නාමල්ගේ පුද්ගලික ලේකම්ගේ නිවසට මහ රෑ අල්ලස් නිලධාරීන් පැනලා

රක්ෂිත බන්ධනාගාරගත කර සිටින පාර්ලිමේන්තු මන්ත්‍රී නාමල් රාජපක්ෂගේ පෞද්ගලික ලේකම් වන සංජේ සමරසිංහගේ නිවස, ඊයේ (16) රාත්‍රියේ අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් සහ පොලිස් නිලධාරීන් පිරිසක් විසින් සෝදිසියට ලක්කර තිබෙනවා.

ඔහුගේ ගල්කිස්ස ප්‍රදේශයේ පිහිටි මෙම නිවසට ඊයේ රාත්‍රී 10.30ට පමණ අදාළ නිලධාරීන් පැමිණ ඇති බවයි වාර්තා වන්නේ.

අල්ලස් හෝ දූෂණ චෝදනා විමර්ශන කොමිෂන් සභාව, පොලිසිය සහ පොලිස් විශේෂ කාර්ය බලකායද මෙලෙස සෝදිසි මෙහෙයුම සඳහා එක්ව සිට ඇති අතර අද (17) අලුයම 4.30 පමණ වන තෙක් මෙය පැවති බවටයි තොරතුරු වාර්තා වන්නේ.

https://dasathalankanews.com/%e0%b6%b1%e0%b7%8f%e0%b6%b8%e0%b6%bd%e0%b7%8a%e0%b6%9c%e0%b7%9a-%e0%b6%b4%e0%b7%94%e0%b6%af%e0%b7%8a%e0%b6%9c%e0%b6%bd%e0%b7%92%e0%b6%9a-%e0%b6%bd%e0%b7%9a%e0%b6%9a%e0%b6%b8%e0%b7%8a%e0%b6%9c%e0%b7%9a/

පස් කන්දක් කඩා වැටී උඩරට දුම්රිය ගමනාගමනයට බාධා

කඩිගමුව දුම්රිය ස්ථානය ආසන්නයේ දුම්රිය මාර්ගය වෙත පස් කන්දකින් කොටසක් සෝදාගෙන විත් අද (17) අලුයම යළිත් දුම්රිය මාර්ගය දුම්රිය මාර්ගය අවහිර වී තිබෙනවා.

මෙලෙස දුම්රිය මාර්ගය අවහිර වීම හේතුවෙන් පොල්ගහවෙළ සිට ගම්පොළ බලා ධාවනය වන දුම්රිය සහ ගම්පොළ හා කොළඹ කොටුව බලා ධාවනය වන දුම්රියන් ගමන් ආරම්භ කිරීම ප්‍රමාදවන බවයි වාර්තා වන්නේ.

https://dasathalankanews.com/%e0%b6%b4%e0%b7%83%e0%b7%8a-%e0%b6%9a%e0%b6%b1%e0%b7%8a%e0%b6%af%e0%b6%9a%e0%b7%8a-%e0%b6%9a%e0%b6%a9%e0%b7%8f-%e0%b7%80%e0%b7%90%e0%b6%a7%e0%b7%93-%e0%b6%8b%e0%b6%a9%e0%b6%bb%e0%b6%a7-%e0%b6%af/

හෝමූස් සන්ධියේ හුටපට අස්සේ ලෝක බොරතෙල් මිල අහස උසට

ලෝක වෙළෙඳපොළේ බොරතෙල් මිල යළිත්වරක් සැලකිය යුතු මට්ටකින් ඉහළ ගොස් ඇති බව විදෙස් මාධ්‍ය වාර්තා කරනවා.

වාර්තා අනුව බ්‍රෙන්ට් බොරතෙල් බැරලයක මිල යළිත්වරක් ඩොලර් 110 සීමාව පසුකර ගොස් ඇති අතර, මෙලෙස බ්‍රෙන්ට් බොරතෙල් බැරලයක මිල ඩොලර් 110 සීමාව පසුකර ගොස් ඇත්තේ මැයි මාසයෙන් පසුව වීම විශේෂතත්වයක්.

හෝමූස් සමුද්‍ර සන්ධියේ ඉරාන ප්‍රහාර ඉහළ යාම, සෞදි අරාබියට එල්ල වූ හූති ප්‍රහාර සහ රුසියානු තෙල් පිරිපහදුවලට දිගින් දිගටම ප්‍රහාර එල්ල කරන බවට යුක්‍රේනය කළ ප්‍රකාශය හමුවේ මෙලෙස ලෝක වෙළඳපොළේ බොරතෙල් මිල ශීඝ්‍රයෙන් ඉහළගොස් ඇති බවයි විදෙස් මාධ්‍ය වාර්තා කරන්නේ.

අවසන් වරට බ්‍රෙන්ට් බොරතෙල් බැරලයක මිල ඩොලර් 109.86ක් ලෙසත්, අමෙරිකානු WTI බොරතෙල් මිල ඩොලර් 101.41ක් ලෙසත් සටහන්ව තිබුණා.

https://dasathalankanews.com/%e0%b7%84%e0%b7%9d%e0%b6%b8%e0%b7%96%e0%b7%83%e0%b7%8a-%e0%b7%83%e0%b6%b1%e0%b7%8a%e0%b6%b0%e0%b7%92%e0%b6%ba%e0%b7%9a-%e0%b7%84%e0%b7%94%e0%b6%a7%e0%b6%b4%e0%b6%a7-%e0%b6%85%e0%b7%83%e0%b7%8a/

විහාර මහා දේවි උද්‍යානයේ ඉදි කළ අට්ටාලයක් නිසා උණුසුම් තත්ත්වයක්

පූජ්‍ය ගලගොඩඅත්තේ ඥානසාර හිමියන්ට ජනාධිපති සමාව ලබාදෙන ලෙස ඉල්ලමින් භික්ෂූන් වහන්සේලා පිරිසක් ඊයේ (16) දිනයේ දී කොළඹ විහාර මහා දේවි උද්‍යානයේ සත්‍යග්‍රහයක් ආරම්භ කළා.

භික්ෂූන් වහන්සේලා සහ ගිහි පිරිසක් විසින් ඊයේ (16) රාත්‍රියේදී කොළඹ විහාර මහා දේවි උද්‍යානයේ අට්ටාලයක් ඉදිකිරීමට යාමේදී පොලීසිය සමඟ උණුසුම් තත්ත්වයක්ද හටගෙන තිබෙනවා.

මහනුවර සිට පා ගමනින් කොළඹට වැඩම කිරීමෙන් අනතුරව ජනාධිපති ලේකම් කාර්යාලය ඉදිරිපිට ඊයේ (16) දහවල් වනතෙක් රැදි සිටි භික්ෂූන් වහන්සේ පිරිස පසුව බුද්ධශාසන අමාත්‍යංශය වැඩමකර අමාත්‍යංශයේ ලේකම්වරයා සමඟ සාකච්ඡාවකද නිරත වුණා.

කෙසේ වෙතත් එම සකච්ඡාවද අසාර්ථක වීම හේතුවෙන්, පසුව උන්වහන්සේලා විහාරමහා දේවි උද්‍යානය වෙත වැඩම කර එහි සත්‍යග්‍රහයක් ආරම්භ කළා.

