الطموح الأولي مايعرف استسلامي
لا أزال اخطي خُطاي وهامتي مرفوعه
تشهد دروب المشقّة سعيي ودرهامي
-كلّ خطوة سيّرتني للحلم مدفوعه-
كلّما اكبر سنَه تكبر معاي احلامي
حالها حال الفجر ما قد حجبت طلوعه
وانت ياشخصٍ معاه الحلم يصبح سامي
من غلاك الجمّ صاير لإفتقادك لوعه
فيني من الشوق ما يملا فراغ أيامي
تفضح المشتاق لك تنهيدةٍ مسموعه
آتوجّد كلّما لاح السراب لظامي
ياوجودي لا استطبت الحاجه الممنوعه
عن جنون العاطفه صار العقل متعامي
وقلبي اللي بين ضلعيني خرَج عن طوعه
الحبيب اللي يضحّي في سبيل هيامي
كم على باب الرجاوي احتريت رجوعه
آتحلوى كلّ هاجس يجلبه قدّامي
وآتفدّا ضحكته لي وآتفدّا دموعه
يدري اني اكتبه وانه سبب فإلهامي
وادري انه حافظٍ حبّي مابين ضلوعه
- مها
لا أزال اخطي خُطاي وهامتي مرفوعه
تشهد دروب المشقّة سعيي ودرهامي
-كلّ خطوة سيّرتني للحلم مدفوعه-
كلّما اكبر سنَه تكبر معاي احلامي
حالها حال الفجر ما قد حجبت طلوعه
وانت ياشخصٍ معاه الحلم يصبح سامي
من غلاك الجمّ صاير لإفتقادك لوعه
فيني من الشوق ما يملا فراغ أيامي
تفضح المشتاق لك تنهيدةٍ مسموعه
آتوجّد كلّما لاح السراب لظامي
ياوجودي لا استطبت الحاجه الممنوعه
عن جنون العاطفه صار العقل متعامي
وقلبي اللي بين ضلعيني خرَج عن طوعه
الحبيب اللي يضحّي في سبيل هيامي
كم على باب الرجاوي احتريت رجوعه
آتحلوى كلّ هاجس يجلبه قدّامي
وآتفدّا ضحكته لي وآتفدّا دموعه
يدري اني اكتبه وانه سبب فإلهامي
وادري انه حافظٍ حبّي مابين ضلوعه
- مها
❤23👍2
Forwarded from سلطانة بنت منور (رحمهما الله) "حكم ومواعظ"
قال الإمام ابن القيم رحمه الله :
وكان الصّحابة رضي الله عنهم يستحبّون إكثار الصلاة علىٰ النبي ﷺ يوم الجمعة .
قال ابن مسعود: يا زيد بن وهب لا تدع إذا كان يوم الجمعة أن تصلّي على النبيّ ألف مرة .
اللهم صلِ وسلم على نبينا محمد 🤍
وكان الصّحابة رضي الله عنهم يستحبّون إكثار الصلاة علىٰ النبي ﷺ يوم الجمعة .
قال ابن مسعود: يا زيد بن وهب لا تدع إذا كان يوم الجمعة أن تصلّي على النبيّ ألف مرة .
