Oʻzi yagona oʻquv dasturi mavjud boʻlmagan vazirlik yagona markazlashgan baholash haqida gapirishi, mezonlarga asoslangan baholash joriy qilamiz deyishi kulgili. Qotib-qotib, qorinni ushlab, ichaklar ogʻrib qolguncha kulishli vaziyat bu.

P.S. uzr, oxirgi bir necha postda hissiyot koʻpayib ketdi, ammo ularga ilmiy yoki ommabop gapirganimizda ham hech narsa oʻzgarmayapti-ku

@birgap

Yoz oʻtdi, kuz oʻtdi, qish yetib keldi.
Boʻralab-boʻralab yogʻar oppoq qor.
Ayt erkam, nimaga qoshing chimirildi,
Koʻzlaring nimani qoʻmsar intizor.


Kim eslaydi? Yoshlikda maktabda eshitmagan odam boʻlmasa kerak.

@birgap

Ajoyib sovgʻa uchun Dinara Muminova hamda "Akademnashr"ga rahmat!

Kitoblar haqida alohida yozaman.

@birgap

🎬 ”Ron Klark hikoyasi” filmini koʻrganlar bormi?

Bu safar oʻsha filmdagi Ron Klarkning (film haqiqiy Ron Klarkning hayotidan olingan) “The essential 55” kitobiga sharh tayyorladik.

Kitobdagi qoidalarni qoʻllash orqali oʻquvchilar orasidagi janjallar, kamsitilishlar, darsdagi va darsdan tashqari tartibsizliklarning oldini olishingiz mumkin.

Uning muhimligi ham shunda: faqat akademik emas, hayotiy muammolarni ham yechishga yordam beradi.

Oʻzbekcha tarjimasi yoʻq. Lekin undagi maʼnoni oʻzbek tilidagi shu sharhdan olishingiz mumkin.

👉 Sharhni oʻqing

#sharh

@ochiqdarsuz

Oʻzbekistondagi eng xunuk yozadigan ona tili ustozi men boʻlsam kerak.

Bu ancha chiroyli yozganim.

@birgap

Milliy sertifikat olish niyatida yurganlar uchun yaxshi narsa topib keldim.

Milliy sertifikat darslariga toʻliq tayyorlanish uchun yaxshi kanalni tavsiya qilmoqchiman.

Kurs davomida:
– grammatika kursini toʻliq yakunlaysiz;

– 50+ gʻazal va qitʻalar tahlilini koʻrib chiqasiz hamda shunday matnlarni mustaqil tahlil qilishni oʻrganasiz;

– 30+ esse namunalari bilan tanishasiz, esseni 70+ ballga yozish sirlarini oʻzlashtirasiz.

Kursning oʻquv dasturi bilan mana bu yerda tanishishingiz mumkin.

Menimcha, ajoyib imkoniyat. Kurslar bugundan boshlanishi reja qilingan. Batafsil maʼlumot uchun @Zokirxonovna ga murojaat qilishingiz mumkin.

Kanal mana bu yerda.

@birgap

#maxzan #lugʻat
Kosasi oqarmoq iborasi qanday paydo boʻlgan?

“Maʼnolar maxzani” kitobidaning “Arvoh urgan – oʻngʻalmas” maqoliga bagʻishlangan maqolasida bu borada quyidagi fikrlar keltirilgan:

...“kosasi oqarmas” iborasi haqida shuni aytish kerakki, oʻtmishda aksari chorvadorlarning xonadonida yogʻoch kosa ishlatilgan. “Zarang kosa” yoxud “oyoq” deb atalmish bunday kosa sirlanmagani uchun qoraroq tusda boʻlgan. Sut-qatiqni esa “oqliq” deb ataganlar. Ana shu oqliq qora kosani oqartirardi. Biror kishining sigiri tugʻsa: “ogʻzi oqaribdi”, “kosasi oqaribdi” (yaʼni, koʻchma maʼnoda: “xonadoniga qut-baraka kiribdi”), deganlar.

Oyoq soʻzi omonim boʻlib, ikkinchi maʼnosi kosa, idish, qadah (jom)dir (birinchi maʼnosini hamma yaxshi biladi).

Kosangiz har doim oqarib yursin.

