Ўзбекистонда китоб савдосини рағбатлантириш мақсадида ойига 10 минг донадан ортиқ китоб сотган тадбиркорларга 1 млрд сўмгача имтиёзли ссуда ажратилади. Шунингдек, туризм, гастрономик, ёшлар сайилгоҳи ва савдо-сервисга ихтисослашган кўчаларда кутубхоналар ва book cafe’лар ташкил этиш кўзда тутилган.

https://www.gazeta.uz/uz/2026/04/23/kitobxonlik/

Telegram | Instagram | YouTube

Biznes qilishda xalqaro tajriba muhim. Ajoyib davrda yashamoqdamiz, sun'iy intellekt sizga xalqaro tajribani o'rganishga eng zo'r imkoniyatlarni ochadi. Bugun tadbirkor sifatida siz duch kelayotgan muammolar yoki yaxshilashingiz kerak bo'lgan ishlarni allaqachon dunyoning boshqa davlatlarida kimlardir qilgan. Ular siz yurgan yo'ldan yurib, qiynalib yechimlar topishgan. O'sha yechimlarni o'rganish sizning muammolaringiz yechimini anchaga tezlashtirishi mumkin.

Bu qanday bo'ladi.

1. Siz o'z sohangizda masshtabi jihatidan siz o'tgan bosqichlardan o'tgan kompaniyalarni qidirasiz. Ularni Yevropa, AQSH, Yaponiya, Janubiy Koreya, Xitoy, Rossiya, hatto Afrika davlatlaridan ham qidirib ko'rasiz. LLM (Gemini, ChatGPT, Claude, DeepSeek) sizga bir nechta o'zingizga o'xshagan bizneslarni topib berishi mumkin. Promptni aniqroq yozsangiz, ular yanada aniqroq topishadi. Kimlarni o'zingizga o'xshaydi deb o'ylashingizni ham qo'shing.

2. Kompaniyalarni aniqlab olgandan so'ng, avvalo ularning biznes modeli va strategiyasi haqida LLM bilan obdon suhbatlashasiz. Promptni yaxshi tomondan ham, yomon tomondan ham, tanqidiy tomondan ham, sizning keysingizda qanaqa ishlashi haqida ham savollar berib ko'rasiz.

3. Shu kompaniyalar faoliyatiga oid kitoblar, podkastlar, videolar va maqolalar bilan tanishib chiqasiz. O'ylaganingizdan ancha chuqur narsalar va yechimlar chiqib keladi. Mutaxassis sifatida dunyoqarashingiz o'zgaradi, yechimdan tashqari nimalarni o'rganishingiz kerakligini ham his qilasiz.

4. O'zingizning eng og'riqli muammolaringizni aniqlab olgandan so'ng, shu soha bo'yicha professional kitob yoki Coursera kabi platformalarda kurslar qidirasiz. Ba'zan bu alohida treninglar yoki universitetlar kurslari ham bo'lishi mumkin. Man masalan asosan fransuz biznes maktablari kurslarini sotib olaman. Afsuski, kamdan-kam odam bu bosqichga yetib boradi, lekin yetib borganda qanaqa masshtabda imkoniyatlar ochilishini xayoliga ham sig'dirmaydi.


Xullas, nimanidir o'rganib, xalqaro tajribani olib, yechimlar qilish osonligi bo'yicha eng zo'r davrda yashayapmiz. Muhimi, infoshovqin ichida yo'qolib qolmasdan, fokusni bir joyga qo'yib, sabr bilan ishlashda.


Boshidan o'tganni qo'shidan o'tma deganlaridek, deyarli ikki yildan beri bir necha mavzuda shu siklni takrorladim va hozir ham shu bilan bandman. Asaxiy va mijozlarimiz bo'lsa bundan faqat yutadi deb o'ylayman.

Oʻsishdan toʻxtagan, oʻrganolmayotgan oʻrta boʻgʻin kadrlar sunʼiy intellekt oʻrnimni olib qoʻymaydimi deb xavotir olmasa ham boʻladi. Oʻsib borayotgan raqobatda sun'iy olmasa, tabiiy intellekt olib qoʻyadi.

Бук-кафе очган тадбиркорларга имтиёз берилади

Президент Шавкат Мирзиёев Фарғона вилоятига ташрифи доирасида ўтган йиғилишда китобхонликни оммалаштириш заруратига тўхталди.

