اليوم بمشيئة الله ستكون الجمعة الأخيرة من رمضان وسوف توافق ليلة ٢٧ ..
وفيها ساعة استجابة ..
ودعوة للصائم عند فطره ..
فانتهزوا هذا اليوم العظيم وما فيه من بركات و خيرات وتزودوا فإن خير الزاد التقوى ..
أكثروا فيه من الصلاة على النبي محمد ﷺ
وأكثروا فيه من الدعاء وفعل الخير ..
وفقنا الله و إياكم وجعلنا من الفائزين المقبولين وممن أعتقت رقابهم من النّار

ياربّي أنا ضعفت وضعف الإنسان شين
‏وتعبت من حاجةٍ " تسلبني إرادتي "

‏اعتقني مْن الشُعور الي ماهو فـاليدين
‏ومن دمعةٍ ما شهدها غير " سجّادتي "
- سمو

يارب غصنٍ بـ صدري لو لمسته وقع
‏أرسل لي مْن الغمايم ما يبلّه وأعيش..
‏ٓ
‏وأزرع بصوتي سوالف ما سقاها وجع
‏من ضحكة الغيم، والا من حمامٍ وريش
‏ٓ
‏لو يلمح الصبح دمعٍ في كلامي، رجع.
‏لو يرجع النور، ليلٍ في خيالي يطيش!
- بدور

تصدقوا ولو بالقليل واكسبوا أجر الصدقة أجر عظيم يُظلِلّ صاحبها يوم القيامة🤍

مرحبا آل قصيدة
اكتبوا في بحث القناة- العيد - وتطلع لكم كل ابيات العيد السابقه

كل عام وانتم بخير آل قصيدة 💘

"طلّةٍ ماهيب منك تساورها الظنون !
‏اكثر اللي ناسب العيد وجهك باختصار"

"على عيدك مبارك تاقف آمال إنتظاري سيد
‏هي اللي كانها ما جات منّك ماااا لها شاغر"

صبحكم الله بالخير❤️

سولف على النوّار والنود والريف
‏هَمسك رشاش وضحكتك برق غيمه

‏تمطر على البيداء من السيف للسيف
‏أربع ليال . . وخالف السيل ديمه

‏منها الغصون تصير خضر ومواريف
‏من عقب ماكانت يباس وهشيمه

‏سولف ، وبعّد عن حشاي التحاسيف
‏و دكّ الهجوس اللي بصدري مقيمه

‏ومجدلٍ ماله على احدٍ معاريف
‏الا يديك .. اللي تليّم عتيمه

‏الفقر ماهو فقر قل المصاريف
‏الفقر فقر .. اللي ماحطّك نديمه

‏ خذني ودثرني عن الهم والحيف
‏معك .. أحس لباقي العمر قيمه

‏والشوق يمطر فالضلوع المهاديف
‏أربع ليال وخالف السيل ديمه
‏- مطلق بن شويه

ما بقى في خارطة صدري لا شعب ولا قيادة
‏يالوحيد اللي جمع ضدّين . . راحل ، ومتبقّي

‏أنت حقٍ . . دونه الرجّال ــــ ما يذخر عتاده
‏واعتقد ما جيتك آطالب بـ شيّ .. الا بـ حقي

‏أشهد إن ابوك عقّب . . غادةٍ من بطن غادة
‏وأشهد إنه .. يوم ( نقّاها ) من الغيد متنقي

‏أحسب ان حظي من عيونك مثل حظ القلادة
‏وين ما لقّيت . . واجهت السعد ــ يمّي ملقّي

‏واقتنعت إنك ( قدر ) ــــ ما تردعه قو الارادة
‏لو تواجهني . . بـ حد السيف ، ماني بـ متوقي

‏اعتبر .. كل الضلوع فداك يا " ظبي الحمادة "
‏أخذ كل اللي تبي ( تاخذ ) . . وبقّ ، اللي تبقّي
- عبدالله السراهيد

ياروضة الشعر باقي فيك غصن طري
الفاس لو ياخذ غصون الشجر ماخذاه

انا رواية قديمه بس ما تنقري !
استصعبتها العقول وحاربتها الرواه

كنت ابتعد عن مجادلهم و اغض بصري
واحط الامال في بكره وف اللي وراه !

