သူငယ်ချင်းတို့ရေ နေအိမ်အခြေပြုပညာသင်ယူခြင်းအစီအစဉ်(Home-Based Learning) နဲ့ ပညာသင်ကြားတဲ့အခါ အတန်းအလိုက် သင်ခန်းစာတွေလေ့လာနိုင်မယ့်၊ အခက်အခဲတွေကို မေးမြန်းဆွေးနွေးနိုင်မယ့် Facebook Groups တွေနဲ့ မိတ်ဆက်ပေးပါရစေ။

✅သက်ဆိုင်ရာအတန်းရဲ့ Facebook Group Link ကိုဝင်ရောက်ပြီး Join Groupကို နှိပ်ပါ။
✅သင်ခန်းစာများအား အစဉ်လိုက် ကြည့်ရှူရန်အတွက် Guides ကို နှိပ်ပါ။
✅Guide 1 မှစ၍ အစဉ်လိုက်သင်ယူနိုင်မည်ဖြစ်ပါသည်။
✅Lesson တစ်ခုပြီးဆုံးပါက Videoအောက်ခြေရှိ Done ကိုနှိပ်၍ ပြီးမြောက်ကြောင်း မှတ်သားနိုင်ပါသည်။
✅သင်ခန်းစာဆိုင်ရာအခက်အခဲများကိုလည်း မေးမြန်းဆွေးနွေးနိုင်မှာဖြစ်ပြီး အခက်အခဲတွေကို အချင်းချင်းတိုင်ပင်ဆွေးနွေး ကူညီဖြေရှင်းပေးနိုင်မှာ ဖြစ်ပါတယ်။

အောက်ပါ သက်ဆိုင်ရာ Groups လေးတွေကို Join ထားလိုက်ကြပါတော့နော် ဖေဖေ၊ မေမေ၊ ဦးဦး၊ ဒေါ်ဒေါ် နဲ့ သူငယ်ချင်းလေးတို့ရေ ...

📌 Facebook Learning Channels’ Group Link
→ Myanmar Basic Education Home Page - https://m.facebook.com/BE.moeNUG/
→ KG - https://www.facebook.com/groups/kg.moe
→ Grade 1 - https://www.facebook.com/groups/grade1.moe
→ Grade 2 - https://www.facebook.com/groups/grade2.moe
→ Grade 3 - https://www.facebook.com/groups/grade3.moe
→ Grade 4 - https://www.facebook.com/groups/grade4.moe
→ Grade 6 - https://www.facebook.com/groups/grade6.moe
→ Grade 7 - https://www.facebook.com/groups/grade7.moe
→ Grade 8 - https://www.facebook.com/groups/grade8.moe
→ Grade 9 - https://www.facebook.com/groups/grade9.moe
→ Grade 10 - https://www.facebook.com/groups/grade10.moe
→ Grade 11 - https://www.facebook.com/groups/grade11.moe
→ IT & General Knowledge - https://www.facebook.com/groups/itgk.moe

သူငယ်ချင်းတို့ရေ အိမ်အိမ်နဲ့ အတူ နေအိမ်မှာ လုံခြုံပျော်ရွှင်စွာ စာလေ့လာကြရအောင်။ အခက်အခဲတစ်ခုခု ရှိရင်လည်း တိုင်ပင်ဆွေးနွေးဖို့ ဝန်မလေးပါနဲ့နော်။ ❤
#MOENUG #HomeBasedLearning #Myanmar

ကျောင်းသူကျောင်းသား လူငယ်အများစုဟာ နေ့စဉ်ဘဝကို ဖြတ်သန်းရာမှာ တစ်ခါတစ်ရံ စိတ်ဖိစီးမှုများခြင်း၊ စိတ်ဓာတ်ကျခြင်းနဲ့ စိတ်ဒဏ်ရာရရှိခြင်းတွေ ဖြစ်ပေါ်တတ်ပါတယ်။ ကလေးများဟာ သူတို့ချစ်ခင်ရသူတစ်ယောက်ယောက် ဆုံးပါးသွားခြင်း၊ ပြင်းထန်စွာ နာမကျန်းဖြစ်ခြင်းတို့နှင့် ရင်ဆိုင်ရပါက အချိန်ကြာမြင့်စွာ စိတ်ဒဏ်ရာရရှိနိုင်ပါတယ်။

ကလေးများအနေနဲ့ စိတ်ဖိစီးမှုတွေ၊ စိတ်ဒဏ်ရာတွေခံစားရလာပါက ရှက်ရွံ့တုံ့ဆိုင်းမနေဘဲ ဖေဖေ၊ မေမေတို့ကို ချက်ချင်းပြောပြသင့်ပါတယ်။ ပြောပြတဲ့အခါမှာ ကိုယ့်စိတ်ထဲမှာ ဘယ်လိုခံစားနေရလဲ၊ ဘယ်အကြောင်းအရာကြောင့် စိတ်ဖိစီးမှုဖြစ်ပေါ်လာရသလဲဆိုတာတွေကိုပါ ထည့်သွင်းပြောပြလို့ရပါတယ်။ မိဘတွေအနေနဲ့လည်း ကလေးများ စိတ်ဖိစီးမှု၊ စိတ်ဓာတ်ကျမှုနဲ့ စိတ်ဒဏ်ရာတွေ ခံစားရပါက အိမ်အိမ်ပြောပြတဲ့အချက်လေးတွေကို သုံးပြီး ကလေးတွေကို စိတ်ပြေအောင် ကူညီလျှော့ချကြပေးပါနော်။

စိတ်ခံစားချက်များနှင့် ပတ်သက်ရင် အနုပညာက အလွန်သင့်တော်ကောင်းမွန်တဲ့ ကုထုံးတစ်ခုဖြစ်ပြီး ကလေးတွေအားလုံး ပါဝင်လုပ်ဆောင်နိုင်တဲ့ ပျော်ရွှင်ဖွယ် အကောင်းဆုံးလှုပ်ရှားမှုတစ်ခုပဲ ဖြစ်ပါတယ်။ မိဘများအနေနဲ့ ကလေးများကို ယုံကြည်မှု၊ ကျေနပ်မှုစတဲ့ စိတ်ခံစားမှုများဖြစ်ပေါ်လာအောင် အခွင့်အရေးများ နေ့စဉ်ဖန်တီးပေးပြီး အားပေးကူညီလုပ်ဆောင်ရပါမယ်။ တစ်ပတ်မှာ အနည်းဆုံး (၃)ကြိမ်၊ (၄)ကြိမ်ခန့် အချိန်ပေးပြီး ကလေးများ၊ အခြားမိသားစုဝင်များနဲ့အတူ စကားပြောခြင်း၊ အတူအလုပ်လုပ်ခြင်း၊ အတူကစားခြင်း စတဲ့ လှုပ်ရှားမှုများ လုပ်ဆောင်ပေးသင့်ပါတယ်။ ကလေးကို ဝေဖန်အပြစ်တင်မယ့်အစား အားပေးကူညီဖို့ လုပ်ဆောင်ရပါမယ်။

