Онаи зорини сотган бола

Бу воқеа йигирма йил олдин Мозори шарифда рўй берганди. Юрт нотинч. Узоқ яқинда жанг кетарди. Бир неча қарама қарши кучлар тахт учун аёвсиз курашарди. Шунинг учун мени бита ўзимни тўртта қўриқчи қўриқларди. Мени эса, Ҳазрати Али мақбараси салобати, муҳташамлиги, гўзаллиги билан маҳлиё қилганди. Кўм кўк мовий қубба қуёшнинг заррин нурларида товланар, тоқидаги ҳилол осмону фалакка туташиб кетганди. Гир айланиб учаётган оппоқ кабутарлар қадимий қуббани муаллақ кўтариб тургандай. Мақбара ҳовлисида оппоқ кабутарлар юрар, танг қиладиган мўъжизани қарангки, бир неча юзлаб кабутарнинг ичида оқ рангдан бошқа рангдагиси йўқ эди. Бу ақл бовар қилмас ҳодиса. Чунки, кабутарлар ранг алмашишга мойил бўлади, ёввойи кулранг кабутарлар, қора, сариқ, жигарранг, кумушранг, оқ қора олачипор кабутарларнинг биттаси қўшилса, оқ каптарларнинг рангги ўзгариб кетади. Бу ерда илоҳий қудрат хукмрон эди. Оллоҳ таоло инсонни халифа қилиб яратганди. Аммо биз мана шу каптарларчалик бўлолмаганимиздан ўкинардим. Биз Она заминни гуллаб яшнатиш ўрнига, қонга бўяётганимиздан ўкинардим.
Шу ўкинч ва надомат билан, шаҳар кеза кеза бозорга бориб қолдим. Шарқ мамлакатларининг ҳаммасида бўлганидай, бу ер ҳам гавжум. Одам тўла, ғала ғовур, бақир чақир, биров бировни чорлаган, биров пиёзини мақтаган, биров арава ҳайдаган, биров қоп орқалаган, биров шошган, биров чопган.. савдо сотиқ батанг авжида.
Юриб юриб, орагимни симиллатиб оғритган ҳодиса, ўз онасини сотаётган бола диққатимни тортди. Бола 16-17 ёшларда, она 35-36 ёшлардаги ўранган муштипар аёл эди. Бола жон куйдириб онасини мақтарди:
- Уй ишларини қилишга уста, кир ювади, таппи қоради, сигир соғади, ўтин ёради, ер ағдаради, иддаси чиққан, яхши эр бўлса яна туғади, овқат қилишда пазанда, бир ҳовуч ундан бир тандир нон ёпади, иккита пиёздан бир қозон овқат тайёрлайди, келинг кеб қолинг, олганлар дармонда, олмаганлар армонда арзон гаровга бериб юбораман, сув текин, сув текин бор йўғи 250 минг авғони..
Она чимматга ўралган, лекин сўраганларга, оларманларга, шунчаки қизиққанларга, ҳавасмандларга чимматни очиб, онасини кўрсатар, бўй бастини, қадди қоматини кўз кўзларди. Онанинг кўзлари ҳуркак қушдай оларманларга жовдираб қарарди. Аёл юпун кийинган, қашшоқлик, очлик қаддини дол қилган, аччиқ қисматнинг кейинги таҳқирларига рози, маюс ва маҳзун, мўлтираб турарди.
Ниҳоят 200 минг авғонига харидор чиқди. Бу тахминан ўша пайтнинг нарх навоси бўйича тўрт минг доллар атрофидаги каттагина ақча эди. Лекин бола анча пишиқ экан, оёқ тираб тураверди:
- Буни яхши кийинтирсангиз, қорнини тўйдирсангиз, авайлаб асрасангиз сизга кўп хизмат қилади. Ҳали тишлари бутун, танида касали йўқ, ўзи мулойим, қаттиқ гапирмайди, айтган ишингизни хўп деб бажаради, наша чекмайди, тамаки чекмайди, болаларни уриб безор қилмайди, бундай аёл бозорга кам чиқади, отам ўлди, энди буни уйда ушлаб туролмайман. Олсангиз пулингиз ўзингиз билан кетади. Барака топасиз. Уйингизни ҳамма ишини саранжом саришта қилади. Айтган пулимдан кам беролмайман. Пул зарурлигидан сотаяпман.. Онам бу мани онам..
Харидорлар чўғи бир кўпайди, бир озайди, бироз ўтиб оладиган талабгор қолмади. Бола онасининг олдига ҳорғин чўкди. Она боланинг елкасига қўлини қўйиб шивирлади:
- Болам пулни бўлар бўлмас нарсаларга сарфлама, каму кўстингни бутла, ошқозонинг касал, табибга бориб даволат, устингга яхши кийим ол, қиш келаяпти, озиқ овқатни ғамла, укангга қара, битта сигир, битта эшак сотиб ол.
- Ўзим яхши биламан она, хавотир олманг.
- Уйни атрофини ўраб экин эк. Бир икки йил пул тўпла, аста секин сарпо суруқни ғамлаб бор, етим есирга бўлса ҳам уйлан.. бу пулни йўқ қилсанг кейин сенга пул қайда... хотинсиз қоласан. Бу бозор, кўтарганига бериб юборавер. Тезда табибга кўринмасанг ўласан. Сени ичинг тамом бўлган. Йиринг тушаяпти.
- Она, ичимда олов ёнаяпти. Зўрға тик турибман. Таним қалтираяпти.

