#добруш #sacral_urban
З'яўленне ў Добрушы сур'ёзнага прадпрыемства заканамерна прыцягнула за сабою стварэнне рознай прыемнай інфраструктуры: лякарні, школы, пажарныя каманды, фабрычны аркестр, тэлефонная сувязь і канешне жытло для працаўнікоў фабрыкі. Сёння назіраем узор такой камяніцы. Зараз там месцяцца разнастайныя офісы і крамы, а мо і нехта жыве (у сэнсе "мо"? Вунь дыван сохне!). Пагадзіцеся, выглядае самавіта. Нават вежа ёсць. Вось дзе "наш дом - наша фартэцыя".

Дакладна ня ведаю, калі камяніцу пабудавалі, але мяркую, не пазней Першай сусветнай.
Ёсць і стогадовы здымак будынку.

Дарэчы, 1880-я ў Добрушы з'явілася чыгунка да Гомеля, а пазней дацягнулася да Бранску. То было часткай сеткі так званых Палескіх чыгунак. Ну ўсе ўмовы, каб ператварыць Добруш у беларускі Сінгапур! Атрымалася? Ну-у... ня буду спайлярыць.

Калі пра нешта напісалі артыкул у Вікіпедыі, то адразу бачна - рэч вартая🧐
Пра мяне, напрыклад, артыкула няма (хаця я не правяраў), не дарос, не заслужыў, сам не напісаў.
А вось пра добрушскі аўтобус (жадаецца дадаць "легендарны") такі артыкул ёсць. Гэта нічога, што ён амаль цалкам улез на скрын смартфона. Усё адно жадаецца зараўці "Я засняў, я засняў!"
Бачыце, ад допісаў пра "першае" раптоўна скокнулі да "адзінага".

Трошкі пабажавільнічаў і хопіць. Хутка вернемся да сур'ёзных спраў🤨
#добруш #sacral_urban

#добруш #sacral_museum
Фінальны добрушскі бос і чарговы прыклад інфраструктурных прыемнасцяў ад з'яўлення буйной фабрыкі - эклектычны будынак школы для дзяцей працоўных (дзяцей, чыі бацькі працуюць, а не дзяцей-рабочых☝️). Зараз у будынку месціцца краязнаўчы музей, а будынак месціцца на вуліцы князя Паскевіча. Тут жа побач стаіць яго бюст. Справядлівае ўшанаванне памяці гэтага чалавека. Але дзіўна, што ў горадзе няма вуліцы ці завулка імя Антона Стульгінскага, бо менавіта гэты інжынер з Ковеншчыны, які пачаў сваю працу кіраўніка ў 1877 годзе, ператварыў Добруш у сталіцу папяровай вытворчасці Беларусі, праз што ў горада з'явіліся грошы на ўсе тыя сацыяльныя праекты. Менавіта ён прасунуў ідэю, што адпачыўшы, здаровы і задаволены рабочы лепш працуе.
Хаця б у самім музеі можна знайсці пра яго згадкі. А вось пра першую электрастанцыю ў Беларусі НІХАЛЕРЫ НЯМА! Як падумаю, ажно перакручвае. Але музей неблагі.
Ну добра, адразу за будынкам сціплая аўтастанцыя. Гэта было цікава. Скок у маршрутку да Гомеля.

#гомель #sacral_urban
Кожнаму гораду свой "чырвоны дворык" (чаму двукоссе? Ён жа літаральна чырвоны🤔)!
Згодныя?
У працяг тэмы цаглянага стылю.