◼အခြေခံအဆင့် (အသက် ၃နှစ်မှ ၈နှစ်ထိ) အတွက် အနုပညာကုထုံးများ

ကလေးများ မူရင်းကပင် လုပ်နေကျဖြစ်သော ကစားခြင်း၊ သီချင်းဆိုခြင်း၊ သီချင်းနားထောင်ခြင်း၊ ပုံဆွဲခြင်း၊ ပုံပြင်ပြောခြင်းစသည့် လုပ်ဆောင်မှုများကို မိဘများအနေဖြင့် သင့်တော်သော ထောက်ပံ့ပစ္စည်းများကို အသုံးပြု၍ ရုပ်ပိုင်းဆိုင်ရာဖွံ့ဖြိုးလာအောင်နှင့် တီထွင်ဆန်းသစ်မှုတို့တွင် ကလေးများပါဝင်လာအောင် အားပေးလုပ်ဆောင်သင့်ပါတယ်။ မိဘများကလည်း ထိုအနုပညာလုပ်ငန်းလေးတွေကို အတူတူ အလျဉ်းသင့်သလို ပါဝင်လုပ်ဆောင်ပေးသင့်ပါတယ်။ ကလေးများဟာ သူတို့စိတ်ပါမှသာ ဆောင်ရွက်တတ်တာကိုလည်း သတိပြုရပါမယ်။ ဒီအရွယ်ကလေးတွေဟာ ဇာတ်ကြောင်းပြောပြခြင်း၊ ပုံပြင်နားထောင်ခြင်းတို့ကို နှစ်သက်တဲ့အတွက် အဲဒီအရာလေးတွေကိုလည်း ဖန်တီးပေးဖို့ မမေ့ပါနဲ့နော်။

◼အခြေခံအဆင့် (အသက် ၈နှစ်မှ ၁၁နှစ်ထိ) အတွက် အနုပညာကုထုံးများ

ဒီအရွယ် ကလေးငယ်တွေဟာ အကြောင်းအရာများကို ကွင်းဆက်မိအောင် ဆက်စပ်၍ စဉ်းစားခြင်း၊ စုစည်းခြင်းတို့ကို လုပ်ဆောင်နေတဲ့အတွက် သူတို့စိတ်ဝင်စားတဲ့အရာတွေကို စူးစမ်းပြီး မေးခွန်းတွေအများကြီး မေးလေ့ရှိပါတယ်။ မိဘများကလည်း ကလေးပြောတဲ့ အကြောင်းအရာတွေကို စိတ်ရှည်စွာနားထောင်ပေးဖို့ လိုပါတယ်။ ပုံဆွဲခြင်း၊ အရုပ်များဖြင့်ကစားခြင်း၊ ဂိမ်းကစားခြင်း၊ သီချင်းဆိုခြင်း၊ ကဗျာစပ်ခြင်း စတဲ့အနုပညာလှုပ်ရှားမှုတွေဟာ ကလေးတွေရဲ့စိတ်ကိုပျော်ရွှင်စေတာကြောင့် မိဘများက အတူပံ့ပိုးပေးဖို့ လိုပါတယ်။ ကလေးတွေဟာ စိတ်ပျော်မှသာ လုပ်ဆောင်ကြတဲ့အတွက် သူတို့ရဲ့လုပ်ဆောင်ချက်တွေကို ဝေဖန်အပြစ်တင်ခြင်းနဲ့ အမှားရှာခြင်းမျိုး လုံးဝမပြုလုပ်သင့်တာ သတိပြုပေးကြပါနော်။

◼အလယ်တန်းအဆင့် (အသက် ၁၁နှစ်မှ ၁၄နှစ်အထိ) အတွက် အနုပညာကုထုံးများ

ဒီအရွယ်ကလေးငယ်များဟာ ကြီးထွားမှုနဲ့ ဖွံ့ဖြိုးတိုးတက်မှုအတွက် မိဘများရဲ့ လမ်းညွှန်မှုကို လိုအပ်ပါတယ်။ တစ်နေ့မှာ မိနစ် (၄၀) သို့မဟုတ် (၁)နာရီခန့် အချိန်ပေးပြီး သူတို့အတွက် အကျိုးရှိစေမယ့် လှုပ်ရှားမှုနဲ့ တီထွင်ဖန်တီးမှုတွေကို လုပ်ဆောင်ပေးရပါမယ်။ အထူးသဖြင့် မိသားစုအားလုံးပါဝင်နိုင်မယ့် ဆေးရောင်ခြယ်ခြင်း၊ ပုံဆွဲခြင်း၊ လက်မှုပညာဖန်တီးခြင်း၊ သီချင်းဆိုခြင်း၊ ကခြင်း၊ ဂီတတူရိယာတီးခတ်ခြင်းစတဲ့ အနုပညာလှုပ်ရှားမှုတွေကို ဆောင်ရွက်နိုင်ပါတယ်။ စုပေါင်းပါဝင်တဲ့လှုပ်ရှားမှုတွေကို လုပ်ဆောင်ခြင်းဖြင့် ကလေးက မည်သည့်အရာကို စိတ်ဝင်စားလဲဆိုတာကို မိဘတွေက သိနိုင်ပါတယ်။ ထိုသို့အတူစုပေါင်းလုပ်ဆောင်ပေးခြင်းအားဖြင့် တစ်ဦးနှင့်တစ်ဦးသတ်မှတ်ထားတဲ့ သူ့စည်းကိုယ့်စည်းအလေးထားခြင်း၊ ပူးပေါင်းဆောင်ရွက်တတ်ခြင်း၊ ကွာဟချက်များကို ပြန်လည်ချိတ်ဆက်ပေးခြင်း၊ ကိုယ်ရေးကိုယ်တာနှင့် လူမှုဆက်ဆံရေးတိုးတက်ခြင်းစတဲ့ အကျိုးကျေးဇူးတွေလည်း ရနိုင်ပါတယ်။

◼အပျိုဖော်/ လူပျိုဖော်ဝင်စမှ လူကြီးဖြစ်သည့်အဆင့် (အသက် ၁၄နှစ်မှ ၁၈နှစ်ထိ) အတွက် အနုပညာကုထုံးများ

ကလေးဘဝမှ လူကြီးပေါက်စအရွယ်သို့ ကူးပြောင်းသည့်ကာလဖြစ်တဲ့အတွက် သူတို့ရဲ့ပင်ကိုလက္ခဏာများကို ဖော်ထုတ်တတ်တာကြောင့် အလွန်သတိထားကိုင်တွယ်ရမယ့်အချိန် ဖြစ်ပါတယ်။ ကျောင်းဟာ လူမှုဆက်ဆံရေးတိုးတက်ဖို့ အရေးပါတဲ့နေရာဖြစ်ပါတယ်။ သို့သော်လည်း အထူးသဖြင့် ဒီလိုကပ်ရောဂါကာလမှာ မိတ်ဆွေသူငယ်ချင်းတွေနဲ့ ပူးပေါင်းဆောင်ရွက်ဖို့ အခွင့်အရေးများ မရရှိသည့်အတွက် ကလေးများ စိတ်ကျတာတွေ ဖြစ်နိုင်ပါတယ်။ အဲဒီအတွက် မိဘတွေဟာ ကလေးကို စိတ်ပိုင်းဆိုင်ရာလုံခြုံမှုရှိအောင် ထောက်ပံ့ပေးဖို့လည်း အလွန်ခက်ခဲပါတယ်။ ဒီအခက်အခဲတွေကို ရင်ဆိုင်ရတဲ့အချိန်မှာ အနုပညာကုထုံးဟာ ကလေးများရဲ့ ဖွံ့ဖြိုးမှုနယ်ပယ်အားလုံးကို တိုးတက်စေပြီး အကျိုးဖြစ်ထွန်းစေပါတယ်။

