Azatlıq Radiosı | Азатлык Радиосы
2.52K subscribers
11.7K photos
1.16K videos
8 files
17.2K links
Татарча хәбәрләр, яңалыклар. Татар-башкорт дөньясы. Ничек бар – шулай.

Русия хакимияте Азатлык Радиосын "теләнмәгән оешма" дип тамгалады. Безгә бу адреска яза аласыз: @azatliqradio. Редакция анонимлыкны гарантияли.
Download Telegram
Башкортстан мөфтие никабка каршы чыкты

Башкортстан мөфтие Айнур Биргалин мөселман хатын-кызларының никабтан йөрүенә үз фикерен белдерде. Бу хакта ул үзенең Telegram каналында язды.

Аныңча, Башкортстанда никабтан йөрүчеләр — сирәк күренеш. Ул андый хатын-кызларны елына бер-ике тапкыр гына күрүен әйтте.

"Никаб күп кешеләрне куркыта, аларны исламнан читләштерә. Бүген никаб исламга һәм мөселманнарга бәйле куркыныч һәм тискәре әйбер белән тәңгәлләштерелә. Ул гына түгел, никаб безнең җирләрдә беркайчан да популяр булмаган. Башкортстанда бу тема турында фикер йөртү популяр һәм актуаль түгел" ди мөфти.


Шул сәбәпле ул Дагыстан мөфтиенең никабны тыю тәкъдимен хуплавын әйтте. "Мөфтиләр һәм имамнар артыннан барырга, аларның карарларын шикаять итмәскә кирәк", дип өстәде ул.

Шул ук вакытта Биргалин Русиядә хиҗаптан йөрергә мөмкин булуын искәртте. Аның сүзләренчә, тышкы төс-кыяфәт кешеләрдә исламга карата уңай фикерләр уятырга тиеш.

▪️Кичә Дагыстан мөфтияте фәтвалар бүлеге карары нигезендә никаб киюне вакытлыча тыйды. Мөфти Ахмад Абдулаев никабны тыю — "төбәктә тулысынча тынычлык урнашканчы" вакытлы чара була алыр иде, дип белдерде.

👉Тулырак Азатлыкта укыгыз, ачылмаса, монда басыгыз.

#Башкортстан
@azatliqradiosi
🤬12😁4👎3🤮3👍2🤡2
🥵☀️ Татарстанда бу көннәрдә челлә. Казанда кимендә 13 кешене эссе бәргән

Атна башыннан Казанда яшәүче 13 кеше эссе бәреп ашыгыч ярдәмгә мөрәҗәгать иткән, дип яза Татарстан сәламәтлек саклау министрлыгына сылтама белән "Бизнес Online".

4-6 июль көннәрендә Татарстанның кайбер районнарында эсселек 37 дәрәҗәгә җитәр дип фаразлана.

Республикада давыл кисәтүе дә игълан ителде. Кисәтү республиканың Гидрометеорология үзәге сайтында чыкты.

Татарстанда эссе коры һава торышы антициклон йогынтысы аркасында урнашты. Синоптиклар фаразынча, 7 июль — якшәмбе көнне һава бераз суыначак: урыны белән яшенле яңгыр булыр дип фаразлана һәм 25-30 градус җылылык көтелә.

Эсседән саклану чараларын истә тотыгыз!

#Татартстан
@azatliqradiosi
👍3❤‍🔥2🤯1🤪1
Хәерле иртә, дуслар! Иртәне кайда, ниләр булганын сөйләүдән башлыйбыз.

🔸 Краснодар краеның Приморско-Ахтарскига дроннар һөҗүме булган. Шуның аркасында алты кеше, шул исәптән ике бала хастаханәгә эләккән. Краснодар крае губернаторының сүзләренә караганда, бер бала һәлак. Шартлаулар Дондагы Ростовта та ишетелгән. Русия саклану министрлыгы ике төбәктә 24 пилотсыз очкычлар бәреп төшерелде дип хисап тотты.

🔸 Новосибирск шәһәрендә 19 яшьлек студент дәүләткә хыянәт итү маддәсе нигезендә хөкем ителгән. Тикшерүчеләр әйтүенчә, егет узган елны тимер юлдагы электрстанцияне яндырган. ФСБ фикеренчә, аның кураторы Украинадан булган.

