#ялізава #sacral_urban
Просценькія замалёўкі, дзе сканчаўся водны маршрут ля вёскі Вуглата і трэ было правесці апошні рывок пешшу да чыгункі ў Ялізава. Было б больш часу і сілаў, верагодна, гэты працоўны пасёлак меў бы шанец больш яскрава паказаць свой фота-патэнцыял... О, а вось і дызель!

Прапаную пачаць гэты панядзелак (якое пачаць? Палова дня ўжо прайшла)... працягнуць гэты дзень марозным чыгуначна-індустрыяльным краявідам. Ну хіба не прыгажосць?
#sacral_industrial

#гомель #sacral_museum
Па-першае, калі ўзнікла пытанне (а яно сапраўды ўзнікла ў пэўных чытачоў), то папярэдні допіс быў вось з гэтага самага горада☝️ Ага, чарговы раз.
Па-другое, той самы горад – рэкардсмен па колькасці прысвечаных яму допісаў. Але дзіўна, што тут не было фотак з галоўнага гомельскага сімвалу – палацава-паркавага комплексу Паскевічаў. Пры тым, што наведаны ён быў даволі даўно.
Але сёння добрыя навіны, прыйшоў час выправіць абуральную несправядлівасць: прывёз новых, зусім свежых здымкаў з самых вантробаў. З галоўнага музею горада.