Шу мақсадда 2026 йилда вилоятдаги 100 та маҳаллада намунавий маҳалла кутубхоналари ташкил этилади, бук-кафе очган тадбиркорларга солиқ ва ижара тўловларидан имтиёз берилади.

Дунёнинг машҳур ёзувчи ва шоирларини Марғилонга таклиф қилиб, ҳар икки йилда Бурҳониддин Марғиноний мажмуасида Халқаро китобхонлик фестивалини ўтказиш ташаббуси илгари сурилди.

Kun.uz расмий канали

Бизнесда кимдир бой оиладан бўлгани учун муваффақиятли, унинг муваффақияти адолатдан эмас дейиш ақлий дангасалик деб ўйлайман. Давлат ишида оила лавозимни олишга таъсир қилиши мумкин, лекин давлат иши бошқа кейс.

Аввало, бой ёки яхши оила фарзанди деганда бизнесни мерос қилиб олганлик ёки бизнесни бошлаш учун маблаққа эга бўлганлик айтилади.

Лекин, бизнесда, қобилиятсиз (кўникмаларсиз) сармоя ҳеч нарса яратмайди.

Бу тажрибада қайта ва қайта исботланган очиқ факт. Кучли молиялаштирилган компанияларнинг яшовчанлик статистикасига эътибор беринг: баъзан жуда катта миқдорда сармоя жалб қилинишига қарамай, АҚШда стартапларнинг 90 фоизи инқирозга учрайди. Биринчи авлод томонидан қурилган бойликни кейинги икки авлоднинг ўзидаёқ совуриб юборадиган меросхўрларга қаранг. Лотереяда ютганларнинг 70 фоизи охир-оқибат хонавайрон бўлишини эсланг. Оила бой бўлиб, маблағни турар жой (ижара) каби энг хавфи паст бизнесларга тикканда ҳам, отадан кейин фарзандлар ҳаммасини кўкка совурганини биламан. Қўлига пул тушгунча тўғри тақсимлашни билмайдиган одамга сармоя берсангиз, у пулни беҳуда сарфлайди. Бу истисно эмас, балки қоидадир.

Шунинг учун, бизнесда бошланғич молиявий туртки (у бўладими ёки йўқми) якуний натижани белгилаб бермайди. Агар фақат пулнинг ўзи етарли бўлганида эди, ёрдам олганларнинг барчаси миллиардерга айланарди. Очиқ-ойдин кўриниб турибдики, ундай эмас. Ҳозир узоқ муддатли ҳақиқий муваффақиятга ноаниқлик шароитида ва жаҳон рақобати остида шу пулни тўғри бошқара олаётганлар эришмоқда.

Ота-онадан олинган ёки мерос қилиб олинган пул бизнес бошлашда ёки оилавий бизнесни давом эттиришда яхши yordam бўлиши мумкин. Лекин, инсон ўзи қиймат яратишни, рақобат қилишни ўрганмаса, унда бу пулнинг ёрдами узоққа бормайди. Қиймат кўришни, уни яратишни, рақобат қилишни эплаган одам бўлса пулсиз ҳам бизнес бошлаб эплайди.

Шу учун қайсидир узоқ муддатли ўта муваффақиятли бизнесменларнинг муваффақиятини ота-онаси бой бўлгани билан асослаш ақлий манипуляциядан бошқа нарса эмас.

Asaxiy Books бестселлерлари, апрель.

Рейтингдан апрель ойи давомида Asaxiy орқали Ўзбекистон бўйлаб энг кўп сотилган барча нашриётларнинг китоблари ўрин олган.

Демак, апрель ойида энг оммамоп китоблар:
1. Жорж Оруэлл: Молхона
2. Жорж Оруэлл: 1984
3. Жавлон Жовлиев: Қўрқма
4. Жеймс Клир: Атом одатлар
5. Кел Нюпорт: Диққат: Чалғитувчи дунёда муваффақият сирлари
6. Браян Трейси: Самарадорликнинг 21 йўли
7. Девид Бах, Жон Девид Манн: Латте омили. Молиявий мустақиллик ва эркин ҳаёт сари
8. Николас Спаркс: Ҳаёт қадри
9. Усома Муслим: Бинафша шуъласи
10. Мей Маск: Режали аёл. Бахтли ҳаёт қоидалари
11. Френк Ҳерберт: Дюна. Премьера!
12. Дарон Ажемоғли, Жеймс А. Робинсон: Мамлакатлар таназзули сабаблари: қудрат, фаровонлик ва камбағаллик манбалари
13. Антуан де Цент-Экзюпери: Кичкина шаҳзода
14. Стивен Р. Кови: Муваффақиятли инсонларнинг 7 кўникмаси
15. Сун Тзи: Уруш санъати
16. Дениэл Киз: Элжернонга аталган гуллар
17. Марк Менсон: Бепарволикнинг нозик санъати
18. Жон Г. Миллер: СОС! Савол ортидаги савол
19. Рей Бредбери: Фаренгейт бўйича 451°
20. Ден Браун: Рақамли қалъа

