Қарағанды облысы дене шынықтыру және спорт басқармасының басшысы, бокстан Олимпиада чемпионы Серік Сәпиев қызметінен босатылды. Бұл шешім шенеунік өз орынбасары, самбодан Азия және әлем чемпионаттарының жүлдегері Дәурен Есімхановпен төбелескеннен кейін қабылданды.

Сол сияқты Дәурен Есімханов та басқармадағы қызметінен босатылды.

Басқарма басшысы қызметінен кеткен Сәпиев Туризм және спорт министрінің штаттан тыс кеңесшісі болып тағайындалды.

21 қаңтарда Сәпиев пен Есімханов өзара жанжалдасып қалып, оның аяғы қақтығысқа ұласқан. Екеуі кейінірек жанжалға байланысты пікір білдірген, оны мына сілтемеден оқыңыз

Аязды түндегі шабуыл, метроға тығылған тұрғындар | Соғыс жаңалықтары

Ресей зымырандары мен дрондары Киев пен басқа қалаларды нысанаға алды. Ауа райы түнде -25°C-қа дейін төмендеп, жүздеген тұрғын метро станцияларын паналады. Ал АҚШ президенті Дональд Трамп бейбіт келіссөзден жақсыжаңалық күтіп отыр.

Өзбекстан экстрадициясын талап еткен қарақалпақ белсендісі Жұманиязов Қазақстаннан кетті

Өзбекстан экстрадициясын талап еткен қарақалпақ белсендісі Расул Жұманиязов Қазақстаннан Батыс елдерінің біріне кетті. Бұл туралы Қазақстандағы адам құқықтары бюросы хабарлады.

Бюроның ақпаратынша, Жұманиязов Батыс елдерінің бірімен келісімнің арқасында Қазақстаннан шығып кеткен.

Өзбекстанда іздеу жариялануына байланысты Жұманиязов 2024 жылы наурызда Астанада ұсталған. Ол бір жыл қамауда отырып, 2025 жылы наурызда босап шықты. Ол Өзбекстанда арнайы қызметтің қудалауына байланысты Қазақстанға 2022 жылы наурызда өткен. Түркімендік Хельсинки қорының хабарлауынша, Өзбекстанда оған "қоғамдық тәртіп пен қоғам қауіпсіздігіне қатер төндіретін материалдарды әзірлеу, сақтау, тарату және көрсету" бабы бойынша айып тағылған.

Расул Жұманиязов – Өзбекстаннан Қазақстанға қашқан қарақалпақ белсендісінің бірі. Бұған дейін Жангелді Жақсымбетов, Зиуар Мирманбетова, Раиса Құдайбергенова, Тілеубике Юлдашева Қазақстаннан АҚШ-қа кеткен. Тағы бір белсенді Қошқарбай Төремұратовқа Польша босқын мәртебесін берген. Тағы бір белсенді Ақылбек Мұратбай да Қазақстаннан кеткен. Бұл белсенділердің бәрі Қазақстаннан босқын мәртебесін сұрап, ала алмаған.

Жаңа Конституция жобасы жайлы сіз не ойлайсыз?

🚢 Иран кемелері Ормуз бұғазында АҚШ танкерін ұстамақ болды

Иранның қарулы алты кемесі 3 ақпанда таңертең Ормуз бұғазы арқылы Оманның солтүстігіне қарай бағыт алған АҚШ туымен жүрген танкерге жақындады. Бұл жөнінде дереккөздерге сүйенген Reuters және The Wall Street Journal жазды.

Басылымның жазуынша, Иран әскері экипаждан қозғалтқышты өшіруді талап етіп, танкерге кірмек болған. Алайда танкер жылдамдықты көбейтіп, жылжи берген. Кейін танкерге АҚШ әскери кемесі барып, қолдау көрсеткен.

Алматыда жаңа Конституция жобасына қатысты жиын өтпей қалды, спикерлердің бірі ұсталды

4 ақпанда Алматыда Адам құқығын қорғау бюросында өтуі тиіс болған жаңа Конституция жобасына қатысты баспасөз мәслихаты өтпей қалды. Оған қатысушылардың бірі Жарқын Күрентаевты полиция ұстап, “әңгіме жүргізуге” алып кетті деп хабарлады құқық қорғаушы Андрей Гришин.

Қазір Күрентаевтың нөмірі сөндірулі тұр.

Азаттық Алматы полициясынан жауап алуға тырысып жатыр.

Саясаттанушы Дос Көшім жоба халықпен талқыланып, дайындалған жоқ деді. Спикерлердің бірінің ұсталуына билікті кінәлап, осындай шара өткізгенімізге қарсы болып отыр деді

"Мұндай маңызды өзгеріс үш кезеңнен өтуі керек. Алғашқы кезеңін көрген жоқпыз" деді Дос Көшім.

Конституцияда билік тармақтарының арақатынасы қалай өзгереді? Қазіргі Конституция мен ұсынылған жаңа жобаны салыстырып көрейік.

Қатты аяз бен Ресейдің үздіксіз шабуылдарына қарамастан, Одессада бір диджей атқан күнді Қара теңіз жағасында қарсы алып, жылу мен жарықсыз қалған жұртты қолдап сет орындады. Оны қала тұрғындары қолдап, билеп, бір жылынып алды.

Ұсталған белсенді, тіл дауы, академиктің сыны – AzatNEWS| 04.02.2026

Конституциядағы тіл бабына қатысты Алматыда жиын өткізбек болған қоғам белсендісін полиция ұстады. | Жобада «орыс тілі қазақ тілімен тең қолданылады» деген 9-баптың 2-тармағы жөнінде партиялардың ұстанымы қандай? | Жаңа жобаны қолдау акциясын билік қолдан ұйымдастырып отыр ма?