"وأنت يا شرهة معاذيري، وحلِّي، واِرتحالي
أعرْفك نجمٍ ما تستوعب مساريه المجرَّة"
أعرْفك نجمٍ ما تستوعب مساريه المجرَّة"
❤7👏3
أنا بي جرح، مدري مين ابوه؟ وليه ما سمّاه؟!
أنا لي وجه، خلاّه الجفاف السرمديّ اشهب
عليه اعتب، اذا شفت الوجيه من الوجيه اشباه
أعرفه يستحي مثلي، ومن (مثله) عليه اعتب؟!
عشان ارتاح قلت اشطب فـ صدري بالكتابة (آهـ)
كأني ما شطبت وما كتبت الا، عشان اتعب
- عبدالله الكايد
أنا لي وجه، خلاّه الجفاف السرمديّ اشهب
عليه اعتب، اذا شفت الوجيه من الوجيه اشباه
أعرفه يستحي مثلي، ومن (مثله) عليه اعتب؟!
عشان ارتاح قلت اشطب فـ صدري بالكتابة (آهـ)
كأني ما شطبت وما كتبت الا، عشان اتعب
- عبدالله الكايد
❤7
وسيع الطرف من ساعة عرفتك ما هدى لي بال
عساني ما خلا من عودك و من وجهك البدري
لقيتك شفّ مكنون الشعور و غاية الترحال
و قال القلب وش يمنع هوانا و العمر بدري
ما كان لخطوتي عذر ولا كان لسلوتي مدخال
كثر ما شفتك بعيني حياة و شلتك بصدري
أعيشك حلم و أحيابك طواري عابرة و وصال
و أموت بكل كلمة من شفاهك ، و أنت ما تدري
أخذ وجهي مناديلٍ تْداري دمعك الهمال
وَلا تْكذب لسان الوقت لا علّمْك عن ندري
عليك الروح يشعفها مسيلٍ من سرابك سال
و يوقف دونها خوفي و مشروهي على قدري
تدانى لك معَ باب الولع و الشوق قلب و بال
و حنّت لك مواريف الشجر و الغصن و الكدري
لا تستسهل مطيحي لا تثنى عودك ولا مال
و أنا رجال ما فوقي حدٍ غيري ولا حدري
- عبيد فهيد
عساني ما خلا من عودك و من وجهك البدري
لقيتك شفّ مكنون الشعور و غاية الترحال
و قال القلب وش يمنع هوانا و العمر بدري
ما كان لخطوتي عذر ولا كان لسلوتي مدخال
كثر ما شفتك بعيني حياة و شلتك بصدري
أعيشك حلم و أحيابك طواري عابرة و وصال
و أموت بكل كلمة من شفاهك ، و أنت ما تدري
أخذ وجهي مناديلٍ تْداري دمعك الهمال
وَلا تْكذب لسان الوقت لا علّمْك عن ندري
عليك الروح يشعفها مسيلٍ من سرابك سال
و يوقف دونها خوفي و مشروهي على قدري
تدانى لك معَ باب الولع و الشوق قلب و بال
و حنّت لك مواريف الشجر و الغصن و الكدري
لا تستسهل مطيحي لا تثنى عودك ولا مال
و أنا رجال ما فوقي حدٍ غيري ولا حدري
- عبيد فهيد
❤13
"أعيشك حلم و أحيابك طواري عابرة و وصال
و أموت بكل كلمة من شفاهك ، و أنت ما تدري"
و أموت بكل كلمة من شفاهك ، و أنت ما تدري"
❤11
قال ابن بطال في شرح صحيح البخاري في شرح استعجال الإجابة : "وقال بعضهم : إنما يعجل العبد إذا كان غرضه من الدعاء نيل ما سأل، وإذا لم ينل ما يريد ثقل عليه الدعاء، ويجب أن يكون غرض العبد من الدعاء هو الدعاء لله، والسؤال منه ، والافتقار إليه أبدا، ولا يفارق سمة العبودية وعلامة الرق، والانقياد للأمر والنهي والاستسلام لربه تعالى بالذلة والخشوع، فإن الله تعالى يحب الإلحاح في الدعاء"،