“Раммагеддон” ёки “Рампокалипс” нима ва у нимага сизнинг чўнтагингизга босимни оширмоқда.

2024 йилдан бошлаб, айниқса ўтган йилдан жадалроқ бутун дунёда оператив хотира (RAM) дефицити бошланди. Бугунги биз ишлатадиган аксар замонавий технологиялар бўлса РАМга жуда боғлиқ. Улар орасида оддий смартфонлар, планшетлар, ноутбуклар ва серверлардан бошлаб, телевизор ва бошқа техникагача бор.

Муаммонинг асосий сабаби сунъий интеллект ривожига боғлиқ. Сунъий интеллект серверлари жуда катта ҳажмда RAM талаб қилади. Улар ҳар ой бир неча маротабага кўраётганини ҳисобга олса, ишлаб чиқарувчилар етказиб беролмайди. Бу серверларга асосан HBM рамлар ишлатилади. Уларни ишлаб чиқариш учун оддий ДДРдан фарқли 3 маротаба кўпроқ кремний талаб қилинади. Айнан бу РАМларга талаб катта ва даромад яхши учун Samsung, SK Hynix ва Micron каби компаниялар ишлаб чиқариш қувватининг асосий қисмини ҲБМга йўналтиришди. Бу оддий хотиралар миқдорини кескин пасайтирди.

Бу ҳолатда Micron компанияси ўзининг Crucial брендини ёпиб, оддий RAM бозоридан умуман чиқиб кетди. Асосий фаолиятини дата-марказларга ва улар учун HBM рамлар ишлаб чиқаришга қаратди. Энг йирик ўйинчилардан бири кетиши вазиятни янада жиддийлаштирди.

Аксига олиб, 2025 йил октябрда Microsofot Windows 10ни қўллаб қувватлашни тўхтатди. Катта ҳажм компьютерлар (давлат ишхоналари, таълим, офислар) янги тизимга ўтиши учун қўшимча хотирага талаб янада ошди.

Натижада, ҳозирда бор ишлаб чиқариш РАМга талабни 60 фоизини қопламоқда холос. Талаб ва таклиф қонуни ишлаб, буни ортидан тўхтовсиз нарх ошмоқда. Масалан, 2024 йилда 85-90 АҚШ доллари бўлган 32 G DDR ҳозирда ўртача 430 $га чиққан.

Компьютерлар ва смартфонларда нарх ошиши 2026 йил учун 15-30 фоиз атрофида бўлиши тахмин қилинмоқда. Ўзимизда ҳам аллақачон сезиларли ошиш бўлди. Asaxiy да нархларни ушлаб туриш устида ишламоқдамиз. Йил охиригача вазият жиддийлашиб боради чунки ҳозирданоқ гигант компаниялар йиллик ишлаб чиқариладиган маҳсулотларни сотиб олиб бўлишган.

Ҳозирда Samsung ва Mikron каби бир нечта компания янги заводлар қуришмоқда. Лекин, заводлар ишлаб, маҳсулот дефицит бир қисмини ёпиши учун 2-3 йил талаб қилинади. Иқтисодчилар, вазият 2028 йилга борибгина барқарорлашишини тахмин қилишмоқда. Унгача бўлса оладиган техника ва гаджетларимиз нархи ошиб борса керак.

Етишмовчиликни ҳазиллашиб “Раммагеддон” ёки “Рампокалипс” дейишади.

Айтиб қолишди, Хитойлик тадбиркорлар сервис марказлари ва катта сотув тармоқларидан эски смартфонларни сўраб юрибди экан. Asaxiy га ҳам келибди. Мақсад, эски бўлсада оператив хотираларни йиғиб олиш. Энг арзон Хитой брендлари бир неча ой ўтиб ишлатилган рамлар билан бозорга чиқса ҳайрон бўлмайман.

