။

▪ (၁၉၄၆)ခုနှစ်၊ ဒီဇင်ဘာ(၂)ရက်၊ မြန်မာသက္ကရာဇ် (၁၃၀၈)ခုနှစ်၊ နတ်တော်လဆန်း(၉)ရက်နေ့မှာ မွန်မျိုးချစ်ခေါင်းဆောင်များ၊ ရဟန်းသံဃာတော်များနဲ့ မွန်ပညာရှင်တွေ စုပေါင်းပြီး မွန်ပြည်နယ်၊သံဖြူဇရပ်မြို့ ပငကျေးရွာမှာ ညီလာခံကျင်းပပြုလုပ်ကာ ဟံသာဝတီမွန်နေပြည်တော်ကို စတင်တည်ထောင်တဲ့နေ့ဖြစ်တဲ့ တပို့တွဲလပြည့်ကျော်(၁)ရက်နေ့ကို "မွန်အမျိုးသားနေ့" အဖြစ် တညီတညွတ်တည်း သတ်မှတ်ခဲ့ကြပြီး၊ (၁၉၄၇)ခုနှစ်က စတင်ကျင်းပခဲ့တဲ့ မွန်အမျိုးသားနေ့ဟာ အခုနှစ်ဆိုရင် (၇၅) ကြိမ်မြောက် ဖြစ်ပါတယ် ။

▪ သမိုင်းကြောင်းအရ "မွန်အမျိုးသားနေ့" ဟာ မြန်မာနိုင်ငံလွတ်လပ်ရေးမရရှိခင်အချိန်ကာလကတည်းက ကျင်းပလာခဲ့ကြတာဖြစ်ပါတယ်။ တပို့တွဲလပြည့်ကျော်(၁)ရက်နေ့တိုင်းမှာ ပြည်တွင်း၊ပြည်ပမှာရှိတဲ့ မွန်လူမျိုးတွေဟာ ဒေသအလိုက် မွန်အမျိုးသားနေ့ကို ကျင်းပလေ့ရှိကြပါတယ် ။

▪ ကျင်းပတဲ့နေရာအလိုက် အမျိုးသားနေ့အခမ်းအနားကျင်းပပုံဟာ ကွဲပြားကြပါတယ်။ မွန်အမျိုးသား အလံတော်ကို အလေးပြုခြင်း၊ ဟောပြောပွဲ ကျင်းပခြင်း၊ စာပေယဉ်ကျေးမှုပြိုင်ပွဲများ ကျင်းပခြင်း၊ အားကစား ပြိုင်ပွဲများ ကျင်းပခြင်း၊ ထမနဲထိုးပွဲများ ကျင်းပခြင်း၊ ရဟန်းသံဃာတော်များအား ဆွမ်းကပ်လှူဒါန်းခြင်း ၊ ပျော်ပွဲရွှင်ပွဲများကျင်းပခြင်းတွေ ပြုလုပ်လေ့ရှိကြပါတယ်။

▪ တစ်ချိန်က ယဉ်ကျေးမှုအစဉ်အလာ ကြီးမားခဲ့ပြီး ကိုယ်ထီးကိုယ်နန်းကိုယ်ကြငှန်းနဲ့ ဝင့်ထည်စွာနေလာခဲ့တဲ့ လူမျိုးဖြစ်ခဲ့တဲ့ မွန်လူမျိုးတွေဟာ မွန်အမျိုးသားနေ့မှာ တစ်ချိန်က မွန်လူမျိုးတို့ရဲ့ သမိုင်းကြောင်းရာဇဝင်ကို ပြန်လည်အောက်မေ့တမ်းတကြပါတယ်။ မွန်လူမျိုးတို့ရဲ့အမျိုးသားဆိုင်ရာ ရပိုင်ခွင့်အတွက်လည်း နည်းအမျိုးမျိုးနဲ့ ယနေ့တိုင် ရုန်းကန်လှုပ်ရှားနေ​ကျဆဲ ဖြစ်ပါတယ်။

နောက်ပို့စ်တွေမှာ ပျော်ရွှင်ကျန်းမာစွာပြန်တွေ့ကြမယ်နော်...... ။

#MOENUG #HomeBasedLearning #Myanmar

သူငယ်ချင်းတို့ရေ….ဒီနေ့က ဘာနေ့လဲသိလား။

ဒီနေ့ ဖေဖော်ဝါရီ ၂၀ ရက်နေ့က တောင်ဇလပ်နဲ့ချယ်ရီတွေရဲ့ဌာနေ ချင်းပြည်နယ်နဲ့ ချင်းလူမျိုးတွေရဲ့ အမျိုးသားနေ့ပဲဖြစ်ပါတယ်။

▪️ချင်းအမျိုးသားနေ့က နယ်ချဲ့ဗြိတိသျှတို့ရဲ့ ဖိနှပ်ချုပ်ချယ်မှု‌အောက်မှာ ခေါင်းငုံ့မခံဘဲ ချင်းတိုင်းရင်းသားတွေအနေနဲ့ ရရာလက်နက်စွဲကိုင်ပြီး ရဲရဲတောက်တော်လှန်ရာကနေ သန္ဓေတည်လာတာပါ။၊ မြန်မာနိုင်ငံ လွတ်လပ်ရေးရပြီးတဲ့နောက် ‌ ချင်းအမျိုးသားညီလာခံကို ၁၉၄၈ခု၊ ဖေဖော်ဝါရီ ၁၉ရက်ကနေ ၂၂ ရက်နေ့ထိ ချင်းပြည်နယ် ဖလမ်းမြို့မှာ ကျင်းပခဲ့ပါတယ်။ အဲ့ဒီညီလာခံမှာ‌တော့ ချင်းဝိသေသတိုင်းမှာ ကျန်ရှိနေသေးတဲ့ သက်ဦးဆံပိုင်ပဒေသရာဇ်အုပ်ချုပ်ရေးစနစ်ကို ပယ်ဖျက်ပြီး ဒီမိုကရေစီအုပ်ချုပ်‌ရေးစနစ်ကို ရှေ့ဆောင်ချမှတ်ခဲ့ပါတယ်။ တစ်ဆက်တည်းမှာပဲ အဲ့ဒီလို သမိုင်းအစဉ်အလာကြီးတဲ့ ၁၉၄၈၊ ဖေဖော်ဝါရီလ ၂၀ ရက်နေ့ကို အစွဲပြုပြီး ချင်းအမျိုးသားနေ့ရယ်လို့ တညီတညွတ်တည်း ဆုံးဖြတ်သတ်မှတ်ခဲ့ကြတာပါ။ ၁၉၈၈ နောက်ပိုင်း န.၀.တ နဲ့ န.အ.ဖ ခေတ်မှာတော့ "ချင်းအမျိုးသားနေ့" ကို "ချင်းပြည်နယ်နေ့" အမည်နဲ့ပဲ တရား၀င်ကျင်းပခိုင်းပါတယ်။ ဒါပေမယ့် အဲ့ဒီလို ပိတ်ပင်မှုတွေကို အံတုပြီး ချင်းလူမျိုးတွေက ချင်းအမျိုးသားနေ့ကို နှစ်စဉ်မပြတ် ကျင်းပခဲ့ကြပါတယ်။