Яна уч тўрт одам келиб, Онани ўраб олди. Бириси у деди, бириси бу деди, биров пачакилади, биров алқади. Биров болани жеркиди, биров “барака” сўради, ниҳоят савдо 220 минг авғонийга пишди. Бола ўзида йўқ, ютоқиб пулларни санашга тушди.
Харидор эшагини миниб кетишга ҳозирлана бошлади. Аёлни мингашиб олишга буйруқ берди. Аёл, пулни санаб чўнтагига солган болани қучоқлаб юз кўзларидан ўпди. Ўкраб йиғлади. Боланинг сочларини, елкаларини силаб ёлвора бошлади:
- Аввало милтиқ ол, сен бугундан ҳаммани нишонидасан, эҳтиёт бўл болам, эҳтиёт бўл, сени пули бор деб пайингга тушадилар, ўлдирадилар... Отанг йўқ эди, бугундан онанг йўқ. Энди ўзингни ўзинг асра.. жон болам.. сени ўлдириб кетмасинлар.. жувонмарг бўлма..
Она, фарзандини қучоқлаб узоқ йиғлади. Тоқати тоқ бўлган харидор аёлни шарт кўтариб эшакка ўтирғизди. Ўзи ирғишлаб мингач, хилла босди, эшак жони борича йўртиб кетди.
Мен, Саланг тоғ тизмалари оралаб Қобул сари йўлга тушдим. Тилимда Ҳазрат Навоийнинг “Оналар оёғи остидадур, Равзайи жаннату жинон боғи. Равза боғи висолин истар эсанг, Бўл онанинг оёғин тупроғи,” деган шоҳ байтлари тинимсиз айланар, такрорлаган сари кўзимга ёш қуюлар, онаизорим бот бот ёдимга тушарди. Бир пайтлар Онасининг пойига бош қўйиб, юрак қони билан ушбу сатрларни битган улуғ алломанинг юрти қай аҳволга тушгани тобора хўрлигимни келтирарди. Қаттиқ тишлаганимдан лабларим қонаб кетди. Йўллар ўнқир чўнқир. Тоғлар баланд. Машина жар ёқасида аранг кетиб борарди. Мен эса, отиб ташласалар ҳам Ҳиротга бораман дея аҳд қилгандим.

@Ashabuz

Хайрли_тонг.

Ассалому алайкум варахматуллохи ва баракатух.

