​​САФАР ОЙИДА ҲОМИЛАДОР БЎЛИШ
#сафар

❓1805-САВОЛ: Сафар ойида ҳомиладор бўлса у яшамайди деб эшитганмиз. Бу гап динимиз нуқтаи назаридан қараганда қанчалик тўғри?

💬 ЖАВОБ: Бисмиллаҳир Роҳманир Роҳим. Бу ҳам Сафар ойига тааллуқли бўлган хато тушунчалардан биридир. Шунинг учун ҳам мусулмон бошқа сабаблардан эмас, айнан шу ойни хосиятсиз деб билиб, унда ҳомиладор бўлишдан сақланса, гуноҳкор бўлади. Ислом келишидан аввал жоҳилият даври одамлари бу ойдан шумланишган. Бундай эътиқод катта хато эканини Пайғамбаримиз соллаллоҳу алайҳи васаллам баён қилиб, Сафар ойидан шумланишдан қайтарганлар. Кейинчалик мусулмонлар бу ойни хислатли санаб, “Сафарул музаффар” (Зафарли Сафар ойи) деб номлаганлар. Абу Ҳурайра розияллоҳу анҳудан ривоят қилинган ҳадисда Пайғамбаримиз соллаллоҳу алайҳи васаллам шундай деганлар:
“Касаллик юқиши йўқ, бойқушдан шумланиш йўқ, руҳларнинг қушга айланиб юриши йўқ, сафар ойидан шумланиш йўқ” (Имом Аҳмад ва имом Ибн Можа ривоятлари). Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

"Шайтоннинг НАМОЗдан тўсиш УСУЛлари..!"
(албатта ўқинг жуда керакли)


1. Банда намоз ўқимоқчи бўлса, уни васваса қиламан:
--- “Ҳали вақт бор~ку, ҳозир БАНДСАН, олдин ишингни битир, кейин ўқирсан”, дейман...!

2.Намозини кечиктиролмасам, ОДАМ  ШАЙТОНлардан бирини йўллаб, улар воситасида кечикишини таъминлайман...!

3. Буни ҳам қилолмасам, унга намоз ўқиётганида келиб:
---“Ўнгга қара, чапга қара”, дейман... Қараши билан ЮЗИ*дан <ЎПИБ>, пешонасини СИЛАБ қўяман... Кейин эса:
---“Намозинг бузилди!” деган васваса билан намоздан чиқараман...!

4. Ўнггу сўлга қаратолмасам, якка намоз ўқиётганида келаман~да, худди хўроз дон чўқиганидек, тез тез ўқишини БУЮРАМАН...!

5. Буни ҳам қилдиролмасам, ЖАМОАТ билан намоз ўқиётганида келиб, бошини ИМОМдан ОЛДИН саждадан кўтаришини буюраман ва намозини бузаман...
Аллоҳ эса бундайларни Қиёмат куни   "ЭШАК БОШЛИ" килиб тирилтиради...!

6. Буни ҳам эплолмасам, намозда бармоқларини қарсиллатишини буюраман... Шу тариқа   МЕНга <ТАСБЕҲ> айтган бўлади...!

7. КАМБАҒАЛУ~ БЕЧОРАлаларга бориб, намозни ТАШЛАШЛАРИНИ буюраман... “Намоз сизлар учун эмас, бекорга вақт кеткизманг!” дейман...!

8. КАСАЛларнинг ёнига бораманда уларга:
---“Касалларга мажбурият йўқ, тузалгач, ўқийверасиз!” дейман... Уларни ношукрлик билан Аллоҳга <ИСЁН> қилишга чақираман ва баъзиларига КУФР сўзларни айттиришга ҳам эришаман...!

ИБЛИС:
--- «Қасамки, энди мени йўлдан оздирганинг сабабли мудом Сенинг тўғри йўлинг устида Уларни (Одам болаларини) кутиб ўтирурман... Сўнгра уларга олдиларидан ва ортларидан, ўнгу сўлларидан келиб (тўғри йўлдан оздирурман) ва (оқибатда) уларнинг кўпларини (берган неъматларингга) ШУКР* қилган ҳолларида ТОПМАЙСАН» !
(Аъроф~16, 17)
Лекин, қачонки, Аллоҳга иқбол қиларкансиз ва Унинг ҳужжатларига ва далилларига қулоқ соларкансиз, қўрқманг ва ғамгин бўлманг:

РОББИМИЗ:
--- «Шубҳасиз, шайтоннинг макри ЗАИФ бўлувчидир» дейди!
(Нисо~ 76)

@Ashabuz

Жаннатнинг соф сув ва шарбат дарёлари хакида эшитганмисиз?
Аллоҳнинг абадий жаннатларига киришимизни барчамизга насиб айласин!