တစ်နေ့ကို မိနစ် (၄၀) သို့မဟုတ် (၁)နာရီ အချိန်ပေးပြီး အနုပညာလုပ်ဆောင်မှုတွေဖြစ်တဲ့ သီချင်းနားထောင်ခြင်း၊ သီဆိုခြင်း၊ ကခုန်ခြင်း၊ ဂီတတူရိယာပစ္စည်းများ တီးခတ်ခြင်း၊ သီကုံးရေးသားခြင်း၊ ဗဟုသုတတိုးပွားပြီး စိတ်ကြည်လင်စေမယ့် ရုပ်သံအစီအစဉ်ကြည့်ခြင်းတို့ကို လုပ်ဆောင်သင့်ပါတယ်။ မိဘများအနေနဲ့လည်း အနုပညာလေ့လာနိုင်ဖို့ အွန်လိုင်းအတန်းများက တက်ရောက်ခွင့်ပြုခြင်း၊ ပစ္စည်းကိရိယာများ ထောက်ပံ့ပေးခြင်း၊ အနုပညာလေ့လာမှုများသိမ်းဆည်းရန် ဖိုင်မှတ်တမ်းများ စုစည်းထားပေးခြင်း တို့ကိုလည်း ကူညီပံ့ပိုးပေးသင့်ပါတယ်။

သူငယ်ချင်းလေးတို့ရေ .. စိတ်ဖိစီးမှုတွေ၊ စိတ်ကျဆင်းတာတွေ ကြုံလာရတဲ့အခါ ဖေဖေ၊ မေမေတို့မှာ ကူညီဖြေရှင်းပေးဖို့နည်းလမ်းတွေ အသင့်ရှိနေတာကြောင့် သေသေချာချာ ချက်ချင်းပြောပြရမယ်နော်…

#MOENUG #HomeBasedLearning #Myanmar

❝သူငယ်ချင်းတိုရေ ဒီနေ့ကတော့ ဗုဒ္ဓဘာသာဝင်တို့အတွက် နေ့ထူးနေ့မြတ်ဖြစ်တဲ့ သီတင်းကျွတ်လပြည့်နေ့ဖြစ်ပါတယ်❞

သီတင်းကျွတ်လပြည့်နေ့လို့ သတ်မှတ်ရခြင်းက မြတ်စွာဘုရားရှင်က တာဝတိံသာနတ်ပြည်မှာ မယ်တော်ဖြစ်ခဲ့ဖူးတဲ့ သန္တုဿီတနတ်သားကို အကြောင်းပြုပြီး အဘိဓမ္မာခုနှစ်ကျမ်းကို ဟောတော်မူတဲ့အခါမှာ သီတင်းကျွတ်လပြည့်နေ့တွင် တာဝတိံသာ၌ပဝါရဏပြု၍ လူ့ပြည်သို့သက်ဆင်းတော်မူတဲ့ နေ့ထူးနေ့မြတ်ဖြစ်လို့ပါ။ ဗုဒ္ဓဘာသာဝင်အပေါင်းက မြတ်စွာဘုရားရှင်ကို ရည်စူးပြီးတော့ ဆီမီးများထွန်းညှိပူဇော်ကြပါတယ်။ သီတင်းကျွတ်လပြည့်နေ့ကို အဘိဓမ္မာနေ့ လို့လည်း သတ်မှတ်ခေါ်ဝေါ်ကြပြီး အဘိဓမ္မာပူဇော်ပွဲကိုလည်း မြန်မာတစ်နိုင်ငံလုံးအနှံ့ ကျင်းပလေ့ရှိကြသလို ဥပုသ်သီတင်းဆောက်တည်ကြပြီး ကုသိုလ်ကောင်းမှုတွေပြုလုပ်ကြပါတယ်။

သီတင်းကျွတ်လပြည့်နေဆိုတာ ဗုဒ္ဓဘာသာဝင်တွေသာမကအခြားဘာသာသက်ဝင်ယုံကြည်ကြတဲ့ သူငယ်ချင်းတွေပါ ပျော်ရွှင်ကြတဲ့ နေ့လေးတစ်ရက်ဖြစ်သလို ရပ်နီးရပ်ဝေး မိသားစုတွေပြန်လည်ဆုံစည်းကြပြီး လူကြီးမိဘတွေကို ဂါ၀ရပြုကြတဲ့အချိန်လည်းဖြစ်ပါတယ်။
အခုလိုတော်လှန်ရေးကာလမှာတော့ လူငယ်၊လူရွယ်၊လူလတ်တွေက မိသားစုနဲ့ဝေးကွာပြီး တိုင်းပြည်အတွက် ကြိုးပမ်းဆောင်ရွက်နေကြရတဲ့အချိန်ဖြစ်သလို မိသားစုတွေဆီပြန်လာခွင့်မရှိတော့တဲ့ လူငယ်၊လူရွယ်၊လူလတ်တွေလည်းရှိတာကြောင့် များသောအားဖြင့် လူကြီးသူမတွေနဲ့ ကလေးတွေပဲ နေအိမ်မှာ သီတင်းကျွတ်အချိန်အခါကို အတူတူဖြတ်သန်းနေရတာဖြစ်ပါတယ်။

ဒီနေ့မှာ အိမ်အိမ်တို့အတူတူ ကုသိုလ်ကောင်းမှုတွေလုပ်ကြပြီး ဆီမီးထွန်းကြမယ်နော် သူငယ်ချင်းလေးတို့ရေ ...

#MOENUG #HomeBasedLearning #Myanmar #Thadingyut

အရင်အပတ်မှာ ပြုံးပြုံးက Computer Memory အကြောင်းပြောပြခဲ့တယ်နော်။ ဒီတစ်ပတ်မှာတော့ logic gates(လောဂျစ်ခ် ဂိတ်စ်) လို့ခေါ်တဲ့ electronic circuit(အီလက်ထရောနစ်ခ် ဆားကစ်တ်)[လျှပ်စီးပတ်လမ်း] အကြောင်းကို ပြောပြပေးသွားမှာ ဖြစ်ပါတယ်။
ဒီ Episode-6 မှာတော့
▪️ Logic gates တွေအကြောင်း
▪️ Logic gates အမျိုးအစား ဘယ်နှခုရှိသလဲ?
▪️ Gates တွေ ဘယ်လိုအလုပ် လုပ်သလဲ?
▪️ ဘယ်နေရာမှာ Gates တွေကို အသုံးပြုကြသလဲ? ဆိုတာ ပြောပြပေးသွားမှာဖြစ်ပါတယ်။
နောက်တစ်ပတ်တွေမှာလည်း ကွန်ပျူတာနဲ့ ပတ်သက်တဲ့ စိတ်ဝင်စားဖွယ်ရာတွေကို ထပ်ပြောပြပေးမှာမလို့ စောင့်ကြည့်ဖို့ မမေ့နဲ့နော် သူငယ်ချင်းတို့ရေ… ❤️
#MOENUG #HomeBasedLearning #Myanmar #Basic #Computer

သင့်အနေနဲ့ နေအိမ်အခြေပြုသင်ကြားရေးအောင်မြင်ဖို့အတွက် တစ်ထောင့်တစ်နေရာက ပါဝင်ကူညီပေးချင်တယ်ဆိုတဲ့ စိတ်ဆန္ဒရှိရင် ပူးပေါင်းပါဝင်နိုင်မယ့် နည်းလမ်းတွေ ရှိပါတယ်။ နည်းလမ်းတွေကတော့ ...