من عقد الأمر من خلاه ما ينطري ؟
من حرمه من خفض سقفه و عنا نفاه

من حطه ابعد من المريخ و المشتري ؟
مع اني اشوفه اقرب من كموم العباه !

ماخترت أجي شاعره بس القصيد قدري
ونصيبي اللي تملكني و عشت بذراه

أصبحت غيمة على الساحه يهل مطري
تنبت به الارض شعر و يرتوي من قراه

الدرب هذا طويل ، و ليل ما ينسري
يهرول الذيب فيه ولا يحصل عشاه

ان كان قلبي على مسراه ماهو جري
حذفت قلبي وحطيت بـ مكانه حصاه

جهاته أربع جهات و قبلته تحتري
غيمٍ بروقه تلوح و تلفت الانتباه !

واليا سفتك السحابه يا رياض أزهري
يمكن ما يلقون فيك الا " سمية مهاه "

يارب عزم و صبر والصبر لو ينشري !
شاركت يعقوب في صبره على مادهاه

الذيب من دم يوسف ندري انه بري
وانا من الحزن خاشرت العمى في عماه

جاني قميصين ماردن علي نظري !
وباقي لي الثالث اللي فيه اشوف الحياه
- العنود الواصلية

من أجمل القصائد

نديمة دروبي .. ما بقى في رحابك فيّ
‏خذتك الظروف ولا اختفيتي ، ولا بنتي

‏أسوق الرجا في قولة الحي يلقى الحيّ
‏وأنا داري إنّك بعد قسوتك . . ما لنتي

‏لو إن الزمن .. قادر يرجّعك ، بين يديّ
‏من يرجّعك في نظرتي .. مثل ما كنتي

‏مع إنك تركتي عاشقك في دروب الغيّ
‏وفي عينه الايام . . ( شانت ) ولا شنتي

‏محبتْك حتى في غيابك !.. مثل ما هيّ
‏لا هانت . . لياليك القديمة ، ولا هنتي

‏من المستحيل يحول عن ذكرياتك شيّ
‏لو يحول من دون اللقاء حاجز إسمنتي

‏يروحون !.. كل الناس مني شوي شويّ
‏ولا فيه أحد يبقى على البال .. غير أنتي
-عبدالله السراهيد

هيّفت ترعى رفيف الغيم في قاع الضمير
‏وانكفت تفتل بنات الفكر في خلخالها

‏فزّزت سرب الحنين وطيّرت سرب الهجير
تشعل الفوضى و تطفيها بْـ كفّ آمالها

‏ملهمة ما تعطي الإحساس فرصة
وين ما راحت بي أفكاري تكون قْبالها

‏أسدلت كل الشعور إلا شعورٍ مستذير
‏دلّتهْ ما ساقت إيدين الهوى فنجالها

‏ألهمت واِستلهمت بإحساسها شاعر أسير
ما تمنّى إلا فقط يمسك زمام وُصالها

‏كل ما تمتم لسانه قام فكره يستدير
واِحترم صمته وماتت كلمته ما قالها

‏لو تغوص البحر يصبح من عذوبتها غدير
ولو تْعَزف الملح ذاب السكر بموّالها

‏يوم قالت لي صباح النور فالثلث الأخير
‏ما بقى من الليل الأسود غير حبّة خالها

‏علّقتني في هواها بين أكون وكيف أصير
‏وحلم أكون الصورة اللي ما تفارق بالها

‏روحها من خِفّها لا هبّت النسمة تطير
‏وفكرها علّق على متن الشموخ خْصالها

‏واضحة تسكب رذاذ العطر بأنفاس العبير
غامضة من ثقلها يحتار فيها ظلالها

‏يغرق أجزل بحْر شعر فْـ بحْر عفّتها الغزير
كل ما ينبض خجلها يرتعش سلسالها

‏بنت شعر وأم طُهر وأخت للبدر المنير
فاتنة تجلس على عرش الكمال لحالها
- خالد القصيري

متعه