@sandiqchamiz

Xoh ishoning, xoh ishonmang, oʻzimiz yozgan darslikni partaga qoʻyib birinchi marta dars oʻtdim. Shu paytgacha parchasini, biror qismini oʻtib kelganman.

Zamonamiz qahramonlari degan mavzuni oʻtdik (7-sinf, ona tili).

Maqtanish emas-ku, yaxshi chiqqan shu mavzu. Maza qilib oʻtdim.

@birgap

Odamlar ishonishi kerak. Men maktab direktoriman, maktabdagilarga ham aytaman.

Shu gaplarni maktab direktori aytayotgan boʻlsa, u rostdan ham direktor boʻlsa, unda darhol ishdan boʻshatish lozim. Bu firib va aldovning, sogʻlikka zarar yetkazuvchi harakatlarning targʻiboti.

Bunday odamlar maktabda rahbar boʻlmasligi kerak.

@birgap

Andijonda hokim o‘quvchilarni armiyaga yubordi, IIB boshlig‘i “qizil toifaga” ajratdi. Bu to‘g‘rimi? – mutaxassislar bilan suhbat

Pedagog Shokir Tursunning aytishicha, ta’lim mazmuniga hokimiyat hamda kuchishlatar tizimning aralashuvini oqlab bo‘lmaydi, bu bolalar psixologiyasiga salbiy ta’sir ko‘rsatadi. Siyosiy tahlilchi Hamid Sodiqqa ko‘ra, muammoning asosi boshqaruvchilarning vakolati to‘g‘ri taqsimlanmagani bilan bog‘liq. “Kuchishlaar tizimlar kuchli bo‘lgani uchun ularga o‘zi bilan teng hokimiyat kerak. Kuchli parlament bo‘lmaydigan bo‘lsa, “pogon”lilarni tiyib bo‘lmaydi”, – deydi u Kun.uz'ga bergan intervyusida.

📹 TO‘LIQ VIDEONI TOMOSHA QILING

Ko‘k bo‘ri kezgan sarhad itlarga talosh endi,
Ko‘tarilgan bosh emas, birgina quyosh endi,
Uchqun sochgan ko‘zlarning topingani yosh endi,
Turkiy elning shiddati so‘nganga o‘xshayotir.

Sarbadorlar qonini sellar yuvib ketganday,
Millat uchun jon berar alpni devlar yutganday,
Ultontozlar kun sanab, e voh, shuni kutganday,
Elning kuni nomardga qolganga o‘xshayotir.

Yuz ellik yil otangni otganni og‘a sanab,
Dili buzuq kelganning qadamiga gul qadab,
Yo, Haq, deya yonganning mozoriga tosh qalab,
Saroyingga qarg‘alar qo‘nganga o‘xshayotir.

Eldan chiqib elidan irganganlar ko‘ringay,
O‘z tarixin o‘zgadan o‘rganganlar ko‘ringay,
G‘ujuri-yu zaboni o‘zgarganlar ko‘ringay,
O‘z farzanding o‘zingni sotganga o‘xshayotir.

Kechang zavolga do‘ndi, haykalday qotib bo‘ldi,
Sening bor nasibangni beklaring totib bo‘ldi,
Bugundan-ku ayrilding, ertangni sotib bo‘ldi,
Yo‘l ko‘rsatar mayog‘ing o‘chganga o‘xshayotir.

Burgut uchgan zovlarda quzg‘un bazm etmoqda,
Ildizingni kavshabon to‘ng‘iz hazm etmoqda,
Ertangni belgilashga yotlar jazm etmoqda,
Qoshiq butun, qiliching singanga o‘xshayotir.

Kechagi yovqir nigoh bugun yerga qadalgan,
Vatan kutgan jasorat non topishga atalgan,
Bo‘yin egik, qo‘l qadoq, tizzalaring qavargan,
Umid ko‘zyosh sho‘ridan so‘lganga o‘xshayotir.

Uyg‘otay deb kelgan ul bahorlar bekor ketar,
Har tongda quyosh turtib, har shomda bezor ketar,
Bo‘g‘zin yirtib shoirlar ming hayqirib, xor ketar,
Alloh, bu xalq shu holga ko‘nganga o‘xshayotir.
Turkiy elning shiddati so‘nganga o‘xshayotir.

© Najmiddin Ermatov

2021-yil, aprel.

