#hadis #sunnat #uyqu

​​​РАСУЛУЛЛОҲ ﷺ УЙҚУГА ЁТМОҚЧИ БЎЛСАЛАР

Абу Зарр розияллоҳу анҳудан ривоят қилинади.

Расулуллоҳ соллаллоҳу алайҳи васаллам қачонки тўшакларига ётсалар:

"Бисмикаллоҳумма аҳйаа ва амуту", деб айтардилар.

Маъноси: Аллоҳим, Сени исминг билан тириламан ва вафот этаман.

✏️ https://t.me/+nkho490OE8I3Y2Uy

#ota #ona #jannat #hadis #odob

🛑 ОТА-ОНАСИНИ МАЛОМАТ ҚИЛУВЧИЛАР

•┈•┈•┈•┈•❁✿❁•┈•┈•┈•┈•
🎙 Устоз Одилхон қори Юнусхон ўғли

•┈•┈•┈•┈•❁✿❁•┈•┈•┈•┈•
♻️ Савоб учун улашинг
https://t.me/+nkho490OE8I3Y2Uy

#hadis #tilovat #farişta #ajr

Оиша розияллоҳу анҳодан ривоят қилинади. Расулуллоҳ соллоллоҳу алайҳи васаллам: "Қуръонни маҳорат билан тиловат қилувчи қори мукаррам элчи фаришталар билан бир мақомдадир. Тили қийналиб тиловат қилувчига икки баробар кўп ажр бўлади", деганлар (Имом Бухорий ривояти).

♻️ Улашинг
https://t.me/+nkho490OE8I3Y2Uy

#hadis

АЛЛОҲГА ЭНГ СЕВИМЛИ АМАЛ

Оиша онамиз розияллоҳу анҳодан ривоят қилинади: "Расулуллоҳ соллаллоҳу алайҳи васалламдан "Қайси амаллар Аллоҳга маҳбуброқ?" деб сўрашди. У зот алайҳиссалом: "Оз бўлсада давомлироғи", дедилар" (Имом Бухорий ривояти).

✍ Одилхон қори Юнусхон ўғли

♻️ Тарқатинг
https://t.me/+nkho490OE8I3Y2Uy

#hadis #hikmat #tosh #jannat

Жаннатдан тушган тош

Ибн Аббос розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Ҳажари асвад жаннатдан тушди. У сутданда оппоқ эди. Бас, уни одам боласининг хатолари қорайтирди”, дедилар (Имом Термизий ривояти).

Фойда: Қора тошда гуноҳларни тортиб олиш хусусияти мавжуддир.

https://t.me/+nkho490OE8I3Y2Uy

#hadis #sura #voqea #boylik #faqirlik

🕯 Абдуллоҳ ибн Масъуд розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Ким ҳар кеча Воқеа сурасини ўқиса, унга зинҳор фақирлик етмайди”, деганлар.

💰 Ибн Масъуд розияллоҳу анҳу қизларига ҳар кеча у(сура)ни ўқишга буюрар эди (Имом Байҳақий “Шўъабул иймон”да ривоят қилган).

♻️ https://t.me/+nkho490OE8I3Y2Uy

#maqola #sahobiya #tabassum #hadis

РАСУЛУЛЛОҲ СОЛЛАЛЛОҲУ АЛАЙҲИ ВАСАЛЛАМНИ КУЛДИРГАН САҲОБИЯ

Савда розияллоҳу анҳо хушчақчақ ва очиқкўнгил аёл эдилар. Бир куни Расулуллоҳ соллаллоҳу алайҳи васалламга "Ё Аллоҳнинг Расули, кеча сиз билан намоз ўқидим. Сиз рукуни шу қадар узоқ қилдингизки, ҳатто бурнимдан қон оқиб кетмасин деб ушлаб турдим", дедилар. Бу гапдан Расулуллоҳ соллаллоҳу алайҳи васаллам табассум қилдилар.

Савда бинти Замъа розияллоҳу анҳо бутун умрларини тақво, саховат ва юксак ахлоқ билан ўтказдилар. У киши ўз даврларида ҳам, бугунги кунда ҳам мусулмон аёллари учун ибрат намунаси бўлиб қолмоқдалар.

Оиша розияллоҳу анҳо: "Савдадан кўра ўзимни унга ўхшатишни кўпроқ истайдиган бирор кишини билмайман", деганлар.

♻️ https://t.me/+nkho490OE8I3Y2Uy

#hadis #ravza #jannat #minbar

Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам: "Уйим билан минбарим орасида жаннат боғларидан бир боғ бор. Минбарим эса, ҳавзи кавсарим устидадир", дедилар (Имом Бухорий ривояти).

Фойда: Жаннат боғида, яъни Расулуллоҳ минбари олдида намоз ўқиш билан жаннат боғи ва ҳавзи кавсардан ичиш насиб бўлади.

♻️ Улашинг
https://t.me/+nkho490OE8I3Y2Uy

#Islom #tarix #kafan #hadis #jannat

ЖАННАТДАН КЕЛТИРИЛГАН КАФАН

♻️ Улашинг
https://t.me/+ajV5bmGwT6gxMjgy

#hadis #salavot #juma #muborak

ЖУМА МУБОРАК БЎЛСИН!

Расулуллоҳ соллаллоҳу алайҳи васаллам: "Жумага ўтар кеча ва жума кундузи менга салавот айтишни кўпайтиринглар, чунки салавотларингиз менга кўрсатилади", деганлар.