اللهم صلِ وسلم على نبينا محمد 🤍
❤7
انا يارب لو اجرا على الذنب وتزل خطاي
عظايم مغفرتك اكبر من ذنوبي ومن زلّي
إلهي وانت بي أدرى من اسراري ومن نجواي
إلهي وانت لي أقرب من انفاسي ومن ظلّي
من اقصى ديره لـ بيتك سريت وجيتك مْن اقصاي
ادلّك؛ لو تضيعني مشاويري واجي كلّي
ملاذي من مقادير الحياة وداري وملجاي
أمامك يُكشف ستاري واقول لدمعتي هلّي
على بابك وقفت ادعيك طالبتك تجيب دْعاي
إليك المشتكى ياربّ في ترحالي وحلّي
اعرفك فاتحٍ بيبان عفوك ما تردّ الجاي
وجيتك راجيه عفوك، اذا ما جيت لك من لي؟
- مها
عظايم مغفرتك اكبر من ذنوبي ومن زلّي
إلهي وانت بي أدرى من اسراري ومن نجواي
إلهي وانت لي أقرب من انفاسي ومن ظلّي
من اقصى ديره لـ بيتك سريت وجيتك مْن اقصاي
ادلّك؛ لو تضيعني مشاويري واجي كلّي
ملاذي من مقادير الحياة وداري وملجاي
أمامك يُكشف ستاري واقول لدمعتي هلّي
على بابك وقفت ادعيك طالبتك تجيب دْعاي
إليك المشتكى ياربّ في ترحالي وحلّي
اعرفك فاتحٍ بيبان عفوك ما تردّ الجاي
وجيتك راجيه عفوك، اذا ما جيت لك من لي؟
- مها
❤25👍4
جادك الغيث يا حلمٍ حلمت و توفى
غاب وجهه قبل حتى يوصي وصاته
حَط قدره على ميزان صدري و قفّى
كل ما احط بـ الكفه / ترجّح غلاته
حنّ يا صدري المكبوت حتى تشفّى
كل ما تملكه من صبر و انفاس هاته
ودي ارتاح من حمل التعب و اتعفّى
ليت لي قلب مثل الناس و يحب ذاته
داعي الذكريات ارهى و كفىّ و وفىّ
جّمع آخر تفاصيل الوداع و شتاته
كل ما جيت عن برد الشعور اتدفى
ابتدي في تفاصيله و اعدد صفاته
وكل ماجيت اصّد من الحزن و اتخفّى
اذكر ان ابتساماتي حدا ذكرياته !
و كل غفوة منام افزّها و اتحفّى
ضايعه مثل من يندم على شي فاته
أَقبَل الكبرياء وعقب ما اقفيت / قفىّ
ليت لي عقب ما صديت عنْه / إلتفاته
- سالم حمد
غاب وجهه قبل حتى يوصي وصاته
حَط قدره على ميزان صدري و قفّى
كل ما احط بـ الكفه / ترجّح غلاته
حنّ يا صدري المكبوت حتى تشفّى
كل ما تملكه من صبر و انفاس هاته
ودي ارتاح من حمل التعب و اتعفّى
ليت لي قلب مثل الناس و يحب ذاته
داعي الذكريات ارهى و كفىّ و وفىّ
جّمع آخر تفاصيل الوداع و شتاته
كل ما جيت عن برد الشعور اتدفى
ابتدي في تفاصيله و اعدد صفاته
وكل ماجيت اصّد من الحزن و اتخفّى
اذكر ان ابتساماتي حدا ذكرياته !
و كل غفوة منام افزّها و اتحفّى
ضايعه مثل من يندم على شي فاته
أَقبَل الكبرياء وعقب ما اقفيت / قفىّ
ليت لي عقب ما صديت عنْه / إلتفاته
- سالم حمد
❤13
القلوب يريبها طول الجفا ،،، والليل دوبه
يتهادى عطره الحسّاس وأحظى بإهتمامه
كل وجهٍ قد طويت اوراق ماضيه بصعوبه
تحمل الانسام بالغ شوقه ووافر سلامه
وين ابهرب والثواني واقفه ، شبه مغصوبه!