සත්‍යග්‍රහයේ නිරත භික්ෂූන් වහන්සේලා සඳහන් කළේ පූජ්‍ය ගලගොඩඅත්තේ ඥානසාර හිමියන් නිදහස් කරන තෙක් එම ස්ථානයෙන් ඉවත් නොවන බවයි.

https://dasathalankanews.com/%e0%b7%80%e0%b7%92%e0%b7%84%e0%b7%8f%e0%b6%bb-%e0%b6%b8%e0%b7%84%e0%b7%8f-%e0%b6%af%e0%b7%9a%e0%b7%80%e0%b7%92-%e0%b6%8b%e0%b6%af%e0%b7%8a%e0%b6%ba%e0%b7%8f%e0%b6%b1%e0%b6%ba%e0%b7%9a/

කොකේන් සමඟ මාට්ටු වූ කාන්තාවගේ ශරීරයෙන් කොකේන් ග්‍රෑම් 80ක් මතුවෙයි

කොල්ලුපිටිය පොලිස් වසමේ හෝටලයක් තුළ හා සුපිරි වෙළඳසැල් සංකීර්ණයක් තුළදී පසුගිය 12 වැනිදා කොළඹ දිසා අපරාධ කොට්ඨාසයේ නිලධාරීන් කණ්ඩායමක් විසින් ලද තොරතුරු මත මෙහෙයුමක් සිදුකර කොකේන් මත්ද්‍රව්‍ය කිලෝග්‍රෑම් 01 ග්‍රෑම් 46 ක් සමග විදෙස් ජාතික සැකකරුවන් දෙදෙනෙකු හා සැකකාරියන් දෙදෙනෙකු අත්අඩංගුවට ගනු ලැබුවා.

මෙම සැකකරුවන් හා සැකකාරියන් කොටුව මහේස්ත්‍රාත් අධිකරණයට ඉදිරිපත් කිරීමෙන් පසු දින 07 ක රැඳවුම් නියෝග ලබාගෙන වැඩිදුර විර්මශන කටයුතු සිදුකරනවා.

අධිකරණයෙන් ලබා ගන්නා ලද නියෝග පරිදි සැකකරුවන්ගේ ශරීරය තුළ කොකේන් මත්ද්‍රව්‍ය සඟවා ඇතිද යන්න පරීක්ෂා කිරීම සඳහා ඊයේ (16) දින කොළඹ ජාතික රෝහලේ නේවාසිකව රදවා සිදු කරන ලද පරීක්ෂාවේදී එක් සැකකාරියකගේ ශරීරයෙන් පිට කරන ලද ආවරණය වූ කොකේන් මත්ද්‍රව්‍ය ග්‍රෑම් 80 මිලිග්‍රෑම් 09 ක් ප්‍රමාණයක් හමු වී ඇති බව පොලිසිය පවසනවා.

කොළඹ දිසා අපරාධ කොට්ඨාසය විසින් වැඩිදුර විර්මශන සිදු කරනු ලබනවා.

https://dasathalankanews.com/%e0%b6%9a%e0%b7%9c%e0%b6%9a%e0%b7%9a%e0%b6%b1%e0%b7%8a-%e0%b7%83%e0%b6%b8%e0%b6%9f-%e0%b6%b8%e0%b7%8f%e0%b6%a7%e0%b7%8a%e0%b6%a7%e0%b7%94-%e0%b7%80%e0%b7%96-%e0%b6%9a%e0%b7%8f%e0%b6%b1%e0%b7%8a/

කොකේන් සමඟ මාට්ටු වූ කාන්තාවගේ ශරීරයෙන් කොකේන් ග්‍රෑම් 80ක් මතුවෙයි

කොල්ලුපිටිය පොලිස් වසමේ හෝටලයක් තුළ හා සුපිරි වෙළඳසැල් සංකීර්ණයක් තුළදී පසුගිය 12 වැනිදා කොළඹ දිසා අපරාධ කොට්ඨාසයේ නිලධාරීන් කණ්ඩායමක් විසින් ලද තොරතුරු මත මෙහෙයුමක් සිදුකර කොකේන් මත්ද්‍රව්‍ය කිලෝග්‍රෑම් 01 ග්‍රෑම් 46 ක් සමග විදෙස් ජාතික සැකකරුවන් දෙදෙනෙකු හා සැකකාරියන් දෙදෙනෙකු අත්අඩංගුවට ගනු ලැබුවා.

මෙම සැකකරුවන් හා සැකකාරියන් කොටුව මහේස්ත්‍රාත් අධිකරණයට ඉදිරිපත් කිරීමෙන් පසු දින 07 ක රැඳවුම් නියෝග ලබාගෙන වැඩිදුර විර්මශන කටයුතු සිදුකරනවා.

අධිකරණයෙන් ලබා ගන්නා ලද නියෝග පරිදි සැකකරුවන්ගේ ශරීරය තුළ කොකේන් මත්ද්‍රව්‍ය සඟවා ඇතිද යන්න පරීක්ෂා කිරීම සඳහා ඊයේ (16) දින කොළඹ ජාතික රෝහලේ නේවාසිකව රදවා සිදු කරන ලද පරීක්ෂාවේදී එක් සැකකාරියකගේ ශරීරයෙන් පිට කරන ලද ආවරණය වූ කොකේන් මත්ද්‍රව්‍ය ග්‍රෑම් 80 මිලිග්‍රෑම් 09 ක් ප්‍රමාණයක් හමු වී ඇති බව පොලිසිය පවසනවා.

කොළඹ දිසා අපරාධ කොට්ඨාසය විසින් වැඩිදුර විර්මශන සිදු කරනු ලබනවා.

https://dasathalankanews.com/%e0%b6%9a%e0%b7%9c%e0%b6%9a%e0%b7%9a%e0%b6%b1%e0%b7%8a-%e0%b7%83%e0%b6%b8%e0%b6%9f-%e0%b6%b8%e0%b7%8f%e0%b6%a7%e0%b7%8a%e0%b6%a7%e0%b7%94-%e0%b7%80%e0%b7%96-%e0%b6%9a%e0%b7%8f%e0%b6%b1%e0%b7%8a/

ලංකාවට මත්ද්‍රව්‍ය එවන ඉන්දියාවේ ප්‍රබල දේශපාලනඥයෙක් අත්අඩංගුවට

ඉන්දියාවේ සිට මෙරටට මුහුදු මාර්ගයෙන් මත්ද්‍රව්‍ය ජාවාරම සිදුකාරගෙන ගිය තමිල්නාඩු ප්‍රාන්තයේ තමිළග වෙට්ට්‍රි කලගම් (TVK) පක්ෂයේ ක්‍රියාකාරිකයෙකු ඇතුළු පුද්ගලයන් සිව්දෙනෙක් එරටා ආරක්ෂාකා අනාශ විසින් අත්අඩංගුවට ගෙන තිබෙනවා.