Жорж Оруэлл ҳақида ўқиб туриб, бир қизиқарли деталга дуч келдим. У ҳақиқий қашшоқликда яшаш нима эканлигини тушуниш ва ҳис қилиш учун 1928 йилда Парижга бориб яшайди. Дунё биринчи жаҳон урушидан чиққан, асрнинг энг катта иқтисодий инқирози бошланаётган вақт эди.

У жуда арзон хонани ижарага олади. Пулни имкон борича тежашга ҳаракат қилади. Аммо, пуллари кутганидан тезроқ тугайди.

Кўп ўтмай, у меҳмонхона ошхоналарида кунига 12-14 соатлаб идиш ювишга мажбур бўлади.

Бу иш оғир, бир хил ва толиқтирувчи эди. У чидаб бўлмас иссиқ, буғ, ёғли идишлар, тинимсиз бақир-чақирлар шароитида танаффуссиз ишлайди. Одам оёқларини сезмай қолгунча тик туриб ишлашга тўғри келарди. Кейин тузукроқ овқатланмайди, кам ухлайди ва яна ҳаммаси бошидан-бошланади.

У орада касал бўлиб қолганида, унга ҳеч ким ёрдам бермайди. Бир кун ишга чиқмаслик ҳамма нарсадан айрилиш учун етарли эди.

Кейинчалик, Англияда ҳам у уйсизлар орасида яшайди, ижтимоий бошпаналарда тунайди. Шу вақт давомида у доим кузатади, ёзиб боради ва хулоса қилади.

Ушбу тажриба кейинчалик унинг асарларида акс этади. Бу ҳаёт шунчаки жон сақлаш масаласига айланиб қолиши, қадр-қиммат эса ҳашаматга айланиб қоладиган реалликни очиб бериш унинг мақсади эди.

Бу давр хотиралари уни ҳеч қачон тарк этмади. Оруэлл машҳур бўлиб кетганидан кейин ҳам, қулайлик қанчалик омонат эканини ва инсон қанчалик тез жамият учун "кўринмас" кимсага айланиб қолиши мумкинлигини ҳеч қачон унутмади. Ва у ўзига-ўзи ҳайкал қўйиб, “1984” ва “Молхона” каби асарлари руҳияти билан жаҳон адабиёти тарихида ўчмас из қолдирди.

⁉️ Ўзбеклар саёҳат қилишдан қўрқадими?

Фикр етакчиларида ажойиб меҳмон. Ўзбекистонда камдан-кам бўладиган, сўнги 3-4 йилда доимий ўз машинасида саёҳат қилаётган ватандошимиз Саёҳатчи Абу бўлдилар.

Қобилжон ака Абдусатторов (Саёҳатчи Абу ) ва дўстимиз Фирузбек Аллаев билан подкаст уюштирдик. Бу суҳбат аввало ўзимиз учун ҳам қизиқ ва мароқли бўлади. Саёҳат-севар инсонлар билан суҳбат қуриш ҳар доим қизиқ бўлган.

Марказий Осиёда саёҳат қилиш
Ўзбекистон туризм имкониятлари ва камчиликлари
Саёҳат маданияти
Халқаро тажриба ва имкониятлар


📺 Подкастни албатта кўринг, ўз саҳифаларингизда ва яқинларга улашинг. Фикр-мулоҳазаларни эса изоҳларда кутиб қоламиз

🎥 Ютубда соат 20:00 премьерада томоша қилинг!

@Hikmat_kundaligi

Asaxiy Novza filialida ta'mirlash ishlari boshlanmoqda! 🏗

Shu munosabat bilan, aynan ushbu filialimizdagi BARCHA KITOBLARGA 30% CHEGIRMA e'lon qilamiz! 📚🔥

Siz izlagan, o'qishni niyat qilib yurgan va kutubxonangizni boyitish uchun eng yaxshi kitoblarni super narxlarda xarid qilish uchun ajoyib imkoniyat.

Shoshiling! Imkoniyatni qo'ldan boy bermang, chegirma 8-9-10-may kunlari amal qiladi!