@Ashabuz

Гузал дуо килиб сурашни урганамиз!

• Аллоҳим!
Ёстиғим жойнамоз, уйқум намоз, ҳар нафасим зикр бўлсин!
• Аллоҳим!
Бошимдан оёғимга қадар, ёшлигимдан бугунимга қадар, ҳаётимдан мамотимга қадар барча гуноҳларим учун тавба қилдим!
• Аллоҳим!
Ўлим ҳақдир, Азроил алайҳис саломни менга табассум ила юзлантир!
• Кўзим нурини, ақлим шуурини,  қўл ва оёғим кучини, бутун вужудим қувватини олиб қўйма, Аллоҳим!
• Назарим ибодат, сукутим тафаккур, сўзларим зикр бўлсин!
• Кўз очиб юмгунга қадар бизни ўз нафсимизга ташлаб қўйма, Аллоҳим!
• Ҳар нафасда тилимни зикрдан, қалбимни шукрдан ва ақлимни фикрдан айирма, Аллоҳим!
• Оиламга ёмонлик истаганларга Ўзинг кифоя қил!
• Пасткаш номардлардан бизни узоқ тут!
• Гуноҳлари авф этилган сиддиқлардан бўлишимизни насиб эт!
• Бизни уларнинг суҳбатига, зикр халқаларига восил айла!
• Аллоҳим!
Онадан туғилгандек пок ҳолда Сенга юзланишимиз учун Ўзингга  илтижо қиламиз.
• Бизларни солиҳ қулларингдан айла!
• Амал дафтаримизда савоби тўхтамайдиган амаллардан ёзилишини насиб эт!
• Наъим жаннатинг ворисларидан бўлишимизга Ўзинг кўмак бер!
• Ота-онамни Ўзинг авф эт!
• Устозларимни раҳматингга ноил айла!
• Қабрда юзимни қаро қилиб қўйма, Аллоҳим!
• Бу дунёда ичганимиз зам-зам, у дунёда эса кавсар бўлсин!
• Бу дунёда юрган йўлимиз ҳидоят, у дунёда эса сирот бўлсин!
• Бу дунёдан олганимиз гўзал ахлоқ, у дунёда эса бароат бўлсин!
• Бу дунёда кирган еримиз Маккаю Мадина, у дунёда эса жаннату Аъло бўлсин!
• Бу дунёда зиёратларимиз Байтуллоҳ, равзаи мутоҳҳара, Қуддусу Шариф, Арофат, Мино ва Муздалифа, у дунёда эса Пайғамбарлар мажлиси бўлсин! 
• Бу дунёда назаримиз Каломинг, у дунёда эса  Жамолинг бўлсин!
• Икки дунёда тақво, солиҳ амал ва гўзал ахлоқ ҳамроҳимиз бўлсин!
• Зурриёдларимиздан дунёда кўз-қувонч, охиратда эса иззат тожи олайлик, Аллоҳим!
• Дастурхонимиз илм, суҳбатдошимиз олимлар бўлсин!
• Бу дунёда дўстларимиз ҳақ аҳли ва ғариб-мискинлар, у дунёда эса Пайғамбарлар жамоаси бўлсин!
• Дунёда  иззат билан яшашни, вафотда шаҳодат билан кетишни, қайта тирилишда ҳисобсиз жаннатга киришимизни насиб айла, Аллоҳим!
• Уммати Муҳаммадга иззатини қайтариб бер, қайтариб бер, қайтариб бер, Аллоҳим!
• Ўзинг Қодиру мутлоқсан, Аллоҳим!
• Aмин!
• Aмин!
• Aмин!

@Ashabuz

ТЕЛЕФОНДАГИ АЗОН ҲАҚИҚИЙ АЗОН ЎРНИГА ЎТАДИМИ?


417-CАВОЛ: Намоз вақтида телефондаги азонни эшитиб намоз ўқиса бўладими ёки намозхонни ўзи азон айтиш керакми?