@birgap

Adabiyot darslarida shu sheʼrni oʻqib bering, yigʻlab oʻqing, alam bilan, dard bilan oʻqing. Oʻquvchilar yuragiga borsin. Har bir satrini tahlil qilib, tushuntirib bering.

Aslida, eng buyuk vazifamiz shu.

@birgap

Xalqaro standartlar asosidagi malaka sertifikati nima ekan endi?

Shu vazirlik xalqaro standart desa yuragim uyushadigan boʻlib qolgan.

https://xalqtaliminfo.uz/post/939

Ochigʻi, attestatsiya jarayoni oʻzgarishi tarafdoriman, ammo oʻzgarishlar borasida achchiq tajribamiz ham bor-da.

@birgap

📈 Qaysi ta'lim muassasalari oldinda?

🇺🇿 Oliy ta'lim, fan va innovatsiyalar vazirligi huzuridagi barcha ta'lim muassasalari va xususiy maktablar doirasida o'tkazilayotgan "Yilning eng yaxshi ta'lim muassasalari-2024" tanlovida hozirgacha 100.000 nafar ovoz yig'ildi!

Siz ham ovoz berishingiz mumkin.

Xususiy maktablar
1️⃣ Sharjah School
2️⃣ Registan School
3️⃣ Garvard School
4️⃣ Wise School
5️⃣ Rahimov School
6️⃣ Mezon Inspiring School
7️⃣ Qorako'l school
8️⃣ Euroasia School
9️⃣ Webking School
🔟 Sodiq School

Qaysi maktabga ovoz berishni bilmayotgan boʻlsangiz mana shunisiga ovoz beravering. Yaxshi maktab ekaniga men kafil.

https://t.me/edustatbot?start=poll_8_1153

@birgap

5-sinf "Ona tili" darsligida pleonazmga oid topshiriq bor ekan. Xursand boʻldim. Sodda uslubiy gʻalizliklar yaxshi tushuntirilibdi. Oʻquvchilar bilan bajarib koʻrdik. Yaxshi oʻrganishdi.

@birgap

❗️DIQQAT SUPPEERR E'LON❗️

A+daraja sohibi, ko'plab abituriyеntlar orzusi sababchisi va har doim natijalari orqali gapiradigan ustoz @Ozo_da_Davronova O'zining "MILLIY SERTIFIKAT MEN BILAN OSON" loyihasi asosidagi navbatdagi INTENSIV KURSIGA START berdi ❗️


👩‍🏫Sizlarni O'ZBEK TILIDAN Milliy Sertifikat uchun mo'ljallangan MAXSUS darslariga taklif qiladi❗️

✅ Grammatika bilan ishlash;
✅ Adabiyot bilan ishlash;
✅ Metodika bilan ishlash;
✅ Mumtoz adabiyot va g'azal bilan ishlash;
✅ Attestatsiya diagnostik testlari bilan ishlash bo'limlari orqali " bitta o‘q bilan ikkita quyonni urasiz "
✅ATTESTATSIYA UCHUN INDIVIDUAL KURS HAM BIZDA MAVJUD

💥💥💥💥 ESSE KURSI SIZ UCHUN MUTLAQO BEPUL.

Majburiy ham asosiy blok uchun tayyorgarlik ko'rayotgan abituriyеntlar siz ham qolib ketmang.

💥💥💥💥💥💥💥💥💥💥💥Sizlar uchun ADABIYOT mutlaqo BO‘NUSSSSSSSSSSS

AHAMIYATLISI GRAMMATIKA 0 DAN O‘TILADI BUNAQASI BO‘LMAGAN😱😱😱😱😱😱😱😱😱😱

Darslar haftada 3 kun. Narxlar süper chegirmada 350 000❌
250 000✅

❗️ Qabul: 20- dekabrgacha ❗️

Ustoz bilan bog'lanish:@Ozo_da_Davronova

Kanal linki⤵️
https://t.me/Ozoda_MILLIYsertifikat
https://t.me/Ozoda_MILLIYsertifikat
https://t.me/Ozoda_MILLIYsertifikat

Pani Pavondrova har bir erkakning qisman tentak, qisman goʻdak boʻlishini yaxshi bilardi.

Karl Chapek. "Salamandralar bilan jang" asaridan.

@birgap