Бугун 13- Сентябр хафтанинг Якшанба тонги муборак бўлсин!

Янги кун сизга файз, барака ва кўнгил хотиржамлигини олиб келишига сабабчи булсин. Ҳар бир режангиз омад билан бошланиб, ишларингизга Аллоҳнинг баракаси ёр бўлсин.

Бугунги дам олиш кунингизни яқинларингиз даврасида мазмунли, хотиржам ва хушкайфиятда ўтказиш насиб этсин.

Аллоҳ барчамизни соғлик, тинчлик ва эзгуликдан айирмасин.

@Ashabuz

#намозвақтлари 13-Сетнябрь куни ўқиладиган Намоз вақтлари

Тонг : 04:41
Қуёш: 05:56
Пешин: 12:24
Аср: 16:46
Шом: 18:41
Хуфтон: 19:54
(Тошкент вақти билан)

Намоз ракатлари :

Бомдод - 2 ракат суннат, 2 ракат фарз

Пешин - 4 ракат суннат, 4 ракат фарз, 2 ракат суннат.

Аср - 4 ракат фарз

Шом - 3 ракат фарз, 2 ракат суннат

Хуфтон - 4 ракат фарз, 2 ракат суннат

Витр - 3 ракат вожиб.

@Ashabuz

Кун хикмати

Балки қийинчиликлар сабрингизни синаш учундир. Сиқилманг чунки, албатта Аллоҳ сабрлилар билан биргадир...

Ҳорасан, толасан, ҳаммасига қўл силтамоқчи бўласан, шу вақт сенга суяниб турганларга қарайсан… Йиқлишга, чекинишга ҳаққинг йўқлигини англайсан. Уларнинг суянгани қадар кучли, сабр-бардошли бўлишга ҳаракат қиласан...



@Ashabuz

Биласизми...?

УЛАР ВАҚТДАН ЎТИБ КЕТИШГАН

Курз ибн Вабра Қуръони каримни кечаси ҳам, кундузи ҳам 4 марта, Ибн Идрис эса уйида 4000 марта хатм қилган.

Имом Шофиъий Рамазонда 60 марта, Имом Бухорий эса 30 марта хатм қилишган.

Имом Аҳмад кунда 300 ракаат намоз ўқир экан.

Абу Талҳа Ансорий 40 йил рўза тутди.

Ибн Мусаййиб 60 маротаба ҳаж қилди.

Имом Аҳмад 60 ёшида 1000 масалага далил асосида фатво берди.

Ибн Ҳазмнинг барча китоблари куяди. Шунда у зот уларнинг ҳаммасини ёддан қайтарди.

Имом Қатода бир туя китобни ёд олди.

Имом Шаъбий: “Оқ нарсага ёзилган ҳар бир нарсани ёд олдим”, дегани ривоят қилинади

@Ashabuz

Хотира

Салохиддин домла Абдулгаффор угли.

@Ashabuz

"СОЛИҲА АЁЛ..."
БОМДОД намозини ўтказиб юборишга "КЎНИКМАГАН" солиҳа аёл, ўша куни ўзи истамаган холда намозга туролмай, ўтказиб юборди...

Солиҳа шундай қаттиқ ҲАФА бўлибдики, хўнг~хўнг йиғлаб, ич~ичидан ёнгандек, оғриқ ҳиссини
туйди...
Бомдод намози унинг учун ~ БУЮК МАРОСИМдек
эди. Ўтказиб юборгани учун ҳасрат ва надоматдан
куйиб, ўзини хеч кечиролмай фақат йиғлади... Шундан
сўнг ўзини "ЖАЗОЛАМОҚЧИ" бўлиб, куни билан
жойнамозидан силжимай узулмасликка қатъий қарор
қилди...

Умр йўлдоши аёлини берилиб ҚУНТ* билан
жойнамози устида ўтирганини кўриб, индамай ишига
кетди...