❤11
الموضوع: عزلة شاعر مكتئب
خطاك السوء / يا قلب الشقيّ مدري خطاك الليل
امانتك النهار اللي بقى لي منك في صدري
عليّ ليلين /.. ليل ٍ يرتعد من شعلة القنديل
و ليل ٍ لو تصب الشمس فوقه ما نوى يسري
هنيّ الناس ب الليل القصير / اليا جفاه سهيل
أشيل من الليالي ثلثها / .. والناس ما تدري
عفا الله عنك / ياوجه النهار اللي يجر الذيل
ترى منت الوحيد اللي تعثر والزمن يجري
دخيلك / لا انفلت منك الضيا / لا ترمي المنديل
تعكز لو على قاف القصيد و صوتي المبري
انا مثلك عثرت / وفاتني ركب الحياة محيل
تقل غصن ٍ تعداه الربيع / وجف من بدري
تغيرت / وجهلني من عرفت / وزاد حمل شعيل
عسى منت العوض ب القشة اللي قوست ظهري
خذيت من اكتئابي / قلة الحيلة وفقر الحيل
أعيش ب عزلة ٍ طااااالت معي حتى نفد صبري
خلا المجلس / من وجيه الرجال / ومن صحون الحِيل
بعد ما صيته اول صيت في بال الكرم يطري
معاميلي نست جمري / وفوح الماء / وريح الهيل
مع اني في حشاي أركيت خفاقي على جمري
عزايه للوجار اللي من اول فيه حط وشيل
انا / ماني على خبر الوجار / ولا على خبري
يساومني على طبعي يحسب اني غديت بخيل
انا اللي قد دفعت لعين محبوبي / ذهب عمري
و حتى الليل بعد اني عرفت ان السواد يسيل
تماكنت وحبسته / عن جميع الناس في صدري
- حمد المشيعلي
خطاك السوء / يا قلب الشقيّ مدري خطاك الليل
امانتك النهار اللي بقى لي منك في صدري
عليّ ليلين /.. ليل ٍ يرتعد من شعلة القنديل
و ليل ٍ لو تصب الشمس فوقه ما نوى يسري
هنيّ الناس ب الليل القصير / اليا جفاه سهيل
أشيل من الليالي ثلثها / .. والناس ما تدري
عفا الله عنك / ياوجه النهار اللي يجر الذيل
ترى منت الوحيد اللي تعثر والزمن يجري
دخيلك / لا انفلت منك الضيا / لا ترمي المنديل
تعكز لو على قاف القصيد و صوتي المبري
انا مثلك عثرت / وفاتني ركب الحياة محيل
تقل غصن ٍ تعداه الربيع / وجف من بدري
تغيرت / وجهلني من عرفت / وزاد حمل شعيل
عسى منت العوض ب القشة اللي قوست ظهري
خذيت من اكتئابي / قلة الحيلة وفقر الحيل
أعيش ب عزلة ٍ طااااالت معي حتى نفد صبري
خلا المجلس / من وجيه الرجال / ومن صحون الحِيل
بعد ما صيته اول صيت في بال الكرم يطري
معاميلي نست جمري / وفوح الماء / وريح الهيل
مع اني في حشاي أركيت خفاقي على جمري
عزايه للوجار اللي من اول فيه حط وشيل
انا / ماني على خبر الوجار / ولا على خبري
يساومني على طبعي يحسب اني غديت بخيل
انا اللي قد دفعت لعين محبوبي / ذهب عمري
و حتى الليل بعد اني عرفت ان السواد يسيل
تماكنت وحبسته / عن جميع الناس في صدري
- حمد المشيعلي
❤26