▪ ၁။ ပထမဦးဆုံးအနေနဲ့ ကလေးတွေရဲ့ ကျန်းမာရေးကို အထူးအလေးပေး ဂရုစိုက်ပေးပါ။ ကျန်းမာခြင်းဟာလာဘ်တစ်ပါးဆိုတဲ့ စကားအတိုင်း ကလေးတွေက ကျန်းမာနေမှသာ ပညာရေးကို ကောင်းမွန်စွာ သင်ကြားနိုင်မှာပါ။ ကျန်းမာရေးလို့ပြောတဲ့အခါခန္ဓာကိုယ်သန်စွမ်းကျန်းမာနေဖို့တင်မဟုတ်ပဲ စိတ်ကျန်းမာရေးကိုပါ အထူးအလေးထားဂရုစိုက်ပေးသင့်ပါတယ်။ စိတ်ကျန်းမာရေးကို ဂရုစိုက်ပေးတဲ့နည်းလမ်းတွေကတော့ ကလေးတွေအပေါ် နွေးထွေးမှုပေးတာ ၊နားလည်မှုပေးတာ ၊သူတို့ရဲ့စကားသံတွေကိုနားထောင်ပေးတာမျိုးတွေ ဖြစ်ပါတယ်။ ဒီလိုကူညီပေးရင် ကလေးငယ်တွေက ပညာသင်ကြားတဲ့အခါမှာလည်း စိတ်လုံခြုံမှုရှိတာ၊ မိဘအပေါ်နဲ့မိမိအပေါ် ယုံကြည်အားကိုးချင်တဲ့ခံစားချက်ရှိတာမျိုး ဖြစ်ပေါ်စေမှာပါ။

▪ ၂။ ကလေးရဲ့စာသင်ကြားမယ့်နေရာကို သီးသန့်နေရာလေးတစ်ခု ဖန်တီးထားပေးတာမျိုးလည်း လုပ်ပေးသင့်ပါတယ်။
စာသင်ကြားတဲ့နေရာက တီဗီနဲ့နီးတာမျိုးတွေ၊ မိသားစုဝင်အများစု စကားပြောတဲ့နေရာ ဖြစ်နေတာမျိုးတွေဆိုရင် စာသင်တဲ့အခါအာရုံမစိုက်နိုင်တာ စိတ်ပျံ့လွင့်တာမျိးတွေ ဖြစ်တတ်ပါတယ် ။ ဒီလိုမျိုးတွေမဖြစ်ဖို့အတွက် ကိုယ့်ရဲ့အိမ်က နေအိမ်အခြေပြုသင်ကြားရေးမှာ ပူးပေါင်းပါဝင်မယ့်ကျောင်းသား၊ ကျောင်းသူတွေကို စာသင်ကြားမယ့်သီးသန့်နေရာလေးတစ်ခုဖန်တီးပေးတာ၊ "စာလုပ်နော်၊ မသိတာရှိရင် အခက်အခဲရှိရင် အချိန်မရွေးပြောပြနော်" ဆိုတဲ့နွေးထွေးမှုပေးတဲ့ စကားလုံးတွေပြောပေးတာမျိုးတွေ လုပ်ပေးသင့်ပါတယ်။

▪ ၃။ လေ့လာချိန်၊ အနားယူချိန်မျှတတဲ့ အချိန်ဇယားလေး အတူတူဝိုင်းဆွဲပေးပါ။
ကလေးတွေက အချိန်နဲ့အမျှ စာပဲလုပ်နေလို့လည်း မရပါဘူး။ စာပဲလုပ်နေမယ်ဆိုရင် ဦးနှောက်က လေးလံထိုင်းမှိုင်းလာတာ၊ ကိုယ်ခန္ဓာက တက်ကြွမှုမရှိတော့တာမျိုးတွေလည်း ဖြစ်တတ်ပါတယ်။ ဒါကြောင့်မို့ မိမိပတ်ဝန်းကျင်မှာရှိတဲ့ ကလေးငယ်တွေကို လေ့လာချိန်၊ အနားယူချိန်မျှတတဲ့ အချိန်ဇယားလေးဆွဲပေးသင့်ပါတယ်။ ဒါမှသာ မိမိပတ်ဝန်းကျင်မှာရှိတဲ့ နေအိမ်အခြေပြုသင်ကြားရေးမှာပါဝင်တဲ့ ကလေးငယ်တွေက တက်ကြွစွာနဲ့ သင်ယူလေ့လာမှုအားကောင်းလာမှာ ဖြစ်ပါတယ်။

▪ ၄။ ပညာသင်ကြားခြင်းနဲ့ပတ်သက်လို့ ပန်းတိုင်လေးတွေလည်း ကူညီချပေးပါ။
ဒီနေ့တော့ ဘယ်ထိလေ့လာကြမယ်နော်ဆိုပြီး တနေ့သာသင်ယူမယ့် သင်ခန်းစာတွေကို Targetထားတာတွေ ၊တစ်ပတ်စာ Goalsထားတာမျိုးတွေ လုပ်ဆောင်သင့်ပါတယ်။ သတ်မှတ်ထားတဲ့ ပန်းတိုင်ကိုပြီးသွားတယ်ဆိုရင်လည်း ကလေးကို ချီးကျူးဂုဏ်ပြုတာတွေ၊ အသိအမှတ်ပြုတာမျိုးတွေ လုပ်သင့်ပါတယ်။ ဒါမှသာ ကလေးငယ်တွေက စိတ်ပါလက်ပါနဲ့ နေအိမ်အခြေပြုသင်ကြားရေးမှာ ပျော်ရွှင်စွာနဲ့ သင်ယူမှုပြုလုပ်ကြမှာ ဖြစ်ပါတယ်။

▪ ၅။ ကလေးတွေရဲ့ နေအိမ်အခြေပြုသင်ယူမှုလုပ်ငန်းတွေကို အဆင်ပြေချောမွေ့အောင် ကူညီပေးပါ။
သင်ကြားရေးစနစ်ကို ပုံသေတစ်နည်းတည်းမဟုတ်ဘဲ ကလေးနားလည်လွယ်မယ့်နည်းကို ရှင်းပြတာမျိုးတွေ၊ မိသားစုနဲ့ရင်းနှီးမယ့်ပညာသင်ကြားခြင်းနဲ့သင်ပေးတာမျိုးတွေ၊ ဥပမာ-ပုံပြင်ပြောပြတာ၊ လက်မှုပစ္စည်းလေးတွေနဲ့သင်ကြားပေးတာမျိုးတွေ၊ တိုင်းရင်းသားဘာသာစကားအသစ်များကို အတူတူပြောကြည့်တာမျိုးတွေ လုပ်ဆောင်သင့်ပါတယ်။ အကယ်၍ ကလေးများရဲ့ သင်ကြားရေးစနစ်ကို မိမိကနားမလည်ခဲ့ရင်လည်း မိမိလက်လှမ်းမီသမျှ နားလည်တတ်ကျွမ်းတဲ့သူတွေကို မေးမြန်းပြီးရှင်းပြပေးတာမျိုးလေးတွေ ကူညီလုပ်ပေးနိုင်ပါတယ်။ သင်ခန်းစာ Video Lessons တွေကို မိမိရပ်ရွာမှာရှိတဲ့ ကလေးတွေအတွက် Download ရယူဖြန့်ဝေပေးခြင်း၊ ကိုယ်တိုင်လေ့လာပြီး ပြန်လည်သင်ကြားပေးခြင်း စတဲ့လုပ်ငန်းတွေကို ပါဝင်ကူညီဆောင်ရွက်ပေးနိုင်ပါတယ်။

