🥇⛸Милан-Кортина қысқы олимпиада ойындарында Қазақстан бір алтын медальмен жалпы есепте 19-орын алды.

Олимпиада алдында жанкүйерлер де, спорт шенеуніктері де жүлдеден көп үміт күтпеген. Шорт-трек, коньки және мәнерлеп сырғанаудан бір қола болып қалар деген сөздер айтылған.

Ал олимпиадада чемпион атанған мәнерлеп сырғанаушы Михаил Шайдоров Италиядағы ойындардың сенсациясына айналды. Дегенмен Азаттық сөйлескен сарапшылар қысы қатты Қазақстанның мүмкіндігі бір алтыннан да жоғары болуы тиіс деп санайды.

Олимпиада чемпионы Михаил Шайдоров дайындығына 263,4 млн теңге (529 мың доллар) бөлінгені туралы ақпараттың тарап кеткені "ыңғайсыз жағдайға қалдырғанын" айтты.

Tengrinews айтына берген сұхбатында ол "Меніңше, бұл мені спортшы және адам ретінде сыйламау. Қазір министрлік алтын медальға чек ұсынғандай болып тұр ма? Бұлай болмауға тиіс. Мен барлық ақшаны тек жаттығуға жұмсадым. Бұған күмән болмау керек" деді.

Бүған дейін спорт және туризм министрлігі Шайдоровтың 2025 жылғы дайындығына 263,4 млн теңге жұмсалғанын мәлімдеген. Бүған қоса, Шайдоров 2025 жылы 34 млн теңгедей жалақы алғаны, ал жеке бапкері Алексей Урмановқа 26 млн теңге, хореграфы Иван Региниге 23 млн теңге төленгені айтылған.

Мәнерлеп сырғанаушы олимпиадада алтын алған сәтте желіде "бірнеше жыл бұрын министрлік Шайдоровқа көмектеспегені, спортшы өз ақшасына жаттыққаны жайлы" сөз тараған. "Шайдоровқа кезінде көмек көрсетілмеді" деген сөз шығып жатқан тұста министрлік спортшының дайындығына қанша қаржы кеткені туралы ақпаратты жариялады.

Мұғалімді тергеу, шаштаразды ұстау. Референдум қарсаңындағы қудалау

Конституция жобасын ашық сынаған Астана тұрғыны 15 тәулікке қамалды. Қантемір Алмышевті полиция «ұсақ бұзақылық» жасады деп тапқан. Желіде референдумға ақылмен бойкот жасау туралы жазбаны бөліскен мұғалім әрі тәуелсіз бақылаушы Серік Марксұлын прокурор әңгімеге шақырған. Прокурор оның саяси көзқарасын сұраған. Жаңа Конституция туралы азаматтар пікірін сұрағандар заң бұзды деп танылып, айыппұл арқалап жатыр. Ел пікірін білу құқығы жеті ұйымға берілген.

🔗КӨРУ

t.me/azattyq

Ресейдің Санкт-Петербург қаласында өзбекстандық мигрант Хайрулло Ибадуллаев жетінші қабаттан құлаған баланы құтқарып қалды. Екеуі де жарақат алған, бірақ бала аман.

Адвокат: Қазақстан Жоғарғы соты Мовлаевты экстрадициялауды тоқтатты

Қазақстан Жоғарғы соты шешен азаматы Мансур Мовлаевты оның босқын мәртебесіне қатысты шағымы қайта қаралғанға дейін экстрадициялауды тоқтатты. Бұл жөнінде адвокат Мұрат Адам хабарлады.

Қаңтар айында Қазақстан бас прокуратурасы Мансур Мовлаевты экстрадициялау туралы Ресейдің өтінішін қанағаттандырған еді.

Осы аптада БҰҰ Адам құқығы комитеті Мовлаевтың шағымын тіркеп, Қазақстан билігін оның шағымын комитет қарағанға дейін экстрадицияламауға шақырған.

Аштық ұстаған Жыланбаев, үндеу айтқан әртістер — AzatNEWS | 24.02.2026

🔍 Түрмедегі белсенді, марафоншы Марат Жыланбаевтың аштық ұстап отырғаны хабарланды. «Саяси тұтқын» деп танылған азаматтың халінен хабар бар ма?

🔍 Жұлдыздар елді жаппай референдумға шақырып, жаңа Конституцияны қолдап жатыр. Бұл биліктің бұйрығы ма, олардың жеке пікірі ме?

🔍 «Қазақстан билігі жаңа Конституцияны қабылдағанда асығып отырған жоқ, мұның бәрі алдын ала жоспарланып қойған» дейді саясаттанушы.

Зеленский бункерден үндеу жасады. Соғыстың 4 жылы

Ресейдің Украинаға басып кіргеніне тура төрт жыл болды. Украина халқы қаза тапқандарды бір минут үнсіздікпен еске алды. Ал ел президенті Владимир Зеленский соғыстың алғашқы күндерінде өзі маңызды шешімдер қабылдаған бункерден үндеу жасады.