▪️ဖေဖော်ဝါရီ ၂၀ ရက်နေ့ရောက်တိုင်း မြန်မာနိုင်ငံအတွင်းမှာနေထိုင်တဲ့ ချင်းလူမျိုးတွေအပြင် ကမ္ဘာတစ်ဝှမ်းလုံးမှာရှိတဲ့ ချင်းလူမျိုးတွေကလည်း ချင်းရိုးရာ၀တ်စုံတွေ ၀တ်ဆင်၊ ချင်းရိုးရာ အကအလှများနဲ့ ဈေးရောင်းပွဲတွေကျင်းပပြီး ကိုယ်ရောက်ရှိနေတဲ့ နေရာအသီးသီးကနေ စည်စည်ကားကားဆင်နွှဲကြပါတယ်။

အိမ်အိမ် အနေနဲ့လည်း ယခု ၂၀၂၂ ခုနှစ်မှာ ၇၄ ကြိမ်မြောက်ကိုရောက်ရှိလာပြီဖြစ်တဲ့ ချင်းလူမျိုးတွေရဲ့ နေ့ထူးနေ့မြတ် ချင်းအမျိုးသားနေ့ကို ကြိုဆိုဂုဏ်ပြုလိုက်ရပါတယ်။
#MOE #Chin #MBEH

၂၀၂၂ ခုနှစ်၊ အခြေခံပညာပြီးမြောက်ကြောင်းစစ်ဆေးအကဲဖြတ်ခြင်း
ပြည်သူသို့ အသိပေးတင်ပြခြင်း
၁။ အခြေခံပညာအဆင့်ပြီးမြောက်၍ အဆင့်မြင့်ပညာနှင့် အသက်မွေးဝမ်းကျောင်း ပညာရပ်များ ဆက်လက်ဆည်းပူးနိုင်ရေးအတွက် ရည်ရွယ်၍ ကျင်းပပေးသော တက္ကသိုလ်ဝင်စာမေးပွဲကို ၂၀၂၀ ပြည့်နှစ်၊ မတ်လတွင် နောက်ဆုံးအကြိမ်ကျင်းပနိုင်ခဲ့ပါသည်။ ၂၀၂၁ ခုနှစ်မှစ၍ ယနေ့အချိန်အထိ Covid-19 ကပ်ရောဂါနှင့် စစ်တပ်၏ အကြမ်းဖက်အာဏာသိမ်းမှုကြောင့် ဖြစ်ပေါ်လာသော နိုင်ငံတော်၏ အခြေအနေအရပ်ရပ်ကြောင့် စာမေးပွဲများ ကျင်းပနိုင်ခဲ့ခြင်းမရှိပါ။
၂။ အခြေခံပညာအထက်တန်းအဆင့် ကျောင်းသား၊ ကျောင်းသူများ၏ ပညာဆက်လက်သင်ယူခွင့်များ မဆုံးရှုံးစေရန် အမျိုးသားညီညွတ်ရေးအစိုးရ၊ ပညာရေးဝန်ကြီးဌာနအနေဖြင့် ကြိုးပမ်းဆောင်ရွက်လျက် ရှိပါသည်။ ပညာရေးဝန်ကြီးဌာနအနေဖြင့် စစ်ဆေးအကဲဖြတ်ခြင်းဆိုင်ရာ လုပ်ငန်းစဉ် အဆင့်ဆင့်တွင် စစ်ဆေးအကဲဖြတ်ခြင်းနှင့် သက်ဆိုင်သော ကျောင်းသားသမဂ္ဂများ၊ မိဘများ၊ ဆရာသမဂ္ဂများနှင့် တက္ကသိုလ်ကောင်စီများ၊ မြို့နယ်အခြေခံပညာရေးဘုတ်အဖွဲ့များ၊ အရပ်ဖက်နှင့် တိုင်းရင်းသားပညာရေးအဖွဲ့အစည်းများ၊ ဘာသာရပ်ဆိုင်ရာပညာရှင်များ၊ စစ်ဆေးအကဲဖြတ်မှု ဆိုင်ရာ ကျွမ်းကျင်ပညာရှင်များနှင့် တွေ့ဆုံညှိနှိုင်းပြီး အကြုံပြုချက်များ ရယူဆောင်ရွက်လျက် ရှိပါသည်။ သို့မှသာ ဖက်ဒရယ်ဒီမိုကရေစီပညာရေးသဘောတရားများ၊ ပြောင်းလဲတိုးတက်လာမည့် နိုင်ငံအခြေအနေနှင့် ကိုက်ညီမျှတမည့် စစ်ဆေးအကဲဖြတ်ခြင်း (ယခင်အခေါ် တက္ကသိုလ်ဝင် စာမေးပွဲ)နှင့် အသိအမှတ်ပြုခြင်းဆိုင်ရာ လုပ်ငန်းကော်မတီများဖွဲ့စည်းပြီး စစ်ဆေးအကဲဖြတ်ခြင်း လုပ်ငန်းအဆင့်ဆင့်ကို စနစ်တကျ အကောင်အထည်ဖော် ဆောင်ရွက်လျက် ရှိပါသည်။
၃။ စစ်ဆေးအကဲဖြတ်ခြင်းဆိုင်ရာလုပ်ငန်းများကို စီစဉ်ဆောင်ရွက်ရာတွင် မေးခွန်းပုံစံ၊ စစ်ဆေးမည့် ဘာသာရပ်များ၊ စစ်ဆေးမည့် အချိန်ကာလနှင့်ကြာချိန်၊ ထည့်သွင်းမည့် မေးခွန်းအမျိုးအစားများ၊ စစ်ဆေးရာတွင် အသုံးပြုမည့် ဘာသာစကားများကို ရွေးချယ်သတ်မှတ်ရန် လိုအပ်ပါသည်။ ထိုသတ်မှတ်ချက်များကို စဉ်းစားဆုံးဖြတ်ရာတွင် မသန်စွမ်းသူများ၊ စစ်ဘေးရှောင်ဒေသတွင် နေထိုင်သူများ၊ လွတ်မြောက်နယ်မြေတွင် နေထိုင်သူများ၊ ရွှေ့ပြောင်းနေထိုင်သူများစသည်ဖြင့် အခြေအနေအမျိုးမျိုးနှင့် ရင်ဆိုင်နေရသော ကျောင်းသား၊ ကျောင်းသူများအားလုံး ဝင်ရောက်ဖြေဆို နိုင်မည့် ပညာရည်စစ်ဆေးအကဲဖြတ်ခြင်းတစ်ရပ် ဖြစ်စေရေးကို ဦးတည်ဆောင်ရွက်မည်။
၄။ စစ်ဆေးအကဲဖြတ်မှုကိုဆောင်ရွက်မည့်အချိန်စာရင်း၊ မေးခွန်းလွှာပုံစံ၊ ဖြေဆိုရမည့်ပုံစံ၊ လေ့ကျင့်ရန် မေးခွန်းနမူနာများစသည့် စစ်ဆေးအကဲဖြတ်မှုလုပ်ငန်းများနှင့် သက်ဆိုင်သော သတင်းအချက် အလက်များကို ကျောင်းသား၊ ကျောင်းသူများ၊ ဆရာ၊ ဆရာမများနှင့် မိဘအုပ်ထိန်းသူများအားလုံးထံသို့ အချိန်နှင့်တစ်ပြေးညီ သိရှိနိုင်ရန် ထုတ်ပြန်ကြေညာသွားမည် ဖြစ်ပါသည်။
၅။ တော်လှန်ရေးတွင် တိုက်ရိုက်ပါဝင်လှုပ်ရှား၍သော်လည်းကောင်း၊ တော်လှန်ရေးတွင် ပါဝင်လှုပ်ရှားမှု များကြောင့် မတရားဖမ်းဆီး အကျဥ်းချခံရခြင်း၊ တော်လှန်ရေးလှုပ်ရှားမှုများ သို့မဟုတ် မတရားဖမ်းဆီး နှိပ်စက်စစ်ဆေးမှုများကြောင့် ကိုယ်လက်အင်္ဂါထိခိုက်ပျက်စီးရသူများ၊ ကျန်းမာရေး ယိုယွင်းထိခိုက် ရသူများ၊ စိတ်ပိုင်းဆိုင်ရာထိခိုက်ရသူများအတွက် ပညာရေးဆိုင်ရာ နစ်နာဆုံးရှုံးမှုများ မရှိစေရန် လိုအပ်သော အစီအစဥ်များကို ဦးစားပေး စီစဉ်ဆောင်ရွက်မည်။
၆။ ၂၀၂၂ ခုနှစ်၊ အခြေခံပညာပြီးမြောက်ကြောင်းစစ်ဆေးအကဲဖြတ်ခြင်းတွင် ပါဝင်ရန် လက်လှမ်းမမီသောကြောင့်ဖြစ်စေ၊ ဆက်သွယ်မှုခက်ခဲနေသောကြောင့်ဖြစ်စေ အခြား အခက်အခဲအမျိုးမျိုးကြောင့် ဖြစ်စေ စာမေးပွဲဖြေဆိုနိုင်ခြင်းမရှိသော ကျောင်းသူ၊ ကျောင်းသားများအတွက်လည်း ပညာရေးဆိုင်ရာ နစ်နာဆုံးရှုံးမှုများ မရှိစေရန်အတွက် လိုအပ်သော အစီအစဥ်များကို စီစဥ်ဆောင်ရွက်မည် ဖြစ်ပါသည်။