📍 Manzil: Asaxiy Novza filiali
📞 Murojaat uchun: 71 200 01 05

Google oʻzining yangi Fitbit Air brasletini taqdim qildi. Google aqlli brasletlar bozorida Whoop bilan raqobatlashmoqchi. Braslet 99 AQSh dollari narxda sotuvga chiqadi. U uchun maxsus Health Coach obunasi yoʻlga qoʻyiladi.

Asaxiy Novza filialida ta'mirlash ishlari boshlanmoqda! 🏗

Shu munosabat bilan, aynan ushbu filialimizdagi BARCHA KITOBLARGA 30% CHEGIRMA e'lon qilamiz! 📚🔥

Siz izlagan, o'qishni niyat qilib yurgan va kutubxonangizni boyitish uchun eng yaxshi kitoblarni super narxlarda xarid qilish uchun ajoyib imkoniyat.

Shoshiling! Imkoniyatni qo'ldan boy bermang, chegirma 8-9-10-may kunlari amal qiladi!

📍 Manzil: Asaxiy Novza filiali
📞 Murojaat uchun: 71 200 01 05

Ta'mirga yopilayotgan Asaxiy Novza filiali do'konimiz biz uchun alohida qadrli. Bu Asaxiyning ishlab turgan do'konlari orasida eng eskisi, ochilganiga 6 yil bo'ldi. Bu do'konning qadrli ekanligi, hali "Asaxiy Books" endi ochilgan, 100 m2 hudud yetadigan kichkinagina bo'lgan vaqtida shu do'kon ham ombor, ham sotuv uchun edi. Yetkazib berishga kitoblar shu do'kondan ketardi. Do'konning o'rtasa shkaflar bilan bo'lingan, kiradigan tomoni sotuv bo'lsa, shkafni orqasi online buyurtmalar tayyorlanadigan kichik ombor va ofis edi.
Karantinda kitob sotuvini jamoa aynan mana shu do'kondan tashkillashtirgan edi.

Hozir endi do'konlar 15ta, omborxonalar hududi o'zi bir necha ming m2. Lekin, Novza filiali bilan bizni juda ko'p xotiralar bog'laydi. Ko'plab mijozlarimiz ham aynan shu filialdan ilk marotaba bizdan kitob xarid qilishgan. FIlialni oxirgi marta 2022-yilda ta'mirlagan edik.

Undan beri kitob do'konlari boshqaruvida ancha narsani o'rgandik, xatolarni tushundik. Hozir do'kon dizayni, yorug'lik, havo aylanishi, javonlar dizayni va o'lchamlari, hudud taqsimoti, ranglar, kassa, har biri bo'yicha alohida standartlar bor. Filial qayta ishga tushganda mana shu standartlarga to'liq moslab ochiladi.


Ungacha shu 3 kun davomida sizda do'kondagi barcha kitoblarni 30 foiz chegirmada xarid qilish imkoni bor. Do'konni bo'shatib olsak, keyingi haftadan ta'mir boshlanadi. Dam olish kunlarida sizni kutamiz.

Samsung Xitoy bozorida televizorlar va maishiy texnika sotuvini to'xtatishga qaror qilibdi. Kompaniyaning Xitoy bozorida ulushi 3.6 %gacha tushib ketgan ekan. Raqobatda asosiy bozorni mahalliy brendlar olib qo'ygan.
Yildan-yilga katta brendlar uchun Xitoy kompaniyalari bilan raqobatlashish qiyin bo'lib bormoqda. Kichik qadamlar bilan katta natijalarga erishishda, davomiylikda Xitoyliklarga qoyil qolmasdan iloj yo'q.

31 kunda Dyunaga qilgan sayohatimiz ham o’z nihoyasiga yetdi.

Kitobni har kuni deyarli 20-30 betlar atrofida o’qib bittalab tushunishga harakat qildim. Odatda kitoblarni tez o’qiyman. Ma’nosini ayni o’qigan paytimda tushunib yetmasligim mumkin. Lekin sekin asta anglananilib boradi.

Bu kitobda esa boshqacharoq yo’l tutdim. Kitobni anglashga tushunishga harakat qilganim sari mandagi dunyoni o’zgartiradigan holatlarga ham sabab bo’lgani sezib bordim. Bu ajoyib, chunki asar shunisi bilan asar. Ya’ni sizga ma’lum miqdorda ta’sir qilaoladigan, qarashlaringizga ilmingizga, ichki dunyoyingizga yetib borib qaysidir “tochkada” aniq sezilishi bu siz uchun juda zo’r tuyg’u aslida.