عدني يا ليل شرهاتك واعديك الملامة
الضمير الحي ما تسكن من اللهفة حروبه
تربكه حتى نسانيس الهواء مدري علامه
من ترك لي صورةٍ فالبال ماهيب محجوبة
يتشجر في زوايا القلب وده واحترامه
يدري إني كل ما تاخذني الخطوات صوبه
مستعد أرضي غرور الغرة اللي فوق شامه
يا رهيف الحس كيف أصد والصدة عقوبة
وانت يغري عودك بميلة ويغري بإستقامة
لا تسيل الدمعة العذبة واسيل من العذوبة
الدموع تكبّل العشاق وتزيدك وسامة
أهيفٍ لو تبتسم تسلب من الرجال ثوبه
ابتسم واقول لك لله در الابتسامه
من تخيّر دربك المهجور عن باقي دروبه
لاقيٍ بعيونك الثنتين مضياف وكرامه
لا تلومه لو تشوف الصمت ذنبٍ من ذنوبه
وش يقول اللي يشوف إحساسه اكبر من كلامه؟
واحدٍ مهما تضيق بعينه الارض الرحوبه
ما يبين في عيون الناس ضعفه وانهزامه
- سلطان حجاب
يتهادى عطره الحسّاس وأحظى بإهتمامه
كل وجهٍ قد طويت اوراق ماضيه بصعوبه
تحمل الانسام بالغ شوقه ووافر سلامه
وين ابهرب والثواني واقفه ، شبه مغصوبه!
عدني يا ليل شرهاتك واعديك الملامة
الضمير الحي ما تسكن من اللهفة حروبه
تربكه حتى نسانيس الهواء مدري علامه
من ترك لي صورةٍ فالبال ماهيب محجوبة
يتشجر في زوايا القلب وده واحترامه
يدري إني كل ما تاخذني الخطوات صوبه
مستعد أرضي غرور الغرة اللي فوق شامه
يا رهيف الحس كيف أصد والصدة عقوبة
وانت يغري عودك بميلة ويغري بإستقامة
لا تسيل الدمعة العذبة واسيل من العذوبة
الدموع تكبّل العشاق وتزيدك وسامة
أهيفٍ لو تبتسم تسلب من الرجال ثوبه
ابتسم واقول لك لله در الابتسامه
من تخيّر دربك المهجور عن باقي دروبه
لاقيٍ بعيونك الثنتين مضياف وكرامه
لا تلومه لو تشوف الصمت ذنبٍ من ذنوبه
وش يقول اللي يشوف إحساسه اكبر من كلامه؟
واحدٍ مهما تضيق بعينه الارض الرحوبه
ما يبين في عيون الناس ضعفه وانهزامه
- سلطان حجاب
❤20
Forwarded from قصيدة
ياغربة الروح مال المغترب منك اياب
متاهةٍ وسطها الرحال مثل المقيم
ودي لو اني بعيد امارس الاغتراب
ولا تعاملني الدنيا معامل غريم
معي مفاتيح لكن مال الافراح باب
ولا عاد ينفع رفيق ولايسلي نديم
خرجت من بطن حوت وجيت مرقب عقاب
تحيي صبابة معدينه هبوب النسيم
جيته وانا الشاعر اللي لاتعلاه جاب
نوادرٍ مايضويهن خيال الغشيم
اللي لو انه قراء له في حياته كتاب
ماعاد ردد على الاسماع ياعنق ريم
عذالي اللي تقولون اني اطرد سراب
تبا لكم كل ابوكم واذهبوا للجحيم
لو اتلطف واعاملكم بلين الجناب
مافيكم اللي بيصبح لي وليٍ حميم
بالشرع لايقتّل العاشق ولايستتاب
خلوني اسعى على وجه البسيطه واهيم
محتاج اعيش الحياه بدون ماحسب حساب
راضي بما يكتبه ربي وربي كريم
متفائل بشكل مايوصف واحث الركاب
لو ان بالصدر نارٍ كنها في هشيم
ازكي الضحكة اللي ماتكمل نصاب
اضحك على شان مايضحك علي اللئيم
صبرت والصبر مر وقطعةٍ من عذاب
ولاتجزعت من صبري ولاقلت ضيم
ريانة العود صبري معك ماله ثواب ؟
سمعي كساه الجفاف وهمسة شفاك ديم