මෙලෙස අත්අඩංගුවට ගත් පිරිස අතර තමිල්නාඩු මහ ඇමති ජෝසෆ් විජේගේ සමීපතම දේශපාලන හිතවාදීයෙක් වන TVK පක්ෂයේ නාගපතිනම් දිස්ත්‍රික් විධායක කමිටු සාමාජිකයෙකු වන එන්. භූපාලන් සිටින බවයි විදෙස් මාධ්‍ය වාර්තා කර ඇත්තේ.

මෙටම්පෙටමින් (Methamphetamine) නොහොත් අයිස් මත්ද්‍රව්‍ය කිලෝග්‍රෑම් 100ක් සමඟ මෙම පිරිස අත්අඩංගුවට ගෙන තිබුණා.

ඉන්දියාවේ නාගපතිනම් සිට ශ්‍රී ලංකාවට මත්ද්‍රව්‍ය රැගෙන යන බවට එරට බුද්ධි අංශ වෙත ලැබුණු තොරතුරක් මත මෙම වැටලීම සිදුකොට එම පිරිස අත්අඩංගුවට ගෙන තිබෙනවා.

සැකකරුවන් සහමත්ද්‍රව්‍ය තොගය වැඩිදුර පරීක්ෂණ සඳහා නාගපතිනම් රේගු කාර්යාලය වෙත රැගෙන ගොස් ඇති අතර ඔවුන් සම්බන්ධයෙන් වැඩිදුර විමර්ශන ක්‍රියාත්මකයි.

https://dasathalankanews.com/%e0%b6%bd%e0%b6%82%e0%b6%9a%e0%b7%8f%e0%b7%80%e0%b6%a7-%e0%b6%b8%e0%b6%ad%e0%b7%8a%e0%b6%af%e0%b7%8a%e0%b6%bb%e0%b7%80%e0%b7%8a%e0%b6%ba-%e0%b6%91%e0%b7%80%e0%b6%b1-%e0%b6%89/

මව්බිම හැඩ කළ අප ඇත් පරපුරෙහි මහ ඇතුට සුබ ගමන් – හිටපු ජනපති මහින්දගෙන් සටහනක්

මෙරට සිටි ජනප්‍රියම ඇතෙකු වූ ‘කාවන්තිස්ස’ හස්තිරාජයාගේ වියෝව සම්බන්ධයෙන් හිටපු ජනාධිපති මහින්ද රාජපක්ෂ විසින් සිය ෆේස්බුක් ගිණුම වෙත සටහනක් එක්කර තිබෙනවා.

ඇතෙකු යනු මෙරට ඉතිහාසය, ආගම, කලාව, ජනජීවිතය සමඟ මුසු වූ ජීවමාන සංකේතයක් බවයි හිටපු ජනාධිපතිවරයා පෙන්වා දී තිබෙන්න්නේ.

අප රටේ ඉතිහාසය පුරාවට ඇතුන් නියෝජනය නොවූ තැනක් නොමැති බවත්, මහාවංශයේ පිටු අතර මෙම මහා ප්‍රාණියා දැකගත අකි අතර, සිරි දළදා මහා පෙරහැරේ, රාජාභිෂේකයේ, රණබිමේ ඇතා නොසිටි තැනක් නොමැති බවත් රාජ්‍යත්වය නියෝජනය කළ කඩොල් ඇතු ඉතිහාසය තුළ රජෙකුට සම වූ බවත් හිටපු ජනාධිපති මහින්ද රාජපක්ෂ පවසනවා.

හිටපු ජනාධිපති මහින්ද රාජපක්ෂගේ සම්පූර්ණ සටහන පහතින්,

https://dasathalankanews.com/%e0%b6%b8%e0%b7%80%e0%b7%8a%e0%b6%b6%e0%b7%92%e0%b6%b8-%e0%b7%84%e0%b7%90%e0%b6%a9-%e0%b6%9a%e0%b7%85-%e0%b6%85%e0%b6%b4-%e0%b6%87%e0%b6%ad%e0%b7%8a-%e0%b6%b4%e0%b6%bb%e0%b6%b4%e0%b7%94%e0%b6%bb/

ලොව විශාලතම ආර්ථිකයන් අතර ඉන්දියාව සිව්වැනි තැනට – IMF පුරෝකථනය කරයි

2027 වසර වන විට ජපානය අභිබවා යමින් ඉන්දියාව ලොව සිව්වැනි විශාලතම ආර්ථිකය බවට පත්වනු ඇතැයි ජාත්‍යන්තර මූල්‍ය අරමුදල (IMF) පුරෝකථනය කර තිබෙනවා.

ඒ අනුව, 2027 වසරේදී ඉන්දියාවේ නාමික දළ දේශීය නිෂ්පාදිතය (Nominal GDP) අමෙරිකානු ඩොලර් ට්‍රිලියන 4.52ක් දක්වා ඉහළ යනු ඇතැයි අපේක්ෂා කෙරෙනවා.

ජාත්‍යන්තර මූල්‍ය අරමුදල ඔක්තෝබර් 15 වැනිදා නිකුත් කළ ආසියා–පැසිෆික් කලාපීය ආර්ථික පුරෝකථනවලට අනුව, ජපානය මේ වසරේදී ලොව සිව්වැනි විශාලතම ආර්ථිකය ලෙස සිය ස්ථානය රඳවා ගනු තිබෙනවා.

එහෙත් 2027 වසරේදී ඉන්දියාව සහ එක්සත් රාජධානිය ඉදිරියට පැමිණීමත් සමඟ ජපානය ලොව හයවැනි විශාලතම ආර්ථිකය බවට පත්වනු ඇතැයි පුරෝකථනය කර ඇති බවයි විදෙස් මාධ්‍ය වාර්තා කර ඇත්තේ.

ගෝලීය ආර්ථික අභියෝග මධ්‍යයේ වුවද ඉන්දියාව මෑත වසරවල ශක්තිමත් ආර්ථික වර්ධනයක් පෙන්නුම් කර තිබේ.
ජාත්‍යන්තර මූල්‍ය අරමුදල 2026 වසර සඳහා ඉන්දියාවේ ආර්ථික වර්ධන පුරෝකථනය සියයට 7ක් දක්වා ඉහළ නංවා තිබෙනවා.

අමෙරිකාව සහ ඊශ්‍රායලය ඉරානය සමඟ සම්බන්ධ වී ඇති යුදමය තත්ත්වය හේතුවෙන් ඇති වූ බලශක්ති මිල ඉහළ යාමේ බලපෑමට ඉන්දියාව මුහුණ දී ඇත්තේ සාපේක්ෂව ශක්තිමත් ආර්ථික පදනමක් සහිතව බව ජාත්‍යන්තර මූල්‍ය අරමුදලේ ආසියානු අධ්‍යක්ෂ ක්‍රිෂ්ණා ශ්‍රීනිවාසන් පවසා තිබෙනවා.

ශක්තිමත් ආර්ථික වර්ධනය, රාජ්‍ය මූල්‍ය විනය සහ විදේශ සංචිත පවත්වාගෙන යාම හේතුවෙන් එම බලපෑමට මුහුණ දීමට ඉන්දියාවට හැකි වී ඇති බව ඔහු සඳහන් කරනවා.