Ишидан қайтгач не кўз билан кўрсинки аёли
ҳали ҳануз ўша ерда ўтирганича, йиғлаб ИБОДАТ*
қилаётган экан. Эр индамасдан хонасига кириб ухлади...

Эрта тонг билан уйғониб қараса, аёл ҳамон жойидан
силжимай, Роббисига тинмай <<ИЛТИЖО>> қилаётган эмиш....Эр ўша куни шомдан кейин тўғридан~тўғри ибодатдан
чарчамаган аёлининг олдига бостириб кириб, маҳкам
бағрига босиб, бор овози билан:

--- «Аллоҳга қасамки, УНИНГ ОЛДИГА БОШҚА БОРМАЙМАН »,
--- «Қасам ичиб айтаман, бормайман бошқа»,
деб йиғи аралаш бақириб айтди...

Аслида солиҳанинг умр йўлдоши унга БИЛДИРМАЙ бошқа бир аёл билан АХДлашиб қўйган эди... Ўша куни улар эр~ хотинлик риштасини боғлаш мақсадида, никоҳдан ўтишни мўлжаллаб қўйишган эди...

Аммо аёлининг дили нима сабабдан тилка~пора бўлаётганини БИЛМАГАН* эр, бошқа аёлга уйланаётганидан аёли хабар топгани учун
ғамга ботиб кетди, дили вайрон бўлди, деб ўйлади...

Шундан сўнг қалбини фақат аёлига бағишлаб, ҳеч қачон
бошқа аёлга уйланмаслигини айтиб, онт ичди...

ҲИКМАТ:

Бахт~саодат ўзимиз эга бўлмаган нарсаларни қўлга
киритиш эмас...
Балки, "ЭГА БЎЛГАН" нарсаларимизнинг
қадру~қимматини ИДРОК қилиб, англаб етишимиздир!

Хайрли_тонг

Ассалому алайкум варахматуллохи ва баракатух.

Бугун 14- Сентябр хафтанинг Душанба тонги муборак бўлсин!

Янги кунни яхши ниятлар билан бошланг.

Бугунги кунингиз файзли, баракали ва хайрли ўтсин.

Яқинларингиз билан бирга доимо соғлик, хотиржамлик ва яхши кайфият ҳамроҳингиз бўлсин.

Аллоҳ барча эзгу ниятларингизни рўёбга чиқарсин!

Бошланаётган янги кунингиз файзли ва барокатли бўлсин азизларим!

@Ashabuz

Кун хикмати

Тил суякдан эмас, лекин суякларни синдиради. Тил қилич эмас, лекин қонларни тўкади.

@Ashabuz

Ёд_олиш_учун
МУХТАСАР СИЙРАТ

Набий соллаллоҳу алайҳи васалламнинг учта ўғиллари бор эди:

1. Ҳазрати Қосим розияллоҳу анҳу.

2. Ҳазрати Абдуллоҳ розияллоҳу анҳу. (Уни Тоййиб ва Тоҳир ҳам дейилар эди)

3. Ҳазрати Иброҳим розияллоҳу анҳу.

Набий соллаллоҳу алайҳи васалламнинг тўрт қизлари бор эди:

1. Ҳазрати Зайнаб розияллоҳу анҳо.

2. Ҳазрати Руқайя розияллоҳу анҳо.

3. Ҳазрати Умму Кулсум розияллоҳу анҳо.

4. Ҳазрати Фотима розияллоҳу анҳо.

@Ashabuz

Расмни олган чўпон айтади:
"Қўзичоқнинг онаси олдинроқ йўқолган эди. Бугун подани кўздан кечириб орасидан қўзичоқни топа олмадим. Қарасам қўриқчи ит уни шу ҳолда бағрида олиб ётибди".

Одамзот орасида мурувват, меҳр-шафқат туйғуларини йўқотганлар учун ҳайвонлар дарс ўтади баъзан.

@Ashabuz

НАБАВИЙ_ТАРБИЯ

Тур, эй Абу Туроб!

