اللهم صلِّ وسلم على نبينا محمد

صبحكم الله بالخير♥️
وبعد :

" انت لا اخطيت الطريق وشفت زلّاتك كثيفه
‏رحت ادوّر لك عذر ما رحت ادوّر لك ملامه ".

صبحكم الله بالخير♥️

ياحي وجه الصبح ياحي هالشوف
عقب العتيم وضجة الياس فيني

حاولت ألمّ التيه واستبعد الخوف
البارح وصدر الأرق محتويني

عيّا يدفيني حضن شالي الصوف
والبرد .. زادت رجفته في يديني

ف الذاكرة وجهٍ مع الناس مألوف
وفـ الأمكنة ما تألف الناس عيني

تربكني أشكال النهايات يانوف ،
والفقد، ودروب الرحيل، وحنيني

حتى الطريق اللي بالأحلام محفوف
أخشى نهاياتي معه .. صدقيني
- أبعاد

بان وجه الشمس والنوم ما طبّ العيون
قاعدٍ هاجوس أبيعه.. وهاجوس أشتريه
- وصل العطياني

العزله من الناس و المسرى تحت جنح الظلام
على دروبٍ تشتكي .. قلة وصال احبابها

يمرها مر الكرام اللي يعرف ان الكرام
لا مرت دروب الجفا ما هي تلد رقابها

لو حثته رجله على الممشى و هو ماله مرام
ما حثته نفسه على امورٍ تسكر بابها

و الذكريات اللي ما هي بـ تقال ما منها سلام
تاخذ من ضلوعه كثر ما مرته وأمسى بها

ليلة عتابٍ .. يستبيح عتابها قل المنام
اونست منها وجعةٍ ما كنت احسب حسابها

جمّعت فيها كلمتينٍ .. تختصر كل الكلام
و لا ذكرت من الحروف الا حروف عتابها

قصایدٍ کْتبتها و لا جبرت کسري حرام
اعدها ولّا احتفظ فيها ، و اشل کتابها

خليتها لـ المستصيب اللي معنّيه الهيام
يمكن تلامس خاطره و يزين له مضرابها

و الا الذي من وجعته ما هو على احسن مايرام
لو ان فيها ما يداوي علته؟ غنى بها

عليك يا اللي ما معي منّك سوى رد السلام
من خيبة الهقوه ، و عذر الراحله و اسبابها

یا اول شقى و اخر لقى و اكذب عذر و أصدق ملام
لا ترتضي لي حاجةٍ .. قلبك ماهو يرضى بها

من باب تقدير المحبه و الغلا و الاحترام
لا تكذب اعذارك و انا مقدر على كذّابها

الاوفيا لوّ جحدوا سولف بهم حتى الظلام
کنه عقب جور الحنين يبين اللي صابها

يستنزفون شعورهم .. على متاهات الغرام
لو ایّسوا و استعصت الحاجه على طلاّبها

ينزّهون شعورهم حتى بـ لحظة لأنهزام
الطيحه اللي من شعور الأوفياء ترقى بها

اقل ما هي تمتلك وصل، و محبه، و اهتمام
و اكثر ما هي بـ تخاف منّه في الحياه .. غيابها

مقام حبك ماله الا .. شرهةٍ قد المقام
ان عابها قل الوفا ، و لا الجفا ما عابها

لا تنزع الشرهه بـ واهي العذر و الا الابتسام
و لا تلبّسها الثياب اللي .. ما هي بـ ثيابها

نعم تبادلنا الجفا لكن؛ تهادينا السلام
في ليلةٍ لو اقدر أنساها .. نسيت عتابها
- حمدان المرّي

‏العرب فرحين في نصف الشهر لا شع ضيّه
‏وآنا قمت انشد من الضيقه مواويل و قوافي

‏قامت الذكرى تجدد ، لين ما ثقلت عليّه
‏واطول ليال السنه لا صار فيها البدر صافي

‏راح شاب ولاح شيب وناح ورق و راعبية
‏وانتهى فصل الموالف وابتدا فصل التجافي

‏ليلة الفرقى ألمّت بي جروحٍ سرمديه
‏ما ظهر منها قليل و أغلب جروحي خوافي

‏خايف اليا مر طيفه قمت ادن الهاشمية
‏والله انه عيب في حقي وحق اكبر سنافي

‏ماعلينا ، تمضي الدنيا ولو بالصدر كيّه
‏وحده الوقت يتجمّل فيه ويرد العوافي

‏اخر رواق المحبة دْروس واماني عصيّه
‏علمتني امدد رجولي على هقوة لحافي
- عبدالله العمري