මේ අතර, ජපානයේ ආර්ථික වර්ධනය 2026 වසරේදී සියයට 0.7ක් දක්වා පහත වැටෙනු ඇතැයි ජාත්‍යන්තර මූල්‍ය අරමුදල පුරෝකථනය කර තිබෙනවා.

බලශක්ති මිල ඉහළ යාම, උද්ධමන පීඩනය සහ වයස්ගත ජනගහනය හේතුවෙන් ජපාන ආර්ථිකය අභියෝග රැසකට මුහුණ දෙමින් සිටිනවා.

2022 වසරේ වසන්ත ඍතුවේ සිට ජපානයේ පාරිභෝගික මිල ගණන් අඛණ්ඩව ඉහළ ගොස් ඇති අතර, ඉරානය සම්බන්ධ යුදමය තත්ත්වය හේතුවෙන් බලශක්ති මිල ඉහළ යාම එම පීඩනය තවදුරටත් වැඩි කර තිබෙනවා.

එමෙන්ම, ජපන් යෙන් මුදලේ අගය පහත වැටීම හේතුවෙන් ආනයනික භාණ්ඩවල පිරිවැය ද ඉහළ ගොස් තිබෙනවා.

උද්ධමන පීඩනය මධ්‍යයේ ජපාන මහ බැංකුව පොලී අනුපාත ද දශක තුනකින් වාර්තා වූ ඉහළම මට්ටමට ගෙන ගොස් ඇති බව වාර්තාවේ සඳහන්.

වයස්ගත ජනගහනය හේතුවෙන් ශ්‍රම බලකාය සහ ආර්ථික ක්‍රියාකාරකම් කෙරෙහි ඇති වන බලපෑම ද ජපානයේ දිගුකාලීන ආර්ථික වර්ධනයට අභියෝගයක් වී තිබෙනවා.

කෘත්‍රිම බුද්ධි තාක්ෂණය ආශ්‍රිත ආයෝජන ඉහළ යාමෙන් ජපාන ආර්ථිකයට ද ප්‍රතිලාභ ලැබෙමින් පවතින නමුත්, කලාපයේ ඇතැම් අනෙකුත් රටවල් ලබන ප්‍රතිලාභවලට සාපේක්ෂව එය සීමිත බව ක්‍රිෂ්ණා ශ්‍රීනිවාසන් පෙන්වා දී තිබෙනවා.

මේ අතර, කෘත්‍රිම බුද්ධි ක්ෂේත්‍රයේ ආයෝජනවලින් ලැබෙන ලාභදායීත්වය පිළිබඳ සැක මතුවීමත් සමඟ ටෝකියෝ කොටස් වෙළෙඳපොළේ ප්‍රධාන දර්ශකය වන නිකේයි දර්ශකය ඔක්තෝබර් 15 වැනිදා සියයට පහකට ආසන්න ප්‍රමාණයකින් පහත වැටී තිබෙනවා.

වර්තමානයේ ලොව විශාලතම ආර්ථිකය ලෙස අමෙරිකා එක්සත් ජනපදය පවතින අතර, චීනය සහ ජර්මනිය පිළිවෙළින් දෙවැනි සහ තෙවැනි ස්ථානවල පසුවනවා.

ජාත්‍යන්තර මූල්‍ය අරමුදලේ නවතම පුරෝකථනය මඟින් ඉන්දියාවේ වර්ධන ගමන්මඟ සහ ජපානය මුහුණ දෙන ව්‍යුහාත්මක අභියෝග අතර පවතින වෙනස පැහැදිලි වන අතර, ඉදිරි වසරවල ගෝලීය ආර්ථික බල තුලනයේ සිදුවිය හැකි වෙනස්කම් පිළිබඳව ද අවධානය යොමු කරනවා.

https://dasathalankanews.com/%e0%b6%bd%e0%b7%9c%e0%b7%80-%e0%b7%80%e0%b7%92%e0%b7%81%e0%b7%8f%e0%b6%bd%e0%b6%ad%e0%b6%b8-%e0%b6%86%e0%b6%bb%e0%b7%8a%e0%b6%ae%e0%b7%92%e0%b6%9a%e0%b6%ba%e0%b6%b1%e0%b7%8a-%e0%b6%85%e0%b6%ad/

තංගල්ල මූලික රෝහලට මිලියන 3,090ක නව ශල්‍ය වාට්ටු සංකීර්ණයක්

තංගල්ල මූලික රෝහලේ ප්‍රතිකාර සේවා පුළුල් කිරීමේ අරමුණින් රුපියල් මිලියන 3,090ක පිරිවැයකින් තට්ටු නවයකින් සමන්විත ශල්‍ය වාට්ටු සංකීර්ණයක් ඉදිකිරීමට සැලසුම් කර තිබෙනවා.

මෙම වසර අවසානයේ ඉදිකිරීම් ආරම්භ කර අදියර හතරක් යටතේ ව්‍යාපෘතිය නිම කිරීමට අපේක්ෂා කරන අතර, මේ පිළිබඳව සෞඛ්‍ය නියෝජ්‍ය අමාත්‍ය වෛද්‍ය හංසක විජේමුණිගේ විශේෂ අවධානය යොමු වුණා.

සෞඛ්‍ය නියෝජ්‍ය අමාත්‍යවරයා අද (14) තංගල්ල මූලික රෝහලේ විශේෂ නිරීක්ෂණ චාරිකාවක නිරත වූ අතර, අනතුරුව රෝහල් කාර්ය මණ්ඩලය සමඟ පැවති විශේෂ කළමනාකරණ කමිටු රැස්වීමේදී රෝහලේ පවතින ගැටලු සහ ඉදිරි සංවර්ධන සැලසුම් පිළිබඳව සාකච්ඡා කරනු ලැබුවා.

ඇඳන් 339ක ධාරිතාවකින් යුත් තංගල්ල මූලික රෝහල, හම්බන්තොට දිස්ත්‍රික් මහ රෝහලට අමතරව දිස්ත්‍රික්කයේ ජනතාවට රෝහල්ගත ප්‍රතිකාර ඇතුළු අත්‍යවශ්‍ය සෞඛ්‍ය සේවා සපයන ප්‍රධාන රාජ්‍ය සෞඛ්‍ය ආයතනයක්.

ශ්‍රී ලංකාවේ රාජ්‍ය සෞඛ්‍ය සේවා පද්ධතිය තුළ මූලික රෝහල් විශේෂඥ ප්‍රතිකාර, රෝග විනිශ්චය සහ අනුබද්ධ සෞඛ්‍ය සේවා සැපයීමේදී වැදගත් කාර්යභාරයක් ඉටු කරයි. එබැවින්, තංගල්ල මූලික රෝහලේ පහසුකම් සංවර්ධනය කිරීම ප්‍රදේශයේ ජනතාවට වඩාත් කාර්යක්ෂම සෞඛ්‍ය සේවාවක් සැලසීම සඳහා වැදගත්.