🔸 "Имин интернет Лигасы" башлыгы Елена Мизулина Русиядә шоумен Александр Гудков тамашасын тыярга чакырды. Мизулина Гудковны Украина гаскәрләренә акча җибәрергә чакыруда гаепләле. Моңа кадәр Гудков тамашасы берничә шәһәрдә булмый калды.

🔸 Британиянең хакимиякттәге фиркасы сайлауларда оттырды. Экзит-полл тавышларына караганда, парламентта күпчелек урынны лейбористлар алачак. Раши Сунак китә, аның урынына Кир Стамер Британиянең яңа премьер-министры була ала, дип яза ВВС.

🔸 Русия кибетләрендә винил пластинкалар бүтән сатылмаячак. Бу Европа Берлеге кабул иткән чикләүләргә бәйле. Русиядә бары тик бер завод кына винил пластинкалар җитештерә.

🔸 Бүген Казанда һава температурасы 37 градуска кадәр җитәчәк.

🔸 Уфада төнлә мэрия каршындагы чыршыларны кискәннәр. Социаль челтәрләрдә "Ник мэрия халык белән фикерләшми ул?" дип зарлана. Чыршылар Советлар Берлеге вакытыннан бирле утырган.

Менә шундый яңалыклар. Бүген дә көн дәвамында бергә булыйк!
👍3🔥2✍1
Уфадан Грузиянең Батуми шәһәренә туры очышлар башланды.

Моны Red Wings авиакомпаниясе башкара. Уфа-Батуми рейсы Һәр атнаның пәнҗешәмбесендә оештырылачак. Батуми-Уфа рейсы да шул ук көнне башкарылачак.

Кара диңгез ярына йөз кешене сыйдырган Sukhoi Superjet 100 очкычы очачак.

Уфадан Грузиянең башкаласы Тбилисига да атна саен бер рейс башкарыла.
👍7❤2👎2
Прокуратура Уфада яшәүче сәясәт белгече Андрей Потылицынны ят агент дип игълан итүне сорый.

Башкортстан прокуратурасы Уфада яшәүче сәясәт белгече, блогер Андрей Потылицынның сөйләгәннәрендә "дәүләт хакимияте оешмаларының вазифаи затларын мыскыл итүче һәм тискәре сүзләр" тапкан. Бу хакта Башкортстан прокуроры Игорь Патюшинның хатына сылтама белән "Коммерсантъ" җиткерә.

Басма язуынча, Русия думасы депутаты Виталий Милонов май аенда Потылицынны тикшерүне сораган.

Прокуратура Милоновка җавап хатында бөтен материаллар да хокукый бәяләмә бирү өчен Русия тикшерү комитетына юллады дип язган.

Шулай ук прокурор әйтүенчә, Андрей Потылицыннны "ят агент" дип тану мөмкинлеген карау өчен Росфинмониторингка, Башкортстан ФСБсына һәм эчке эшләр министрлыгына мөрәҗәгатьләр җибәрелгән.

Тулырак 👉 монда.

Фото Потылицинның Вконтакте битеннән алынды.
🤬7🙏2
УЕФА Төркия җыелма такымының Мериһ Демиралны дисквалификацияләде

Төркия футболчысы Австриягә каршы уйнаганда төрек милләтчеләренең кул ишарәсен — "күк бүре"не күрсәткәне өчен, ике матчта уйнамаячак. Бу - УЕФА карары.

Австриягә каршы 1/8 финал матчында уйнаганда ике гол кертеп матч каһарманы булган Демирал, әгәр такымы финалга уза алса, бары тик финалда гына уйнаячак.

6 июль, шимбә көнне исә Төркия чирек финалда Нидерландка каршы уйнаячак.

Тулырак монда яздык.
🤬5🤡5👍3
Башкортстан Югары мәхкәмәсе Cибайда яшәүче 23 яшьлек егетне 15 елга ирегеннән мәхрүм иткән

Егетне дәүләткә хыянәттә һәм диверсиядә гаепле дип тапканнар. Җәза мөддәтенең беренче өч елын ул төрмәдә, калганын кырыс тәртипле колониядә үткәрәчәк.