Уламолар айтадилар: "Ким қалби шод, гуноҳлари мағфират, ғам-ташвишлардан халос бўлишни истаса, пайшанба кунининг шом вақтидан бошлаб жума кунининг шом пайтигача бўлган фурсатларда Расулуллоҳ алайҳиссаломга салавот айтишни кўпайтирсин".

Аллоҳумма солли ва саллим ва барик ъала Саййидина Муҳаммад.

✍️ Устоз Одилхон қори ЮНУСХОН ўғли

♻️ Улашинг
https://t.me/+nkho490OE8I3Y2Uy

#duo #hadis #sunnat

РАСУЛУЛЛОҲ ﷺНИНГ ДУОЛАРИДАН

اللَّهُمَّ إِنِّي أَسْأَلُكَ مِنَ الْخَيْرِ كُلِّهِ عَاجِلِهِ وَآجِلِهِ مَا عَلِمْتُ مِنْهُ وَمَا لَمْ أَعْلَمْ وَأَعُوذُ بِكَ مِنَ الشَّرِّ كُلِّهِ عَاجِلِهِ وَآجِلِهِ مَا عَلِمْتُ مِنْهُ وَمَا لَمْ أَعْلَمْ

Ўқилиши: Аллоҳумма инний асалука минал хойри куллиҳии ъаажилиҳи ва аажилиҳи, маа ъалимту минҳу ва маа лам аълам.

Ва аъуузу бика минаш шарри куллиҳи, ъаажилиҳии ва аажилиҳии, маа ъалимту минҳу ва маа лам аълам.

Маъноси: Аллоҳим Сендан барча яхшиликларни сўрайман — мен билган ва билмаган, яқин орада келадиган (дунёдаги) ва кейинроқ келадиган (охиратдаги) барча яхшиликларни.

Сендан барча ёмонликлардан паноҳ тилайман — мен билган ва билмаган, яқин орада келадиган ва кейинроқ келадиган барча ёмонликлардан.

♻️ УЛАШИНГ

#zikr #subhanallohi_va_bihamdihi #hadis

Ким эрталаб ёки кечқурун «Субҳаналлоҳи ва биҳамдиҳи» ни айтса...

Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи васаллам:
«Ким эрталаб ёки кечқурун:

سُبْحَانَ اللهِ وَبِحَمْدِهِ

«Субҳаналлоҳи ва биҳамдиҳи», (Аллоҳга ҳамд айтиш билан Уни айбу нуқсонлардан поклаб ёд этаман), деб юз марта айтса, қиёмат куни бирор киши ундан афзал бўлмайди. Фақат ана шу киши айтганидек ёки ундан ошириб айтсагина, бўлиши мумкин», дедилар (Имом Муслим ривояти).

♻️ Тарқатинг
https://t.me/+nkho490OE8I3Y2Uy

#hadis #zikr #istiğfor #taşviş

Расулуллоҳ соллаллоҳу алайҳи васаллам айтадилар:

قال رسول الله صلى الله عليه وسلم: من لزم الإستغفار جعل الله له من كل ضيق مخرجا

"Ким истиғфорни кўпайтирса Аллоҳ таоло унга ҳар қандай ғамдан енгилликни ва тангликдан чиқиш йўлини қилиб қўяди" (Имом Абу Довуд ривояти).

♻️ Тарқатинг
https://t.me/+nkho490OE8I3Y2Uy

#hadis #janjal #jannat #uy

ЖАННАТНИНГ ЭНГ ЮҚОРИСИДАГИ БИР УЙ

Расулуллоҳ соллаллоҳу алайҳи васаллам: «Ҳақ бўла туриб жанжални тарк этган кишига жаннат ёнидаги бир уйга кафилман. Ҳазилдан бўлса ҳам, ёлғонни тарк этган кишига жаннат ўртасидаги бир уйга кафилман. Чиройли хулқли кишига жаннатнинг энг юқорисидаги бир уйга кафилман», дедилар

♻️ Улашинг
https://t.me/+nkho490OE8I3Y2Uy

#hadis #namoz #tahajjud #niyat #duo #sadaqa

ТАҲАЖЖУД НАМОЗИГА ТУРИШНИ НИЯТ ҚИЛИБ ЁТИНГ

Абу Дардо розияллоҳу анҳудан ривоят қилинади.

Расулуллоҳ соллаллоҳу алайҳи васаллам дедилар: "Бир киши ётоғига тунда туриб намоз ўқишни ният қилиб ётсаю, аммо уйқу ғолиб келиб тонгача ухлаб қолса, у кишига ният қилган нарсасининг савоби ёзилади. Уйқуси эса, Аллоҳ азза ва жалладан унга садақа бўлади" (Имом Насоий ривояти).

♻️ Тарқатинг
https://t.me/+nkho490OE8I3Y2Uy

#duo #hadis #kasallik #şifo

🤲 ТУРЛИ КАСАЛЛИК ВА БАЛОЛАРДАН ПАНОҲ СЎРАШ

اللَّهُمَّ إِنِّي أَعُوذُ بِكَ مِنَ الْبَرَصِ وَالْجُنُونِ وَالْجُذَامِ وَمِنْ سَيِّئِ الْأَسْقَامِ

Ўқилиши: Аллоҳумма инний аъузу бика минал бароси вал жунууни вал жузоми ва мин саййиьил асқоми.

Маъноси: Аллоҳим, Сенинг номинг ила песликдан, жинниликдан, моховдан ва ёмон касалликлардан паноҳ тилайман.

♻️ Тарқатинг
https://t.me/+nkho490OE8I3Y2Uy