ဒီနည်းလမ်းလေးတွေကတော့ မိမိပတ်ဝန်းကျင်မှာရှိတဲ့ နေအိမ်အခြေပြုသင်ကြားရေးစနစ်မှာပါဝင်မယ့် ကျောင်းသား၊ ကျောင်းသူတွေကို ရပ်ရွာက ဝိုင်းဝန်းကူညီပံ့ပိုးပေးကြတဲ့ နည်းလမ်းလေးများ ဖြစ်ပါတယ်။ နေအိမ်အခြေပြုသင်ကြားရေးအစီအစဉ်ကို တတ်အားသရွေ့ဝိုင်းဝန်းကူညီပေးကြခြင်းဖြင့် မိမိရပ်ရွာက ကလေးတွေအတွက် ပညာရေးအခွင့်အလမ်း ကောင်းမွန်စွာရယူပေးနိုင်ကြဖို့ တိုက်တွန်းလိုက်ရပါတယ်။

#MOENUG #HomeBasedLearning #Myanmar

**အားလုံးပဲ မင်္ဂလာပါ။

▪ ကြားကာလပညာရေး နေအိမ်အခြေပြုသင်ယူခြင်း (Home-based Learning)အစီအစဥ်ကနေ စဉ်ဆက်မပြတ်ထုတ်လွှင့်ပေးနေတဲ့ အခြေခံပညာ အတန်းအလိုက်၊ ဘာသာရပ်အလိုက် သင်ခန်းစာတွေကို အိမ်အိမ်တို့ရဲ့ NUG MoE, MBEH Learning Channel တစ်ခုဖြစ်တဲ့ YouTube Channel မှာလည်း လေ့လာလို့ရပါတယ်နော်။**

အားလုံးပဲ မင်္ဂလာပါ။

▪ ကြားကာလပညာရေး နေအိမ်အခြေပြုသင်ယူခြင်း (Home-based Learning)အစီအစဥ်ကနေ စဉ်ဆက်မပြတ်ထုတ်လွှင့်ပေးနေတဲ့ အခြေခံပညာ အတန်းအလိုက်၊ ဘာသာရပ်အလိုက် သင်ခန်းစာတွေကို အိမ်အိမ်တို့ရဲ့ NUG MoE, MBEH Learning Channel တစ်ခုဖြစ်တဲ့ YouTube Channel မှာလည်း လေ့လာလို့ရပါတယ်နော်။

▪ သက်ဆိုင်ရာ အတန်းအလိုက်နဲ့ သက်ဆိုင်ရာဘာသာရပ်အလိုက်ကို playlists များခွဲပြီးတင်ထားပေးတာဖြစ်လို့ ✅ သင်ခန်းစာများကို အလွယ်တကူဝင်ရောက်လေ့လာရယူနိုင်မှာ၊ ရပ်ရွာရှိကလေးတွေကို ဖြန့်ဝေပေးနိုင်မှာ၊ ကိုယ်တိုင်လည်းလေ့လာပြီးသင်ကြားပေးနိုင်မှာ ဖြစ်ပါတယ်။

▪ မိမိတို့ရင်သွေးငယ်များ ​နေအိမ်မှာ ကောင်းမွန်လုံခြုံထိရောက်စွာ စဥ်ဆက်မပြတ်ပညာသင်ယူနိုင်ရေးနဲ့ နေအိမ်အခြေပြုသင်ယူရေးနဲ့သက်ဆိုင်တဲ့ အကြောင်းအရာများ၊ လမ်းညွှန်ချက်များကို အချိန်နှင့်တပြေးညီ သိရှိနိုင်ရေးအတွက် အိမ်အိမ်တို့ရဲ့ YouTube Channel ကို Subscribe လုပ်ထားဖို့ မမေ့ကြနဲ့နော်...

📌 YouTube Learning Channel
https://www.youtube.com/channel/UCvfxMmBn5nn819JoPL1Fu1A/playlists

📌 အသစ်တင်တိုင်း သိရအောင် Subscribe လုပ်ရန် > https://youtube.com/channel/UCvfxMmBn5nn819JoPL1Fu1A?sub_confirmation=1

#MOENUG #HOMEBASEDLEARNING #Myanmar

ဒီနေ့မှာ​တော့ အိမ်အိမ်က သူငယ်ချင်းတို့ကို ဖိုးမူလို ကိုယ်တိုင်လေ့လာသင်ယူသူ (self-directed learner) တစ်ယောက်ဖြစ်လာအောင် ဘယ်လိုအလေ့အကျင့်ကောင်းလေးတွေကို လုပ်ဆောင်ရမယ်ဆိုတာ ပြောပြမယ်နော်။

▪ ပထမဆုံးအနေနဲ့ ကိုယ်တိုင်လေ့လာသင်ယူနိုင်ခြင်းကြောင့် ရရှိလာနိုင်တဲ့ အကျိုးကျေးဇူးတွေကို ပြောပြပေးပါ့မယ်။ ဖိုးမူကတော့ ကိုယ်တိုင်လေ့လာသင်ယူတဲ့ အလေ့အကျင့်ကိုစပြီးကျင့်သုံးကတည်းက ကိုယ့်ကိုယ်ကိုယုံကြည်မှုတွေ အများကြီးတိုးတက်လာတယ်။ ဖိုးမူရဲ့ ဖန်တီးနိုင်မှုစွမ်းရည်တွေလည်း တက်လာလို့ အပါးနဲ့အမိုးကတောင် ချီးကျူးနေကြပါတယ်။ ပြီးတော့ကိုယ်သိချင်တာတွေကိုလည်း စိတ်ကြိုက်သင်ယူနိုင်တော့ ဖိုးမူလေးက ပျော်တာပေါ့။

အဲ့ဒီတော့ သူငယ်ချင်းတို့လည်း ကိုယ်တိုင်လေ့လာသင်ယူသူတွေ ဖြစ်လာဖို့ အိမ်အိမ်သိတာတွေ ပြောပြပေးမယ်နော်။

✅ ၁။ ပုံမှန်စာလုပ်မယ့်အချိန်တစ်ခုသတ်မှတ်ထားပါ။

ဖိုးမူတစ်ယောက် ကိုယ့်အားကိုယ်ကိုးပြီး စာလုပ်ဖြစ်အောင်လို့ အမိုးက စာလုပ်ချိန်တစ်ခု သတ်မှတ်ပေးထားတယ်။ ဖိုးမူကတော့သတ်မှတ်ထားတဲ့ စာလုပ်ချိန်မှာ သေချာအာရုံစူးစိုက်ပြီး စာလုပ်တယ်။ ပြီးရင်တော့ နားချိန်မှာ အပြည့်အဝအနားယူပါတယ်။

✅ ၂။ ကိုယ်တိုင်သင်ယူနိုင်ရန်နည်းလမ်းများ၊ သင်ယူမှုအရင်းအမြစ်များ (Learning Resources) များ မေးမြန်းရှာဖွေစုဆောင်းထားပါ။