ကဲ ..........!
ဒီနေ့မှာတော့ Grade-9 မှာတက်ရောက်သင်ယူလေ့လာနေကြတဲ့သူငယ်ချင်းတွေ အိမ်အိမ်နဲ့အတူ မြန်မာစာဘာသာရပ်ကို လေ့လာကြရအောင်။

▪အဋ္ဌမတန်း မြန်မာစာ (ကဗျာ) ထဲက "စိတ်နေမြင့်သူ" အကြောင်းကို အတူလေ့လာကြမယ်နော်။ ဒီသင်ခန်းစာထဲမှာ "စိတ်‌နေမြင့်သူ" ဆိုတာ ဘယ်သူ့ကိုပြောတာလဲ၊ အဲဒီကဗျာလေးရဲ့စိတ်၀င်စားဖို့ကောင်းတဲ့အချက်တွေကဘာလဲ၊ ဘယ်လိုထူးခြားမှုတွေရှိသလဲ၊ ဒီကဗျာကနေ ဘယ်လိုဗဟုသုတတွေရနိုင်တာလဲ စတာတွေကို သိရှိနိုင်မှာဖြစ်ပါတယ်။ စိတ်၀င်စားဖွယ်ကောင်းအောင် ဆွေးနွေးပြထားတာ​​ဖြစ်လို့ အိမ်အိမ်တို့အတွက် ပျော်ရွှင်စရာစာလေ့လာချိန်လေးဖြစ်မယ်လို့ထင်ပါတယ်။

▪ နောက်ပြီးတော့ "စိတ်နေမြင့်သူ" ကဗျာလေးကနေတစ်ဆင့် ဘ၀အသိအမြင်တစ်ခု ဒါမှမဟုတ် ခံစားမှုတစ်ခုခုကို ရနိုင်မှာဖြစ်သလို ကဗျာနဲ့ပတ်သက်ပြီး တခြားဆက်စပ်တဲ့အကြောင်းအရာတွေကို ဆရာမက‌ ဆွေးနွေးပေးထားတာဖြစ်လို့ သူငယ်ချင်းတို့အနေနဲ့လည်း ဒီကဗျာလေးကနေ သင်ယူရရှိတာတွေကို ဝေမျှကြစေချင်ပါတယ်။ သင်ခန်းစာပြီးသွားတဲ့အခါမှာလည်း သင်ခန်းစာကို ပိုမိုနားလည်သဘောပေါက်ဖို့ရည်ရွယ်ပြီး လေ့ကျင့်ခန်းလေးတွေပေးထားပါသေးတယ်။ သေချာစဉ်းစားပြီးဖြေကြည့်ကြပါဦးနော်။

▪ ဒီကဗျာလေးကနေ ကဗျာရဲ့အသံချိုသာမှုတွေ၊ ဆရာမရဲ့ဆွေးနွေးချက်တွေနဲ့အတူ လှပတဲ့အတွေးအမြင်သစ်တစ်ခုကို အိမ်အိမ်တိို့ရရှိမယ်လို့မျှော်လင့်ပါတယ်။ ဗီဒီယိုမှာပါတဲ့လေ့ကျင့်ခန်းတွေဟာ သင်ခန်းစာကို ပိုမိုနားလည်စေဖို့၊ ပြန်လည်သုံးသပ်နိုင်ဖို့အပြင် အိမ်အိမ်တို့ကိုယ်တိုင်ချဲ့ထွင်စဉ်းစားတတ်ဖို့ လေ့ကျင့်ပေးထားတာဖြစ်ပါတယ်။

▪ သင်ခန်းစာလေးရဲ့ Youtube link ကို အိမ်အိမ်က ထည့်ပေးထားမယ်နော်။
https://youtu.be/ij77IoKUAyc
ဒါ့အပြင် အမျိုးသားညီညွတ်ရေးအစိုးရ၊ ပညာရေးဝန်ကြီးဌာနကနေ အဋ္ဌမတန်းအတွက် လေ့လာလို့ရနိုင်တဲ့ Learning Channel တွေကိုလည်း ဖော်ပြပေးထားတာဖြစ်လို့ သူငယ်ချင်းတွေ join ထားဖို့ မမေ့နဲ့နော်။

အဋ္ဌမတန်းနဲ့ သက်ဆိုင်တဲ့ သင်ရိုးညွှန်းတမ်းစာအုပ် နှင့် နေအိမ်အခြေပြုပညာသင်ကြားခြင်းဆိုင်ရာ လမ်းညွှန်ချက်များကို Myanmar Basic Education Home ရဲ့ Moodle Learning Platform မှာ ရယူနိုင်ပါတယ်။
◼Moodle Link - https://learning-moe.nugmyanmar.org/be/course/index.php?categoryid=13

သင်ခန်းစာဆိုင်ရာ အခက်အခဲများကို Facebook Group တွင် ဆွေးနွေးအကြံဉာဏ်ရယူနိုင်ပါတယ်။
◼ Grade 9 - https://www.facebook.com/groups/grade9.moe

Telegram Channel တွင် သင်ခန်းစာများကို အလွယ်တကူ Download ရယူဖြန့်ဝေနိုင်ပါတယ်။
◼Grade 9 MBEH Channel - https://t.me/joinchat/h_dGU4hsGHc3MzA1

Viber တွင် သင်ခန်းစာများကို အလွယ်တကူ ရှာဖွေနိုင်မည် ဖြစ်ပါတယ်။
◼Grade 9 MBEH Channel - https://invite.viber.com/?g2=AQAICKjAk0ageE37UXJDs6CXCsa%2B8nXu9IfhPw9ElczKeWT9Sw2lEHqDqT9VNpW5