Куәт оешмалары вәкилләре ышандыруынча, ул "Украина хәрби күзләвеннән бирем алган" һәм "2022 елның мартыннан 2023 елның мартына кадәр үзенең танышларын" Украина ягында сугышучы "Русия азатлыгы" легионына җәлеп итмәкче булган. 2023 елда ул тимер юлдагы реле шкафына яна торган сыекча сипкән, нәтиҗәдә җиһаз сафтан чыккан диелә.

▶️ Кем бу егет? ▶️ Моннан кереп укыгыз.
🤬5🙏2🔥1
Атом һөҗүмен ничә кеше хуплый?

"Левада" үзәге июнь аенда сораштыру уздырган һәм атом һөҗүме турында белешкән. Нәтиҗәдә русияләрнең өчтән береннән артыгы Украинага атом һөҗүмен хуплар иде дип җавап биргән.

Сораштыруда катнашканнарның 10 проценты сугышта атом коралы куллануны "һичшиксез" хуплый, 24 проценты аны "мөгаен урынлы булыр" дип саный. Шул ук вакытта сораштырылганнарның күпчелеге әле дә атом коралы куллануга каршы, андыйлар 52 процент.

➡️ Хәбәрне тулырак укыгыз. Бусы ➡️ VPNсыз ача торган сылтама.
🤯5✍1
Казан һава аланында очкыч белән эткеч машина бәрелешкән

"Аэрофлот" һава ширкәтенең очкычы SU794 рейсы белән Анталиягә очып китәргә тиеш булган.

Хәзер очыш резервтагы очкыч белән башкарылачак.

👉Тулырак Азатлыкта укыгыз. 👉Ачылмаса, монда басыгыз.
👏5🔥3😢1
Британия сайлауларында лейбористлар җиңде. Риши Сунак вазифасыннан китте

Британиядә 19 ел эчендә беренче тапкыр парламент сайлауларында Лейборист фиркасе җиңде, ул урыннарның яртысыннан артыграгын алды. Консерваторлар тарихта иң әз урыннарны биләячәк.

Британия премьер-министры һәм консерваторлар лидеры Риши Сунак вазифасыннан китте. Яңа премьер - лейбористлар лидеры Кир Стармер.

Кир Стармер үзенең җиңү чыгышында илдә кабат "өмет уты балкый" диде. Ул "дәүләт яңарышы чоры" вәгъдә итте һәм үзгәрешләр "хәзер башлана" диде.

👉Тулырак Азатлыкта укыгыз.
👉Ачылмаса, монда басыгыз.
🔥2🤔2🤡2👍1
Татарстандагы җәйге аланда балаларны гаскәрдәге тормышка өйрәтәләр

Украинадагы сугыштан кайткан хәрбиләр һәм "Сугышчан кардәшлек" дип аталган сугыш хәрәкәтләре ветераннары иҗтимагый оешмасы вәкилләре Татарстанның Түбән Кама шәһәре янындагы "Аҗаган" ("Зарница") җәйге аланында ял итүче балаларны тәрбияли башлаган.

Балаларга корал күрсәтәләр, атарга һәм "яралы иптәшенә" жгут салырга, гаскәр кул көрәше алып барырга, сафта атлап йөрергә өйрәтәләр. Шулай ук һава-десант әзерлеге дә бар.

▪️Русия Украинада сугыш башлаганнан соң, мәктәпләрдә хәрби әзерлек дәресләре яңартылды, мәктәпләргә сугышта катнашкан кешеләрне эшкә ала башладылар. "Алабуга" икътисади мәйданында урнашкан көллият студентларын дрон җыюга да җәлеп итүләре мәгълүм булды.

👉Тулырак Азатлыкта укыгыз.
👉Ачылмаса, монда басыгыз.
💩8👎7👍2🤔1🤬1
Никабны тыю: Дагыстан мөфтие вакытлы чара ди, Дума депутатлары канун әзерли

Русиядә никабны тыю турындагы сүзләр яздан бирле дәвам итә. Кайбер чыганаклар белдерүенчә, Мәскәү тыюны Татарстаннан башларга тәкъдим иткән, әмма республикада ризалашмаганнар. Шуннан бу эшне Дагыстанга йөкләгәннәр.

