غريب اقبل على دار الشتات اللي سكنها الخوف
طرق باب الهوى يسأل : عن العنوان كم يبعد ؟

قريت الكلمه الأولى .. واحسّ اللي بقى مألوف
جلست استوعب الباقي واثاري قلبي المقصد

هنا عنوانك بقلبي .. تفضّل في عروش الجوف
تمشّى في وسط روحي وفي صدري تعال اقعد

لك الله قبل ما توصل ديارك ، كنت انا ملهوف
أفضفض للمسا وتبكي الغيوم وهالسما ترعد

لمحتك تطرق الباب وتلاشى جرحي المكشوف
رحلت وصارت جروحي على مدّ النظر تمتد

ألا .. يا موعدٍ ضايع .. تمنّع والعيون .. تشوف
قتل فرحة أمل عاشت بروحي تحتري موعد

رياح البين طفّت شمعة آمالي وانا مكتوف
قبل تدفى يديني بالوصل كان الحنين ابرد

بديت اكتبك في عمري قصايد والعتب معروف
إذا عاش اوّل المشهد يموت بـ آخر المشهد

هنا كلّ الهموم اللي توارت والسنين تطوف
طرتها فرصةٍ كانت قريبه ، صارت الأبعد
- فيصل القاضي

" لك الله قبل ما توصل ديارك ، كنت انا ملهوف
أفضفض للمسا وتبكي الغيوم وهالسما ترعد "

‏" يا حبيبي يوم فلّ الليل لوعة ساهرينه
‏الصبح ما كان اخف الا جعلها سرمديّه

‏كل مابانت خيوط الشمس من شرق المدينة
‏ما ذكرت الا سنَاك .. وما فقدت الا مجيّه "

ازريت لـ افقدك من قو الوجع والحنين
‏وانا مع الناس غيرك ( فاقد الذاكره ) !!
- مطرب دحيم

‏"وجه واحد ما ثبت في ذاكرة هالعمر غيره
‏كم ضحك لي بأقشر الأيام و أرواني مسرّه" 🤍

- تعريفات شعريّة - لـ عبدالعزيز المخلَّفي

الإبداع على هيئة جديدة

اللهم صلِّ وسلم على نبينا محمد

‏قال ﷺ : "مَن صلَّى عليَّ صلاةً صلَّى اللهُ عليه بِها عشْرًا"رواه مسلم.

‏قال ابن القيم :
‏وكان الصحابة رضي الله عنهم يستحبون إكثار الصلاة على النبي ﷺ يوم الجمعة.
‏ قال ابن مسعود : يا زيد بن وهب لا تدع -إذا كان يوم الجمعة- أن تصلي على النبي ألف مرة.

- الطنطاوي

١ - محرم - ١٤٤٤هـ

‏عامٌ جديد نسأل الله التوفيق والسداد 🤍

‏" جميل هو أن تراجع نفسك وتبدأ صفحة جديدة وأهداف واضحة وقلب صادق يحب الله ورسوله وهمة عالية وروح سماوية، وأفضل سبيل يمكنك أن تسلكه وتتقرب به إلى الله هو اللجوء للقـرآن والانكباب عليه، والقـرآن كفيلٌ بأن يطهرك تطهيرا "

تهناكم الرحمة 🤍

ينشد الغيم عنّك يا رفيق السحاب
‏و الشجر تحتريك و ليّن غصونها

‏ما على مجدب الأيام لوم و عتاب
‏خطوتك تروي البيداء على هونها

‏كل عمرٍ بلا وصلك شقى و اغتراب
‏اقهر ظروف حزني و اِكثر طعونها

‏في دروب الموادع كنت أظنه سراب
‏ما هقيت المسافة دمعة عيونها
- عبدالملك الخربوش

في غيابك ماني إلّا غصن في رجوى سحابه
‏ما فقدت إلّا السحاب وما أنتظرت إلاّ هطوله

‏خاطري مملي كلام .. وغيبتك فيها غرابه
‏أزهر احساسي معك ، والورد يخشى من ذبوله

‏كم سؤالٍ ؟ ودّي اقوله ! وانا عارف جوابه
‏وكم جوابٍ ٍ! ودي اعرفه ؟ ولا ودّي تقوله
- سعود مهدي

"جعل همّال السحاب اللي تلاعج برقه
‏في علاوي نجد ياخذ له شهر ما يفصل" آميين

أي والله أضحك،
‏ولو ماهو بـ ينسَب لك
‏أخّاذ هذا [السحاب] ووجهك أخَّاذي

‏جعله على ضْعونك ودارك وحول أبْلك
‏لين الطواري تسبب للبدو قاذي

‏أمّا أنا: ظِلّي ورمضاي يحسب لك
‏وأحبّها لك .. سواءً ذيك، ولّا ذي !

‏كن المطر في سنينٍ ماضيه قبلك؛
‏كان إمتداد لْـ ثواني ضحكتك هذي
- صالح بن حمد

"على ريح السّحاب اللي ترازم بالسما و إلتم
‏سحابة الديم تحييني ليَا هبّت هبايبها " 🤍