အပါးကတော့ ဖိုးမူလေး သင်ယူလေ့လာနိုင်ဖို့ နည်းလမ်းတွေ၊ ကိရိယာ(tools)တွေကို ရှာဖွေပေးပါတယ်။ ဖိုးမူဖတ်ဖို့ စာအုပ်တွေရှာပေးသလို၊ websiteတွေကနေ လေ့လာသင်ယူနိုင်အောင် ဗီဒီယိုတွေ၊ ကလေးကဗျာတေးတွေကိုလည်း ရှာပေးပါသေးတယ်။ ဟိုနေ့က ဖိုးမူ ပုံဆွဲသင်ချင်တယ်ဆိုလို့ ဘယ် website တွေ၊ pageတွေက သင်ရမလဲဆိုတာကို အပါးက ရှာပြီး ပြောပြပေးပါတယ်။

✅ ၃။ စာကြည့်မယ့်နေရာကို သပ်သပ်ရပ်ရပ်ထားပါ။

ဖိုးမူက စာကြည့်စားပွဲရှုပ်ပွနေရင် အိပ်ငိုက်တတ်တာကြောင့် အမိုးက ဖိုးမူကို စာမလုပ်ခင် သန့်ရှင်းရေး အရင်လုပ်ခိုင်းပါတယ်။ စာအုပ်တွေကို စားပွဲပေါ်မှာ သေချာစီ၊ ခဲတံ ပေတံတွေကို နေရာတကျထားပြီးမှ စာစလုပ်တော့ ဖိုးမူလေး စိတ်ကြည်ကြည်လင်လင်နဲ့ စာလုပ်ဖြစ်တာပေါ့။

✅ ၄။ ကိုယ်တိုင်ဆုံးဖြတ်ချက်ချနိုင်အောင်ကူညီပေးပါ။

အမိုးနဲ့အပါးက ဖိုးမူလေးကို ကိုယ်ပိုင်ဉာဏ်နဲ့ ဆုံးဖြတ်ချက်ချနိုင်ဖို့ ကူညီပေးပါတယ်။ ဥပမာ - သင်္ချာပုဒ်စာတစ်ခုစတွက်တဲ့အချိန်မှာ ဖိုးမူသိသလောက်၊တတ်သလောက် စတင်ဖြေရှင်းခိုင်းပြီးမှ အပါးက တွက်နည်း၊ အဖြေအမှားအမှန်ကို ထောက်ပြပေးပါတယ်။ အဲ့ဒီလိုပဲစာကြည့်စားပွဲကို ဖိုးမူကိုယ်တိုင် အရင်ရှင်းပြီးမှ စာအုပ်တွေနေရာမှန်၊ မမှန် အမိုးကလာကြည့် စစ်ဆေးပေးပါတယ်။ စနစ်မကျရင် ပြန်ပြီးသင်ပြပေးသလို၊ စနစ်တကျလုပ်ထားရင်လည်း ဖိုးမူလေးကို ချီးကျူးပါသေးတယ်။

ဒါတွေကတော့ ကိုယ်တိုင်သင်ယူလေ့လာသူ (Self-directed Learner) တစ်ယောက် ဖြစ်လာဖို့အတွက် ဖိုးမူလေး လုပ်ဆောင်တာတွေပဲဖြစ်ပါတယ်။ သူငယ်ချင်းတို့လည်း မေမေ၊ ဖေဖေတို့ရဲ့အကူအညီယူပြီး ဖိုးမူလိုပဲ ကိုယ်တိုင်လေ့လာသင်ယူသူတွေ ဖြစ်လာနိုင်ပါတယ်။

နောက်တခါပြန်တွေ့ရင်လည်း အိမ်အိမ်က တခြားစိတ်ဝင်စားစရာအကြောင်းအရာ​လေးတွေ ထပ်ပြောပြပေးဦးမယ်နော် သူငယ်ချင်းလေးတို့ရေ … တာ့တာ

#MOENUG #HomeBasedLearning #Myanmar

"နေအိမ်မှာ ပညာသင်ယူတဲ့အခါ ငယ်ရွယ်တဲ့ကလေးတွေမှာ စာမလုပ်ချင်တာ၊ ကစားတာကိုပဲ အာရုံရောက်နေပြီး စာထဲမှာ အာရုံမစိုက်နိုင်တာမျိုးတွေ ဖြစ်တတ်ပါတယ်"

အိမ်အိမ်က ဒီနေ့မှာတော့ ဖိုးခွားရဲ့ နေအိမ်အခြေပြုပညာသင်ယူရာမှာအသုံးပြုတဲ့ အမိုးရဲ့ နည်းလမ်းလေးတွေကို ပြောပြပေးမယ်နော် ...

"နေအိမ်မှာ ပညာသင်ယူတဲ့အခါ ငယ်ရွယ်တဲ့ကလေးတွေမှာ စာမလုပ်ချင်တာ၊ ကစားတာကိုပဲ အာရုံရောက်နေပြီး စာထဲမှာ အာရုံမစိုက်နိုင်တာမျိုးတွေ ဖြစ်တတ်ပါတယ်"

အိမ်အိမ်က ဒီနေ့မှာတော့ ဖိုးခွားရဲ့ နေအိမ်အခြေပြုပညာသင်ယူရာမှာအသုံးပြုတဲ့ အမိုးရဲ့ နည်းလမ်းလေးတွေကို ပြောပြပေးမယ်နော် ...

✔ ဖိုးခွားအတွက်သင့်တော်တဲ့ ကစားနည်းလမ်းတွေထဲကမှ ဖိုးခွား စိတ်ကြိုက်ရွေးချယ်စေပြီး သတ်မှတ်ထားတဲ့ စာလေ့လာချိန်ပြီးရင် ခွင့်ပြုပေးမယ်လို့ အမိုးက ဖိုးခွားနဲ့ သဘောတူညီချက်ယူထားပါတယ်။

✔ ဖိုးခွားရဲ့ သင်ခန်းစာတွေမှာ သင်ယူတတ်မြောက်မှုပန်းတိုင်လေးတွေ ချမှတ်ပေးထားပြီး ပန်းတိုင်လေးတွေ ပြည့်မီခဲ့ရင် ဖိုးခွား စားချင်တဲ့ မုန့်တွေကိုယ်တိုင်လုပ်ကျွေးမယ်လို့ အမိုးက ပြောထားတော့ ဖိုးခွားတစ်ယောက် စာကို ကြိုးစားလေ့လာတယ်လေ။

✔ သင်ယူတတ်မြောက်မှုတိုင်းမှာလည်း ဖိုးခွားအကြိုက်ဆုံးဖြစ်တဲ့ ချီးကျူးစကားလေးတွေ အမိုးက အမြဲပြောပေးတယ်။

✔ စာလေ့လာချိန်၊ နားချိန်၊ ကစားချိန်မျှတတဲ့ အချိန်ဇယားရေးဆွဲရာမှာ အမိုးက သူ့စိတ်ကြိုက်မလုပ်ဘဲ ဘယ်အချိန် ဘာလုပ်တာသင့်တော်တယ်၊ မသင့်တော်ဘူးဆိုတာကို ဖိုးခွားနားလည်အောင် ပြောပြပြီး နှစ်ယောက်တူတူ ညှိနှိုင်းထားတော့၊ ဖိုးခွားလည်း သူစာလုပ်ချင်တဲ့အချိန် စာလုပ်ရလို့ ပျော်ပျော်ရွှင်ရွှင် အာရုံစိုက်နိုင်တာပေါ့။