YouTube Learning Channel တွင်လည်း သင်ခန်းစာများကို အလွယ်တကူ ဝင်ရောက်လေ့လာနိုင်ပါတယ်။
◼MBEH YouTube Channel - https://www.youtube.com/channel/UCvfxMmBn5nn819JoPL1Fu1A/playlists

နေအိမ်အခြေပြုသင်ယူခြင်းအစီအစဉ်ဆိုင်ရာအချက်အလက်များ
==
▪ အမျိုးသားညီညွတ်ရေးအစိုးရ၊ ပညာရေးဝန်ကြီးဌာန၏ အခြေခံပညာအဆင့် နေအိမ်အခြေပြုသင်ယူခြင်း (Home-Based Learning) အစီအစဉ်တွင် သင်ယူ‌ပါဝင်မည့် ကျောင်းသူ/ကျောင်းသားများနှင့် မိဘ/အုပ်ထိန်းသူ များသည် အောက်ပါလင့်တွင် အမည်စာရင်း ထည့်သွင်းနိုင်ပါသည်။
https://register-moe.nugmyanmar.org/basic-form
https://fb.watch/87aOjA1697/

▪ နေအိမ်အခြေပြုပညာသင်ယူခြင်း လုပ်တဲ့အခါ မိဘတွေအနေနဲ့ ဘယ်လိုကူညီရမလဲ?
https://www.facebook.com/BE.moeNUG/posts/140083851659480
https://fb.watch/87bAHlqE5D/

▪ ကြားကာလ အခြေခံပညာအဆင့် နေအိမ်အခြေပြုသင်ယူခြင်း (Home-Based Learning) အစီအစဉ် သင်ယူစဉ် စစ်ဆေးအကဲဖြတ်မှတ်တမ်းနှင့် စစ်ဆေးအကဲဖြတ်မှတ်တမ်းချုပ် နမူနာပုံစံများ
https://www.facebook.com/BE.moeNUG/posts/137968371871028

▪ နောက်ရက်တွေမှာလည်း ကျန်အတန်းတွေရဲ့ အတန်းအလိုက် စိတ်ဝင်စားဖွယ်လေ့လာစရာတွေကို အိမ်အိမ်က ထပ်ပြောပြပေးသွားမှာမို့လို့ မျှဝေပေးဖို့ မမေ့ပါနဲ့နော်။

#MOENUG #HomeBasedLearning #Myanmar

သူငယ်ချင်းတို့ရေ
ဒီနေ့မှာတော့ အိမ်အိမ်က ၂၁ ရာစု မှာ မရှိမဖြစ်လိုအပ်လာတဲ့ Digital literacy အကြောင်းကိုအနည်းငယ်ရှင်းပြ‌ပေးပါမယ်။

▪ ယခုလို နည်းပညာ ခေတ်ကြီးမှာ ပုံမှန် စာရေး စာဖတ်တတ်ရုံနဲ့မလုံလောက်တော့ပါဘူး။ Digital literacy လို့ခေါ်တဲ့ ဒီဂျစ်တယ်စာတတ်မြောက်မှုကလဲ လိုအပ်လာပြီ ဖြစ်ပါတယ်။

အဲ့တော့ Digital literacy ဆိုတာဘာလဲ ❓

▪ American Library Association ရဲ့ အဆိုအရ Digital Literacy ဆိုတာ သတင်းအချက်အလက်တွေကို ရှာဖွေ၊ သုံးသပ်၊ ဆက်သွယ်မျှဝေဖို့အတွက် အသိပညာ နဲ့ နည်းပညာကျွမ်းကျင်မှု နှစ်ခုလုံးကို ပေါင်းစပ်ကာ ဆက်သွယ်ရေးဆိုင်ရာ နည်းပညာတွေကို အသုံးချနိုင်တဲ့ စွမ်းရည် တစ်မျိုးပဲဖြစ်ပါတယ်။

▪ ဒီဂျစ်တယ် စာတတ်မြောက်မှုကိုတိုင်းတာရာမှာ ကိုယ့်အနေနဲ့ Digital tools (ဒီဂျစ်တယ် application, program) တွေကိုဘယ်လောက်ထိ ကျွမ်းကျွမ်းကျင်ကျင်အသုံးချနိုင်လဲဆိုတာနဲ့ တင်မလုံလောက်ပါဘူး။ မိမိရဲ့ digital tool တွေကိုအသုံးချပြီး သတင်းအမှားအမှန် စီစစ်နိုင်မှု၊ မိမိရဲ့ အွန်လိုင်းပေါ်က လုပ်ဆောင်မှုတွေက တစ်ပါးသူကိုနစ်နာစေမှုရှိမရှိ၊ အွန်လိုင်းပေါ်မှာမိမိကိုယ်ကို လုံခြုံအောင်ထားနိုင်မှု (ဥပမာ social media account တွေကိုလုံခြုံအောင်ထားတာ) စသဖြင့်အချက်တွေနဲ့လဲ တိုင်းတာရပါမယ်။

▪ ဒါကတော့ Digital literacy ရဲ့ အကျဉ်းချူံး ဖွင့်ဆိုချက်ပါ။ သူငယ်ချင်းတို့အနေနဲ့ Digital literacy အကြောင်း ပိုပြီးနှံ့နှံ့စပ်စပ် သိချင်ပြီး၊ Digital literacy ဟာနိုင်ငံသားကောင်းဖြစ်မှု၊ ကောင်းမွန်တဲ့ အုပ်ချုပ်မှုစတာတွေနဲ့ ဘယ်လိုဆက်စပ်တယ်ဆိုတာတွေ လေ့လာချင်ရင်တော့ Digtech ASEAN မှထုတ်ထားတဲ့ Digital toolkit လေးတွေကို ဒီ link ကနေ အခမဲ့ download ရယူပြီးဖတ်ရှုနိုင်ပါတယ်။
https://drive.google.com/file/d/1N_AIRRdWEdsls9kFGHAKIw0wuW5lx5z4/view

▪ ဒီဂျစ်တယ် စာတတ်မြောက်မှု ဆက်စပ်ပညာပေး ဆောင်းပါး တွေကို လဲ Digtech ASEAN page မှာလေ့လာနိုင်ပါတယ်။
https://www.facebook.com/digtech.asean

သူငယ်ချင်းတို့လဲ Digital Literacy Skill အပြည့်အဝရှိတဲ့ နိုင်ငံသားကောင်းများဖြစ်နိုင်ကြပါစေ။

#MOE #MBEH #MyanmarBasicEducationHome #DigitalLiteracy #Myanmar

"တောင်သူလယ်သမားနေ့"မှာ အိမ်အိမ်တို့ရဲ့ တောင်သူလယ်သမားဦးကြီးတွေကို ဂုဏ်ပြုကြိုဆိုရင်း တပို့တွဲလပြည့်ကျော်(၄)ရက် ယနေ့မှာကျရောက်တဲ့ တောင်သူလယ်သမားနေ့ရဲ့သမိုင်းကြောင်းကို အိမ်အိမ်က
မျှဝေပေးလိုက်ပါတယ်။

