Deleuze, G., 2017. Postscript on the Societies of Control. In Surveillance, crime and social control (pp. 35-39). Routledge.

@CJandLP

Qo‘shma Shtatlar universitetlari Trampning viza siyosatidagi cheklovlar sababli $1 mlrd zarar ko‘rishi riski ostida qolib ketmoqda. Ayrim universitetlar asosiy daromadlarining 50% qismini xalqaro talabalar to‘laydigan kontrakt summalari tashkil etadi.

@CJandLP

Tramp siyosiy retorikasi va o'ng konservativ siysatchilar, tahlilchilar va mediadagi ahloqiy sarosima (moral panic) natijasida paydo bo'lgan anti-immigratsiya to'lqini susayotganligi kuzatilmoqda.

Gallup nashrining Amerikaliklarni immigratsiyaga nisbatan munosabatini o'rgangan so'ngi ijtimoiy so'rovi natijalari nashr etildi. Unda, 30 % Amerikaliklar immigratsiya siyosatini qisqartirishni qo'llab-quvvatlamoqda, bu o'tgan yilning shu davrida 55% ni tashkil etgan. Rekord darajadagi respondentlar (79%) immigratsiya mamlakatga foydali degan qarashni ilgari surmoqda. Tramp devori va mass-deportatsiya qo'llab-quvvatlovi susaymoqda.

Umuman olganda, immigratsiya bilan bog'liq ommaviy qo'rquvlar to'lqinining ko'tarilib turishi o'zining tarixiy sikllariga ega. Tanqidiy kriminologiya tadqiqotchilari AQSh politsiyasining o'zagini irqiy va immigratsion kontrolga borib taqalishiga qayta-qayta urg'u berib keladi.

@CJandLP

Huquq maktablari diversifikatsiyasida autlayner sifatida ajralib turuvchi Qo'shma Shtatlar yuridik maktablari ideologik jihatdan ham xilma-xillik taklif qiladi.

Odatda bo'lajak talabalar o'zlarining mafkuraviy qadriyatlaridan kelib chiqqan holda Huquq maktablarini tanlaydi. Xususan, Berklidagi Kaliforniya universitetining huquqshunos bitiruvchilari eng liberal huquqshunoslari deb qaralsa, Jorj Mason universiteti bitiruvchilari va professorlari eng konservativ deb hisoblanadi.

Manba: Bonica, A., Chilton, A., Rozema, K. and Sen, M., 2018. The legal academy’s ideological uniformity. The Journal of Legal Studies, 47(1), pp.1-43.

@CJandLP

Talabalik davri shaxs hayotidagi eng formativ davr. Har bir lokal hudud, mintaqa va geografik birlikda universitetlar hayoti va ta'limning qanday tashkil etilganligi kelgusida jamiyat va u orqali davlatning faoliyatiga bevosita va bilvosita ta'sir qiladi.

Davlatning mohiyati haqida ko'plab ilmiy ishlar nashr etgan Joel Migdal o'zining Jamiyatdagi davlat nomli ishida 1960-yillardagi talabalik davri uning shakllanishiga qanday ta'sir qilganligi haqida.

@CJandLP

O’tin tashiyotgan dehqon (1919-19123-yillar orasi), Julio Gonzalez

@CJandLP

1842-yilda Germaniyaning Reyn provinsiyasi qonun chiqaruvchi hokimiyati kambag’allar odat huquqi bo’lib Nemis jamiyati ijtimoiy hayotining sotsial to’qimasiga aylangan qurib qolgan darxat shox-shabbalarini yig’ish—kollektiv yoki xususiy egalikdagi yerdan bo’lishidan qat’i nazar—huquqini kriminalizatsiya qilish to’g’risida qonun qabul qilgan.

Huquq maktablarida odatdagi doktorinal tahlil—qonunlar qanday bo’lishi kerak, ular qanday qo’llanilishi kerak kabi—normativ tahlil 1970-yillarda Tanqidiy huquqiy tadqiqotlar (Critical Legal Studies, CLS) nomi ostidagi radikal qanot vakillarining alternativ epistimologiyasi bilan to’ldiriladi.