✔ ပညာသင်ယူတဲ့အခါ အခက်အခဲနဲ့ကြုံရင် စာထဲအာရုံမစိုက်နိုင်တာ ကလေးသဘာ၀မို့ ဖိုးခွားမှာ အခက်အခဲတွေရှိလာရင်လည်း ပညာရေးဆိုင်ရာတတ်သိကျွမ်းကျင်သူတွေဆီက အကြံဉာဏ်တွေ ဘယ်လိုရယူမယ်ဆိုတာ အမိုးက လေ့လာထားပြီး အမြဲဖြေရှင်းပေးတယ်လေ။

ဒီလိုလေးတွေအပြင် အမိုးက ဖိုးခွားကိုအမြဲလေ့လာနေပြီး ပြောင်းလဲလာတဲ့ ဖိုးခွားရဲ့ အမူအကျင့်တွေပေါ်မူတည်ပြီး နည်းလမ်းလေးတွေကို သင့်တော်သလို လိုတိုးပိုလျော့ ပြောင်းလဲပေးတယ်လေ။

ဖေဖေ၊ မေမေတို့ရေ … ကလေးလေးတွေရဲ့သင်ယူမှုကို အကောင်းဆုံးပံ့ပိုးကူညီနိုင်အောင် အိမ်အိမ်ရှိနေမယ့် ဒီ MBEH Page လေးကို အမြဲမပြတ် ဖတ်ရှုပေးနေကြပါနော် …
#MOENUG #HomeBasedLearning #Myanmar

**ဆီမီးထွန်းပူဇော် ဒီပါဝလီပွဲတော် 🪔

ဒီနေ့ဟာ ဟိန္ဒူဘာသာဝင်တို့ရဲ့ ဒီပါဝလီနေ့ဖြစ်တာကြောင့် အိမ်အိမ်က ဒီပါဝလီနေ့ အကြောင်းကို မျှဝေပေးသွားပါမယ်။**

ဆီမီးထွန်းပူဇော် ဒီပါဝလီပွဲတော် 🪔

ဒီနေ့ဟာ ဟိန္ဒူဘာသာဝင်တို့ရဲ့ ဒီပါဝလီနေ့ဖြစ်တာကြောင့် အိမ်အိမ်က ဒီပါဝလီနေ့ အကြောင်းကို မျှဝေပေးသွားပါမယ်။

▪ ဒီပါဝလီနေ့ဟာ ဟိန္ဒူဘာသာဝင်တို့ရဲ့ မီးထွန်းပွဲတော်နေ့ဖြစ်ပါတယ်။ ဒီပါဝလီပွဲတော်ဟာငါးရက်တာကြာမြင့်ပြီး ဟိန္ဒူဘာသာဝင်တို့ရဲ့ အကျော်ကြားဆုံးပွဲတော်တစ်ခုဖြစ်ပါတယ်။ နှစ်စဥ်နှစ်တိုင်း ဆောင်းဦးကာလ၊ ဂရီဂိုးရီးယန်းပြက္ခဒိန်အရဆိုရင် အောက်တိုဘာလလယ်နဲ့ နိုဝင်ဘာလလယ်တွေမှာ ကျင်းပလေ့ရှိပါတယ်။ ဒီပါဝလီနေ့ကို မြန်မာနိုင်ငံနဲ့ နိုင်ငံတော်တော်များများမှာ ရုံးပိတ်ရက်အဖြစ် သတ်မှတ်ထားကြပါတယ်။

▪ ဒီပဆိုတာ မီးအလင်းရောင်ဖြစ်ပြီး ဒီပါဝလီဟာ ဆီမီးခွက်စီတန်းထွန်းညှိပူဇော်တဲ့ပွဲ ဖြစ်ပါတယ်။ ပွဲတော်မတိုင်ခင်မှာ မိမိတို့နေအိမ်တွေ၊ အလုပ်နေရာတွေကို သန်ရှင်းရေးလုပ်တာ၊ အလှဆင်တာများပြုလုပ်ပြီးမှ အကောင်းဆုံးအဝတ်အစားများဝတ်ဆင်ပြီး အိမ်အတွင်းအပြင်၊ လုပ်ငန်းနေရာအတွင်းအပြင်မှာ ဆီမီးတွေ၊ ဖယောင်းတိုင်တွေ ထွန်းညှိကာ ဘုရားတွေ၊ မယ်တော်တွေ၊ နတ်မင်းကြီးတွေကို ပူဇော်လေ့ရှိပါတယ်။

▪ မီးပူဇော်ခြင်းဖြင့် အလင်းနှင့်အမှောင်ကိုဖြိုခွင်းနိုင်ပြီး အဆိုးအညံ့တွေရှိခဲ့ရင်လည်း ပြေပျောက်ကာ ကောင်းတဲ့အရာတွေရောက်လာဖို့၊ မျှော်လင့်ချက်တွေ ရရှိလာစေဖို့ဆိုတဲ့ အဓိပ္ပါယ်နဲ့ မီးပူဇော်ကြခြင်းဖြစ်ပါတယ်။ ဒီပါဝလီပွဲတော်နဲ့ အတူလူသိများတာက ရန်ဂိုလီတန်ဆာဆင်ခြင်းပါ။ ရန်ဂိုလီတန်ဆာဆင်ခြင်းဆိုတာ ရောင်စုံအမှုန့်တွေ သဲတွေကိုအသုံးပြုကာ ဟိန္ဒူတို့ရဲ့ ကနုတ်လက်ရာတစ်မျိုးဖြင့် တန်ဆာဆင်ခြင်းဖြစ်ပါတယ်။

ဒီပါဝလီပွဲတော်ဟာ မီးထွန်းပွဲတော်သာမဟုတ်ဘဲ သူငယ်ချင်း၊ မိတ်ဆွေနဲ့ ဆွေမျိုးအသိုင်းအဝိုင်းကြားမှာ ရိုးရာမုန့်တွေ၊ လက်ဆောင်တွေ အပြန်အလှန်ပေးကြတဲ့ ပျော်ပွဲရွှင်ပွဲလည်းဖြစ်ပါတယ်။

ဒါပေမယ့် ဒီနှစ်မှာတော့ ဟိန္ဒူဘာသာရေးအဖွဲ့အစည်းများက လက်ရှိမြန်မာနိုင်ငံကြီးအတွင်း မြောက်မြားစွာသော အပြစ်မဲ့ပြည်သူများသေဆုံးထားရခြင်းနှင့် အကြမ်းဖက်စစ်ကောင်စီလက်အောက်မှ လွတ်မြောက်မှုမရသေးသည်ကို သတိပြုဆင်ခြင်ကာ ပျော်ပွဲရွှင်ပွဲများ၊ ဘာသာရေးအဆုံးအမအရ မသင့်လျော်မယ့် ဆူဆူညံညံပျော်ပါးမူးယစ်ခြင်းများကို မပြုလုပ်မိရန် မေတ္တာရပ်ခံထားပြီး၊

