" ፖሊስ የህፃናትን ሠላምና ደህንነት ጠባቂ እንጂ ማስፈራሪያ አይደለም " ተማሪዎች
***
አዲስ አበባ፤ ጥቅምት 14 ቀን 2019 ዓ/ም (አዲስ ፖሊስ)፦ የአዲስ አበባ ፖሊስ ዋና ጠቅላይ መምሪያ የዜጎችን ሠላምና ደህንነት በአስተማማኝ ሁኔታ ለማስጠበቅ፣ የከተማውን ፀጥታ ይበልጥ ለማረጋገጥና ያለ ምንም አድልኦ ፍትህን ለማስፈን ዘርፈ ብዙ ስራዎችን እየሰራ ይገኛል።

ፖሊስ ፍትህና እኩልነትን ለማስፈንና የዜጎችን ደህንነትን መጠበቅ ቀዳሚው ተግባር ቢሆንም አንዳንድ ጊዜ ህብረተሰቡ " ህፃናትንና ታዳጊዎችን ፖሊስ እጠራብሻለሁ/ እጠራብሀለሁ " በማለት የሚያስፈራሩበት መንገድ በህፃናትና ታዳጊዎች አዕምሮ ውስጥ ፍራቻን የሚያስከትል ሆኖ ይታያል።

የአዲስ አበባ ፖሊስ ጠቅላይ ዋና መምሪያ የፖሊስ ሠራዊት ስዕብና ግንባታ መምሪያ ኃላፊ ኮማንደር ወንደሠን ደረጄ በሄሌኒክ ግሪክ አለም አቀፍ ትምህርት ቤት ተገኝተው ባስተላለፉት መልዕክት እንደተናገሩት ፖሊስ ከህዝብ የተገኘና የህዝብን ሠላምና ደህንነት ለማስጠበቅ የሚተጋ በመሆኑ ወላጆችና ትምህርት ቤቶች ለህፃናትና ታዳጊዎች የስነ ምግባር ትምህርት በመስጠት ትኩረት አድርገው መስራት እንዳለባቸው አስታውሰው፤ ህፃናትንና ታዳጊዎች ፖሊስን አስፈሪ አድርገው እንዲመለከቱ መደረጉን ለማስወገድ ሊተጉ እንደሚገባም ተናግረዋል።

የሰከላ ኤቨንት እና ኮሙኒኬሽን ስራ አስኪያጅ የሆነው አርቲስት ዋሲሁን አራጌ እና የፊልም ባለሙያዋ አርቲስት ኤልሳቤጥ ጌታቸው በበኩላቸው ህፃናት የፖሊስን ሙያና ስነ ምግባር እንዲሁም ወንጀልን ለመከላከልና ፍትህን ለማስፈን እያደረገ ያለውን ስራ በተገቢው መልኩ በመረዳት ፖሊስን እንደ ወዳጅ አድርገው እንዲገነዘቡ የቤተሰብ ሚና ከፍተኛ መሆኑን ተናግረዋል ።

አንዳንድ ያነጋገርናቸው የሄሌኒክ ግሪክ አለም አቀፍ ትምህርት ቤት ተማሪዎች በበኩላቸው ፖሊስ ከራሱ ጥቅም ይልቅ ለህብረተሰቡ ደህንነት የቆመ አካል መሆኑን ጠቅሰው የፖሊስን ሙያ እንደሚወዱና ተማሪዎች በስነ ምግባር የታነጹ እንዲሆኑ የበኩላቸውን ድርሻ እንደሚወጡም ተናግረዋል ።
*
ዘገባ፡- ዋና ሳጅን ደጀኔ ኡልፋታ
*
ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቲክቶክ ፦https://www.tiktok.com/@addisababapoliceofficial?
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
በጀግንነት መጠበቅ ፤ በሰብዓዊነት ማገልገል!
Protect with Courage, Serve with Compassion!
🇪🇹 🏵💐🏵 🇪🇹

