آند اوْلسونگ اوْتا 🔥 and olsung ota

آند اوْلسونگ اوْتا ،
توْیخانا یانان دم ؛
اوْندا کی هلئی چؤپۆره چاتا .

آند اوْلسونگ خوْرا ،
کؤسؤیگۆ توتان دم ؛
اوْندا کی بالاز خافورا چاتا .

آند اوْلسونگ کؤزه ،
کرره ده بیتن دم ؛
اوْندا کی ایششیق توْیلارا آتا .

ائلکه میز گر چی یوْخسول ،
بو هال کی یوْخ پول ،
قوْیماگ کی سؤنه کرره میز ؛
اونوتماگ دیل و یوْل یوْلاق ،
اوششاق و جاهال ،
دوکارا ، کار ، قوْجا ، قرریمیز .

لاچچێن

🔥🔥🔥

And olsung ota ,
Toyxana yanan dəm ;
Onda ki həley çöpürə çata .

And olsung xora ,
Kösöygü tutan dəm ;
Onda ki balaz xafura çata .

And olsung közə ,
Kərrədə bitən dəm ;
Onda ki işşiq elkəyə ata .

Elkəmiz gər çi yoxsul ,
Bu hal ki yox pul ,
Qoymag ki sönə kərrəmiz ,
Unutmag dil o yol yolaq ,
Uşşaq o cahal ,
Dukara , kar , qoca , qərrimiz .

🔥🔥🔥

توْیخانا : آتشکده ای سنگی در وسط میدان جشن
هلئی : دایره تشکیل دادن
چؤپۆر : رقص دایره وار زنان
خوْر : ذغال افروخته
کؤسؤیگۆ : فروزینه ، چوب مشتعل برای روشن کردن هیزم
بالاز : بال آتش
خافور : گیاهی پرزدار
کؤز : ذغال افروخته
کرره : آتشخانه ، کوره ، سنگ چین
بیتن دم : موقع رسیدن
سؤنه : خاموش شود
اونوتماگ : فراموش نمی کنیم
یوْلاق : سبک ، روش ، راه
توْی : انجمن ، گردهمایی ، جشن ، جشنواره ، نمایش ، عروسی ، خوشی
دوکارا : بسیار سالخورده
کار : سالخورده ، بازنشسته
قرری : شکل دیگر کار ، سالخورده

https://telegram.me/borlachin1

ماهان 💫 mahan

ماهان نه دیر ؟
بیر دالێنج دویقو .
دالێندا نه وار ؟
بیر تلیس توْربا .
دوْلوسو نه دیر ؟
تهر دیر و لج .
سوچلوسو کیم ؟
گاگولا گؤنگۆل .

لاچچێن

💫💫💫

Mahan nə dir ?
Bir dalınc duyqu .
Dalında nə var ?
Bir təlis torba .
Dolusu nə dir ?
Təhr dir o ləc .
Suçlusu kim ?
gagula göngül .

💫💫💫

ماهان : بهانه
دالێنج : به دوش کشنده ، اصرار ورزنده
دویقو : احساس
تلیس : بزرگ ، کاه کش بزرگ
توْربا : کوله پشتی
تهر : لجاجت
سوچلو : مقصر ( سوچ : تقصیر ، گناه )
گاگولا : خمیده ، گرد و کروی

https://telegram.me/borlachin1

آینا اوْلایدێم 🌼 ayna olaydım

کاش آینا اوْلایدێم ؛
الینگه آلاندا ،
دارێنگا باخام .

کاش گنجه اوْلایدێم ؛
رختینگی گزنده ،
قرشی یه چیخم .

کاش کؤینگ اوْلایدێم ؛
دالێنگا گه ینده ،
قوْینوما سیخم .

لاچچێن

🌼🌼🌼

Kaş ayna olaydım ;
Əlingə alanda ,
Darınga baxam .

Kaş gəncə olaydım ;
Rəxtingi gəzəndə ,
Qərşiyə çixəm .