💬 ЖАВОБ: Бисмиллаҳир Роҳманир Роҳийм. Телефонда айтилган азон ҳақиқий азоннинг ўрнини босмайди. Албатта, намозхоннинг ўзи азон айтиши суннатдир. Чунки азон Исломнинг шиорларидан биридир. Азон айтган кишига катта ажр-савоблар ваъда қилинган. Пайғамбаримиз алайҳиссаломдан суннат бўлиб келаётган азон айтиш тартибини Қиёматгача сақлаб қолиш бурчимиздир.

Бу масалада бугунги кундаги нуфузли фатво кенгаши саналмиш "Ислом фиқҳи академияси" шундай фатво берган:

الاكتفاء بإذاعة الأذان في المساجد عند دخول وقت الصلاة بواسطة آلة التسجيل ونحوها لا يجزئ، ولا يجوز في أداء هذه العبادة، ولا يحصل به الأذان المشروع، وأنه يجب على المسلمين مباشرة الأذان لكل وقت من أوقات الصلوات في كل مسجد على ما توراثه المسلمون من عهد نبينا ورسولنا محمد صلى الله عليه وسلم إلى الآن اهـ.

яъни: "Масжидда, намоз вақти кирганда, аудио ва шунга ўхшаган воситалар ёрдамида (ёзиб олинган) азонни қўйиш етарли бўлмайди ва (мазкур азон билан) ибодатни адо қилиш жоиз эмас. Бу билан шариатимиздаги азон ҳосил бўлмайди. Набиййимиз ва Расулимиз саллаллоҳу алайҳи васалламнинг замонларидан ҳозиргача давом этиб келаётган ҳар бир намоз учун алоҳида (жонли) азон айтиш, мусулмонлар зиммасидаги бурчдир". Валлоҳу аълам.

Ўзбекистон мусулмонлари идораси
Фатво ҳайъати.

Амир Олимхоннинг уч угли ва ахли аёл оила аъзоларининг аянчли кисмати. Эшитинг ва ибратланинг!
Аввалинг хор булса булсин, лек охиринг хор булмасин.

@Ashabuz

​​ САЛОВАТЛАР

Соллаллоҳу алайҳи васаллам

Соллаллоҳу алайка я Росулаллоҳ

Аллоҳумма солли аъла Муҳаммад

Аллоҳумма солли аълаа саййидина Муҳаммад

Аллоҳумма солли ва саллим ъалaа ҳабибина Муҳаммад

Аллоҳумма солли ълаа Муҳаммад ва ъалаа аали Муҳаммад иннака
ҳамидум мажид

Аллоҳумма барик ъалаа Муҳаммад ва ъалаа аали Муҳаммад иннака
ҳамидум мажид

Расулуллоҳ соллаллоҳу алайҳи ва саллам айтдилар: «Ким менга бир маротаба саловат айтса, Аллоҳ унга ўн маротаба саловат айтади ва ундан ўнта ҳатони ўчиради.» (Имом Бухорий)

Пайғамбаримиз соллаллоху алайхи васаллам шафоатига энг ҳақли одам у зотга энг кўп салавот айтган кишидир. У зотга салавот айтиш учун энг афзал кун Жумьа кунидир.

Бугун муборак жума кечаси саловатларни купайтириб колайлик азизларим!

@Ashabuz

Aссалому алайкум ва раҳматуллоҳи ва барокатух.

Барча Ислом ахлига 9- Октябр хафтанинг Жума тонги муборак бўлсин.

Соғ–саломат уйғотган Роббимизга хамдлар бўлсин.

Бошланган ЖУМА куни барчамизга хайрли ва баракали бўлсин.

Ушбу кунда Расулуллоҳ соллаллоҳу алайҳи васалламга купрок саловат ва саломларимиз булсин!

Аллохим бизларни киёматда Куръони каримни ва Расули Акрам Муҳаммад Мустафо соллаллоҳу алайҳи васалламни шафоатларидан насиб айласин!
Аллоҳумма солли ва саллим ва барик алайҳи!

@Ashabuz

#намозвақтлари 9-Oктябрь куни ўқиладиган Намоз вақтлари

Тонг : 05:10
Қуёш: 06:24
Пешин: 12:17
Аср: 16:08
Шом: 17:58
Хуфтон: 19:08
(Тошкент вақти билан)

Намоз ракатлари :

Бомдод - 2 ракат суннат, 2 ракат фарз

Пешин - 4 ракат суннат, 4 ракат фарз, 2 ракат суннат.