Расулуллоҳ соллаллоҳу алайҳи васаллам силаи рахм қиладиган, қизларини йўқлаб турадиган, набиралари билан ўйнайдиган, куёвларига лутф ила муомалада бўладиган, қариндошларини икром қиладиган киши эдилар.

Бир куни қизлари Фотима розияллоҳу анҳони кўргани келдилар. Али розияллоҳу анҳу уйда йўқ экан. Расулуллоҳ соллаллоҳу алайҳи васаллам у кишини сўрадилар. Фотима розияллоҳу анҳо ораларида келишмовчилик чиқиб, унинг уйдан чиқиб кетганини айтдилар...

Расулуллоҳ соллаллоҳу алайҳи васаллам бир кишини Али розияллоҳу анҳуни қидиришга юбордилар. Ҳалиги киши қидириб-қидириб Али розияллоҳу анҳуни масжиддан топди.Сўнгра Расулуллоҳ соллаллоҳу алайҳи васалламга у кишининг масжиддалигини айтди. У зот масжидга бордилар. Али розияллоҳу анҳу юзларини ерга қўйиб масжидда уҳлаб ётган эдилар. Шунда Расулуллоҳ соллаллоҳу алайҳи васаллам: «Тур, эй Абу Туроб», дедилар ва у кишининг юзидаги тупроқни муборак қўллари билан артдилар.

Расулуллоҳ соллаллоҳу алайҳи васаллам қизлари Фотима розияллоҳу анҳодан эри билан ўрталарида нима воқеъа бўлганини сўрамадилар. Нима гап ўтганини суриштирмадилар. Бу билан бизга уйларнинг ўз сири бўлишини англатмоқчи бўлдилар.

Чунки ҳар бир ишга катталарнинг аралавериши муаммони янада катталаштириши мумкин. Аллоҳ яширган нарсаларни очишга уринманг! Ишни эр-хотиннинг ўзларига қўйинг. Ўзлари уришиб, ўзлари ярашиб олишади.

Эр-хотин ўртасидаги келишмовчиликлар ҳамма уйда бор. Бу табиий ва оддий нарса. Фотима розияллоҳу анҳо олам аёлларини саййидаси, Али розияллоҳу анҳу эса, Рошид халифалардан, шундай бўлсада, ораларида келишмовчилик юзага келди. Демак бизларда келишмовчилик бўлиши турган гап. Мушкулотларни ҳаётнинг бир қисми деб қарашимиз лозим. Биз муаммоларни хал қилиб, ундан дарс олишимиз керак. Оиланинг айбини очмаслигимиз, болаларни сарсон қилмаслигимиз, оғизлардаги сўлакка айланмаслигимиз лозим.

Расулуллоҳ соллаллоҳу алайҳи васалламнинг ҳикматларига қаранг. Али розияллоҳу анҳунинг олдига бориб, юмшоқ муомалада бўляптилар, у кишини ҳурсанд қиляптилар. Қизлари билан бўлиб ўтган иш учун койимаяптилар.Хатто нима бўлганини хам сўрамаяптилар. Бу иш катталарга дарс бўлмоғи керак.Катталар фарзандларини бўлиниб кетишига сабаб бўлмасликлари керак. Оловга мой сепмасликлари керак. Аксинча эрнинг оиласи келинларнинг аввалги хизматларини, яхшиликларини унутмасликлари лозим. Хотиннинг оиласи хам куёвлари билан қизлари ўртасида чиққан озгина келишмовчилик туфайли куёвларидан шайтон ясаб олмасликлари керак. Ҳазрати Али розияллоҳу анҳу ҳам бизга келишмовчилик одобидан, уй муаммоларидан мухим дарс беряптилар. Фотима розияллоҳу анҳо тинчланишлари учун уйдан чиқиб кетди. Биз эса ғазабланганимизда завжамизга аччиқ сўзларни гапирамиз. натижада ёқимсиз сўзларни эшитамиз. Яҳшиси келишмовчилик чиққанида урушқоқ хўрозларга ўхшаб бир-биримизга сакрамаслигимиз керак.