Kaş köynəg olaydım ;
Dalınga gəyəndə ,
Qoynuma sixəm .

🌼🌼🌼

قرشی : روبرو ، مقابل
قوْین : آغوش ، بغل

https://telegram.me/borlachin1

ایشق گؤی دۆر 💚 İşq göy dür

ایشق گؤی دۆر ، ایشق گه ی ؛
ایشق یاز دیر ، ایشق یای ؛
تانرێ یارلێغێ ،
ایشق پای دیر ، ایشق تئی .

لاچچێن

İšq göy dür , işq gəy ;
İşq yaz dir , işq yay ;
Tanrı yarlığı ,
İşq pay dir , işq tey .

💚💚💚

گؤی : سبز ، کبود ، درخشان ، آسمان
گه ی : عالی
یای : تابستان
یارلیق : حکم ، مشیت ، بخشش
تئی : قرار ، قرارداد
پای : بهره ، سهم ، روزی ، هدیه ، بخشش

https://telegram.me/borlachin1

آند اوْلسونگ سویا 💧and olsung suya

آند اوْلسونگ سویا ،
چیککوْودان آخان دم ؛
اوْندا کی کگلیگ ،
دامچادان دوْیا .

آند اوْلسونگ چایا ،
دلوارا دوْلان دم ؛
اوْندا کی داشا ،
رئزلری یویا .

آند اوْلسونگ سوْیا ،
اوششاق و جاهال ، جد بوْوا ؛
اوْندا کی وطن ،
دیرری یی سایا .

سانێمێز اگر چی اه یسیگ ،
ائلیمیز اگر چی دایراق ،
چایێمێز اگر چی قوررو ،
بیرلشدگ ، چاه قازداگ ؛
قوْیماگ کی سوخت ائده آرزێمێز .

لاچچێن

And olsung suya ,
Çikkowdan axan dəm ;
Onda ki kəglig ,
Damçadan doya .

And olsung çaya ,
Dəlvara dolan dəm ;
Onda ki daşa ,
Rezləri yuya .

And olsung soya ,
Uşşaq o cahal , cəd bowa ;
Onda ki vətən ,
Dirriyi saya .

Sanımız əgər çi əysig ,
Elimiz əgər çi dayraq ,
Çayımız əgər çi qurru ,
Birləşdəg , çah qazdag ;
Qoymag ki suxt edə arzımız .

💧💧💧

چیککوْو : مکانی در سینه کوه که آب از آن قطره قطره میچکد
دلوار : رودخانه بزرگ
داشا : سرریز کند
سوْی : شاخه ، نسل ، فرزندان یک نژاد
سان : کانال بزرگ آب ، شمارش ، تعداد
اه یسیگ : ناقص ، کم
دایراق : پراکنده
بیرلشدگ : متحد خواهیم شد
سوخت : بیماری ای قارچی مربوط به حیوان در اثر تشنگی طولانی مدت

https://telegram.me/borlachin1

اۆز مینگ اوْت 🔥 üz ming ot

اۆز مینگ اوْت دور و تۆت دیر و کۆل ، آدێ ایشق ؛
اۆز مینگ درد دیر و قم دیر و داغ ، آدێ یار ؛
دؤشۆندن باش وئریب ایککیجه تر تورونج ،
بیر چنگ ات دیر و قان دیر و قار ، دادێ نار .

لاچچێن

Üz ming ot dur o tüt dir o kül , adı işq ;
Üz ming dərd dir o qəm dir o dağ , adı yar ;
Döşündən baş verib ikkicə tər turunc ,
Bir çəng ət dir o qan dir o qar , dadı nar .

🔥🔥🔥

تورونج : ترنج
داد : طعم ، مزه

https://telegram.me/borlachin1

بولوت ♻️ bulut

قوْولونگو قاقلیقا وئرمیشم ؛
یئل سنه یئتنده ، هیه دئ ؛
دوواق آت بۆکۆل ،
چیرپین و چکیل ،
ترپن و تؤکۆل ،
دوتویا اکیل .

