مع كل سبت نقول:
"والله لولا مطلب العلم و المرقى سنود
ما يغادر كل قرمٍ مداهيل أهله"

"امشي وهمي جبل يمشي معي وين اروح
‏ازريت اشيل الجبل، وازريت لا افارقه

‏ماغير روح التحدي في عروقي تفوح
‏قوة صمودي على جور الزمن خارقه."
- مساعد الرشيدي

ماااا طويته

أحبك وعرضت النقايد هبوب النود
فعولك اتنومسني وذكرك يهيضني

يالبيه يا وجهٍ عليه الرضا معقود
اشوفه وأشوفك في سنيني معوضني

علي نذر لـ أمسح شيب دقنك بدهن العود
وأضمك .. لو الدنيا وأهلها تعااارضني
- ميلاف

ما أحب غير أنت وأن عيّا عليك النصيب
عيّيت عن زينه الدنيا .. ومشهاتها
- ميلاف

السؤال اللي ظهر لي من ظروفك :
كُل ما حلم اللقاء قام يْتوااارى

من مَلك قلبك وهو محتاااج شوفك
يحسب من الأغنياء ؟ والا الفقارى ؟
- ميلاف

يوم أستوى الخط مابين الجبل والنفود
غنّيت لبّى النفود وضاق صدر الجبل
- حزمي بن سعد

"أحنّك مثل ما أحن وجهي من المنقود
وأعدّك.. ليا عديت الأيام وش جابت"

"أنت من علمني أن الحب له معنى و قيمه
ولا أنا كل السنين الماضيات .. أحب ذاتي"

أعتبرني ليا من ضاق صدرك : مكان
فدوتك لو بكيت الليلة بـ طولها

أعتبرني حضن لامن فقدت الحنان
خل سِحبْ الهموم تصّب هملولها

أعتبرني ملاذ تحّس قربه بـ أمان
وأيّ كلمة تخاف تقولها ؟ قولها

أعتبرني شعور وفاقده من زمان
وجاء يلبّي نداء عينك ومرسولها
- سعود بن مهدي

كل القصيد اللي على حسنك قليل
عمدًا؛ بعد سلهامة عيونك سقط

اذا كتبته في سنا ضوحك ؛جزيل
لو أترك حروفه .. حروف بلا نقط

هذا فقط من باب مردود الجميل
اللي يجي من عينك النجلا فقط
- راكان

من لايعرفك حلم مايعرفك طيش
واللي جهل ثنتينهن .. ما يعرفك
- سعد الحريص

عليها الملام ولا عليها السلام أبداً
يدينٍ تبي قصرت يديني ولا طالت
- مساعد الرشيدي رحمه الله

اخشّ اسمك عن اطراف الحديث وتفضحه دعواي
‏وتهتف له عروق القلب وتجدّد له البيعة
- عبدالله السبيعي

بدد الصمت وتهيا للسوالف يا بعدي
الحديث اللي تقوله من عيونك سلسبيل

هات لي من مرتع الشمس، السحابة ورعدي
صب صوتك في متون الارض ينبت لي نخيل

في مداهيل الصبابة هلهل الغيم بردي
فاح شيح و هودل القمري و غنى لي مسيل

كل قاعٍ تسكنه روحك تشابه لبلدي
وكل دربٍ من جهاتك طاب لي فيه المقيل

يا سنا نجد وهواها يالمغاني وسعدي
يا قناد الواقع اللي صيّر إلك المستحيل

يا ذعاذيع الربيع لـ كل قفرٍ جرهدي
يا الخزامى والنفل والروض والغصن الظليل

يا فياض الوجد و الصبح الرحيب السرمدي
يا بداية كل فجرٍ زلّه الليل العليل

انت جيت من الضيا في كفّك الحلم الندي
اسقني عذب الأماني وبْل من بطن المخيل

والله اني في سماء وصلك تيممت الجدي
والله اني في متاهاتك تقديت الدليل

الليالي غطرفت لك والقمر زف وعدي
قم تهيا ما بقى للعمر عمر إلا القليل

لدّ صوتك للسوالف طال صبري وسهدي
يا حديث الأبجدية هام بك سحر الخليل
- وليد بن مانع