Азатлык бу уңайдан төрле фикерләрне барлап чыкты. Каршылар да, тыюны хуплаучылар да бар. Мәсәлән, хатын-кызларның шактые никабтан йөрүче гарәп илләренең берсендә яшәп кайткан Рамил (исеме үзгәртелде) Русиядә мөслимәләргә никабтан йөрү бик үк имин түгел, әмма һәр кешенең теләгәнчә киенергә хокукы булырга тиеш дип саный.

"Дөресен генә әйткәндә Русиядә никабтан йөрүчеләрне аңлап бетермим, чөнки бу җәмгыятьтә сәер һәм куркыныч күренә, андыйларга усал итеп карый башлыйлар. Болай да мөселманнарга бәйләнеп торалар, нигә тагын котыртырга. Ләкин бит кеше ирекле. Әгәр хатын-кыз никабны вәҗиб (тиешле) дип саный һәм аны кимәүне гөнаһ дип белсә, минем дәлилләремнең мәгънәсе калмый. Вәҗиб булгач үтисе. Намазны тиеш булгач теләсә кайда басып укыйбыз бит. Башка кешедә нәрсәдер ошамаска мөмкин, әмма аның өчен генә тыю дөрес түгел. Аҗдаһаның аппетиты басылмый, арта гына. Ялангач йөрергә ярагач, йөзне каплап та йөрергә рөхсәт ителсен.

Мин элек Татарстан гына Мәскәү түрәләренә ярарга тырыша дип саный идем, бу юлы Дагыстан уздырды
", ди ул.

Мәкаләне Азатлыкта укыгыз:
👉Төп сайтта.
👉Көзге сылтама.
👍7👎7🤯4💩2😁1🤔1🤬1
Акмәчеттә әләктән соң ике мөселман мәктәбен япканнар

Анда янәсе хокук бозулар ачыклаганнар, Русиядә тыелган әдәбият тапканнар. Мәктәпләрне Русияне хуплаучы кырымтатар активисты Эйваз Умеровның әләгеннән соң япканнар диелә.

ТАСС бу мәктәпләр "Таврида мөфтияте"нә карый дип яза. "Акмәчеттә Украина яклы мөселман оешмасы - "Таврида мөфтиятенең" ике канунсыз ислам мәктәбе ябылган. "Таврида мөфтияте" оешмасының тарафдарлары балалар аша аларның ата-аналарының башын бутамакчы булган", дип язды медиа.

▪️Украинада тыныч гомер кичергән мөселманнар Русия Кырымны басып алганнан бирле куркуда яши. Кырымтатарларны мәхкәмәләрдә яклаучы адвокат Эмиль Курбединов әйтүенчә, 2014 елдан бирле аларның адвокатлар төркеменә 130дан артык мөселман яклау сорап мөрәҗәгать иткән.

👉Тулырак Азатлыкта укыгыз.
👉Ачылмаса, монда басыгыз.
🤬16😢3🙏2👍1
Юстиция министрлыгыннан яңа "ят агентлар":

🔸юрист Григорий Вайпан;

🔸журналист Олеся Герасименко;

🔸журналист Сергей Ежов;

🔸Петербур депутаты Сергей Трошин;

🔸Петербур депутаты Федор Уткин.
Please open Telegram to view this post
VIEW IN TELEGRAM
🔥2🤬2🤔1
Хәерле иртә, хөрмәтле укучыларыбыз! Бүген 6 июль, шимбә, әлеге сәгатькә булган кайбер хәбәрләрне барлыйк:

🔸Иранда узган президент сайлауның икенче турында реформист Масуд Пезешкиян җиңгән. Косерватор Сәед Җәлили икенче урында.

🔸Краснодар краеның өч районына дроннар һөҗүм иткән. Ейскида кәрәзле элемтә манарасына зыян килгән, тагын ике районда нефть базалары яна.