لاچچێن

Qowlungu qaqlıqa vermişəm ;
Yel sənə yetəndə , həyə de ;
Duwaq at bükül ,
Çirpin O çəkil ,
Tərpən O tökül ,
Dutuya əkil .

♻️♻️♻️

قاقلیق : سنگاب
یئتنده : هنگامی که برسد / یئت : برس
دوواق : روبنده ی پارچه ای عروس
چیرپین : تقلا کن
ترپن : حرکت کن ، بجنب
دوتو : دشت

https://telegram.me/borlachin1

یاز گلدی 🌷 yaz gəldi

ایل دوْلاندێ ، آی دوْلاندێ ، یاز گلدی ،
قارقا کؤچدۆ ، دورنا قوْندو ، قاز گلدی ؛
قیزیل لاله نسترنه ناز گلدی ،
باغچامێزدا قوْنچا گۆلدۆ ، سن ده گۆل .

لاچچێن

İl dolandı , ay dolandı , yaz gəldi ,
Qarqa köçdü , durna qondu , qaz gəldi ;
Qizil lalə nəstərənə naz gəldi ,
Bağçamızda qonça güldü , sən də gül .

https://telegram.me/borlachin1

اونوتولموش ایشق 💫 unutulmuş işq

آه ، یئل دیر و
یئل اینن گئدر ؛
یاش ، سئل دیر و
سئل اینن گئدر ؛
منه دئ :
اونوتولموش ایشق نه اینن گئدر ؟

گوستاو آدولفو بکر

Ah , yel dir o
Yel,inən gedər ;
Yaş sel dir o
Sel,inən gedər ;
Mənə de :
Unutulmuş işq nə inən gedər ?

💫💫💫

یاش : اشک
اونوتولموش : فراموش شده

لاچچێن کانالێنا قوْشولونگ
https://telegram.me/borlachin1

دؤوه 🐪 döwə

قیچینگ اگری، قولونگ اگری، بوْین اگری،
دالێنگ اگری، دارێنگ اگری، به ین کرری؛
دؤشۆنگ زیبره، دیزینگ زیبره، چفت قورری،
هارانگ دۆز دیر، تعریف ائدم، اوْخشادام.

لاچچێن

🐪🐪🐪

Qiçing əyri, qolung əyri, boyn əyri,
Dalıng əyri, darıng əyri, bəyn kərri;
Döşüng zibrə, dizing zibrə, çəft qurrı,
Harang düz dir, tə'rif edəm, oxşadam.

🐪🐪🐪

به ین کرری : بدون مغز
زیبره : سفتی سینه و زانوی شتر
چفت : گودی پشت زانو
اوْخشادام : توصیف کنم ، تعریف کنم

https://telegram.me/borlachin1

پیتگ 🦋 pitəg

گؤرمه دیم آنا سۆدۆنۆ ساتا،
گؤرمه دیم سوْنا جوجه سین آتا؛
باغێشلار سویو میننتسیز بولاق،
یوْل آچار چشمه سؤگۆده چاتا؛
بئسلدر کگلیگ فره هین چرگده،
ال چالار دالا، یوْوادا یاتا؛
هر یئرده گۆل وار، ساغ اوْلسون بولبول،
هر یئرده پیتگ، دۆشمه سین اوْتا.

لاچچێن

🦋🦋🦋

Görmədim ana südünü sata,
Görmədim sona cucəsin ata;
Baqışlar suyu minnətsiz bulaq,
Yol açar çəşmə sögüdə çata;
Beslədər kəglig fərəhin çərgdə,
Əl çalar dala, yowada yata;
Hər yerdə gül var, sağ olsun bulbul,
Hər yerdə pitəg, düşməsin ota.