රෝහල් භූමියේ පවතින ඉඩකඩ සීමාවන් හේතුවෙන් ප්‍රතිකාර සේවා පවත්වාගෙන යාමේදී මතුවන දුෂ්කරතා සැලකිල්ලට ගනිමින්, යෝජිත ශල්‍ය වාට්ටු සංකීර්ණයට අමතරව තට්ටු පහකින් සමන්විත වෛද්‍ය වාට්ටු සංකීර්ණයක් ඉදිකිරීම පිළිබඳව ද මෙහිදී අවධානය යොමු වුණා.

මෙම සංවර්ධන සැලසුම් මඟින් රෝහලේ භෞතික පහසුකම් පුළුල් කිරීමට අපේක්ෂා කෙරෙනවා.

රෝග විනිශ්චය කිරීමේ හැකියාව තවදුරටත් ශක්තිමත් කිරීම සඳහා රෝහලට සී.ටී. ස්කෑන් යන්ත්‍රයක් ලබාදීම සහ අවශ්‍ය නවීන වෛද්‍ය උපකරණ සපයා ගැනීම පිළිබඳව ද සාකච්ඡා කෙරුණා.

එම පහසුකම් සංවර්ධනය කිරීම තුළින් රෝගීන්ට කාලෝචිත රෝග විනිශ්චය සහ සුදුසු ප්‍රතිකාර සැලසීමේ හැකියාව වැඩිදියුණු කිරීමට අපේක්ෂා කෙරෙනවා.

මීට අමතරව, වෛද්‍යවරුන්, හෙද නිලධාරීන් ඇතුළු අනෙකුත් සෞඛ්‍ය කාර්ය මණ්ඩලයේ අවශ්‍යතා, ගිලන් රථ පහසුකම් සහ රෝහලේ දෛනික කටයුතු සඳහා අවශ්‍ය මූලික සම්පත් පිළිබඳව ද අවධානය යොමු වුණා.

විශේෂඥ වෛද්‍යවරුන්ගේ සිට සෞඛ්‍ය කාර්ය සහායක සේවකයන් දක්වා සියලු වෘත්තීය කාණ්ඩ නියෝජනය කරන නිලධාරීන්ට තම ගැටලු හා යෝජනා ඉදිරිපත් කිරීමට වෙන වෙනම අවස්ථාව ලබාදුන් නියෝජ්‍ය අමාත්‍යවරයා, එහිදී ක්ෂණිකව විසඳිය හැකි ගැටලු සඳහා අවශ්‍ය පියවර ගත් අතර, අනෙකුත් ගැටලු සඳහා කෙටිකාලීන, මධ්‍යකාලීන සහ දිගුකාලීන විසඳුම් ලබාදීම පිළිබඳව ද සාකච්ඡා කළා.

තංගල්ල මූලික රෝහල පළාත් සභාව යටතේ පාලනය වන රෝහලක් බැවින්, අදාළ පළාත් සභාව සමඟ සම්බන්ධීකරණයෙන් කටයුතු කරමින් මධ්‍යම රජයේ අරමුදල් ද යොදාගෙන රෝහලේ සංවර්ධන කටයුතු ඉදිරියට ගෙන යාමට අපේක්ෂා කරන බව සෞඛ්‍ය නියෝජ්‍ය අමාත්‍ය වෛද්‍ය හංසක විජේමුණි අවධාරණය කළා.

මෙම අවස්ථාවට හම්බන්තොට දිස්ත්‍රික් පාර්ලිමේන්තු මන්ත්‍රී වෛද්‍ය සාලිය සඳරුවන් මදුරසිංහ, හම්බන්තොට දිස්ත්‍රික් ප්‍රාදේශීය සෞඛ්‍ය සේවා අධ්‍යක්ෂ ඒ.ටී.එන්.ඩී. පටබැඳිගේ, රෝහල් වෛද්‍ය අධිකාරී වෛද්‍ය අවන්ති රූපසිංහ, පරිපාලන නිලධාරී අමල් විජේවීර යන මහත්ම මහත්මීන් ඇතුළුව සියළු සෞඛ්‍ය වෘත්තීන් නියෝජනය කරන නිලධාරීන් පිරිසක්ද එක්ව සිටියා.

https://dasathalankanews.com/%e0%b6%ad%e0%b6%82%e0%b6%9c%e0%b6%bd%e0%b7%8a%e0%b6%bd-%e0%b6%b8%e0%b7%96%e0%b6%bd%e0%b7%92%e0%b6%9a-%e0%b6%bb%e0%b7%9d%e0%b7%84%e0%b6%bd%e0%b6%a7-%e0%b6%b8%e0%b7%92%e0%b6%bd%e0%b7%92%e0%b6%ba/

හොරෙන් මෙරටට ගෙනා රත්‍රං තොගයක් සමඟ විදේශිකයන් තිදෙනෙක් මාට්ටු

කොටහේන පොලිස් වසමේ ආමර් වීදීය ප්‍රදේශයේ ඊයේ (16) දින උදෑසන අවන්හලක් තුළ දී කොටහේන පොලිස් ස්ථානයේ නිලධාරීන් කණ්ඩායමක් විසින් ලද තොරතුරක් මත වැටලීමක් සිදුකර නීති විරෝධී ලෙස තීරුබදු රහිතව මෙරටට රැගෙන එනු ලබන රත්‍රං ග්‍රෑම් 775 ක් සන්තකයේ තබාගෙන සිටි විදෙස් ජාතික සැකකරුවන් තිදෙනෙකු අත්අඩංගුවට ගෙන තිබෙනවා.

සැකකරුවන් අවුරුදු 30, 45 හා 50 වයස්වල පසුවන ඉන්දියානු ජාතිකයින් බවයි පොලිසිය සඳහන් කරන්නේ.

කොටහේන පොලිසිය විසින් වැඩිදුර විර්මශන සිදු කරනු ලබනවා.

https://dasathalankanews.com/%e0%b7%84%e0%b7%9c%e0%b6%bb%e0%b7%99%e0%b6%b1%e0%b7%8a-%e0%b6%b8%e0%b7%99%e0%b6%bb%e0%b6%a7%e0%b6%a7-%e0%b6%9c%e0%b7%99%e0%b6%b1%e0%b7%8f-%e0%b6%bb%e0%b6%ad%e0%b7%8a%e0%b6%bb%e0%b6%82/

රෝද පුටුවක සිටි වයෝවෘධ ආබාධිත අයෙක් යතුරුපැදියක ගැටී ජීවිතක්ෂයට

පන්නල පොලිස් වසමේ පන්නල-කුලියාපිටිය මාර්ගයේ යක්විල ප්‍රදේශයේදී යක්විල දෙසට ධාවනය වූ යතුරුපැදියක් ඉදිරියෙන් ගමන් කළ රෝද පුටුවකින් ගමන් කරමින් සිටි ආබාධිත පුද්ගලයෙකුගේ ගැටී අනතුරක් සිදුව තිබෙනවා.

අනතුරෙන් ආබාධිත පුද්ගලයා බරපතල තුවාල ලබා කුලියාපිටිය රෝහලට ඇතුලත් කිරීමෙන් අනතුරුව මියගොස් ඇති බවයි පොලිසිය සඳහන් කළේ.

මරණකරු අවුරුදු 90 ක් වූ යක්විල ප්‍රදේශයේ පදිංචිකරුවෙක්.