🔸Словакия премьер-министры Роберт Фицо кичә кеше арасына чыккан, Изге Кирилл һәм Мефодий көненә багышланган кичәдә чыгыш ясаган. Фицога атканнар иде, ул хастаханәдә ятты.

🔸АКШ президенты Джо Байден сайлау ярышыннан "Аллаһ кушса гына" төшеп калам дигән.

🔸Бүген Йошкар-Олада федераль Сабантуй уза.
🔥3✍2❤1🤔1
Азатлык YouTube: "Туфан җитми, җәмәгать!"

Азатлык YouTube-нда бу атнада никабны тыю, Туфан Миңнуллиның "Татарның әхлак кодексы", Казанны яулаганда һәлак булган Явыз Иван сугышчыларына һәйкәлне төзекләндерү турында сөйләштеләр.

"Туфан җитми, җәмәгать. Бүгенге галәмәтләргә. Туфаннарны кайтарсаң иде, билләһи ни әйтерләр иде икән. Сүзсез калырлар иде микән? Үз заманнары белән чагыштырып. Әле монысы башы гына булган икән диярләр иде микән?.." дигән бер укучы "Татарның әхлак кодексының" бер фикеренә карата.

Тулырак Азатлыкта укыгыз:
👉Төп сайтта.
👉Көзге сылтама аша.
🔥8👍2❤1
"Аэрофлот" 7 июльдә Мәскәүдән Казан, Махачкала, Пермь, Самар, Мурмански һәм Волгоградка рейсларны башкармаячак.

Мәскәүдә көчле җил һәм яңгыр булу сәбәпле, Шереметьево һава аланына очкычлар утыра алмады, зур чиратлар барлыкка килде.

Шереметьевода бүген 30дан артык очыш күчерелгән.

Моннан тыш, "Аэрофлот" ширкәтендә бортларда эшләүчеләр кытлыгы барлыкка килүе турында да әйтелә.
😱3🤣2👍1🔥1😢1
Татарда техно-музыка бармы? Taraf төркеменең "Икенче" дип аталган яңа альбомына кергән җырларны техно жанрына кертергә мөмкиндер.

"Музыка с переводом" телеграм-каналы аны "шомлы техно" дип атады.

Монда без күнеккән куплетлар һәм кушымталар юк, ә сүзләр буларак мессенджерларда җибәрелгән тавышлы хәбәрләр, радиоэфирларда яңгыраган өзекләр (мәсәлән, "Саба дулкыннары"нда), ишек шыгырдавы һәм башка төрле сэмпллар кулланылган.

Музыкантлар үзләре дә бу альбомны "икенче төрле" дип атый. "Без дә икенче, дөнья да икенче. Еш кына аның рәхәт түгеллеген сизеп, төкәнмәскә иде" ди алар.

Беренче җыентыкларында инди-поп стилендә җырлар чыккан иде.

Taraf төркеме ике кешедән тора. Аларның берсе - Булат Шәйми - блогер, тел активисты, Германиядә яши. Икенче катнашучысы - Нияз Мөбәрәкҗан - Татарстанда. Ул "Ядәч" фильмында да катнашты. Бу фильмда Taraf музыкасы да яңгырады.
❤11🔥2👍1🤔1
Duolingo кушымтасына башкорт телен өстәүне сорыйлар

Change.org петицияләр сайтында Duolingo телләр өйрәнү мобиль кушымтасына башкорт телен дә кертүне сораган мөрәҗәгать чыкты.

"Башкорт телендә сөйләшүчеләр саны елдан-ел кими бара, чөнки кешеләргә өйрәтүче юк. Duolingo башкортча сөйләшүчеләр санын арттырырга ярдәм итәр дип ышанабыз" дигән мөрәҗәгать авторы.

Хәзерге вакытка Duolingo кушымтасына башкорт телен өстәүне сораган мөрәҗәгать астында 350гә якын имза бар.

Былтыр декабрьдә Change халыкара петицияләр платформасында шул ук Duolingo кушымтасына татар телен өстәүне сораган петиция барлыкка килгән иде. Аның нәтиҗәсе әлегә юк.

👉Тулырак Азатлыкта укыгыз. 👉Ачылмаса, монда басыгыз.
👍9🥴3🫡1