#поразава #гара_цэгла #sacral_dominium
Скончым поразаўскія прыгоды, так бы мовіць, на прыемнай ноце. Акрамя былых бальнічных інтэр'ераў, захаваліся больш старыя маўклівыя сведкі гісторыі палацу. Галандскія печы, вінтажныя дзверцы і незаўважныя цвічкі-гачкі.

Пасля мінулага допісу ў пэўных чытачоў зʼявілася справядлівае пытанне: а як атрымалася трапіць унутр? Палац жа надзейна зачынены.
Адразу папярэджу – гісторыя сумная, вандальнага ўзлому не было. А была выпадковая сустрэча. Ужо пасля агляду і шпацыру па парку пабачыў, як высветлілася, наглядчыка за сядзібай. А пры сядзібе ёсць пчальнік. І ёсць паслуга «набудзь мядку і атрымай ня толькі літр смачнага, але і экскурсію ў палац». Дарэчы, мёд той яшчэ не даеў, пару лыжак засталося.