අවුරුදු 42 ක් වන යතුරු පැදිකරු අත්අඩංගුවට ගෙන ඇති අතර පන්නල පොලිසිය විසින් වැඩිදුර විර්මශන සිදු කරනු ලබනවා.

https://dasathalankanews.com/%e0%b6%bb%e0%b7%9d%e0%b6%af-%e0%b6%b4%e0%b7%94%e0%b6%a7%e0%b7%94%e0%b7%80%e0%b6%9a-%e0%b7%83%e0%b7%92%e0%b6%a7%e0%b7%92-%e0%b7%80%e0%b6%ba%e0%b7%9d%e0%b7%80%e0%b7%98%e0%b6%b0-%e0%b6%86%e0%b6%b6/

ඉම්රාන් ඛාන්ගේ දේශපාලන අර්බුදය උග්‍ර වෙයි – පාකිස්ථානයේ පළාත් රජයක් අත්හිටුවයි

පකිස්ථානයේ සිරගත කර සිටින හිටපු අගමැති ඉම්රාන් ඛාන්ගේ දේශපාලන අර්බුදය තවදුරටත් උග්‍ර වී තිබේ. ඔහුගේ ප්‍රධාන දේශපාලන බලකොටුවක් වන කයිබර් පක්තුන්ක්වා පළාතේ හදිසි තත්ත්වයක් ප්‍රකාශයට පත් කරමින් එහි පළාත් රජයේ බලතල අත්හිටුවීමට පකිස්ථාන බලධාරීන් පියවර ගෙන ඇත.

ඇෆ්ගනිස්ථාන දේශසීමාවට යාබද මෙම පළාතේ සටන්කාමී ප්‍රහාර ඉහළ යාම හමුවේ ජනාධිපති අසිෆ් අලි සර්දාරි විසින් හදිසි තත්ත්වය ප්‍රකාශයට පත් කර තිබේ.

ඒ අනුව, ඉම්රාන් ඛාන්ගේ පකිස්ථාන ටෙහ්රීක්-ඊ-ඉන්සාෆ් (PTI) පක්ෂය විසින් මෙහෙයවනු ලැබූ පළාත් පාලනය අත්හිටුවා ඇති අතර, සටන්කාමී ක්‍රියාකාරකම් මර්දනය කිරීමට එම රජය අපොහොසත් වූ බවට චෝදනා එල්ල වී ඇත.

ජනාධිපතිවරයා නියෝජනය කරන පක්ෂයේ විරුද්ධ දේශපාලනඥයෙකුට පළාතේ පාලන වගකීම පවරා තිබේ.

කෙසේ වෙතත්, PTI පක්ෂය මෙම පියවර දැඩිව විවේචනය කරමින් පවසන්නේ සටන්කාමී ක්‍රියාකාරකම් මර්දනය කිරීමේ අවශ්‍යතාව දේශපාලන බලය අත්පත් කර ගැනීම සඳහා යොදාගෙන ඇති බවයි. පළාත් අයවැයෙන් ලැබෙන සම්පත් අහිමි කිරීම සහ ඉස්ලාමාබාද් අගනුවර දක්වා පැවැත්වීමට සැලසුම් කළ විරෝධතා පා ගමන නතර කිරීම ද මෙහි අරමුණක් බව එම පක්ෂය චෝදනා කරයි.

හදිසි තත්ත්වය ප්‍රකාශයට පත් කිරීමට එරෙහිව PTI පක්ෂය බදාදා පෙෂාවර් මහාධිකරණය හමුවේ නඩු පවරා තිබේ.

ඉම්රාන් ඛාන්ගේ සමීප සහායකයෙකු වන සුල්ෆි බුහාරි පවසා ඇත්තේ ඉම්රාන් ඛාන්ගේ මූලික මානව හිමිකම් පිළිබඳ ප්‍රශ්නය සංකීර්ණ ත්‍රස්තවාදී ගැටලුවක් සමඟ සම්බන්ධ කර දැක්වීම සාධාරණ නොවන බවයි.

හදිසි තත්ත්වය ප්‍රකාශයට පත් කිරීමට පෙර ඉම්රාන් ඛාන්ගේ නිදහස සහ වෛද්‍ය ප්‍රතිකාර ලබාදෙන ලෙස ඉල්ලා ඔහුගේ ආධාරකරුවන් දහස් ගණනක් පළාත තුළ රැස්වී තිබුණි.

ඉස්ලාමාබාද් වෙත පා ගමනින් ගමන් කිරීමට සූදානම් වූ එම විරෝධතාකරුවන් අතරින්, පා ගමනට පෙර ඉම්රාන් ඛාන්ගේ සහෝදරියන් තිදෙනෙකු සහ පක්ෂ නායකයන් ඇතුළු ආධාරකරුවන් සිය ගණනක් අත්අඩංගුවට ගෙන ඇති බව රොයිටර් පුවත් සේවය වාර්තා කරයි.

https://www.reuters.com/world/asia-pacific/jailed-imran-khans-woes-compound-after-pakistan-suspends-his-provincial-2026-10-14

https://dasathalankanews.com/%e0%b6%89%e0%b6%b8%e0%b7%8a%e0%b6%bb%e0%b7%8f%e0%b6%b1%e0%b7%8a-%e0%b6%9b%e0%b7%8f%e0%b6%b1%e0%b7%8a%e0%b6%9c%e0%b7%9a-%e0%b6%af%e0%b7%9a%e0%b7%81%e0%b6%b4%e0%b7%8f%e0%b6%bd%e0%b6%b1-%e0%b6%85/

ධවල මන්දිරයේ නව මාධ්‍ය ප්‍රකාශිකාව පත් වී දින පහකින් තනතුර හැර ගිහින්

ධවල මන්දිරයේ මාධ්‍ය ප්‍රකාශිකාව ලෙස අලුතින් පත් වූ කේටි සැකරියා එම තනතුරින් ඉල්ලා අස් වී ඇති බව වාර්තා වනවා.

කේටි සැකරියා එම තනතුරට පත්ව දින පහකටත් අඩු කාලයක දී මෙලෙස ඉන් ඉවත්ව ඇති බවයි විදෙස් මාධ්‍ය වාර්තා කරන්නේ.

පසුගිය අඟහරුවාදා පැවති ඇගේ පළමු මාධ්‍ය හමුව සඳහා සැකරියා දැඩි විවේචනවලට මුහුණ දුන් අතර, එය මිනිත්තු 15 කටත් අඩු කාලයක් පැවති අතර එයට වාර්තාකරුවන්ගෙන් ප්‍රශ්න තුනක් පමණක් ඇතුළත් වුණා.

කෙසේ වෙතත් ඇමරිකානු ජනාධිපති ට්‍රම්ප් ඊයේ (16) හදිසි ප්‍රවෘත්ති සාකච්ඡාවක් අතරතුර ඇගේ ඉවත්වයෑම පිළිබඳව ඉඟිපළ කර සිටියා.