ဒီနှစ်ရဲ့ဒီပါဝလီပွဲတော်မှာ ပူဇော်ပွဲကို မိမိတို့၏အိမ်တွင် မိသားစုဝင်များဖြင့်သာ အကျဉ်းချုံးကျင်းပကြပြီး၊ မိမိတို့၏အိမ်တွင်သာ အဓမ္မမှုကို အောင်နိုင်ပြီး အောင်ပန်းကို ပန်ဆင်လာတဲ့ ဘုရားရှင် ရှရီရာမ်းကို ဆီမီးနဲ့ကြိုဆိုပြီး ဆီမီးထွန်းပွဲတော်ကို ဆင်နွှဲကြဖို့ ပန်ကြားထားပါတယ်။

အိမ်အိမ်ရဲ့ သူငယ်ချင်းတွေအားလုံးလည်း ဒီပါ၀လီနေ့မှာ ဘေးကင်းကျန်းမာပြီး၊ အဓမ္မမှုကို အမြန်ဆုံးအောင်နိုင်ကာ ပြည်သူပြည်သား၊ တိုင်းရင်းသားညီအစ်ကိုမောင်နှမများနဲ့အတူ စစ်မှန်တဲ့ဖက်ဒရယ်ဒီမိုကရေစီအောင်ပန်းကိုပန်ဆင်ကြပြီး နောက်နှစ်တွေမှာ နဂိုမူလကလိုပဲ ဒီပါဝလီပွဲတော်ကြီးတွေကို ပျော်ရွှင်ချမ်းမြေ့စွာ ပြန်လည်ကျင်းပနိုင်ပါစေလို့ အိမ်အိမ်က ဆုတောင်းပေးလိုက်ပါတယ်.... ✨🪔

#MOENUG #HomeBasedLearning #Myanmar

ဒီနေ့ နိုဝင်ဘာလ (၇) ရက်နေ့ဟာ (၆၆) နှစ်မြောက် ကရင်ပြည်နယ်နေ့ ဖြစ်ပါတယ်။ အဲ့တာကြောင့် အိမ်အိမ်က ကရင်ပြည်နယ်နေ့နဲ့ ပတ်သက်တဲ့ ဗဟုသုတတွေကို ပြောပြပေးသွားမယ်နော်။

၁၉၅၁ ခုနှစ်၊ နိုဝင်ဘာလ (၇) ရက်နေ့မှာ ပြည်ထောင်စုမြန်မာနိုင်ငံရဲ့ ဖွဲ့စည်းအုပ်ချုပ်ပုံအခြေခံဥပဒေ ပုဒ်မ ၁၈၀၊ ပုဒ်မခွဲ (၁) အရ သံလွင်ခရိုင်ကို ကရင်ပြည်နယ်အဖြစ် ပထမအဆင့် သတ်မှတ်ခဲ့ပါတယ်။ အဲ့နောက်မှာတော့ သံလွင်ခရိုင်နဲ့ ဆက်စပ်နေတဲ့ ဒေသတွေဖြစ်တဲ့ ဘားအံ၊ သံတောင်၊ လှိုင်းဘွဲ့၊ ကြာအင်းဆိပ်ကြီး၊ ကော့ကရိတ်မြို့နယ်တွေဟာ ၁၉၅၄ ခုနှစ်နဲ့ ၁၉၅၅ ခုနှစ်တွေမှာ ကရင်ပြည်နယ် ဖွဲ့စည်းပုံနဲ့ အုပ်ချုပ်မှုအတွင်းကို ရောက်ရှိလာခဲ့ပါတယ်။

ကရင်ပြည်နယ်နေ့ ကျင်းပဖို့အတွက် နေ့ရက်ရွေးချယ်တဲ့အခါမှာ အောက်မှာဖော်ပြထားတဲ့ နေ့ရက်တွေကို အခြေခံပြီးရွေးချယ်ဖို့ ဆုံးဖြတ်ခဲ့ကြပါတယ်။

◼ သံလွင်ခရိုင်ကို ကရင်ပြည်နယ်အဖြစ် သတ်မှတ်၍ နိုင်ငံတော်သမ္မတက အတည်ပြုလက်မှတ်ရေးထိုးခဲ့သော နိုဝင်ဘာလ (၇) ရက်နေ့
◼ ဘားအံ၊ သံတောင်၊ လှိုင်းဘွဲ့မြို့နယ်များကို ကရင်ပြည်နယ်အတွင်း ထည့်သွင်းပေါင်းစည်းနိုင်ခဲ့သည့် ဇွန်လ (၁) ရက်နေ့နှင့်
◼ ကြာအင်းဆိပ်ကြီး၊ ကော့ကရိတ်မြို့နယ်များကို ကရင်ပြည်နယ်အတွင်း ထည့်သွင်းပေါင်းစည်းနိုင်ခဲ့သည့် ဇူလိုင်လ (၁) ရက်နေ့ ဆိုပြီး နေ့ရက်သုံးခုကို ထည့်သွင်းစဉ်းစားခဲ့ကြပါတယ်။

မိုးရာသီမှာ အခမ်းအနားကျင်းပဖို့ အဆင်မပြေနိုင်တာကြောင့် ဆောင်းရာသီရက်အတွင်း ကျရောက်ပြီး ကရင်ပြည်နယ်အဖြစ် စတင်မွေးဖွားသန့်စင်ခဲ့တဲ့ နိုဝင်ဘာလ (၇) ရက်နေ့ကိုပဲ ကရင်ပြည်နယ်နေ့အဖြစ် ရွေးချယ်သတ်မှတ်ခဲ့ပါတယ်။

ကရင်ပြည်နယ်နေ့ အခမ်းအနားနှင့် ပွဲတော်အတွင်းမှာ ပျော်ပွဲရွှင်ပွဲများ၊ ကရင်ရိုးရာယဉ်ကျေးမှု ဒုံးအကပြိုင်ပွဲများ၊ ဇာတ်သဘင်အကအလှများ၊ ဈေးရောင်းပွဲတော်နှင့်ကုန်စည်ပြပွဲများ၊ ရိုးရာလက်ဝှေ့စိန်ခေါ်ပွဲကြီးများ၊ တေးဂီတဖျော်ဖြေပွဲများနဲ့ အားကစားပြိုင်ပွဲတွေကို ထည့်သွင်းပြီး နှစ်စဉ်နှစ်တိုင်း ရိုးရာအစဉ်အလာမပျက် စည်ကားသိုက်မြိုက်စွာကျင်းပလေ့ရှိကြပါတယ် သူငယ်ချင်းတို့ရေ။

#MOENUG #HomeBasedLearning #Myanmar

အရင်တစ်ပတ်က Gates တွေအကြောင်းပြောပြပေးခဲ့ပါတယ်။ ဒီတစ်ပတ်မှာတော့ ဒေတာ (Data) နဲ့ ဘိုင်နရီနံပါတ် (Binary Number) တွေ​အကြောင်းကို ပြုံးပြုံးကပြောပြပေးသွားမှာ ဖြစ်ပါတယ်။
ဒီ Episode-7 မှာတော့
◼ ဒေတာဆိုတာဘာလဲ?
◼ ဒေတာကို ကွန်ပျူတာက ဘယ်လိုသိမ်းဆည်းသလဲ?
◼ ဒေတာရဲ့ ယူနစ်တန်ဖိုးတွေအကြောင်း
◼ ဘိုင်နရီ (Binary) နဲ့ ဒက်ဆီမယ်လ် (Decimal) နံပါတ်တွေ တွဲစပ်ပုံ
◼ ASCII Code အကြောင်း
◼ Pixel နဲ့ Colour coding တွေအကြောင်း ပြောပြပေးသွားမှာ ဖြစ်ပါတယ်။