🇺🇸🇺🇦Илон Маск Трампга Украинада Starlink фаолиятини чеклашни таклиф қилган

SpaceX раҳбари Илон Маск АҚШ президенти Доналд Трампга Украинадаги Starlink алоқа тизими фаолиятини чеклашни таклиф қилган. Трамп таклифни маъқуллаганидан сўнг, Пентагон сунъий йўлдош алоқа тизимининг ҳарбий версияси — Starshield ишлаш тезлигини пасайтирган. Бу ҳақда The Telegraph бир нечта манбага таяниб хабар берди.

Аввалроқ Маск Starshield фаолиятига оид қарорларни АҚШ ҳарбийлари ва президент қабул қилишини айтиб, чекловларга алоқадорлигини рад этган эди. Трамп ҳам Украинадаги чекловлар учун на ўзи, на Маск масъул эканини билдирган.

🔥@burchakostida

🇺🇸Трампнинг янги матбуот котиби атиги бир ҳафта ишлагач лавозимидан кетмоқда

The New York Times АҚШ президенти Доналд Трампнинг янги матбуот котиби Кэти Закария ишдан бўшатилгани ҳақида хабар қилди. Кейинчалик Оқ уй Закариянинг лавозимини тарк этаётганини тасдиқлади. Бироқ унинг айнан қачон ишдан кетишига аниқлик киритилмади.

Доналд Трамп журналистларга Закария билан суҳбатлашиб, унга лавозимидан кетиш ҳақида ўйлаб кўришни маслаҳат берганини айтди. Президентнинг таъкидлашича, журналистлар Закарияга нисбатан ҳаддан ташқари қаттиқ муносабатда бўлган. Трамп илгари бундай ҳолатни кўрмаганини айтди.

Оқ уй 9 октябр куни Кэти Закариянинг президент матбуот котиби этиб тайинланганини эълон қилган. У 13 октябрда илк матбуот анжуманини ўтказган. Анжуман 15 дақиқадан сал кўпроқ давом этган. Шу вақт ичида Закария атиги уч нафар журналистга савол бериш имконини берган ва барча саволларга жавоб бера олмаган. Шундан сўнг Трамп маъмуриятида унинг ишни муваффақиятсиз бошлагани ҳақида фикрлар янграган.

Закариянинг юридик маълумоти ҳам саволларга сабаб бўлган. Трамп уни адвокат деб таништирган, Закариянинг ўзи ҳам Fox News эфирларида ўзини юрист сифатида кўрсатган. Бироқ журналистлар унинг адвокатлик фаолияти билан шуғулланиш ҳуқуқини берувчи имтиҳондан ўтганини тасдиқловчи маълумот топа олмаган. Кейинчалик Закария ушбу имтиҳондан ўта олмаганини тан олган.

🔥 @burchakostida

🇺🇦 Украинада дронлар учун реактив двигателлар оммавий ишлаб чиқарилмоқда

Украинада олтита компания дронлар учун кичик ҳажмли реактив двигателларни оммавий ишлаб чиқаришни бошлади. Бу ҳақда мамлакатнинг мудофаа технологияларини ривожлантиришга масъул Brave1 давлат платформаси раҳбари Андрей Гриценюк “Украинская правда“ нашрига маълум қилди.

Унинг айтишича, жами 11 та компания бундай двигателларни ишлаб чиқиш билан шуғулланмоқда. Ишлаб чиқаришни йўлга қўйиш учун бир ярим йил вақт кетган. Украинада 2025 йилда ушбу йўналишни молиялаштириш дастури ҳам бошланган.

Украина мудофаа вазири Евгений Хмаранинг таъкидлашича, реактив двигателлар турли ҳарбий қуролларда, жумладан, дронларни тутиб олувчи қурилмалар, узоқ масофага зарба берувчи воситалар ва қанотли ракеталарда қўлланади.

🔥@burchakostida

🇮🇷🇸🇦Эрон Саудия Арабистонига зарбалар беришда ҳусийларга ёрдам бермоқда — The Wall Street Journal

Саудия Арабистони разведкаси маълумотларига кўра, Теҳрон ҳусийларга разведка маълумотларини тақдим этмоқда, ракета ва дронларни нишонга йўналтиришга ёрдам бермоқда ҳамда жангчиларни тайёрламоқда.