Asar haqiqatdan o’tkir syujetli, voqealardagi hodisalarda, ularning holatlarida yashab, ichki dunyoyingizdagi yangilanishlarni darrov sezib borasiz.

Yana bir muhim kitobga oldindan buyurtma boshladik. Jahon adabiyotining durdonasi, Robert Lyuis Stivensonning "Jekill va Hayd fojiasi" kitobini "Asaxiy Books"da o'zbek tiliga tarjima qildik.

Kitobni ilk marotaba 10 yilcha oldin, hali kitob loyihamiz xayolda yo'q vaqtlarda o'qigan edim. Bu "1984" kabi odam bir marta o'qiydigan va ong unga yillab qayta murojaat qiladigan, arxetiplarni eslaydigan kitob. O'qigandan keyin xayolan harakatlar va qarorlarimni Jekill va Haydga qarab tahlil qilganlarimni eslayman.

O'tgan yili kitob o'zbek tiliga tarjima qilinmaganligini bilib hayron bo'lgandim va shu zahoti jamoaga tarjimaga berilgan edi.

Bu klassik adabiyotning psixologik tomondan eng kuchli asarlaridan biridir. Bir marta o'qiysiz va bir umr ta'qib qiladi. Ushbu ajoyib asar 25-maydan boshlab kitobxonlarga yetkazib beriladi.

Hozirda oldindan buyurtma ketmoqda: https://asaxiy.uz/u/jekillvahaydfojiasi

*Mana shu kabi durdona kitoblar chiqishiga ko'mak qo'shayotgan Xalq banki jamoasiga alohida minnatdorchilik bildiraman.

Барчамиз тараққиёт тарафдоримиз, фақат бизни ўзимиз ўзгаришга мажбур бўлмасак бўлди, шарти шу.


© Морри Брикман, карикатурачи

Ҳокимиятга яқин бизнеслар ҳақида.

Дунёнинг ҳамма мамлакатида ҳокимиятга ёки алоҳида қудратдаги шахсларга яқин бизнеслар бўлади. Ривожланган давлатларда лоббизм қонунан тартибга солинган, назорат қилинади. Ривожланмаган давлатларда бу коррупциянинг асоси бўлади.

Лекин, ҳамма мамлакатда ҳолатидан қатъий назар ҳокимиятга яқин, устунликка эга бизнеслар бўлади. Улар одатда монополликка ўч бўлади, ҳаракатлар шунга қараб йўналтирилади.

Мана шу жойида алоҳида бир нарсага эътибор бермоқчи эдим. Виждон масаласини эсдан чиқармаслик керак. Кучли нетворкингдан фойдаланиб устунликка эга бўлиш, пул ишлаш халққа ёки бизнесларга навбатдаги тўсиқ ёки муаммо яратиш эвазига бўлмаслиги керак. Ундан кўра шунақа бизнес ўйлаб топишга ҳаракат қилиш керакки, у ҳам халқнинг юмушини осон қилсин, ҳам давлатга қулайлик яратсин. Натижада халқ ёки бизнес пулини норози бўлиб эмас, аксинча яхшиям шу хизмат бор, қанча ташвишни олдини олди, вақт ва қоғозбозликни тежади деб топширсин.

Мана шунда ҳам соққа қилишади, ҳам тараққиётга хизмат қилишади. Навбатдаги тақиқ, ортиқча бюрократия, фойдасиз назорат билан соққа қилиш мумкиндир, лекин тараққиётга хизмат қилинмайди.

Asaxiy да бир неча йилдан бери ўта муваффақиятли сотилиб келаётган 50та китобни жамлаган тўпламимиз бор. Адашмасам, бу тўплам сотувини 2020 йилда 999 000 Сўм нархда бошлаган эдик. Ҳар йилги инфлацияга қарамасдан тўплам нархи бир марта ошиб, шундан бери 1 199 000 Сўм нархда ушлаб келинмоқда.

Бу тўпламни энг кўп уйда кичик кутубхона қиламан ёки совғага деб харид қилишади. Май ойида тўпламга янги 0х0х6 акциясини бошладик. Яъни тўплам 6 ойга ҳеч қандай устамасиз насияга берилади.

Харид қилиш: https://asaxiy.uz/u/ellikatakitob