ሀገራዊ ፋይዳን እና የሕዝብ ተጠቃሚነትን በአንድ ያሳካው የቦሌ ሹቡ ኤጀርሳ የተቀናጀ የነዋሪዎች መንደር ፕሮጀክት!!!!

ከለውጡ አስቀድሞ በነበሩ ልምምዶች በልማት ከቀያቸው የሚነሱ ዜጎች ለቀጣይ እጣ ፈንታቸው ትኩረት ባለመሰጠቱ ምክንያት ዜጎች ለተለያዩ ማሕበራዊና ኢኮኖሚያዊ ቀውሶች ሲጋለጡ ቆይተዋል።

ይህን መራር እውነት ከመሰረቱ ለመቀየርና የዜጎችን ተጠቃሚነት ለማረጋገጥ ስትራቴጂ ነድፎ ስራዎችን በስፋት እየሰራ የሚገኘው የአዲስ አበባ ከተማ አስተዳደር በልማት የሚነሱ ዜጎች መፃዒ ዕጣ ፈንታቸውን በሚያቀና መልኩ በለመዱት የሕይወትና የስራ መስመር ተሰማርተው እራሳቸውን ፣ ቤተሰባቸውን ብሎም ሀገራቸውን የሚደግፉባቸው የተቀናጁ ማዕከላትን እየገነባ ሲያቀርብ ቆይቷል።

በዛሬው ዕለት በክብርት ከንቲባ በይፋ ተመርቆ ለአገልግሎት ክፍት የተደረገው የቦሌ ሹቡ ኤጀርሳ የተቀናጀ የነዋሪዎች መንደርም የዚሁ ተግባር ማሳያ ነው።.............

የኮንስትራክሽን ህግጋትን የተረዳና በዕውቀት የጎለበተ ስራ ተቋራጭና አማካሪ ማፍራት ለዘርፉ ዕድገት የማይተካ ሚና እንዳለው ተመላከተ።
 
 
የአዲስ አበባ ከተማ አስተዳደር ዲዛይንና ግንባታ ሥራዎች ቢሮ ከኢትዮጵያ ኮንስትራክሽን ማኔጅመንት ኢንስቲትዩት ጋር በመተባበር ያሰናዳውና የስራ ተቋራጮችን እና አማካሪዎችን ዓቅም ለማጎልበት ያለመ ስልጠና መሰጠት ተጀምሯል፡፡


ስልጠናው የዘርፉ ተዋንያን የኮንስትራክሽን ኢንዱስትሪ ፖሊሲውን ተረድተውና የህግ ማዕቀፎቹን ተገንዝበው ስራዎቻቸውን በዕውቀትና በኃላፊነት እንዲሁም በተጠያቂነት ስሜት የመፈፀም ዓቅም ይፈጥርላቸዋል ተብሏል።


እንደ አሰልጣኙ አቶ መላኩ ይኸይስ ማብራሪያ መሰል ስልጠናዎች ከብልሹ አሰራር አመለካከት የፀዳና ዕውቀትን ያስቀደመ ስራ -ተቋራጭና አማካሪን በማፍራት የኮንስትራክሽን ኢንዱስሪውን ወደ ላቀ ደረጃ ለማሻገር የማይተካ ሚና የሚጫወቱ ናቸው ብለዋል።


ለ2 ተከታታይ ቀናት በሚቆየው በዚሁ ስልጠና ላይ ከ200 በላይ አዳዲስና ነባር ስራ ተቋራጮች እና አማካሪዎች እየተሳተፉበት የሚገኝ ሲሆን በዘርፉ ብቃት ያላቸው ተዋንያንን ለማፍራትና ኢንዱስትሪውን ዕውቀት ባለው ባለሙያ ለመደገፍ አስቻይ ሁኔታን እንደሚፈጥር ይጠበቃል።  
 
 
ኮሙኒኬሽን ጉዳዮች ዳይሬክቶሬት ጥቅምት 24/2019 ዓ.ም