Июль ойида Эрон Яманга зиёратчилар ва делегатлар олиб кетаётгани айтилган иккита самолёт юборган. Манбаларга кўра, самолётларда Эрон Ислом инқилоби қўриқчилари корпуси офицерлари ва қурол-яроғ қисмлари ҳам бўлган.

Саудия Арабистонини қўллаб-қувватловчи кучлар иккинчи рейсни тўхтатишга уриниб, Сана аэропортига зарба берган. Бу эса можаронинг янада кескинлашишига олиб келган.

🔥@burchakostida

🇺🇸 АҚШ Конгрессига Россия билан нефт битимларини тақиқлашга қаратилган қонун лойиҳаси киритилди

АҚШ Конгресси Вакиллар палатасига Россия билан коррупциявий нефт битимларини тақиқлашни назарда тутувчи қонун лойиҳаси тақдим этилди.

🔥@burchakostida

🇺🇦🇺🇸Зеленский Россия энергетика объектларига оммавий зарбалар бераётган бир пайтда АҚШни танқид қилди

"Россия энергетика тизимимизга оммавий ҳужумлар уюштирмоқда. Афсуски, АҚШ Россияга босим ўтказиш ва уни урушни тўхтатишга мажбур қилишга қаратилган Линдси Грэм қонун лойиҳасини бутунлай эътиборсиз қолдиришга қарор қилди", — деди Украина президенти Володимир Зеленский.

🔥@burchakostida

🇷🇺Путин Украина зарбаларида зарар кўрган савдо ва логистика объектларини тиклашни топширди

Россия президенти Владимир Путин ҳукуматга Украина зарбалари оқибатида шикастланган савдо ва логистика инфратузилмаси объектларини тиклаш дастурини тасдиқлашни топширди.

🔥@burchakostida

🇺🇦 Зеленский: Россияга қарши санкцияларни бекор қилиш давом этади, дизел келишуви эса биринчи қадам

Украина президенти Володимир Зеленский Россияга қарши санкцияларни бекор қилиш жараёни давом этишини айтди. Унинг таъкидлашича, Россия билан дизел ёқилғиси бўйича келишув бу йўлдаги биринчи қадам ҳисобланади.

🔥@burchakostida

🇫🇮Финляндия Россия аэропорти ёпилгани сабаб Санкт-Петербургга учаётган самолётни қабул қилди

Мисрнинг Хургада шаҳридан Санкт-Петербургга йўл олган Red Sea Airlines авиакомпанияси самолёти дронлар ҳужуми туфайли Россия аэропорти вақтинча ёпилгани сабаб Хельсинки аэропортига қўнди. Самолёт Хельсинкида ёқилғи тўлдирганидан сўнг парвозини давом эттирган. Бу ҳақда Финляндия чегара хизмати хабар берди.

17 октябрга ўтар кечаси дронлар ҳужумлари сабаб Россиянинг камида 12 та аэропорти фаолияти чекланган.

🔥@burchakostida

🇷🇺Чубайс Россиядан кетишидан олдин Путинга урушни тўхтатишни талаб қилиб хат ёзган — БМТ

2022 йил март ойида Анатолий Чубайс Россия президенти Владимир Путинга мурожаат қилиб, Украинaгa босқинни танқид қилган ва ҳарбий ҳаракатларни тўхтатишга чақирган. Бу ҳақда БМТнинг Россиядаги инсон ҳуқуқлари бўйича махсус маърузачиси Мариана Кацарова ҳисоботида айтилган. Шундан сўнг Чубайс давлат лавозимидан кетиб, мамлакатни тарк этган.

The Insider маълумотларига кўра, Чубайс кетганидан кўп ўтмай, “Роснано“нинг янги раҳбари корпорациянинг аввалги бошқаруви фаолиятини текширишни сўраб, бош прокурорга мурожаат қилган. Кейинчалик корпорация билан боғлиқ камида 22 кишига нисбатан жиноий айбловлар қўйилган, собиқ раҳбарлар ва ходимларга қарши миллиардлаб рубллик даъволар киритилган.

2026 йил май ойида Чубайс даъволарнинг умумий қиймати 25 миллиард рублдан ошганини билдирган ва собиқ ҳамкасбларига нисбатан таъқибни репрессия деб атаган. Августда эса Канада уни санкциялар рўйхатидан чиқарган. Бироқ Оттава бу қарорга асос бўлган далилларни ошкор қилмаган.