"የድል ሠራዊት"
***
ኢትዮጵያን በአሸናፊነት ላጸና፣ የአያት ቅደመ አያቶቻችንን የጀግንነት ታሪክ እየደገመ ለሚገኘው፣ ዘመኑ የሚመጥነውን ወታደራዊ ቁመና ለያዘውና ዛሬም ለኢትዮጵያ ዳር ድንበር እየተዋደቀ ለሚገኘው ለጀግናው የመከላከያ ሠራዊት 119ኛ ዓመት ክብረ በዓል እንኳን አደረሳችሁ።
* የአዲስ አበባ ፖሊስ ዋና ጠቅላይ መምሪያ *

በኢትዮጵያ ቡና ስፖርት ክለብ አማካኝነት የተዘጋጀው የጎዳና ላይ ሩጫ ውድድር እስኪጠናቀቅ የተወሰኑ መንገዶች ለተሽከርካሪዎች ዝግ ይደረጋሉ፡፡
***
አዲስ አበባ፤ ጥቅምት 14 ቀን 2019 ዓ/ም (አዲስ ፖሊስ)፦ ጥቅምት 15 ቀን 2019 ዓ/ም መነሻና መድረሻውን መስቀል አደባባይ ያደረገ የሩጫ ውድድር ይካሄዳል፡፡

ከተማችን የምታስተናግደው የሩጫ ውድድር በሠላም እንዲጠናቀቅ መላው የፀጥታ አካላት ዝግጅታቸውን አጠናቀው ወደ ስራ መግባታቸውን የአዲስ አበባ ፖሊስ ዋና ጠቅላይ መምሪያ አስታውቆ፤ የሩጫው ተሳታፊዎች ፀጥታው የጋራ ጉዳይ መሆኑን ተገንዝበው ወደ መሮጫ ስፍራው ሲገቡ ለፍተሻ እንዲተባበሩም ጥሪውን አስተላልፏል፡፡

ሩጫው ተጀምሮ እስኪሚጠናቀቅ ፡-
• ከቅዱስ ኡራኤል ቤተ-ክርስቲያን  ወደ መስቀል አደባባይ
• ከኦሎምፒያ ወደ መስቀል አደባባይ
• ከአጎና ሲኒማ  ወደ መስቀል አደባባይ
• በወንጌላዊት ህንፃ ወደ ጎተራ
• ከቅዱስ ዮሴፍ ቤተ ክርስቲያን ወደ ጎተራ
• ከጎፋ ቅዱስ ገብርኤል ወደ ጎፋ ማዞሪያ
• ከሳር ቤት ወደ ጎፋ ማዞሪያ
• ከአፍሪካ ህብረት ወደ ብልጋሪያ
• ከትምባሆ ሞኖፖል ወደ ገነት ሆቴል
• ከጥይት ቤት ወደ ጠማማው ፎቅ
• ከሜክሲኮ አደባባይ ወደ ለገሃር
• ከቅድስት ልደታ ቤተ ክርስቲያን ወደ ለገሃር
• ከሰንጋ ተራ ወደ ለገሃር
• ከብሔራዊ ቴአትር ወደ ለገሃር
• ከሐራምቤ ሆቴል  ወደ መስቀል
• ከቤተመንግስት ወደ መስቀል
• ከካዛንቺስ ሼል ወደ ባምቢስ የሚወስዱ መንገዶች ነገ ከንጋቱ 11፡30 ጀምሮ ውድድሩ እስኪጠናቀቅ ለተሽከርካሪ ዝግ ይሆናሉ፡፡ በውድድሩ መስመር ግራና ቀኝ ለረጅምም ሆነ ለአጭር ጊዜ ተሽከርካሪ አቁሞ መሄድ ፍፁም የተከለከለ መሆኑን ዋና ጠቅላይ መምሪያው አስታውቋል፡፡
*
ዘገባ፡- ም/ኢንስፔክተር ዳዊት እርገጤ
*
ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቲክቶክ ፦https://www.tiktok.com/@addisababapoliceofficial?
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
በጀግንነት መጠበቅ ፤ በሰብዓዊነት ማገልገል!
Protect with Courage, Serve with Compassion!
🇪🇹 🏵💐🏵 🇪🇹

