Трэба ўжо знайсці час і перарваць гэтую цішыню, бо неяк зусім сумна атрымліваецца. А сумаваць ёсць па чым: вымушаны прызнацца, што ўсю зіму прасядзеў дома. У сэнсе, не ладзіў адмысловых кантэнтаграфічных вандровак.
Але спадзяюся, хутка ўсё вернецца ў патрэбнае рэчышча і агулам, яшчэ ёсць, што прапанаваць чытачам.
Вось, ужо далучаю замалёўкі з апошніх выходных. З вітаннямі тым, хто дачакаўся і тым, хто нядаўна завітаў😉 Працяг будзе.

#поразава #sacral_orthodox
Раптоўна, пачынаем сераду з праваслаўнай царквы ў старажытным мястэчку ў Гарадзенскай вобласці.
Царква носіць імя ў гонар сьвятой Тройцы і пабудаваная ў другой палове ХІХ ст. А мястэчка завецца Поразава (ці Поразаў), некалі мела гонар карыстацца Магдэбургскім правам, але пра гэта потым.
Добрага ранку, спадарства!

#поразава #sacral_catholic #sacral_graveyard
Сёння шпацыр па могілках. Чарговы і доўгачаканы. Напэўна, варта тут затрымацца і паразглядаць высокую (як тыя крыжы) культуру чалавечай памяці. Працяг будзе, але пакуль спыніцеся і пасузірайце.

#sacral_data
У гэты дзень 1875 году памёр, народжаны ў Горадні мастак-баталіст, Януар Сухадольскі.
А гэта значыць, нагода згадаць стары допіс пра яго, згадаць музей у гомельскім палацы і згадаць нагоду, каб яго наведаць: менавіта там можна пабачыць пэўныя яго творы.
Напрыклад:
▫️Ахалціхская бітва 1828 году;
▫️Здача фартэцыі Абас-Абады;
▫️Здача фартэцыі Эрзурум.