"والله انك في عيوني مقدّر ومحسوب
‏يا واحدٍ جعلني ما أذوق حزنه ولا عدمه"

" ما قلت لك و السنين تطيح من عيني
‏أحلامي بـ ظل غيرك.. ما أدورها؟ "

"على طاري الغلا اللي ما يبي له نشده وتبرير
‏ يا كيف يسج منك واحدٍ ما غبت عن باله؟"

"اسكنيني وأنتِ اللي ما يمرّ الأرض زيّك
‏نجمةٍ من هالسماء طاحت على راحة يديني"

"كل ما عرَّج على قلبي هاك الطارِي وحافه
‏سَاقني، للموت طرْف وضحكةٍ بين الثنايا"

"وإن كان قلب اللي أحبه وسعني
ماهمني ضيق الزمن واتساعه "
- سعد الحريص

:(

مسّاكم الله بالخير🤍

‏مع مغيب الشمس ، يربـكني الغروب
‏هذا وهـوّ الليّـل تـوّه مـا بـدى !

‏لون الشفق أخذ من أوصافه شحوب
‏ما عاد فـ عيوني من الفرحة ندى

‏ترجف بي النسمة على طارف هبوب
‏وضحكتي ، صار ايتحاشـاها الصدى

‏أهاب من حزنـي ولا أهـاب الدروب
‏اللي شعاع النّـور فيها ، للهُـدى

‏أراجع ذنـوبي و أستغـفر و أتـوب
‏توبة تعـز اللّي على النهـج اقتدى

‏جنّبت نفـسي عن كـثيرين العيوب
‏وحشّمت خطواتي عن دروب الردى

‏لو ما لقيت بواقعي لحظـة هـروب
‏بـ أهرب بتـفكيري إلى أبعد مدى
- أثير العتيبي

‏"أراجع ذنـوبي و أستغـفر و أتـوب
‏توبة تعـز اللّي على النهـج اقتدى"

سادك الحزن يا وجهٍ من أوّل ضحوك
‏رحت محدٍ درى عن روحك المُنهكه

‏شاحبة بسمتك وش فيك ؟ لافض فوك
‏بسمتك بسمة المهزوم في معركة

‏المشاعر لها في كل موقف سلوك
‏غالباً كل لحظات القلق مُربكة

‏للهُدى درب ما حوله تدور الشكوك
‏أعْرف أنّه هُدى لكن عجزت أسلكه
- سعود مهدي

يركد الماء لا ذعرْت ويهْمل الغيث إن رضيت
‏أسأل اللي ما شعب ركْبه على ضِحْكك هَبا

‏فيك شيء من البِطَا المضني ولكن يوم جيت
‏تشبه آثار المديح في وجه ممدوح النبا:

‏كلّما يمّمت وجهك -قبلة النور- ومشيت
‏قالت الأرض وأهلها: "والله اللي مرحبا"
- ماجد النفيعي

مالله كتب لي فيك حظ ولا نصيب
‏الواقع أصدق .. من يا ليت ، وربما

‏حتى لو إن إحساس قلبي ما يخيب
‏سفك الشعور أشد من سفك الدما

‏والغيمة اللي تاخذ شوي .. وتغيب
‏ما تغري ألا .. الميّتين ، من الضما

‏أحيان .. حتى اللي تحس إنه قريب
‏يمكن يكون أبعد عليك من السما
- عبدالله السراهيد

"يمكن يكون أبعد عليك من السما" يووه

‏أنت عمرٍ لا سألوني وش تمنى؟ قلت أعيده
‏وأنت فرحة يوم جت لي ماتت أحزاني بعَدها

‏أنت لو للناس دنيا.. ! صرت لي دنيا جديده
‏ما حييت إلا عليها ولا أندفنت إلا فـ لحَدها

‏أنت خيرٍ جابه الله خصني به من عبيده
‏وأنت نعمة قلبي اللي كل ما ينبض حمَدها

‏أنت ضحكه ساندتني رغم الأوقات العنيده
‏مثل ماني بالوجود، وفوق هالدنيا سندها

‏أنت غيمة مرّت بـ قاعٍ، شكت للغيم بيده
‏وأرتوت فيك الصحاري من جفافٍ قد حصَدها

‏أنت حبٌ مع مرور الوقت يتزايد، و أزيده
‏وحدك اللي مكتفي بك، والبشر ينقص عددها

‏الله يديمك لـ قلبي، عمر، وأعوامك مديدة
‏أنت حاجة ما يعيش إنسان لو قلبه فقدها

‏أنفجر لأجلك شعوري لين صارت هالقصيدة
‏كل ما جا لك فضولك عن غلاك أقرأ وعدها
- عادل العصيمي

اجدد عهد المحبة مع هذه الرائعة

السهل الممتنع=دهشة منقطعه النظير

‏مات الظِلال ..

‏حبيبتي والجفاء قارص ، وبرده جليد!
‏وانا اتلحّـف وعودك .. واتذرّابـها

‏كل يوم يطغى شعوري بالحنين ويزيد
‏واستأذن من الحنايا ، تفتح أبوابها

‏وكل يوم ألبّس غروب الشمس دمع وقصيد
‏لين إكتست من حنيني بأجمل ثيابها

‏ياجارة البدر .. لو راس المواصل عنيد
‏(عيون الأشواق) ماهي تنطق أهدابها!

‏غبتي "ومات الظِلال!" وصرت جالس وحيد
‏أناجـي الأرض .. واسمع غَصة هضابها

‏عزاي ذِكرى الوله! فـ ايـام حُبٍ زهيد
‏لحظات ، عن جمرة الهجر .. اتوقّى بها:)

‏باقي من الروح طفلٍ ، ينتظر فجر عيد
‏عشان طفلة حياته .. تبدي إعجاابها

‏ويناقض الطفل شكّي ، لو ظنوني اكيد!
‏إن الغصون اليباس تخاف حطّابها

‏لو التجافي قرارك!! قلت رايك سديد
‏ورحلت بجروح " انا وانتي من اسبابها !"

‏حبيبتي ما اتحمّل جرح ثانـي جديد
‏والخنجر اللي بقلبي .. يشهد نصابها

‏إنّك بقلبي وطن ، وإنك لصوتي قصيد
‏وآخر تفاصيل [ذِكرى العمر وإكتابها]
- مصعب خالد

احترت اي بيت اقتبس، كل بيت بمثابة قصيدة

استمتعوا بها