THTchilar akademik muassasalardagi ijtimoiy harakat o’laroq huquqiy tadqiqotlarga tanqidiy va ijtimoiy nazariyalar, strukturalizm va post-struktruralizm qarashlarini olib kiradi. THT huquqqa neytral, barcha uchun teng, xolis fenomenon sifatida emas, sinfiy dominatsiyada hukumron sinf manfaatlarini ifoda etuvchi, qo’riqlovchi hamda muhofaza qiluvchi vosita deb qaraydi. 1970-yillardagi jinoyat va jazo tadqiqotlarini amalga oshirgan olimlar jinoyat ‘kapitalning ishchi sinfini yaratish va nazorat qilishdagi eng ko’hna qurolidir’ degan nuqtai-nazarni ilgari surgan.

@CJandLP

Birlashgan Qirolliklar Bariga—Ingliz bari Lincoln's Inn, Inner Temple, Middle Temple va Gray's Inn nomli 4 ta alohida professional assotsiatsiyadan iborat—qabul qilinganlik haqida shahodatnoma.

@CJandLP

Al-Kaponening qamoqxona kamerasi, Filadelfiyadagi Sharqiy Shtat Penitensiar muassasasi (Eastern State Penitentiary)

Manba: Rubin, A.T., 2021. The Deviant Prison: Philadelphia's eastern state penitentiary and the origins of America's modern penal system, 1829–1913. Cambridge University Press.

@CJandLP

Urush bilan bir qatorda [o’lim jazosi] uzoq vaqt davomida qilichga bo’lgan huquqning boshqa bir shakli bo’lib kelgan; bu suverenning uning xohish-irodasi, qonunlariga yoki shaxsiyatiga qarshi chiqqanlarga nisbatan bergan javobini tashkil etgan… Hokimiyat o’ziga hayotni boshqarish funksiyasini olgach, uning mavjud bo’lishi va ana shu mavjudlik mantig’i—insoniy hissiyotlarni uyg’otib yubormagan holda—o’lim jazosini harakatga keltirishni murakkablashtirib qo’ygan.

Qanday qilib hokimiyat, toki uning asosiy vazifasi hayotni tartibga solish, uzaytirish, barqarorlashtirish va ta’minlashdan iborat bo’lsa, o’zining eng katta prerogativ huquqini insonlarni o’limga hukm qilish orqali amalga oshirishi mumkin? Bunday hokimiyat iqtidori uchun o’lim jazosini ijro etish bir vaqtning o’zida chegara, mojaro va ziddiyatdir. Shu sababli, jinoyatning og’irligidan-da, uni sodir etgan shaxsning hayvoniyligini, uni tuzatib bo’lmasligi hamda jamiyatning himoyasini ilgari surmaguncha, oliy jazoni saqlab turishning imkoni mavjud emas.

~ Foucault

@CJandLP

YouGov/CATO so‘rovnomasi natijasiga ko‘ra, Qo‘shma Shtatlarda yoshlarning deyarli 2/3 qismi sotsializm g‘oyalariga ustuvorlik bermoqda.

Bu ko‘rsatkich 2019-yilda 51%ni tashkil etgan.

@CJandLP

Nietzsche Fransuz madaniyati haqida:

@CJandLP

Birlashgan Qirollik Milliy arxivining MI5 ko’rgazmasida Hitlerning Myunxen bitimini qanday interpretatsiya qilishi haqida Britaniya xavsizlik idorasining hisoboti saqlanadi.

Unda bir vaqtlar dunyoga o’z ta’sirini o’tkazgan Britaniya imperiyasining ‘soyabon-pasifist’ bosh vaziri Nevil Chemberlinga nisbatan ishlatigan kamsitish va hazillar haqida qaydlar kiritilib, Hitler G’arb demokratiyaslari haqidagi qarashlariga iqtibos keltirilgan:

‘Demokratiyalar bizning maqsadlarimizga erishishni qanchalar osonlashtirayotganligi juda hayratli. […] Ular qancha ko’p narsa taklif qilsa, men shuncha do’q-po’psa orqali ulardan boshqa narsalarni talab qilaman.’