▪️ကိုလိုနီနယ်ချဲ့လက်အောက်မှာ အင်္ဂလိပ်မြေရှင်တွေရဲ့ မတရားဂုတ်သွေးစုပ် ချယ်လှယ်မှုတွေကြောင့်တောင်သူလယ်သမားတွေရဲ့ဘဝဟာ တဖြည်းဖြည်းအကြွေးနွံနစ်ခါ လယ်ယာတွေဟာချစ်တီးနဲ့ အရင်းရှင်ကြီးတွေ လက်ထဲကိုရောက်ခဲ့ရပြီး လုံးပါးပါးခဲ့ရပါတယ်။ (1930)ကမ္ဘာ့စီးပွားပျက်ကပ်စိုက်တဲ့ကာလမှာ
လယ်သမားအများစုဟာ လယ်လုပ်ရန်အတွက် လယ်ယာ​​မြေမရှိကြတော့သည်အထိ ဂုတ်သွေးစုပ်ခြင်းကိုခံခဲ့ရပါတယ်။

▪️ဒါကြောင့် ဆူပူအုံကြွမှုတွေဖြစ်ပေါ်ခဲ့ပါတယ်။ အင်္ဂလိပ်အစိုးရဟာ တောင်သူလယ်သမားတွေကို တပ်မဟာတွေ ဖြန့်ကျက်ကာ ရက်ရက်စက်စက် နှိမ်နှင်းခဲ့ကြပါတယ်။ သာယာဝတီခရိုင်မှာ ဆရာစံဦးဆောင်တဲ့တောင်သူလယ်သမား အခြေပြုဂဠုန်တပ်မကြီးဟာ ရရာလက်နက်စွဲကိုင်ပြီး အင်္ဂလိပ်အစိုးရကို ပြန်လည်တိုက်ခိုက်ခဲ့ကြပါတယ်။ တောင်သူလယ်သမားများနဲ့ ကျေးလက်နေပြည်သူများကိုအောင်မြင်စွာ စည်းရုံးနိုင်ခဲ့ပြီး၊အရေးတော်ပုံကြီးပြုလုပ်ဖို့ သဘောတူညီချက် ရခဲ့ပါတယ်။

▪️ အရှိန်အဟုန်ပြင်းလားတဲ့တောင်သူလယ်သမားတို့ရန်ကို စိုးရိမ်လာတဲ့ အင်္ဂလိပ်အစိုးရဟာသာယာဝတီဘက်ကို တပ်အင်အားဖြန့်ကျက်ကိုင်တွယ်ဖို့ ဗျူဟာ​တွေချမှတ်ခဲ့ပါတယ်။ (1930)ပြည့်နှစ်၊ ဒီဇင်ဘာလ(22) ရက်နေ့မှာ တစ်တိုင်းပြည်လုံးက တောင်သူလယ်သမားတစ်ရပ်လုံး ပါဝင်ခဲ့တဲ့ တော်သူလယ်သမားအရေးတော်ပုံကြီး စတင်ခဲ့ပါတယ်။

▪️ဆရာစံဟာ မိမိကိုယ်တိုင်က“သုပဏ္ဏက ဂဠုန်ရာဇာ“ဘွဲ့ကို ခံယူခဲ့​ပြီး ဂဋုန်တပ်မကို နှစ်နှစ်ကျော်ကြာတဲ့အထိ အရေးတော်ပုံဦးမကျိုး​စေဘဲ ဦးဆောင်ခဲ့ပါတယ်။ အင်္ဂလိပ်အစိုးရဟာ တောင်သူလယ်သမားတို့တောင်းဆိုချက်ကို မျက်ကွက်ပြုကာ အင်အားသုံး
နှိမ်နင်းပြီး၊ ခေါင်းဆောင်တွေကို မိရာနေရာမှာ ရက်ရက်စက်စက်ဖမ်းဆီးသတ်ပစ်ခဲ့ပါတယ်။ ဆရာစံကိုယ်တိုင်လည်း ဖမ်းဆီးကွက်မျက်ခံခဲ့ရပါတယ်။

▪️တောင်သူလယ်သမားအရေးတော်ပုံကြီးဟာ မြန်မာ့လွတ်လပ်ရေးရဲ့ပထမဦးဆုံးတော်လှန်မှုကြီးဖြစ်ပါတယ်။ မြန်မာနိုင်ငံလွတ်လပ်ရေးရရှိပြီးနောက် နှစ်စဉ် ဇန်နဝါရီလ (၁) ရက်နေ့ကို`တောင်သူလယ်သမားနေ့´ အဖြစ် (၁၉၆၂) ခုနှစ်၊ တော်လှန်ရေးကောင်စီလက်ထက်အထိ သတ်မှတ်ခဲ့ကြပါတယ်။

▪️( ၃၀-၁၂-၆၂ မှ ၁- ၁-၆၃) ရက်နေ့အထိ စစ်ကိုင်းမြို့နယ်၊ အုန်းတောကျေးရွာမှာ ပထမဆုံးအကြိမ်အဖြစ် တောင်သူလယ်သမားများနှင့်ပတ်သက်ပြီး မြေရှင်စနစ် ဖျက်သိမ်းရေးလုပ်ငန်းများကို အဆင့်ဆင့်ဆောင်ရွက်ခဲ့ကြပါတယ်။ (၃၀-၁-၆၃)နေ့မှ (၁-၂-၆၃)ရက်နေ့အထိ ဟင်္သာတမြို့နယ်၊ ဒူးယားကျေးရွာမှာ ဒုတိယအကြိမ် တောင်သူလယ်သမားနှီးနှောဖလှယ်ပွဲကြီးကိုကျင်းပခဲ့ကြပါတယ်။(၂-၃-၆၄) နေ့မှ (၆-၃-၆၄)ရက်နေ့အထိ တောင်ငူမြို့နယ်၊ ခပေါင်းကျေးရွာတွင် တောင်သူလယ်သမားနှီးနှောဖလှယ်ပွဲကို ကျင်းပခဲ့ပါတယ်။ထိုနှီးနှောဖလှယ်ပွဲတွင် လာမည့်နှစ်မှစတင်ပြီး မတ်လ (၂) ရက်နေ့ကို "တောင်သူလယ်သမားနေ့"အဖြစ် ပြောင်းလဲသတ်မှတ်ရန် အများသဘောတူဆုံးဖြတ်ခဲ့ကြပါတယ်။

▪️တောင်သူလယ်သမားဦးကြီးတွေဟာ နိုင်ငံရဲ့စီးပွားရေးအတွက်လွန်စွာ အားထားရတဲ့ဦးကြီးတွေဖြစ်ပါတယ်။ ဒါ့အပြင် အခုလို တောင်သူလယ်သမားအရေးတော်ပုံကို အခြေပြုပြီး နှောင်းခေတ်လူငယ်တွေအတွက် မျိုးချစ်စိတ်ဓာတ်နဲ့ဇာတိသွေးဇာတိမာန်တွေမွေးဖွားပေးနိုင်ခဲ့ကြတဲ့ တောင်သူလယ်သမားဦးကြီးများကို အိမ်အိမ်က ဦးညွှတ်ဂုဏ်ပြုလိုက်ပါတယ်နော်....။

နောက်ပို့စ်တွေမှာ ပြန်တွေ့ကြမယ်နော်။

#MOENUG #HomeBasedLearning #Myanmar

ကဲ ..........!
ဒီနေ့မှာတော့ Grade-10 မှာတက်ရောက်သင်ယူလေ့လာနေကြတဲ့သူငယ်ချင်းတို့‌ရေ အိမ်အိမ်နဲ့အတူ မြန်မာစာဘာသာရပ်ကို လေ့လာကြရအောင်။