🦋🦋🦋

سوْنا : نوعی غاز با سر و گردن سبز
بولاق : چشمه
سؤگۆد : درخت بید
فره : جوجه
چرگ : با فتح چ و سکون ر نوعی بوته
پیتگ : پروانه

https://telegram.me/borlachin1

پیتش 🐝 pitəş
شعری در سطح کودکان

یاراتمێش تارێ،
بال آرێ، پیتش؛
قورداندێ، قوردو.

یئریندن قاخدی،
ایراقدان باخدێ؛
انگبین گؤردۆ.

دوْلاندێ، دؤندۆ،
اوغوندو، قوْندو؛
گۆلمجه گیردی.

کؤینگی آچدێ،
گردینی سچدی؛
شهدینی سوْردو.

توْپلادی پتگ،
قایێردێ شانا؛
گۆمچلر هؤردۆ.

دوْلدوردو بالدان،
بال دئمه، گولدان؛
کوننایا ووردو.

لاچچێن

🐝🐝🐝

Yaratmış tarı,
Bal arı, pitəş;
Qurdandı, qurdu.

Yerindən qaxdı,
İraqdan baxdı;
Əngəbin gördü.

Dolandı, döndü,
Uğundu, qondu;
Gülməcə girdi.

Köynəgi açdı,
Gərdini səçdi;
Şəhdini sordu.

Topladı pətəg,
Qayırdı şana;
Güməçlər hördü.

Doldurdu baldan,
Bal demə, guldan;
Kunnaya vurdu.

🐝🐝🐝

آری : زنبور
پیتش : نوعی زنبور عسل با جثه ی کوچک ، نامی برای دخترها
قورداندێ : یواش یواش دست به کار شد
قوردو : ساخت
قاخدی : برخاست
انگبین : نوعی گون که از آن عسل به دست می آید
اوغوندو : چرخید
گۆلمج : کاسه ی گل
کؤینگ : کاسبرگ
پتگ : موم عسل ، کندو
قاییردی : درست کرد
شانا : هر تخته ی عسل
گۆمچ : خانه ی شش ضلعی کندو

https://telegram.me/borlachin1

دؤوه اوْوسارێنێ اششگه باغلاماق

دئمیشلر کی بیر دارغا اؤلۆم دمینده دؤوه سینی سسله دی و بیر پارا ایشلر ایچین ، شاللاق وورماگ ایچین ، سویوزلوگ وئرمگ ایچین و آغیر اۆک چکمگ ایچین اوْندان حلالبیدلیگ ایسته دی.
دؤوه دئیر: بولار ایچی کی بیرین بیرین آد آپاردێنگ، سنی باغێشلارام، آمما بیر ایش گؤرمۆشنگ کی سنی هئچ وقت باغێشلامام. دارغا سوْروشدو: اوْ نه ایش دیر؟ دؤوه دئیر: بیر کشه منیم اوْوسارێمێ اششگ قویروغونا باغلادێنگ. مونو من باغێشلامام.

لاچچێن

دارغا : ساربان
حلالبێدلێگ : حلالیت طلبیدن

https://telegram.me/borlachin1

قوباردا قالدێم 💢 qubarda qaldım

کۆسدۆنگ و ایتدینگ، من قراردا قالدێم.
کؤچدۆنگ و گئتدینگ، من قوباردا قالدێم.
ده وریلدی دیبیندن آرزێلار کاخێ،
یومرولدو اۆستۆمه، آواردا قالدێم.
باشێمنان اۆچدۆ خوْش گۆنلر نشئه سی،
اخشیدن سۆمۆردۆم، خوماردا قالدێم.
لایلادوم وارایێ، ناتێمێ تامام،
اوتوزدوم نردیمی، قوماردا قالدێم.
تیکانێنگ باتدێ، شیت ائتدی قیچیمی،
یاپێشدێم اۆنگ تکین، کوناردا قالدێم.