🔥@burchakostida

🇺🇦Зеленский Путин ва Трамп билан уч томонлама учрашув ўтказиш имкониятини маълум қилди

Украина президенти Володимир Зеленский АҚШ маъмурияти уни Доналд Трамп ва Владимир Путин билан уч томонлама учрашувга жалб этиш устида ишлаётганини айтди. Унинг сўзларига кўра, учрашув Бирлашган Араб Амирликлари, Саудия Арабистони ёки АҚШда ўтказилиши мумкин.

Зеленскийнинг таъкидлашича, ҳозирча Москва ҳам, Вашингтон ҳам учрашувни расман тасдиқламаган. Шунингдек, саммитни Европа давлатларидан бирида ўтказиш имконияти ҳам муҳокама қилинмоқда.

Россия томони Путин ва Зеленский ўртасидаги тўғридан-тўғри музокаралар фақат Москвада бўлиши мумкинлигини билдирган. Зеленский эса бу таклифни рад этган.

Аввалроқ Доналд Трамп Россия президентини декабр ойида Майамида бўлиб ўтадиган “Катта йигирматалик”саммитида кўришдан мамнун бўлишини айтган. Бироқ Кремл Путиннинг ушбу тадбирда иштирок этишини ҳозирча тасдиқламаган.

🔥@burchakostida

🇺🇸 Трамп мурдага ўхшаб қолмаслик учун макияж қилишини айтди

АҚШ президенти Доналд Трамп юзига косметика суртишини ва буни ўзи бажаришини маълум қилди. Унинг айтишича, макияж қилмаса, юзи мурданикидек кўриниши мумкин.

"Озгина косметика ишлатаман ва уни ўзим суртаман. Акс ҳолда, мурдага ўхшаб қоламан. Мен бундай кўринишни истамайман", — деди Трамп.

Аввалроқ у соғлиғида жиддий муаммолар борлигини айтган, кейин эса бу гапи ҳазил бўлганини билдирган. Май ойидаги тиббий кўрикда президентнинг соғлиғида жиддий муаммолар аниқланмаган.

🔥 @burchakostida

🇺🇦🇷🇺🇧🇾Путин Беларусда баллистик ракета учириш қурилмаларини жойлаштирмоқчи — Володимир Зеленский

Украина президентининг сўзларига кўра, Россия аллақачон дронлар учун ҳаво йўлагидан фойдаланиш ва ҳужумларни кучайтириш мақсадида Беларус ҳудудида ретранслаторларни (алоқа узаткичларни) жойлаштирган.

"Аммо бу уларга камлик қиляпти. Беларус ҳудудида баллистик ракета учириш қурилмаларини ҳам жойлаштириш учун уларга Лукашенконинг қўллаб-қувватлаши керак. Беларус ҳудудига бундай қуролларни жойлаштириш эса биринчи навбатда Ғарб учун таҳдиддир", — деди Зеленский журналистлар билан бўлиб ўтган онлайн-брифингда.

🔥 @burchakostida

🇬🇧🇺🇸🇷🇺🇨🇳 Яқин беш йил ичида дунёга космик уруш хавф солиши мумкин — The Telegraph

Нашр маълумотига кўра, Британия компаниялари аллақачон Мудофаа вазирлиги билан биргаликда сунъий йўлдошларни ҳимоя қилиш ва душманнинг космик қурилмаларига қарши курашиш технологияларини ишлаб чиқмоқда.

"АҚШ космосга қурол жойлаштирган, Хитой сунъий йўлдошлар устида синовлар ўтказмоқда, Россия эса орбитал қурол ишлаб чиқишда гумон қилинмоқда", дейилади хабарда.

🔥 @burchakostida

🇬🇧 Буюк Британия урушга тайёр бўлиши керак, унинг фуқаролари эса мамлакат мудофааси йўлида қурбонликлар қилишига тўғри келиши мумкин

Бу ҳақда Буюк Британия Қуролли кучлари раҳбари Роланд Уокер маълум қилди.

Унинг сўзларига кўра, сиёсатчилар тез орада аҳолига ўсиб бораётган ҳарбий таҳдидлар ва мудофаа харажатларини ошириш зарурати ҳақида очиқ тушунтириш беришлари керак бўлади.

Шу билан бирга, Ipsos томонидан ўтказилган сўровномада британияликларнинг ярми ҳеч қандай вазиятда ўз мамлакати учун жанг қилишга тайёр эмаслигини билджрган.

🔥 @burchakostida