Аср - 4 ракат фарз

Шом - 3 ракат фарз, 2 ракат суннат

Хуфтон - 4 ракат фарз, 2 ракат суннат

Витр - 3 ракат вожиб.

@Ashabuz

Кун хикмати

Имом Шотибий раҳимаҳуллоҳ: «Намоздан кўзланган мақсадлардан бири - дунёнинг ғам-ташвишлари ва машаққатларидан дам олишдир».
 
@Ashabuz

Аллоҳ таоло сизни қандай қабул қилди?

Бисмиллаҳир Роҳманир Роҳийм

Ҳасан ибн Абу Синан раҳимаҳуллоҳ олтмиш йил давомида ётган ҳолатда ухламаган эканлар, ёғли таомлар истеъмол қилмаган ҳамда совуқ сув ичмаган эканлар. Вафот этганларидан сўнг у зот бир кишининг тушига кирдилар ва у киши: “Аллоҳ таоло сизни қандай қабул қилди?” — деб сўради.

Ҳасан ибн Абу Синан раҳимаҳуллоҳ: “Аллоҳ таоло мени жуда яхши қабул қилди, аммо ҳаётимда бир кишидан игна қарзга олиб, қайтариб бермаган эдим. Шу сабаб жаннатга кира олмаяпман”, деган жавобни бердилар.

@Ashabuz

Ассалому алайкум варахматуллохи ва баракатух.

Азизларим, барчамизни яна бир гўзал тонгга етказган, Раббимизга ҳамду санолар бўлсин!

Эрталаб ўқиладиган дуо

Абдуллоҳ ибн Ғанномдан розияллоҳу анҳудан ривоят қилинади.
Расулуллоҳ соллаллоҳу алайҳи васаллам: «Ким тонг отганида:

«Аллоҳумма ма асбаҳа бий мин ниъматин фаминка ваҳдака ла шарийка лак, лакал ҳамду ва лакаш шукр», деса, кундузнинг шукрини адо қилибди. Ким шу дуони кеч кирганида айтса, кечанинг шукрини адо этибди», дедилар.

Маъноси: Аллоҳим, мен билан тонг оттирган неъматлар Сен томондандир. Сен яккаю ёлғиздирсан, Сенинг шеригинг йўқ. Сенга ҳамд ва шукрлар бўлсин.
Абу Довуд ривояти (ҳадис)

Аллоҳнинг берган неъматлари биздан узилиб қолмасин!
Барчамизга янги кун барокатли, файзли, фойдали ўтсин!

@Ashabuz

#намозвақтлари 10-Oктябрь куни ўқиладиган Намоз вақтлари

Тонг : 05:11
Қуёш: 06:24
Пешин: 12:15
Аср: 16:06
Шом: 17:55
Хуфтон: 19:06
(Тошкент вақти билан)

Намоз ракатлари :

Бомдод - 2 ракат суннат, 2 ракат фарз

Пешин - 4 ракат суннат, 4 ракат фарз, 2 ракат суннат.

Аср - 4 ракат фарз

Шом - 3 ракат фарз, 2 ракат суннат

Хуфтон - 4 ракат фарз, 2 ракат суннат

Витр - 3 ракат вожиб.

@Ashabuz

#МУСТАФО МАҲМУД ДУРДОНАСИ...

   Мен қаридим деган фикрдан сақлан. Тананг фақатгина руҳинг қўйиладиган идишдир. Руҳнинг сочи оқармайди, у қаримайди. Руҳ бошқа оламдандир. У бизнинг оламимизга бирор жиҳатдан ўхшамайди. Унинг моҳиятини фақатгина Аллоҳ билади.
   Аллоҳ таоло айтади:
"Сендан руҳ ҳақида сўрашади. Руҳ Роббимнинг ишидандир. Сизга озгина илм берилди, дегин".