لاچچێن

Küsdüng o itding, mən qərarda qaldım,
Köçdüng o getding, mən qubarda qaldım.
Dəvrildi dibindən arzılar kaxı,
Yumruldu üstümə, avarda qaldım.
Başımnan üçdü xoş günlər nəş'əsi,
Əxşidən sümürdüm, xumarda qaldım.
Layladum varayı, natımı tamam,
Utuzdum nərdimi, qumarda qaldım.
Tikanıng batdı, şit etdi qiçimi,
Yapışdım üng təkin, kunarda qaldım.

💢💢💢

کۆسدۆنگ : قهر کردی
یومرولدو : فرو ریخت
اخشی : ترشی، ترش مزه
سۆمۆردۆم : با ولع نوشیدم
لایلادوم : از دست دادم
وارا : سرمایه ، کرتی آب
نات : مهره
اوتوزدوم : باختم
شیت ائتدی : مجروح کرد، آزرد

https://telegram.me/borlachin1

یوْنور و گچر 💫 yonur o gəçər

سو یوْلا دۆشسه، یوْلونو آچار.
سو داشا دامسا، یوْنور و گچر.
ایخیلر دۆشر سیرچه جوجه سین،
پالپازلار بی هیر، آخێردان اۆچر.

لاچچێن

Su yola düşsə, yolunu açar,
Su daşa damsa, yonur o gəçər.
İxilər, düşər sirçə cucəsin,
Palpazlar bihir, axırdan üçər.

💫💫💫

دامسا : اگر بچکد
یوْنور : میتراشد
پالپازلار : بال میزند
بی هیر : بی اختیار، غریزی

https://telegram.me/borlachin1

یوْلچو 💢 yolçu

یوْلچو دور سحر،
بیر کهر نریانا مینمیش،
الینده قیپ قیزیل رشمه،
پهلیده ده وره چین چنته،
چنته ده آی اینان گۆن.

ائلچی دیر سحر،
گورلوگا ائلچی؛
دیلینده انگبین سؤزۆ،
گؤزۆنده انشیریق گؤزۆ،
قارشێ گئت، آلقێشلا؛

لاچچێن

Yolçu dur səhər,
Bir kəhər nəryana minmiş;
Əlində qip qizil rəşmə,
Pəhlidə dəvrəçin çəntə;
Çəntədə ay inan gün.

Elçi dir səhər,
Gurluga elçi;
Dilində əngəbin sözü,
Gözündə ənşiriq gözü;
Qarşı get, alqışla.

💢💢💢

یوْلچو : مسافر
سحر : سپیده دم، فردا
کهر : اسب قهوه ای مایل به قرمز که رنگ یال و دم آن تیره تر است.
نریان : اسب نر
قیپ قیزیل : طلایی درخشان
رشمه : طناب رنگی
ده وره چین : نوعی بافته ی ظریف که آینه ای در زیر تارها میگذارند و نقش مورد نظر را در آینه میبینند . رویه ی بافته در زیر قرار میگیرد و آستر آن در بالا
چنته : ساک، کیف
ائلچی : سفیر، پیامرسان
گورلوگ : بزرگی و عظمت
انشیریق : آن ( آسمان ) + شیر ( درخشان ) + ایق ( درواره ) ، دروازه ی درخشان آسمان ، مشرق
آلقێشلا : استقبال کن

https://telegram.me/borlachin1

سولتان ماهمودا آجلێگ دمینده بادینجان گتیره للر. خوْشو گلر، بادێنجان تعریفینی ائدر. قوللورو بادێنجان ایچێن قوْشما قوْشار.

سولتان دوْیاندا، بادێنجاندان پئس دئیر. قوللور گئنه نئچچه دۆزۆم شعر بادێنجان پئسلیگینه دۆزر.

سولتان دئیر: اونوق سن بایاق بادێنجانا ییر قوْشدونگ، ایندی بو نه دیر؟ دئیر: من سیزه قوللورام نه بادێنجانا. گؤرگ بیر سؤز دئیم کی سیزه خوْش گله، نه بادێنجانا.