@CJandLP

1991-yil 19-avgust kuni sodir etilgan coup d’état davomida Sovet davlat telekanali tõxtovsiz ravishda uch kun Chaikovskyning Oqqush kõli kompozitsiyasini uzatgan. Shundan beri ushbu kompozitsiya mamlakatdagi senzurani ifoda etuvchi ramzga aylanib qolgan.

Umuman olganda, Chaikovsky asarni pasxaning xotirlash haftaligida yozib tugatgan degan qarash mavjud. Shu sababdan, sovet xalqi degan umumiy nom ostida majburan birlashtirilgan xalqlarga Brezhnev, Andropov va Chernenkolar vafot etgan kunlarda siyosiy elita yopiq eshiklar ortida vorislik masalalarini hal qilib kuch bõshliğini tõldirilayotgan bir vaqtda televideniya orqali ertalabdan-kechgacha balet namoyish etilgan.

Mashhur asar nafaqat xotira va xotimani anglatuvchi ramziy ma’no kasb etadi, balki yangi davr boshlanishini ham bildiradi.

P.S.: Mazkur videoda Fransiya jamoat joylaridan birida Oqqush kõli asari ijrosi aks e’ttirilgan.

@CJandLP

Sud hokimiyatining mustaqilligi haqidagi ilk yirik bayonot Ingliz huquqshunosi Eduard Kuk (Edward Coke CJ) tomonidan Prohibitions del Roy (1607) nomi ostidagi sud ishida e’tirof etilgan bo‘lib unda shunday deyilgan:

Qirolning o‘zi mustaqil tarzda hech qaysi ish—xoh jinoiy, xoh taraflar o‘rtasidagi ishlar—yuzasidan hukm chiqarishga haqli emas; ammo bunday ishlar Adliya sudlari (Court of Justice) tomonidan Ingliz huquqi va odatlari asosida o‘rganilib va ko‘rib chiqilishi darkor. Qirol suddagi Qirol o‘rindig'ida o‘tirishga haqli [King's Bench], biroq qaror sud tomonidan chiqariladi. Mamlakatda hech qaysi qirol bosqindan [tahr. Ulliam Istilochi boschiligidagi Normandlar bosqini nazarda tutilmoqda] so‘ng adolat o‘rnatish masalalari yuzasidan hech qaysi asoslarga ko‘ra qaror qabul qilishni o‘z zimmasiga olmagan hamda mazkur asoslar faqat va faqat Adliya sudlari tomonidan aniqlangan va o‘rnatilgan.

[1607] EWHC KB J23
77 ER 1342, 12 Co.Rep. 64

@CJandLP

O’ng populist mediasida ahloqiy sarosima prizmasi orqali odatda yanglish tavsiflanuvchi ijtimoiy davlat funksiyasi o’zi bilan birga muayyan darajada madaniy kapital yaratadi. Xususan, Britaniyada paydo bo’lgan deyarli barcha e’tiborga molik narsalar—musiqa hollaridan ko’cha kaboblarigacha, stend up komediya shoularidan tortib rock ’n’ rollgacha—ishchi sinfi vakillari tomonidan yaratilgan fenomenlardir.

Boshqacha qilib aytganda, ishchi sinf qatlami o’z bo’sh vaqtini shunchaki dam olish va xordiq chiqarishdan tashqari, ana shunday narsalarni yaratishga ishdan holi vaqtda sarflagan.

Brit pop-madaniyatining 1960-yillarda bunday kengayishi faravon davlat g’oyasi orqali implementatsiya qilingan ijtimoiy qo’llab-quvvatlash dasturlari orqali amalga oshirilgan. Butun dunyoni egallab olgan Britaniya pop-rock guruhlarining vakillarining aksar qismi o’z formativ davrining kamida muayyan bir qismni ishsizlik nafaqalarida o’tkazgan.

@CJandLP