اللهم صلِّ وسلم وبارك على نبينا محمد

مساكم الله بالخير♥️

تخيّرني الدنيا بالأوراق والاقلام
‏بعد كل يوم بصبحٍ ابيض وليل أدلم

‏واخلي رحاب الارض والشمس والانسام
‏على شان امر بدربك الموحش المظلم

‏واسلّم عليك اعجاب واكبار واستعظام
‏وسلامي لغيرك حق مسلم على مسلم

‏متى والكلام اصدق من الشعر والإلهام
‏تمر الطواري كلها ، ماتقول : اسلم

‏احبك واشوف ان المخاسير والاعوام
‏مجرد " كماليات " تنثر ولا تنلم

‏عن اللي تسويه آتغاضى قدر وإكرام
‏ابرّيك وأظلم حظي الزين وانت اظلم

‏وعن اللي تسويه المقادير والايام
‏انا اول من يعلمك واخير من يعلم

‏اكابر .. ولا كنّ المحبه -طريق ألغام-
‏كثر ماتكون ابعد مسافه تكون اسلم
- مزيد الوسمي

أدعي الله والوذ بـ رحمته عن عقابه
من شقا كل ذنب ومن ندم كل زلة

التجي به من الايام واخشى حسابه
يوم ما فيه ظل .. يظلنا غير ظله

ربي أوزع علي الصبر من هالرتابة
وأرشد التايه اللي ما لقى من يدله

من يلوم الغريب انه يحس بـ غرابة
يعذره لو يمل .. من الحياة المملة

الحياة اللي اهون من جناح الذبابة
كنها المطلب اللي صار في غير حله

لو يقولون صار الياس يشبه ثيابه
قلت راضي بـ حكم الله دقه وجله

يا كثر ما ضحكت وكنت احس بـ كآبه
ويا كثر ما مشيت وفيني ألفين علة

ما يقويني إحساس وثبات وصلابة
غير وجهٍ يشيل أرض وكواكب واهله

أول انسان .. تاخذني عليه الصبابة
وأكثر إنسان يعني لي تواجد وطلة

الوحيد اللي من أجناب ولا قرابة
طاعته عن يقين وخدمته من جبلة

يمه ان تاه تفكيري وتهت بـ عذابه
بابتسامتك يرجع كل شي بمحله

أنتشي والسما تمطر سحابة سحابة
يوم أشوفك بخير وعافية ، مسفهلة

وأفرح إنك تحسين بـ شعور الرحابة
واذكر إني مقصر معك واستغفر الله

ان رضيتي رضينا كلنا بـ النيابة
وان تعبتي طبيعي يتعب البيت كله
- عبد الله السراهيد

مالت غصون الحنين وطاح صبري
‏وطيّح اوهام الأماني من خيالي

‏المتاح لـ كلّ احد ماهو بـ يغري
‏قيمته تنقص ، لو انه كان غالي

‏صاحبي ما عاد عندي غير عذري
‏والوداع اللي قبل لحظة زوالي

‏برحل الليله وانا ادري وانت تدري
‏ما غدى صدري على قربك شمالي
- فيصل القاضي

"تقهويني فناجيلك غلا مارد لك فنجال
‏لك الله لو تمر سنين ماهزيت فنجالك"

"والله ان شارع غرامك كلّ يوم آمرّه
لو تعصف به العواصف ما غشاه السافي"

كلّما قلت الوداع ارجع و اعيد الكرّه
والغبي يمشي على رمضى غرامك حافي

البلا فالقلب لا منّه عشق له مَرّه
لو يكابر مستحيل يتوب قلبٍ غافي

جيت لك كلّي لو اني بالهوى منضرّه
غايتي انت و وجودك واحد مْن اهدافي

ليه تجفاني وتترك في خفوقي حَرّه
بكّت عيون المها دمعٍ زلالٍ صافي

يا حبيبي لا تضيّع من يدينك دُرّه
والله ان تندم عليها يالقريب الجافي

ليتني ماكنت فـ دروب الهوى مغترّه
كان قلبي عن غرامك سالي ومتعافي

كم تحاليتك قريب وكنت بك منسرّه
وكم تباهى بك قصيدي يالحبيب الوافي

والقصيد اللي كتبته لك وانا محترّه؟
والله ان ارجع اعيده لين يتعب قافي
- مها

-القصيدة مجاراة للبيت الأول-

"‏ليلةٍ من طولها كنْ ثوانيها ليال
‏ما تمر.. لو ساعتي غيَّرت توقيتها

‏من يعيش شعورها يحسب إنِّه فالخيال
‏خل عاد اللي لا سولفت له طريتها

‏اعتق شْعوري و أذِّن وارِحنا يا بلال..
‏الفجر كنِّي من العام ما صليتها "

"معك اغتنيت من الهوى والحب يا مال الغناه
‏وحبّبتني في ايامي اللي ما هقيت احبها

‏أنت الحياة اللي عطت للناس معنى للحياة
‏وانت النعيم اللي عليه الناس تشكر ربها"

‏ادري إنّ لو يحسّ بربع حزني وإشتياقي
‏ماتحمَّل جمرة الهجران في داخل ضلوعه
–عويد النجود