عبید زاکانی کوللویاتێ

سولتان : سول ( نجیب زاده ) + تان ( پاک نهاد )
قوللور : خدمتکار، خادم، نوکر
دۆزۆم : مصرع
اونوق : احمق
بایاق : چند لحظه پیش

لاچچێنا قوْشولونگ
https://telegram.me/borlachin1

مێرێنگ 💢 mırıng

سوْووقلادێم چێریگ چێریگ،
آغسێرێرام پێریگ پێرێگ،
ساققێز ائتیرد، پییان گؤرگ،
آمان وئرمیر ماندوخ مێرێنگ.

من دئمیرم قوجاق سئیرم،
بو گۆن سویو سیجاق سئیرم،
اه وده ایسسی بوجاق سئیرم،
آمان وئرمیر ماندوخ مێرێنگ.

چشمه جوْشموش بورون، گؤزدن،
یاش آخێیوْر یاناق، اۆزدن،
لاچچێن دۆشمۆش زنیش سؤزدن،
آمان وئرمیر ماندوخ مێرێنگ.

لاچچێن

Sowuqladım çırıg çırıg,
Ağsırıram pırıg pırıg,
Saqqız etird, piyan görəg,
Aman vermir mandux mırıng.

Mən demirəm qucaq seyrəm,
Bü gün suyu sicaq seyrəm,
Əvdə issi bucaq seyrəm,
Aman vermir mandux mırıng.

Çəşmə coşmuş burun, gözdən,
Yaş axıyor yanaq, üzdən,
Laççın düşmüş zəniş sözdən,
Aman vermir mandux mırıng.

💢💢💢

سوْووقلادێم : سرما خوردم ، سردم شد
چێرێگ : ناخوشایند
آغسێرێرام : عطسه میکنم
پێرێگ : عطسه، صدای عطسه
ساققێز : صمغ درخت بنه
پییان : مهگ، شیرین بیان
ماندوخ : ضعیف کننده
مێرێنگ : زکام، سرماخوردگی
اه وده : در خانه
زنیش : اثرگذار

لاچچێن کانالێ
https://telegram.me/borlachin1

مئی ام 💢 meyəm

سوْروشدو بیر قوْجا مندن :
اوْدونانگ ، اوْتانگ یا توتانگ ،
ایستیرنگ هارایێ توتانگ ؟
سؤیله دیم :
اۆزۆمم ، مویزم ، مئی ام ،
چؤگۆرم ، سێتارام ، نئی ام ؛
قوْشمایام ، گرایلی ، آسساناگ ،
ایستیرم وارلێگێ یایام .

لاچچێن

Soruşdu bir qoca məndən:
Odunang, otang, ya tutang,
İstirəng harayı tutang?
Söylədim:
Üzüməm, məvizəm, meyəm,
Çögürəm, sıtaram, neyəm;
Qoşmayam, Gəraylı, Assanag,
İstirəm varlıgı yayam.

💢💢💢

چؤگۆر : نوعی ساز با سه ردیف سیم دو تایی شبیه سه تار
قوْشما : سرود، ترانه
گرایلی : نوعی شعر هشت هجایی مربوط به ایل گرایی
آسساناگ : باده ی رقیق ، نوعی شعر هفت هجایی
یایام : منتشر کنم

https://telegram.me/borlachin1

🔳 فرنگیس بی یی کؤچمگی 🔳

چوْخ تئز ایدی بو ائلکه دن کؤچنگ سن ،
بیر قوش کیمی آسێمانا اۆچنگ سن ؛
چوْخ ظولم ایدی داریوش خاندان آیرێلانگ ،
اجل تؤکه ، جام مرگدن ایچنگ سن .
چوْخ حئیف ایدی سنه فرنگیس بی یی ،
یارێ یوْلدا اؤز عهدینگنن گچنگ سن ؛

بو یاسی داریوش خانا و قشقایی ائلینه تسلییت دئیرم . تاری رحمت ائتسینگ . یئری جننت اوْلسونگ .

لاچچێن

https://telegram.me/borlachin1