▪ဒသမတန်း မြန်မာစာဘာသာရပ်ထဲက အပိုင်း(၂) အဖတ်အရွတ်သင်ခန်းစာတစ်ခုဖြစ်တဲ့စကား‌‌ပြေတစ်ပုဒ်ကို အိမ်အိမ်က ရွေးချယ်ပေးလိုက်ပါတယ်။ "အိုးစည်သံ" ရသစာတမ်းကို အိမ်အိမ်တို့အတူတူ လေ့လာကြမယ်နော်။ ဒီသင်ခန်းစာထဲမှာ "အိုးစည်သံ" ရဲ့အဓိပ္ပာယ်လေးနက်မှုအကြောင်း၊ မြန်မာနိုင်ငံရဲ့ဆယ့်နှစ်လရာသီပွဲတော်တွေနဲ့ အိုးစည်သံက ဘယ်လိုဆက်စပ်နေသလဲ၊ "အိုးစည်သံ" စကားပြေကိုရေးတဲ့စာ‌ရေးသူအကြောင်းတွေသာမက ဒီစကားပြေမှာ ဘယ်လိုထူးခြားမှုတွေရှိသလဲ၊ ဘယ်လိုဗဟုသုတတွေရနိုင်မလဲ စတာတွေကို သိရှိနိုင်မှာဖြစ်ပါတယ်။ ဆရာမက စိတ်၀င်စားဖွယ်ကောင်းအောင် ဆွေးနွေးပြထားတာ​​ဖြစ်လို့ အိမ်အိမ်တို့အတွက် ပျော်ရွှင်စရာစာလေ့လာချိန်လေးဖြစ်မယ်လို့ထင်ပါတယ်။

▪ နောက်ပြီးတော့ "အိုးစည်သံ" စကားပြေကနေတစ်ဆင့် စာရေးသူရဲ့အဓိပ္ပာယ်ဖွင့်ဆိုချက်၊ ဆန်းသစ်တဲ့အတွေးအမြင်‌တွေနဲ့အတူ ခံစားမှုတစ်ခုခုကို ရနိုင်မယ်လို့လည်း မျှော်လင့်ပါတယ်။ ရှင်းလင်းမြင်သာ‌တဲ့ခေါင်းစဉ်ခွဲ‌လေးတွေနဲ့ စကားပြေကိုလေ့လာရမဲ့နည်းလမ်းတွေကိုပါ ဆရာမက‌ ဆွေးနွေးပေးထားတာဖြစ်လို့ သူငယ်ချင်းတို့အနေနဲ့လည်း ဒီစကား‌ပြေကနေ သင်ယူရရှိတာတွေကို ဝေမျှကြစေချင်ပါတယ်။ သင်ခန်းစာပြီးသွားတဲ့အခါမှာလည်း သင်ခန်းစာကို ပိုမိုနားလည်သဘောပေါက်ဖို့ရည်ရွယ်ပြီး လေ့ကျင့်ခန်းလေးတွေ ထည့်ပေးထားပါသေးတယ်။ သေချာစဉ်းစားပြီးဖြေကြည့်ကြပါဦးနော်။

▪ ဒီ "အိုးစည်သံ" စကားပြေကနေ စာရေးသူနဲ့ပတ်သက်တဲ့ဗဟုသုတရဖွယ်အကြောင်းအရာတွေ၊ အဓိပ္ပာယ်ဖွင့်ဆိုမှုတွေ၊ လှပတဲ့အတွေးအမြင်တွေကို ဆရာမရဲ့ဆွေးနွေးချက်နဲ့အတူ မီးမောင်းထိုးပြထားတာမို့ အိမ်အိမ်တိို့အ‌နေနဲ့ စိတ်၀င်စားမယ်လို့မျှော်လင့်ပါတယ်။ ဗီဒီယိုမှာပါတဲ့လေ့ကျင့်ခန်းတွေဟာ သင်ခန်းစာကို ပိုမိုနားလည်စေဖို့၊ ပြန်လည်သုံးသပ်နိုင်ဖို့အပြင် အိမ်အိမ်တို့ကိုယ်တိုင်ချဲ့ထွင်စဉ်းစားတတ်ဖို့ လေ့ကျင့်ပေးထားတာဖြစ်ပါတယ်။

▪ သင်ခန်းစာလေးရဲ့ Youtube link ကို အိမ်အိမ်က ထည့်ပေးထားမယ်နော်။
https://youtu.be/m6xZW6kZV-o
ဒါ့အပြင် အမျိုးသားညီညွတ်ရေးအစိုးရ၊ ပညာရေးဝန်ကြီးဌာနကနေ ဒသမတန်းအတွက် လေ့လာလို့ရနိုင်တဲ့ Learning Channel တွေကိုလည်း ဖော်ပြပေးထားတာဖြစ်လို့ သူငယ်ချင်းတွေ join ထားဖို့ မမေ့နဲ့နော်။

ဒသမတန်းနဲ့ သက်ဆိုင်တဲ့ သင်ရိုးညွှန်းတမ်းစာအုပ် နှင့် နေအိမ်အခြေပြုပညာသင်ကြားခြင်းဆိုင်ရာ လမ်းညွှန်ချက်များကို Myanmar Basic Education Home ရဲ့ Moodle Learning Platform မှာ ရယူနိုင်ပါတယ်။
◼Moodle Link - https://learning-moe.nugmyanmar.org/be/course/index.php?categoryid=13

သင်ခန်းစာဆိုင်ရာ အခက်အခဲများကို Facebook Group တွင် ဆွေးနွေးအကြံဉာဏ်ရယူနိုင်ပါတယ်။
◼ Grade 10 - https://www.facebook.com/groups/grade10.moe

Telegram Channel တွင် သင်ခန်းစာများကို အလွယ်တကူ Download ရယူဖြန့်ဝေနိုင်ပါတယ်။
◼Grade 10 MBEH Channel - https://t.me/joinchat/0dB_0tSgLTowMjI9

Viber တွင် သင်ခန်းစာများကို အလွယ်တကူ ရှာဖွေနိုင်မည် ဖြစ်ပါတယ်။
◼Grade 10 MBEH Channel - https://invite.viber.com/?g2=AQA1Vj1h9HuS1E37Uk78OtCWLM9qw%2FEAMpn3c32qZhkNe1LOCr9oFVDveS0%2BmJEP

YouTube Learning Channel တွင်လည်း သင်ခန်းစာများကို အလွယ်တကူ ဝင်ရောက်လေ့လာနိုင်ပါတယ်။
◼MBEH YouTube Channel - https://www.youtube.com/channel/UCvfxMmBn5nn819JoPL1Fu1A/playlists

နေအိမ်အခြေပြုသင်ယူခြင်းအစီအစဉ်ဆိုင်ရာအချက်အလက်များ
▪ အမျိုးသားညီညွတ်ရေးအစိုးရ၊ ပညာရေးဝန်ကြီးဌာန၏ အခြေခံပညာအဆင့် နေအိမ်အခြေပြုသင်ယူခြင်း (Home-Based Learning) အစီအစဉ်တွင် သင်ယူ‌ပါဝင်မည့် ကျောင်းသူ/ကျောင်းသားများနှင့် မိဘ/အုပ်ထိန်းသူ များသည် အောက်ပါလင့်တွင် အမည်စာရင်း ထည့်သွင်းနိုင်ပါသည်။
https://register-moe.nugmyanmar.org/basic-form
https://fb.watch/87aOjA1697/

