Днямі наведаў “ордаўскія” мясціны. Горад Янаў/Іванава і радзіму мастака Напалеона Орды - вёску Варацэвічы. Атрымалася гэткае паломніцтва, якое, на жаль, не прынесла тых узнёслых хваляванняў пілігрыма, які змог дакрануцца да святыні. Начны пераезд, дрэнны сон, гадзіны чаканняў у адным месцы, недахоп часу ў іншым уступілі ў дысананс з атрыманым кантэнтам.
Я, вядома, не аб чым не шкадую. Але выказаць вялікіх захапленняў і параіць паўтарыць досвед - не. Ва ўсякім разе ў маім цягнікова-аўтобусным фармаце.
Каля Варацэвічаў была сядзіба Ордаў, а зараз музей. Вельмі сціпла, невыразна. Хоць будынак палацу цікавы, але ж вакол яго выродлівая агароджа. Квіток 6 рублёў. Падаецца, грошы сціплыя. Але з улікам рынку беларускіх музеяў, неяк зашмат. У вёсцы ёсць яшчэ асобны музей і галерэя (па 3 р. за кожнае), але ні часу, ні жадання ісці ўжо неяк не было. З'явілася адчуванне, што выявы на янаўскім вакзале лепш прэзентуюць Напалеона Орду, чым палац-музей.
Але, як казаў вышэй, ніякіх шкадаванняў, хутчэй вялізная стома. Ня памятаю, якое падарожжа яшчэ з'ела столькі сілаў. Хаця здавалася б... Ёсць новая ачыўка, досвед, пайшоў рабіць новыя паметкі на мапе.
#янаў #варацэвічы