ህገ ወጥ የተሽከርካሪ ጥቁር ሽፋን (Sticker) ፈቃድ ወረቀት በሚጠቀሙ አሽከርካሪዎች ላይ ጥብቅ ቁጥጥር እየተደረገ ይገኛል፡፡
***
አዲስ አበባ፤ ጥቅምት 19 ቀን 2019 ዓ/ም (አዲስ ፖሊስ)፦ የአዲስ አበባ ፖሊስ ዋና ጠቅላይ መምሪያ ህገ ወጥ የይለፍ ወረቀት (Pass) በሚጠቀሙ፣ ከሚመለከተው ፈቃድ ሰጪ አካል ውጪ የሆነ የጥቁር ስቲከር ፈቃድ ወረቀት እንዲሁም በልየ ልዩ የደንብ መተላለፍ ጥፋቶች ውስጥ የተገኙ ሞተር ሳይክልና ተሽከርካሪዎች ላይ ጥብቅ ቁጥጥር እያደረገ ይገኛል፡፡

ዋና ጠቅላይ መምሪያው በአንድ ሳምንት ጊዜ ውስጥ ብቻ ባደረገው ቁጥጥር አንድ ሺህ አንድ መቶ አስራ አንድ ተሽከርካሪዎች ላይ በደንቡ መሰረት ርምጃ መውሰዱን የትራፊክ ዋና መምሪያ ኃላፊው ኮማንደር አበራ ባይሳ ገልፀዋል፡፡

ኃላፊው አያይዘውም ጊዜው ያለፈበትና ፈቃድ ሰጪው አካል የማይታወቅ የስቲከር ፈቃድ ወረቀት የያዙ 899፣ 153 በተለያዩ የደንብ ጥሰቶች ውስጥ የተገኙ የሞተር ሳይክል አሽከርካሪዎች እንዲሁም አፈር ጭነው መንገድ ያበላሹ 59 ተሽከርካሪዎች ላይ በትራፊክ ደንቡ መሰረት ህጋዊ ርምጃ ተወስዷልም ብለዋል፡፡

አሽከርካሪዎቹ የትራፊክ ቁጥጥርን መጣስ፣ በከተማ ክልል ከተፈቀደው የፍጥነት ወሰን በላይ ማሽከርከር፣ ጊዜያቸው ያለፈባቸውና ያልታደሱ የጥቁር መስታወት ሽፋኖችን ፈቃድ ወረቀት መጠቀምና መሰል ጥፋቶችን በመፈፀማቸው የተወሰደ ርምጃ መሆኑንም አብራርተዋል፡፡

አሽከርካሪዎች በከተማዋ ያለው የመንገድ ደህንነትና የትራፊክ ፍሰት ሠላማዊ እንዲሆን የድርሻቸውን እንዲወጡ ያሳሰበው የአዲስ አበባ ፖሊስ ዋና ጠቅላይ መምሪያ በደንብ ተላላፊዎች ላይ የሚደረገው ቁጥጥር ተጠናክሮ እንደሚቀጥልም አስታውቋል፡፡
*
ዘገባ፦ ም/ኢንስፔክተር ዳዊት እርገጤ
*
ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቲክቶክ ፦https://www.tiktok.com/@addisababapoliceofficial?
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
በጀግንነት መጠበቅ ፤ በሰብዓዊነት ማገልገል!
Protect with Courage, Serve with Compassion!
🇪🇹 🏵💐🏵 🇪🇹

Strict enforcement is being carried out against drivers who use unauthorized permits for applying dark-tinted film (stickers) to their vehicle windows
***
Addis Ababa; 29, October 2026 G.C. (Addis Police): The Addis Ababa Police Headquarters is conducting strict enforcement against motorcycles and vehicles found using illegal passes, unauthorized "black sticker" permits (issued outside of the official licensing authority), or committing various other traffic regulation violations.

Commander Abera Baysa, Head of the Main Traffic Department, stated that the department took action against 1,111 vehicles in accordance with regulations during an inspection conducted over the span of just one week.

The official further stated that legal action, in accordance with traffic regulations, has been taken against 899 motorcycle riders found with expired sticker-based licenses issued by authorities of unknown Source, as well as 153 riders who committed various traffic violations, and 59 vehicles that damaged roads while transporting soil.

He further explained that the measures were taken because the drivers had committed various violations, such as disregarding traffic regulations, exceeding the permitted speed limit within the city, and using expired or unrenewed permits for tinted vehicle windows.