နေအိမ်အခြေပြုပညာသင်ယူခြင်း လုပ်တဲ့အခါ မိဘတွေအနေနဲ့ ဘယ်လိုကူညီရမလဲ?
https://www.facebook.com/BE.moeNUG/posts/140083851659480
https://fb.watch/87bAHlqE5D/
ကြားကာလ အခြေခံပညာအဆင့် နေအိမ်အခြေပြုသင်ယူခြင်း (Home-Based Learning) အစီအစဉ် သင်ယူစဉ် စစ်ဆေးအကဲဖြတ်မှတ်တမ်းနှင့် စစ်ဆေးအကဲဖြတ်မှတ်တမ်းချုပ် နမူနာပုံစံများ
https://www.facebook.com/BE.moeNUG/posts/137968371871028

နောက်ရက်တွေမှာလည်း ကျန်အတန်းတွေရဲ့ အတန်းအလိုက် စိတ်ဝင်စားဖွယ်လေ့လာစရာတွေကို အိမ်အိမ်က ထပ်ပြောပြပေးသွားမှာမို့လို့ မျှဝေပေးဖို့ မမေ့ပါနဲ့နော်။

#MOENUG #HomeBasedLearning #Myanmar

သူငယ်ချင်းတို့ရေ ဒီနေ့ မတ်လ ၈ ရက်နေ့မှာကျရောက်တဲ့ အပြည်ပြည်ဆိုင်ရာ အမျိုးသမီးများနေ့ ကို အိမ်အိမ်နဲ့ အတူကြိုဆိုလိုက်ရအောင်။

▪ ခေတ်အဆက်ဆက် အမျိုးသမီးများရဲ့ ယဉ်ကျေးမှု၊ နိုင်ငံရေးနဲ့ လူမှူ စီးပွားရေး ကဏ္ဌအသီးသီးမှာ ထွန်းပေါက် အောင်မြင်ခဲ့မှုတွေကို ဂုဏ်ပြုတဲ့အနေနဲ့ အပြည်ပြည်ဆိုင်ရာ အမျိုးသမီးများနေ့ကို နှစ်စဉ် မတ်လ ၈ရက်နေ့မှာ အားလပ်ရက်အနေနဲ့သတ်မှတ်ပြီး ကမ္ဘာအနှံ့မှာ ကျင်းပလေ့ရှိပါတယ်။

▪ အပြည်ပြည်ဆိုင်ရာ အမျိုးသမီးများနေ့ဟာ အမျိုးသမီးတွေရဲ့ ရပိုင်ခွင့်လှုပ်ရှားမှုတွေအတွက် အချက်အခြာကျပြီး ကျားမ တန်းတူညီမျှမှု၊ မျိုးဆက်ပွား အခွင့်အရေး၊ အမျိုးသမီးများ အပေါ်အကြမ်းဖက်မှု စတဲ့ပြဿနာတွေကို ပေါ်လွင်စေပါတယ်။

▪ နိုင်ငံတကာ အမျိုးသမီးများနေ့ ဟာ ၂၀ ရာစု အစောပိုင်းကာလမှာ နယူးဇီလန်နိုင်ငံမှာပေါ်ပေါက်ခဲ့တဲ့ အမျိုးသမီးတိုင်း ဆန္ဒမဲပေးပိုင်ခွင့် လှုပ်ရှားမှုကို အခြေတည်ပြီး မြောက်အမေရိကနဲ့ ဥရောပ မှာပေါ်ပေါက်ခဲ့တဲ့ အလုပ်သမား လှုပ်ရှားမှုများကတစ်ဆင့် ပေါ်ထွက်ခဲ့တာလဲဖြစ်ပါတယ်။

▪ ဆိုဗီယက် ရုရှားမှာ အမျိုးသမီးတွေရဲ့တက်ကြွစွာလှုပ်ရှားမှုတွေကတစ်ဆင့် အမျိုးသမီးအားလုံးဆန္ဒမဲပေးခွင့်ရတဲ့ ၁၉၁၇ ခုနှစ်မှစပြီး နိုင်ငံတကာ အမျိုးသမီးများနေ့ကို မတ်လ ၈ ရက်နေ့တိုင်းအများပြည်သူအားလပ်ရက်အဖြစ် နိုင်ငံတွင်းတရား၀င်သတ်မှတ်ခဲ့ပါတယ်။

▪ နောက်ပိုင်းမှာ ကုလသမ္ပဂ ကနေ တရား၀င် အသိအမှတ်ပြုတဲ့ ၁၉၇၇ ခုနှစ်ကစပြီး နိုင်ငံတကာ အမျိုးသမီးများနေ့ ကို ကမ္ဘာ့နိုင်ငံအများစုမှာ ဆင်နွှဲလာကြပါတယ်။

▪ နိုင်ငံတကာ အမျိုးသမီးများနေ့ ကို နှစ်စဉ် theme အမျိုးမျိုးနဲ့ကျင်းပပါတယ်။ ဒီနှစ်မှာတော့ ရာသီဥတုဖောက်ပြန်ပြောင်းလဲမှု တွေကိုရင်ဆိုင်ဖြေရှင်းတဲ့နေရာမှာ ကမ္ဘာအနှံ့ကအမျိုးသမီး‌တွေရဲ့ ဒေသအလိုက် ပါ၀င်ကူညီပေးမှုတွေကို ပေါ်လွင်စေတဲ့အနေနဲ့ "Gender equality today for a sustainable tomorrow" (ယနေ့ကျားမတန်းတူညီမျှမှု မှ ရေရှည်တည်တံ့တဲ့မနက်ဖြန်ဆီသို့) ခေါင်းစဉ်ဖြင့် ကျင်းပသွားမှာဖြစ်ပါတယ်။

သူငယ်ချင်းတို့လဲ လူ့အဖွဲ့အစည်းမှာ နိုင်ငံရေးအရ လူမှုရေးအရ စီးပွားရေးအရ ဘက်ပေါင်းစုံမှာ မရှိမဖြစ်အရေးပါတဲ့ အမျိုးသမီးတွေရဲ့ အခန်းကဏ္ဌကို‌ လေးစားအောက်မေ့ရင်း ဒီနေ့ အပြည်ပြည်ဆိုင်ရာ အမျိုးသမီးများနေ့ကို အိမ်အိမ်နဲ့အတူ ဖြတ်သန်းရအောင်နော်။

#IWD #International #Women #Day #MBEH #Myanmar #MOE #NUG

သူငယ်ချင်းတို့ရေ ဒီကနေ့ မတ်လ (၁၃) ရက်နေ့ဟာ ရန်ကုန်နည်းပညာတက္ကသိုလ်ကျောင်းသား ကိုဖုန်းမော်ကျဆုံးခဲ့တဲ့ (၃၄) နှစ်မြောက် နှစ်ပတ်လည်နေ့ တစ်နည်းအားဖြင့် "မြန်မာနိုင်ငံလူ့အခွင့်အရေးနေ့" ဖြစ်ပါတယ်။

▪️၁၉၈၈ ခုနှစ် မတ်လ (၁၃) ရက်မှာ စက်မှုတက္ကသိုလ်ကျောင်သား ကိုဖုန်းမော်ဟာ အဓိကရုဏ်းနှိမ်နှင်းရေးတပ်ဖွဲ့ဝင်တွေ ရက်စက်စွာပစ်ခတ်မှုကြောင့် သေဆုံးခဲ့ရပါတယ်။