අමෙරිකානු ධවල මන්දිරයේ මාධ්‍ය ප්‍රකාශිකාව ලෙස මීට පෙර කටයුතු කළ කැරොලයින් ලෙවිට් පසුගිය අගෝස්තු මස අවසානයේ දී පවුලේ කටයුතු සහ මාතෘත්වයේ වගකීම් වෙනුවෙන් එම තනතුරෙන් ඉවත් වූ අතර, ඉන් අනතුරව එම තනතුර සඳහා පත් කෙරුනේ කේටි සැකරියායි.

https://dasathalankanews.com/%e0%b6%b0%e0%b7%80%e0%b6%bd-%e0%b6%b8%e0%b6%b1%e0%b7%8a%e0%b6%af%e0%b7%92%e0%b6%bb%e0%b6%ba%e0%b7%9a-%e0%b6%b1%e0%b7%80-%e0%b6%b8%e0%b7%8f%e0%b6%b0%e0%b7%8a%e0%b6%ba-%e0%b6%b4%e0%b7%8a/

සන්රයිසස් හිමිකාරිනි කාව්‍යාට මංගල සීනු

සන්රයිසස් හයිද්‍රාබාද් (SRH) හිමිකාරිනි කාව්‍යා මාරන් 2026 නොවැම්බර් මාසයේ දී ජනප්‍රිය ඉන්දියානු සංගීත නිර්මාපකයෙකු සහ ගායකයෙකු වන අනිරුද් රවිචන්දර් සමඟ විවාහ වීමට නියමිත බවට තොරතුරු වාර්තා වනවා.

කාව්‍යාගේ දෙමාපියන් වන සන් සමූහයේ සභාපති කලනිති මාරන් සහ ඔහුගේ බිරිඳ කාවේරි මාරන්, තෙලන්ගානා මහ ඇමති රේවන්ත් රෙඩ්ඩිට, යුවළගේ විවාහ මංගල්‍යයට පෞද්ගලිකව ආරාධනා කිරීමෙන් පසු විවාහ සැලසුම් ඵලදායී ලෙස තහවුරු කර තිබෙනවා.

ඉන්දීය මාධ්‍ය වාර්තාවලට අනුව, පිළිගැනීමේ උත්සවය නොවැම්බර් 21 වන දින චෙන්නායි හිදී පැවැත්වෙන අතර විවාහ උත්සවය නොවැම්බර් 11 වන දින ග්‍රීසියේදී පැවැත්වීමට සැලසුම් කර ඇති බව වාර්තා වන්නේ.

කෙසේ වෙතත් ග්‍රීසියේ උත්සවය තවමත් නිල වශයෙන් තහවුරු කර නැහැ.

අනිරුද් හෝ කාව්‍යා යන දෙදෙනාම සම්පූර්ණ විවාහ කටයුතු ප්‍රසිද්ධියේ ප්‍රකාශ කර නොමැති බවයි වාර්තා වන්නේ.

කාව්‍යා මාරන් යනු ඉන්දියානු ප්‍රිමියර් ලීගයේ (IPL) සන්රයිසස් හයිද්‍රාබාද් තරඟ සහ ක්‍රීඩක වෙන්දේසිවල නිතිපතා පෙනී සිටියි. ඇය ඇගේ පවුලේ සන් සමූහයට අයත් ඡන්ද බලය කළමනාකරණය කිරීමේදී කැපී පෙනෙන කාර්යභාරයක් ඉටු කරනවා.

අනිරුද් රවිචන්දර් ඉන්දියාවේ ප්‍රමුඛ සංගීත රචකයින් අතර සිටින අයෙක්වන අතර, ඔහු ජේලර්, ජවාන් සහ ලියෝ ඇතුළු දෙමළ සහ හින්දි චිත්‍රපට සඳහා බ්ලොක්බස්ටර් හඬපට කිහිපයක් නිර්මාණය කර තිබෙනවා.

https://dasathalankanews.com/%e0%b7%83%e0%b6%b1%e0%b7%8a%e0%b6%bb%e0%b6%ba%e0%b7%92%e0%b7%83%e0%b7%83%e0%b7%8a-%e0%b7%84%e0%b7%92%e0%b6%b8%e0%b7%92%e0%b6%9a%e0%b7%8f%e0%b6%bb%e0%b7%92%e0%b6%b1%e0%b7%92-%e0%b6%9a%e0%b7%8f%e0%b7%80/

දිවයිනේ ප්‍රදේශ රැසකට හදිසි විදුලිය බිඳවැටීමක්

දිවයිනේ ප්‍රදේශ රැසකින් හදිසි විදුලිය විසන්ධි වීම් වාර්තා වී තිබෙනවා.

මෙම විදුලි විසන්ධි වීම ප්‍රදේශ රැසකට බලපා ඇති නමුත්, එහි සමස්ත බලපෑම පිළිබඳව තවමත් පැහැදිලි තොරතුරක්
නැහැ.

අද (16) පෙරවරු 11.45ට පමණ මෙම විදුලි බිඳවැටීම සිදුව තිබෙනවා.

විදුලිය විසන්ධි වීමට හේතුව හෝ විදුලි සැපයුම යථා තත්ත්වයට පත් කිරීමට ගතවන කාලය තවමත් තහවුරු කර නැහැ.

https://dasathalankanews.com/%e0%b6%af%e0%b7%92%e0%b7%80%e0%b6%ba%e0%b7%92%e0%b6%b1%e0%b7%9a-%e0%b6%b4%e0%b7%8a%e0%b6%bb%e0%b6%af%e0%b7%9a%e0%b7%81-%e0%b6%bb%e0%b7%90%e0%b7%83%e0%b6%9a%e0%b6%a7-%e0%b7%84%e0%b6%af-2/

දිවයිනේ ප්‍රදේශ රැසකට හදිසි විදුලිය බිඳවැටීමක්

දිවයිනේ ප්‍රදේශ රැසකින් හදිසි විදුලිය විසන්ධි වීම් වාර්තා වී තිබෙනවා.

මෙම විදුලි විසන්ධි වීම ප්‍රදේශ රැසකට බලපා ඇති නමුත්, එහි සමස්ත බලපෑම පිළිබඳව තවමත් පැහැදිලි තොරතුරක්
නැහැ.

අද (16) පෙරවරු 11.45ට පමණ මෙම විදුලි බිඳවැටීම සිදුව තිබෙනවා.

විදුලිය විසන්ධි වීමට හේතුව හෝ විදුලි සැපයුම යථා තත්ත්වයට පත් කිරීමට ගතවන කාලය තවමත් තහවුරු කර නැහැ.

https://dasathalankanews.com/%e0%b6%af%e0%b7%92%e0%b7%80%e0%b6%ba%e0%b7%92%e0%b6%b1%e0%b7%9a-%e0%b6%b4%e0%b7%8a%e0%b6%bb%e0%b6%af%e0%b7%9a%e0%b7%81-%e0%b6%bb%e0%b7%90%e0%b7%83%e0%b6%9a%e0%b6%a7-%e0%b7%84%e0%b6%af-2/

ශුරතා 03කට පාර පෙන්වූ මහේල මුම්බායි කණ්ඩායමෙන් ඉවත් වෙයි

2027 ඉන්දීය ප්‍රිමියර් ලීග් තරගාවලියට පෙර තමන් මුම්බායි ඉන්ඩියන්ස් (Mumbai Indians) කණ්ඩායමේ ප්‍රධාන පුහුණුකරු ධුරයෙන් ඉවත් වන බව මහේල ජයවර්ධන අද (17) නිවේදනය කළා.