   #Сен руҳингни тананг деворлари ичида ҳибс қилишдан сақлан. Келажакка ишончла боқиш ҳамда орзулар самосида парвоз қил. Босадиган ҳар-бир қадамингда Аллоҳга ишон. Ҳаммага ёрдам бер, муҳаббат бер, ҳамма жойда яхшилик уруғини қада.
   #Мўъмин учун роҳат Роббига йўлиққанидадир. Бизнинг кўпчилигимиз бу иборани нотўғри тушунамиз.
   #Йўлиқиш ўлимдан кейин бўлиши шарт қилинмаган. Илм йўлиқишдир, зикр йўлиқишдир, тафаккур йўлиқишдир, намоз йўлиқишдир, садақа йўлиқишдир, кечаси қоим бўлиш йўлиқишдир, ота-онага яхшилик қилиш йўлиқишдир, қуръон ўқиш йўлиқишдир, силаи-раҳм йўлиқишдир, беморни зиёрат қилиш йўлиқишдир, инсонларга нисбатан одобли бўлиш йўлиқишдир, мусулмонларнинг ғамини аритиш йўлиқишдир...
   #Йўлиқиш фурсатини англай олдикми?
  Аллоҳ таоло айтади:
"Ким Роббига йўлиқишни истаса солиҳ амал қилсин, Роббининг ибодатида ҳеч кимни шерик қилмасин".

@Ashabuz

✨ САМАРҚАНД ВА БУХОРО — ТАРИХ САРИ УНУТИЛМАС САЁҲАТ! 🕌

Ассалому алайкум ва роҳматуллоҳи ва барокатуҳ!

Хайрли тонг!

Умримизнинг яна бир гўзал саҳифасини очиб берган Раббимизга ҳамдлар бўлсин, Алҳамдулиллаҳ!
Бугунги кунингиз хайрли ниятлар, ҳалол ризқ ва қалб хотиржамлигига тўла бўлсин.

Кун ҳикмати:
«Амалларнинг гўзаллиги ниятнинг софлигига боғлиқдир. Ниятингизни гўзал қилинг, шунда ҳаётингиз ҳам гўзаллашади».

Тилимизни тўғри сўзга, қалбимизни самимиятга ошно қилайлик!

Кунингиз файзли ва баракали ўтсин!

@Ashabuz

#намозвақтлари 11-Oктябрь куни ўқиладиган Намоз вақтлари

Тонг : 05:12
Қуёш: 06:25
Пешин: 12:15
Аср: 16:05
Шом: 17:54
Хуфтон: 19:05
(Тошкент вақти билан)

Намоз ракатлари :

Бомдод - 2 ракат суннат, 2 ракат фарз

Пешин - 4 ракат суннат, 4 ракат фарз, 2 ракат суннат.

Аср - 4 ракат фарз

Шом - 3 ракат фарз, 2 ракат суннат

Хуфтон - 4 ракат фарз, 2 ракат суннат

Витр - 3 ракат вожиб.

@Ashabuz

Кун ояти

«Эй иймон келтирган бандаларим, Роббингизга тақво қилинг. Бу дунёда яхшилик қилганларга яхшилик бордир. Аллоҳнинг ери кенгдир. Албатта, сабр қилувчиларга ажрлари ҳисобсиз, тўлиқ берилур».

Зумар сураси 10 оят.

@Ashabuz

Табассум                                                               
Доим табассум қилиб юрадиган кишиларнинг ташвишлари йўқ деб ўйлардим... Кейин билсам, уларда ҳам ташвишлар бор-у, фақат улар ташвишларини елкалари устига олишмас экан, балки оёқлари остида янчиб ўтишар экан.

@Ashabuz

САДАҚАНИНГ ФОЙДАЛАРИ:

1. Фаришталар молинга барака тилаб дуо қиладилар.
2. У сенинг шайтонлар устидан ғалабангдир.
3. У Аллоҳ азза ва жалланинг ғазабини ўчиради.
4. У ҳар бир касалликка даво ва шифодир.
5. У сенинг обрў ва ҳурматингни сақлайди.
6. У сенинг ўлим олди хотимангни гўзал қилади.
7. Садақанг тўсиқ бўлиб сени дўзахдан ҳимоя қилади.
8. У қиёмат куни сенинг соябонингдир.
9. У сенинг мол-мулкингни зиёда қилади.
10. У қалбинг қаттиқлигини юмшатади.
11. Садақа қабр азоби ва оловидан сақлайди.
12. У хато ва гуноҳларингни ўчиради.
13. У садақа берувчидан ва унинг яқинларидан балони даф қилади.

@Ashabuz