#ehson_sadaqa_baraka

ЭҲСОНИНГИЗ ЎРНИНИ АЛЛОҲ ТЎЛДИРАДИ

"Ҳар бир инфоқ қилган нарсангизнинг ўрнини У тўлдирур. У Зот ризқ берувчиларнинг яхшисидир" (Сабаъ сураси, 39-оят).

Аллоҳнинг розилиги учун бирор бир нарсани инфоқ, эҳсон қилсангиз, албатта, Аллоҳ таоло бу дунёнинг ўзида кўплаб ажрлар беради.

Инфоқ қилувчи банданинг оиласи тинч, фарзандлари иқтидорли, танаси соғ, топганида барака, яхши ишлар қилишга муваффақ бўлиши, қалбида сакинат, инсонларни унга нисбатан муҳаббатли ва иймон ҳаловатини топиши - Аллоҳ таолонинг берган ажрларидир.

Охиратда эса, Аллоҳ таоло кўз кўрмаган, қулоқ эшитмаган яна кўплаб мукофотлар беради.

✍️ Устоз Одилхон қори ЮНУСХОН ўғли

♻️ Улашинг
https://t.me/+nkho490OE8I3Y2Uy

#ehson_sadaqa_kambağal

МАРҲАБО, САВОБЛАРИМНИ ЭЛТУВЧИ

Али ибн Ҳусайннинг олдига камбағал ва тиланчи келса, хурсанд бўларди ва: "Марҳабо, охиратимга йўл озиғимни (савобларимни) элтувчи", дерди.

✍️ Устоз Одилхон қори ЮНУСХОН ўғли

♻️ Улашинг
https://t.me/+nkho490OE8I3Y2Uy

#kun_oyati #rizq #ehson

АЛЛОҲ РИЗҚНИ КЕНГ ҚИЛУР

Аллоҳ таоло бундай марҳамат қилади: "Айтинг: "Албатта, Роббим бандаларидан Ўзи хоҳлаганига ризқни кенг қилур ва (Ўзи хоҳлаганига ризқни) танг қилур. Бирор нарсани (муҳтожларга холис) эҳсон қилсангиз, бас, (Аллоҳ) унинг ўрнини тўлдирур. У ризқлантирувчиларнинг яхшисидир" (Сабаъ сураси, 39-оят).

🌐 https://t.me/+nkho490OE8I3Y2Uy

#hadis #boy #sadaqa #ehson

АЛЛОҲ УНИ БОЙ ҚИЛАДИ

Пайғамбаримиз алайҳиссалом айтдилар:

اليد العليا خيرٌ من اليد السفلى وابدأ بمن تعول وخير الصدقة عن ظهر غنى ومن يستعفف يعفه الله ومن يستغن يغنه الله

"Тепадаги қўл пастдаги қўлдан яхшидир. (Садақани) оилангдан бошла. Садақанинг яхшиси бойликнинг ортганидан қилинганидир. Ким (тиланчиликдан) иффатини сақласа, Аллоҳ унинг иффатини сақлайди, ким ўзини (бошқалардан) беҳожат қилса, Аллоҳ уни бой қилади" (Имом Бухорий ривояти).

🌐 https://t.me/+nkho490OE8I3Y2Uy