ඒ අනුව තරග වාර 10ක් පුරාවට මුම්බායි ඉන්ඩියන්ස් ඔහු දැරූ තනතුර එලෙස නිමාවට පත්වුණා.

මහේලගේ පුහුණුකාරීත්වය යටතේ 2017, 2019 සහ 2020 යන වසරවලදී මුම්බායි ඉන්ඩියන්ස් කණ්ඩායම ශූරතා තුනක් දිනා ගැනීමට සමත් වුණා.

2017 IPL තරගාවලියේ සිට මුම්බායි ඉන්ඩියන්ස් කණ්ඩායමේ ප්‍රධාන පුහුණුකරු ලෙස මහේල ජයවර්ධන කටයුතු කළා.

2022 තරග වාරය දක්වා එම තනතුරේ කටයුතු කළේය. ඉන්පසුව, SA20, ILT20 සහ MLC වැනි විදේශීය ලීග් තරගාවලි වෙත මුම්බායි ඉන්ඩියන්ස් සිය ආධිපත්‍යය පුළුල් කිරීමත් සමඟ, ඔහු ‘ගෝලීය කාර්ය සාධන ප්‍රධානී’ (Global Head of Performance) තනතුරට උසස් කරන ලදී. ඉතා අසාර්ථක වූ 2024 තරග වාරයෙන් අනතුරුව, 2025 IPL තරගාවලිය සඳහා මාර්ක් බවුචර් වෙනුවට මහේල නැවතත් ප්‍රධාන පුහුණුකරු ලෙස පත් වූ අතර, එම වාරයේදී මුම්බායි ඉන්ඩියන්ස් කණ්ඩායම ‘දෙවන සුදුසුකම් ලැබීමේ වටය’ (Qualifier 2) දක්වා පැමිණීමට සමත් විය. කෙසේ වෙතත්, 2026 තරග වාරය ඔවුන්ට ඉතා අවාසනාවන්ත එකක් වූ අතර, එහිදී ඔවුන් ලකුණු සටහනේ අවසානයට පෙර ස්ථානයේ (පහළින් දෙවන ස්ථානයේ) රැඳී සිටියේය.

“වසර ගණනාවක් පුරා මුම්බායි ඉන්ඩියන්ස් වෙනුවෙන් මහේල විශාල දායකත්වයක් ලබා දී තිබෙනවා. ඔහුගේ සන්සුන් නායකත්වය, අවංකභාවය සහ ක්‍රීඩාව කෙරෙහි ඔහු තුළ ඇති දැඩි ආදරය අපට ඉතා වටිනවා, මුළු මුම්බායි ඉන්ඩියන්ස් පවුල වෙනුවෙන්ම, වසර ගණනාවක් පුරා ඔහු දැක්වූ අතිවිශාල දායකත්වයට සහ නොසැලෙන කැපවීමට මම මහේලට ස්තූතිවන්ත වෙනවා. අපි එකට ගෙවූ මේ කාලය සහ අප නිර්මාණය කරගත් මතකයන් අපි සැමවිටම අගය කරනවා” යනුවෙන් කණ්ඩායමේ හිමිකාරිනී නීතා අම්බානි මහේලගේ සමුගැනීම සම්බන්ධයෙන් අදහස් පල කරමින් විදෙස් මාධ්‍ය සමඟින් පවසා තිබෙනවා.
.

https://dasathalankanews.com/%e0%b7%81%e0%b7%94%e0%b6%bb%e0%b6%ad%e0%b7%8f-03%e0%b6%9a%e0%b6%a7-%e0%b6%b4%e0%b7%8f%e0%b6%bb-%e0%b6%b4%e0%b7%99%e0%b6%b1%e0%b7%8a%e0%b7%80%e0%b7%96-%e0%b6%b8%e0%b7%84%e0%b7%9a%e0%b6%bd-%e0%b6%b8/

Update – බිඳ වැටුණු විදුලිය කඩිනමින් යථා තත්ත්වයට පත් කිරීමට කටයුතු කරනවා – බලශක්ති නියෝජ්‍ය ඇමති

දිවයිනේ ප්‍රදේශ රැසක විදුලි සැපයුම බිඳවැටීම හේතුවෙන් බලපෑමට ලක්වූ ප්‍රදේශවල විදුලිය කඩිනමින් යථා තත්ත්වයට පත් කිරීමට කටයුතු කරමින් පවතින බව බලශක්ති නියෝජ්‍ය අමාත්‍ය අර්කම් ඉල්යාස් දසත නිවුස් කළ විමසීමක දී සඳහන් කළා.

අද (16) පෙරවරු 11.45ට පමණ මෙම හදිසි විදුලිය බිඳවැටීම සිදුව තිබෙනවා.

https://dasathalankanews.com/update-%e0%b6%b6%e0%b7%92%e0%b6%b3-%e0%b7%80%e0%b7%90%e0%b6%a7%e0%b7%94%e0%b6%ab%e0%b7%94-%e0%b7%80%e0%b7%92%e0%b6%af%e0%b7%94%e0%b6%bd%e0%b7%92%e0%b6%ba-%e0%b6%9a%e0%b6%a9%e0%b7%92%e0%b6%b1/

Update – නැවත දැනුම් දෙන තුරු වහළමත සවිකළ සූර්ය පැනල විසන්ධි කර තබන ලෙස විශේෂ දැනුම්දීමක්

දිවයිනටම බලපාන පරිදි මේ වනවිට සිදුවී ඇති විදුලිය බිඳවැටීම ජාතික පද්ධති ක්‍රියාකරු සමාගම විසින් පද්ධතිය කඩිනමින් යථා තත්ත්වයට පත්කර ගැනීමට කටයුතු කරමින් සිටින බව බලශක්ති අමාත්‍යංශය නිවේදනය කරනවා.

එමෙන්ම නැවත දැනුම් දෙන තුරු වහළමත සවිකළ සූර්ය පැනල විසන්ධි කර පද්ධතිය යථාවත් කිරීමට සහයෝගය දෙන ලෙසයි
ජාතික පද්ධති ක්‍රියාකරු මහජනතාවගෙන් ඉල්ලා සිටින්නේ.

අද (17) උදෑසන ඇතිවූ තත්ත්වයක් මත මුළු දිවයිනටම පෙරවරු 11.45ට පමණ විදුලිය බිඳවැටීමක් සිදු වුණා.

https://dasathalankanews.com/update-%e0%b6%b1%e0%b7%90%e0%b7%80%e0%b6%ad-%e0%b6%af%e0%b7%90%e0%b6%b1%e0%b7%94%e0%b6%b8%e0%b7%8a-%e0%b6%af%e0%b7%99%e0%b6%b1-%e0%b6%ad%e0%b7%94%e0%b6%bb%e0%b7%94-%e0%b7%80%e0%b7%84%e0%b7%85/