بنت السماء قبل الأراضي تضمّك
أروي ضماي و خيّلي فوق راسي

يا جعل أبوك اللي عَقد خطبة أمك
في جنة الله لا استوَن الرواسي

متاني أروى من شهاليل جمّك؟
عامين و حْوار القناعة ، سياسي

من ليّن اثنينك ليا عذب فمّك
مسااافةٍ ما تستسيغ المراسي …

و شلون أشيل الحب كلّه و همّك!
و أنا عساي أملى بـ متني ، لباسي

كم ناضت عيوني و لا حنّ كمّك
أنسي و كم ذاق النهايات ، ناسي

دامه برد مع دورة الوقت ، دمّك
ابحطب جذور المحبة بـ فاسي

و أحفظ تفاصيل الليالي و أصمّك
على الأقل لا طحت ، طحت متواسي

حدّ الكرامة و أن جرح لا يهمّك
ألطف من يدين الضعيف المواسي
- عمر الودعاني

بانت مواريك يا حلم الليالي و بنْت
امسك كفوفي و بيّن لي طريق الفرح

شف حالي الحين لا ترجع على كيف كنت
اللي جمع ماضي الأوجاع ليته طرح

مـ أعتب على الجرح لو خارت عزومي و لنْت
أعتب على كيف صار و من هو اللي جرح
- عمر الودعاني

صبحكم الله بالخير♥️

عسى مدهال ملهوف الحشا للرايح الصباب
يصب من الوله ويعانق المحبوب محبوبه

كلام الحب وعيون القصيد ونظرة الإعجاب
تناقلها القلوب الخالية.. وتروح مجلوبه

ونور الشمس والماء والظمأ والريح والترحاب
فدا للجادل اللي من زلال الغيم مصبوبه

تقول: الآدمي قلبه رهيف إن حب حن وذاب
وأقول: القلب راح قلادةٍ في عنق رعبوبه

عنودٍ كل يوم أقرأ عليها صفحتين كتاب
وهي سطرٍ من سطور الكتاب وثامن إعجوبه

مضى عمري على طرد الهوى وأثر الهوى غلاب
وأنا راضي أعيد حكايته وأعاود ذنوبه

ما عندي للقصيد الا الجروح اللي من الأحباب
ولا عندي جديد الا الغرام وتالي دروبه

حديثي في تفاصيل الحياة وكل فصل وباب
والأجدر بالحديث إن نعمة النسيان مسلوبه

يا كثري يوم أوزع بسمتي في شارع الغياب
ويا قلي يوم أحاول حاجةٍ ماهيب مكتوبه

الأحداث الأخيرة كلها حيرة وحرب أعصاب
وقلبٍ ما يرجعه لحياته غير مطلوبه

أوقف كل ما هب الهوى في عالي المرقاب
وأغني مثل من عدى الرقيبه راس مشذوبه

وش يطمنك من بعد الجفا يا قلبي المرتاب
وأنا شاعر يشوف البيد بيته والقلق ثوبه
- مشاري محمد

العشب أذن الثرى والغيم صوت السما
هي كلها كلمتين وكل قاعٍ تسيل

حبيبتي كانك الما قلت كلي ظما
وإن صرتي أنتي ظما أصير أنا سلسبيل

من قال بس إن زينك فيه كن وكما
ياروحي أنتي مثال لشي ماله مثيل

ياعل عينٍ ترف بحضرتك للعما
وياعل عزٍ مهو ماطاك يمسي ذليل

ماشفتي النور في حضن الظلام أرتما
مثله ترى الحب في حضنك يدوّر مقيل

خليك من كل ما أين ما طالما
حتى عيون المحال تشوفك المستحيل

الزين فالناس قاع وزينك أنتي غما
وحتى على النور لك ولظل ظلك جميل

ولو مامسحتي جبين الشمس أبد ماحما
والورد إلى شم عطرك قام عوده يميل

والخلق من طين ونور ونار وأنتي بما
والا الهوى به خلق لي هالخفوق العليل

شفتي الى من كبر شوق الحبيب ونما
تلقين لمعه لدمعه في عيونه تخيل

حبيبتي كان قلبي بالضلوع احتما
لك رمش من حربته ما يسلم الا قتيل

والعشب وجنة ثرى والغيم شفة سما
هي كلها بوستين وكل حبٍ يسيل
- عبد المحسن بن سعيد