دريت انك حبيبي قبل اموتك واعشقك واحياك
وصرت أول طريقي وآخر أحبابي وعشاقي
- مساعد الرشيدي

باهر الشعر ،، ما يحتار قاريه فيه
والله إن القصيد يبان من مطلعه

من بغى كايد المطلوب يتعب عليه
المراكب بلا قيمة بدون أشرعة

البشر ما تْدّل إلاّ بعد ما تْتيه
كم مضرّة خسايرها سبب منفعة

ما شكّى الضيق من ضمّه حضن يحتويه
يبعث الضيق في بعض المواضع سعة
- سعود مهدي

مرحبا♥️

القلوب مجنّده والليل أمير مفدى
‏تحت بشته ترقد من الذكريات أغلاها

‏كل ماجينا نمد كفوفنا .. ما ندّى
‏باخلٍ حتى بكيف الحال ما بدّاها!

‏الغلا اللي كنت اخاف إنّه يعدي عدّى
‏أسرع من الليله اللي مستحيل انساها
‏
‏كل ماحبّيت لي هامش يصير مبدّى
‏فالعيون اللي تراب الأرض مايملاها
‏- مزيد الوسمي

"أسرع من الليله اللي مستحيل انساها" يا الله

شرّعي باب المعاتب بدون مقدمات
‏وأطلقي ما كان في صدرك طلاق سجنا

‏حاصريني بـ التشره من الأربع جهات
‏أنتي المشروه منّك .. مثل رد الثنا

‏أعتذر لك عن غيابٍ بدون مبررات
‏لو ما بـ القلب خالي ولا الصدر دهنا

‏صح ما ودي بهجرك لو يطول السكات
‏بس ما ودي بوصلك و أنا مانيب أنا
- فيصل

تجديد عهد♥️

تعالي حبيبك ينتظر والحكي محفوف
لا تسكن خطاك الا بجوفه ووجدانه

تعالي هنا جنبي فديتك بلاش الخوف
دروب الهوى من خافها تلزم آذانه

مقامك مقامٍ ما يخّلى وانا ملهوف
عليك العيون تلد والنفس طربانه

يا وجهٍ تقول انّه من العافيه مقطوف
ليا شافها المؤمن تزحزح عن ايمانه

لذيذ النظر كله على غرّتك مصروف
وقلبي على أدنى طاري اهتزّت أركانه

وش اقول؟ والله ما يعبر كلام الجوف
قصيدٍ نقوله .. عند قدّك وريّانة

مصيري لو اني عارفٍ حالته مخلوف
وانا عارفٍ بيته .. ورقمه .. وعنوانه

من يلومني يا وجد روحه لو انْه يشوف
ما شافت عيوني .. مال رايه وميزانه

لو الادمي عن رزق غيره مهو مكلوف
أنا أشوف رزقي معك واتعب على شانه
- أحمد بن تركي

"يا وجهٍ تقول انّه من العافيه مقطوف
ليا شافها المؤمن .. تزحزح عن ايمانه"

من شقوق الحنين ودورٍ امست خراب
‏دوّر النور في صدري على مهربه

‏⁦ ليل⁩ ⁦ واحساس⁩ ⁦ مابين⁩ الزعل⁩ ⁦ والعتاب⁩
‏واكثر احساس ينبش في الصدور أغربه

‏يا حبيبة عيوني طال ⁦ ليل⁩ الغياب
‏و الصباحات ماظني على مقربه

‏افتحي لي درايش وصل ماقول باب
‏وقولي الله عطاك النور هاك اسر به

وجهك⁩ ⁦ اللي⁩ ⁦ تماها⁩ ⁦ بين⁩ ⁦ شمس⁩ وسحاب
‏وشعرك اللي مسيل الشمس في مغربه

‏وان تثنّت على اللحن القديم الثياب
‏جنّوا ( الطار والمزمار والمطربه )

والله انك سراب وعارف انك سراب
‏و والله اني لا اصبه في يدي و اشربه

‏جيت ما ⁦ كن⁩ مرتني سنين الشباب
‏و ⁦ كن⁩ ⁦ مالي⁩ ⁦ حبايب⁩ قبلك و ⁦ تجربه⁩
- محمد العمري

والله انك سراب وعارف انك سراب
‏و والله اني لا اصبه في يدي و اشربه :(

اللهم صلِّ وسلم على نبينا محمد

ألا يا رب لي قلبٍ كثر ماقد ثِـبَت .. رعديد !
‏وداعة عينك اللي ما نستني ، لا تخلّيني

‏وقفت بوجه برد الزمهرير وسافيات البيد
‏وأخاف إنه ليا طال الوقوف تزّل رجليني!
- بشاير المقبل

ارحب بطيفك لاضوى والعرب ممسين
‏ تراحيب عود ٍ تو ما طابت جروحه
‏
‏رزقه الله بطفل بعد ما فهق خمسين
‏ وغدا عنده اغلى من عيونه ومن روحه
- عابر

مرحبا♥️

- محمد السلطان

يقول سعود مهدي:
"والله إن القصيد يبان من مطلعه"

خطا..خطا..صح..لكن صح ماهو صحيح
حسبتها الف مره.. والف تطلع خطا

الصمت شاهد على قبر الكلام الذبيح
كانت عيونك فشق بندق وشعري قطا

سكت..والشعر يصرخ والقصايد تصيح
والقلب عاري وانا صمتي فراش وغطا

لوبعض الايام مرتني بوجهٍ فليح
جتني الليالي تشيل الجرح حتى سطا

ياليتني قبل اعرف اركض تعلمت اطيح
لاجل اتقي شر عثراتي واعاف الوطا

ياليتني قبل اعرف اتعب عرفت استريح
عشان ماتوجع دروبي ثقيل الخطا

جيتك جريح الكلام وكان صمتك جريح
بين المجاريح ماحاجة دخول أو سطا

تدري وش اللي عجبني فيك غير المديح
تنسى التفاصيل في كذبك وتنسى العطا

خطاي مايستره صمتك وعذري شحيح
وخطاك ماتدمحه وحشتك عقب البطا

هذا انت ناسي من انت ومابقى للصحيح
الا اني ارجع وانا جيتك وهذا خطا
- سعد الحريص

"سكت..والشعر يصرخ والقصايد تصيح
والقلب عاري وانا صمتي فراش وغطا" :(