Али розияллоҳу анҳу яна бир дарс беряптилар- уйдан хотинини хайдамасдан, ўзи чиқиб кетяпти. Хотинни уйдан чиқиб кетиши муаммони катталаштиради. Бу иш аёлга хам, оиласига хам озор етказади. Бу иш оилани шарманда қилади.

Уйингизда келишмовчилик юзага келса, индамасдан чиқиб кетинг. Кечқурун қайтиб келинг. Жуда бўлмаса, бирор дўстингизни уйидами ёки мехмонхонадами тунаб қолинг. Шу иш афзал. Хотинингиз сал туриб тинчланади. Сизни қидира бошлайди, соғинади. Уни мукаррам ва эъзозлаган холатда уйда қолдирганингиз учун сизга муҳаббати ортади...

@Ashabuz

ХАЙРЛИ_ТОНГ

🤍 Ассалому алайкум варахматуллохи ва баракатух, қадрли инсонлар!

Кузнинг 14- сентября файзли Сешанба тонги муборак бўлсин!

Салқин тонг… Майин шамол

Олтинранг тусга кирган дарахтлар, ер бағрини безаган сариқ барглар ва кузнинг ўзига хос сокинлиги янги кунга ажойиб кайфият бағишламоқда.

Кузнинг ҳар бир барги каби бугунги кунимиз ҳам гўзал маъноларга бой бўлсин.

Кўнгилларимиздан хотиржамлик, хонадонларимиздан файзу барака, дастурхонларимиздан ризқ-рўз аримасин.

Майин куз шамоли барча ташвишларни олиб кетиб, ўрнига қувонч ва яхши хабарларни олиб келсин.

Бу салқин тонгда қалбингиз илиқ, ниятларингиз пок, қадамларингиз баракали бўлсин!

Ҳар бир эзгу ниятингиз ижобат бўлиб, бу Сешанба сизга омад, хотиржамлик ва унутилмас гўзал лаҳзалар келишига сабабчи булсин.

Кузнинг олтинранг гўзаллиги қалбингизга ҳам илиқлик ва нур бағишласин!

Барчангизга файзли, баракали, кун тилаймиз

@Ashabuz

#намозвақтлари 15-Сетнябрь куни ўқиладиган Намоз вақтлари

Тонг : 04:43
Қуёш: 05:58
Пешин: 12:23
Аср: 16:43
Шом: 18:38
Хуфтон: 19:50
(Тошкент вақти билан)

Намоз ракатлари :

Бомдод - 2 ракат суннат, 2 ракат фарз

Пешин - 4 ракат суннат, 4 ракат фарз, 2 ракат суннат.

Аср - 4 ракат фарз

Шом - 3 ракат фарз, 2 ракат суннат

Хуфтон - 4 ракат фарз, 2 ракат суннат

Витр - 3 ракат вожиб.

@Ashabuz

Ҳадис

Расулуллоҳ соллаллоҳу алайҳи васаллам: Агар Аллоҳ ва расули сизни яхши кўришини хуш кўрсангиз, уч хислатни муҳофаза қилинглар:

1. Ростгўйлик, рост сўз.
2. Омонатга риоя қилиш, ўз ўрнида адо қилиш.
3. Яхши қўшничилик.

Чунки, қўшнига озор бериш худди қуёш қаттиқ музни эритиб юборгани каби яхшиликларни эритиб, ўчириб юборади.

Имом Табароний ривояти.

@Ashabuz

Кун хикмати

Агар яхшиликка буюрсанг, аввалгилардан бўлиб уни ўзинг бажаргин. Агар ёмонликдан қайтарсанг, биринчилардан бўлиб ундан ўзингни тийгин.

Шайх Муҳаммад Ғаззолий роҳимаҳуллоҳ.

@Ashabuz

Ота хакида хакикий тушунчалар.

@Ashabuz