لاطاب وصلك ولا الخاطر من الوصل طاب
كم لي وانا اقف على جالك واعود محيم
ان جيت اصحح خطاك اللي نشوفه صواب
لا المستقيم انعوج ولا العوج يستقيم
كم واحدٍ يدري ان الغيم بعض السحاب
ولا درى بأن بعض السحب ماهي بغيم
انا ادري ان الاوادم كلهم من تراب
وانتي من تراب مكة والحرم والحطيم
ياقبلة الروح كانه فات طيش الشباب
جيبي لنا لو نهار من الزمان القديم
اليا تذكرتي ان الله شديد العقاب
وش يمنعك تذكرين انه غفورٍ رحيم
حنيتك من العتب يوم ان بعض العتاب
اقطع من السيف واصدق من دموع اليتيم
اهديت لك ورد واهديتيني اخطر صواب
محدٍ رمى الورد غير انتي وعبدالحليم
شكرا على مامضى لي معك حتى الغياب
انتي غيابك صنع للناس شاعر عظيم
- بندر الدويش
متاهةٍ وسطها الرحال مثل المقيم
ودي لو اني بعيد امارس الاغتراب
ولا تعاملني الدنيا معامل غريم
معي مفاتيح لكن مال الافراح باب
ولا عاد ينفع رفيق ولايسلي نديم
خرجت من بطن حوت وجيت مرقب عقاب
تحيي صبابة معدينه هبوب النسيم
جيته وانا الشاعر اللي لاتعلاه جاب
نوادرٍ مايضويهن خيال الغشيم
اللي لو انه قراء له في حياته كتاب
ماعاد ردد على الاسماع ياعنق ريم
عذالي اللي تقولون اني اطرد سراب
تبا لكم كل ابوكم واذهبوا للجحيم
لو اتلطف واعاملكم بلين الجناب
مافيكم اللي بيصبح لي وليٍ حميم
بالشرع لايقتّل العاشق ولايستتاب
خلوني اسعى على وجه البسيطه واهيم
محتاج اعيش الحياه بدون ماحسب حساب
راضي بما يكتبه ربي وربي كريم
متفائل بشكل مايوصف واحث الركاب
لو ان بالصدر نارٍ كنها في هشيم
ازكي الضحكة اللي ماتكمل نصاب
اضحك على شان مايضحك علي اللئيم
صبرت والصبر مر وقطعةٍ من عذاب
ولاتجزعت من صبري ولاقلت ضيم
ريانة العود صبري معك ماله ثواب ؟
سمعي كساه الجفاف وهمسة شفاك ديم
لاطاب وصلك ولا الخاطر من الوصل طاب
كم لي وانا اقف على جالك واعود محيم
ان جيت اصحح خطاك اللي نشوفه صواب
لا المستقيم انعوج ولا العوج يستقيم
كم واحدٍ يدري ان الغيم بعض السحاب
ولا درى بأن بعض السحب ماهي بغيم
انا ادري ان الاوادم كلهم من تراب
وانتي من تراب مكة والحرم والحطيم
ياقبلة الروح كانه فات طيش الشباب
جيبي لنا لو نهار من الزمان القديم
اليا تذكرتي ان الله شديد العقاب
وش يمنعك تذكرين انه غفورٍ رحيم
حنيتك من العتب يوم ان بعض العتاب
اقطع من السيف واصدق من دموع اليتيم
اهديت لك ورد واهديتيني اخطر صواب
محدٍ رمى الورد غير انتي وعبدالحليم
شكرا على مامضى لي معك حتى الغياب
انتي غيابك صنع للناس شاعر عظيم
- بندر الدويش
❤25
خطبة الجمعة :
من كانت همومه محصورة في شعوره بالضجر، فإنه في نعيم غامر، غير أنه لن يُدرك قيمة تلك النعمة إلا عند مواجهته لِمتاعب حقيقية تُجبره على مراجعة حساباته، وتقدير ما كان يملكه من راحة بال.
من كانت همومه محصورة في شعوره بالضجر، فإنه في نعيم غامر، غير أنه لن يُدرك قيمة تلك النعمة إلا عند مواجهته لِمتاعب حقيقية تُجبره على مراجعة حساباته، وتقدير ما كان يملكه من راحة بال.
❤15