The Addis Ababa Police Headquarters, which urged drivers to play their part in ensuring road safety and smooth traffic flow in the city, has also announced that enforcement against traffic violators will continue to be intensified.
*
Reporter: D/Inspector Dawit Ergete
*
For police updates:
Facebook: https://www.facebook.com/Addisababapolice TikTok: https://www.tiktok.com/@addisababapoliceofficial? Telegram: https://t.me/addispolice
YouTube: https://www.youtube.com/c/AddisAbabaPoliceCommission
Twitter: https://twitter.com/AddisPolice
Website: https://www.addispolice.gov.et/
Protect with Courage, Serve with Compassion!
🇪🇹 🏵💐🏵 🇪🇹

የ7 ዓመቱ ታዳጊ ላይ የግድያ ወንጀል የፈፀመው ግለሰብ ለማምለጥ ባደረገው ሙከራ በተተኮሰበት ጥይት ህይወቱ አለፈ
***
አዲስ አበባ፤ ጥቅምት 19 ቀን 2019 ዓ/ም (አዲስ ፖሊስ)፦ ጥቅምት 07 ቀን 2019 ዓ/ም በለሚ ኩራ ክ/ከተማ ወረዳ 13 ልዩ ቦታው ወሰን ተብሎ በሚጠራው አካባቢ ነዋሪ የሆኑት አቶ ሠለሞን ሙሉ የ7 ዓመት ልጃቸው ህፃን አማኑኤል ሠለሞን በገዛ የጥበቃ ሠራተኛቸው ታግቶ መወሰዱን በመግለፅ አጋቹ የልጃቸውን በህይወት መገኘት የሚፈልጉ ከሆነ 4ሚሊየን ብር በአካውንት እንዲያስገቡ ይህን ካላደረጉም ህፃኑ በአጋቹ እጅ ሦስተኛው ሟች ሊሆን እንደሚችል እንደነገራቸው ለአዲስ አበባ ፖሊስ ዋና ጠቅላይ መምሪያ ጥቆማቸውን ሰጥተዋል፡፡

የወንጀል ምርመራ ም/ዋና ጠቅላይ መምሪያ የክትትልና የምርመራ ቡድን በማቋቋም ስራውን ጀምሯል፤ በግል ተበዳይ መኖሪያ ቤት ውስጥ ነሐሴ 30 ቀን 2018 ዓ/ም በጥበቃ ሠራተኝነት የተቀጠረ ግሩም ወርቁ የተባለ ግለሰብ እንደሆነም የግል ተበዳይ ለምርመራ ቡድኑ መረጃውን ይሰጣሉ፡፡

ፖሊስ ባዋቀረው ሁለት የምርመራና የክትትል ቡድን አንዱን በአማራ ብሔራዊ ክልላዊ መንግስት ደብረ ብርሀን በኩል ሁለተኛውን ቡድን በአፋር ብሔራዊ ክልላዊ መንግስት ገቢረሱ በማድረግ ቴክኖሎጂን መሰረት ያደረገ ክትትል ሲያደርግ ቆይቶ ጥቅምት 15 ቀን 2019 ዓ/ም በአፋር ብሔራዊ ክልላዊ መንግስት ገቢረሱ ዞን አርጎባ ልዩ ወረዳ ጋቸኒ ከተማ በቁጥጥር ስር ሊያውለውም ችሏል፡፡

ተጠርጣሪው በቁጥጥር ስር ከዋለ በኋላም በተደረገው ምርመራ ተከሳሽ በጥበቃ ሠራተኝነት ከተቀጠረበት ዕለት ጀምሮ ህፃን አማኑኤል ሰለሞንን የተለያዩ ጣፋጭ ነገሮችን እየገዛ እንዲለምደው ያደረገ ሲሆን ወንጀሉ በተፈፀመበት ቀንም ህጻኑን ሳር አጭደን እንመለሳለን በማለት በለሚ ኩራ ክ/ከተማ ቀርሳ ቅዱስ ሚካኤል ጫካ ይዞት ሄዷል፡፡