▪️ကိုဖုန်းမော်သေဆုံးပြီး ရက်အနည်းငယ်အကြာမှာ ဒဏ်ရာတွေနဲ့ကွယ်လွန်သွားတဲ့အခြားကျောင်းသားတစ်ဦးဖြစ်သူ ကိုစိုးနိုင်ရဲ့နာရေးသတင်းနဲ့အတူ ရှစ်လေးလုံးအရေးအခင်းလို့ လူသိများတဲ့ စစ်အုပ်ချုပ်ရေးကို ဆန့်ကျင်တဲ့ လူထုဆန္ဒပြပွဲတွေ ဆက်တိုက်‌ပေါ်ထွက်လာခဲ့ပါတယ်။

▪️ဒီလိုကျောင်းသားအရေးအခင်းကနေ လူထုတိုက်ပွဲတွေအထိ ပေါ်ပေါက်လာစေတဲ့ ကိုဖုန်းမော်ကျဆုံးခဲ့ရတဲ့နေ့ကို "မြန်မာနိုင်ငံလူ့အခွင့်အရေးနေ့"အဖြစ် တက်ကြွလှုပ်ရှားသူတွေက သတ်မှတ်ခဲ့ကြပါတယ်။

▪️နှစ်စဉ် မြန်မာနိုင်ငံလူ့အခွင့်အရေးနေ့ မှာ ကိုဖုန်းမော် ကိုစိုးနိုင်တို့နဲ့ အတူ ဒီမိုကရေစီအရေးတော်ပုံ လှုပ်ရှားမှုတွေမှာ ကျဆုံးသွားခဲ့ကြတဲ့ ရဟန်းရှင်လူ ကျောင်းသားပြည်သူလူထုအပေါင်းကို အောက်မေ့သတိရခြင်းအထိမ်းအမှတ်ကျင်းပကြပါတယ်။

▪️ကျောင်းသားခေါင်းဆောင်များကလည်း အာဇာနည်ဗိမ္မာန်ရှေ့မှာ အလံတိုင်တစ်ဝက်လွှင့်ထူခြင်း စက်ဘီးစီးလှုပ်ရှားမှုများပြုလုပ်ခြင်းဖြင့် လူ့အခွင့်အရေးနေ့ကို ဂုဏ်ပြုကျင်းပကြပါတယ်။

▪️အိမ်အိမ်တို့ မြန်မာနိုင်ငံမှာလဲ လက်ရှိမှာ လွတ်လပ်မှု တရားမျှတမှု လူ့အခွင့်အရေးတွေကို ပြန်လည်ရယူနိုင်ဖို့ စွမ်းစွမ်းတမံအားထုတ်နေကြတဲ့အချိန်လဲဖြစ်ပါတယ်။

▪️ဒါကြောင့် နိုင်ငံရေးမှာ စစ်တပ်ပါဝင်ပတ်သက်မှု အဆုံးသတ်ရေး၊ လွတ်လပ်စွာ ဆန္ဒထုတ်ဖော်ခွင့်နဲ့ ကျောင်းသား သမဂ္ဂများနဲ့ အရပ်ဘက် လူ့အဖွဲ့အစည်းများ အစိုးရရဲ့ စွက်ဖက်မှုမရှိဘဲ လွတ်လပ်စွာ လုပ်ဆောင်နိုင်ရေးတို့ကို ဆထက်တပိုးကြိုးပမ်းဆောင်ရွက်သွားကြရမှာဖြစ်ပါတယ်။

ဒီကနေ့ မြန်မာ့လူ့အခွင့်အရေးနေ့ကို ဂုဏ်ပြုကြိုဆိုရင်း အမှောင်ခေတ်ကနေ အလင်းခေတ်ဆီကိုရောက်ဖို့ အတူတူကြိုးစားသွားကြပါစို့။

#MOE #MBEH #Myanmar

ဒီနေ့ မတ်လ (၁၃) ရက်နေ့မှာ ကျရောက်တဲ့ ရှမ်းနီ(တိုင်းလိုင်)လူမျိုးတို့ရဲ့ အထွဋ်အမြတ်‌နေ့ဖြစ်တဲ့ ရှမ်းနီအမျိုးသားနေ့ကို အိမ်အိမ်နဲ့အတူ ကြိုဆိုလိုက်ကြရအောင်။

▪ ရှမ်းနီအမျိုးသားတို့ရဲ့ မြို့ပြတည်‌ထောင်ခဲ့တဲ့ ရှမ်းနှစ် ၁၆၂၁ ခုနှစ် ၊မြန်မာ သက္ကရာဇ် (၈၈၈) ခုနှစ် ၊ ခရစ်နှစ် (၁၅၂၇) ခုနှစ် မတ်လ (၁၃) ရက်ကို အစွဲပြုပြီး ရှမ်းနီအမျိုးသားနေ့လို့ သတ်မှတ်ကျင်းပကြတာပါ။

ဒီနေ့ကို
▪ ရှမ်းနီအမျိုးသားဘိုးဘေးတို့တည်ထောင်ခဲ့တဲ့ မြို့ပြပြည်ထောင်တွေနဲ့ ရေမြေတောင်တောင်တို့ကိုတန်ဖိုးထားဖို့၊
▪ အစဉ်အလာကြီးမားတဲ့ ရိုးရာယဉ်ကျေးမှု ဓလေ့ထုံးစံတွေကို မပျောက်ပျက်အောင် ထိန်းသိမ်းတတ်ဖို့၊
▪ ရှမ်းနီအမျိုးသားတို့ရဲ့ ခိုင်မာစည်းလုံးတဲ့ သဘောဆန္ဒတွေကို ပေါင်းစည်းတည်ဆောက်ဖို့
စတဲ့ရည်ရွယ်ချက်တွေနဲ့ နှစ်စဉ်ဆင်နွှဲကြတာပါ။

ဒီနှစ်မှာဆိုရင်တော့ ရှမ်းနီအမျိုးသားနေ့ဟာ (၄၉၅) ကြိမ်မြောက်ကိုရောက်လာခဲ့ပြီ ဖြစ်ပါတယ်။ ဒီနေ့ဟာ ရှမ်းနီအမျိုးသားတို့အတွက် အလေးအမြတ်ထားရတဲ့ နေ့တစ်နေ့ဖြစ်တာကြောင့် အိမ်အိမ်တို့ကလည်း ရှမ်းနီလူမျိုးသူငယ်ချင်းတွေနဲ့အတူ ရှမ်းနီအမျိုးသားနေ့ကို နွေးနွေးထွေးထွေး ဂုဏ်ပြုကြိုဆိုလိုက်ရအောင်

#MOENUG #HomeBasedLearning #Myanmar

ယ​နေ့ကျရောက်တဲ ပအိုဝ်းအမျိုးသားနေ့မှာ ပအိုဝ်းတိုင်းရင်းသားတို့အတွက် ထူးခြားသည့် ဂုဏ်ထူးဝိသေသဖြင့်ပြည့်စုံသည့် နေ့ထူးနေ့မြတ်ဖြစ်ပါတယ်။ အိမ်အိမ်က ပအိုဝ်းအမျိုးသားနေ့ အကြောင်းကို ဝေမျှပေးမယ်နော်။