ቦታው እጅግ በጣም አስቸጋሪና አድካሚ ሲሆን ህፃኑን ረጅም መንገድ በእግሩ ካስኬደው በኋላ አንድ ቦታ ላይ በማስቀመጥ በእጁ ገመድ አስይዞ ፎቶ በማንሳት ጭካኔ በተሞላበት መንገድ በገመዱ አንቆ በመግደል አስከሬኑን ደረቅ ፅድ ቅርንጫፍ አልብሶ ከአካባቢው ተሰውሯል፡፡ ተከሳሽ ህጻኑን ከገደለም በኋላም በህይወት ያለ በማስመሰልና ፎቶ ለቤተሰቦቹ በመላክ ገንዘብ ሲጠይቅ እንደነበር ፖሊስ አረጋግጧል።

ተከሳሽ ሲጠየቅም ፎቶ ያነሳሁት ልጁን ይዤ በምንቀሳቀስበት ወቅት ልያዝ ስለምችል በህይወት ያለ በማስመሰል ገንዘብ ለመቀበል በማሰብ ነው ሲልም ቃሉን ሰጥቷል፡፡

የም/ዋና ጠቅላይ መምሪያው የምርመራና ቴክኒክ ቡድንም በተከሳሽ መሪነት እጅግ አስቸጋሪ ጫካ በነበረው የወንጀል ስፍራው ባደረገው የህጻን አማኑኤል አስከሬንን ፍለጋ ማግኘት የቻለው ነገር ቢኖር የተገደለበትን ገመድ፣ የህፃኑን ጃኬትና ቲ ሸርት እንዲሁም የተበጣጠሱ የሰውነት አካሉን ሲሆን በአውሬ ለመበላቱም ማሳያ በመሆኑ የተገኙትን አካሎች በማስመርመር ለቤተሰብ አስረክቧል፡፡ 

ተጨማሪ የምርመራ ስራዎችን ሲያከናውን የቆየው ፖሊስም ከወንጀል ስፍራው አካባቢ የህፃኑ የራስ ቅል አለ የሚል መረጃ በመምጣቱ ተከሳሽን በመያዝ ወደ ስፍራው በማምራት ፍለጋ በሚያደርግበት ወቅት ራሱን መከላከል ባልቻለው ህጻን ግድያ ወንጀል ያልተፀፀተው ግለሰብ ከተጠያቂነት እና ከህግ ለማምለጥ ሲል በቦታው ላይ ከነበሩ የፖሊስ አባላት ጋር ግብግብ በመፍጠር ገደል ለገደል ለማምለጥ ባደረገው ሙከራ በተተኮሰበት ጥይት የተመታ ሲሆን ህይወቱን ለማትረፍ ወደ ሆስፒታል ቢወሰድም ማዳን አለመቻሉን የአዲስ አበባ ፖሊስ ዋና ጠቅላይ መምሪያ አስታውቋል፡፡

ተጠርጣሪውን በቁጥጥር ስር ለማዋል በተከናወነው ተግባርም የአማራ ብሔራዊ ክልላዊ መንግስት የደብረ ብርሀን እና በአፋር ብሔራዊ ክልላዊ መንግስት የጋቸኒ ከተማ ፖሊስ ላደረገው ትብብር ምስጋናውን ያቀረበው ፖሊስ ህብረተሰቡ የቤት ሰራተኛም ይሁን ጥበቃ ሲቀጥር ተገቢውን ጥንቃቄ ማድረግ ያለበት ከመሆኑም ባሻገር ህፃናት ተገቢውን ክትትል የሚሹ በመሆኑ አይኑን ከልጆቹ መነጠል እንደማይኖርበትም መልዕክቱን አስተላልፏል፡፡
*
ዘገባ፡- ም/ኢንስፔክተር ዳዊት እርገጤ
*
ለፖሊሳዊ መረጃዎቻችን፦
በፌስቡክ :- https://www.facebook.com/Addisababapolice
በቲክቶክ ፦https://www.tiktok.com/@addisababapoliceofficial?
በቴሌግራም:- https://t.me/addispolice
በዩትዩብ፦ https://www.youtube.com/c/AddisAbabaPoliceCommission
በትዊተር፦Twitter https://twitter.com/AddisPolice
ድረ ገጽ፦ web https://www.addispolice.gov.et/
በጀግንነት መጠበቅ ፤ በሰብዓዊነት ማገልገል!
Protect with Courage, Serve with Compassion!
🇪🇹 🏵💐🏵 🇪🇹