🇺🇦🇺🇸🇷🇺 Зеленский Украинада Starlink ҳалигача чекловлар билан ишлаётганини маълум қилди

Президент Володимир Зеленский журналистларга Starlink'нинг ҳарбий версияси — Starshield терминаллари Украина ҳудудида ҳамон чекловлар билан ишлаётганини айтди. Шу билан бирга, Зеленскийнинг журналистларга айтишича, Европа Иттифоқи ҳудудида худди шу терминаллар чекловларсиз ишламоқда.

"Биз Starshield ўрнатилган бир нечта дронни ЕИ мамлакатлари ҳудудига юбордик, улар соатига 180 километр тезликда ҳаракатланди ва Starshield яхши ишлади", — деди у.

Бир неча кун олдин украиналик ҳарбийлар Starlink терминали ўрнатилган дроннинг тезлиги соатига 160 километрдан ошса, алоқа узилиб, операторлар дронни йўқотиб қўйиш ҳолатига дуч келаётганини билдирганди.

"Хулоса шуки, чекловлар Украина ҳудудида амал қилмоқда, яъни бу режалаштирилган амалиёт. Starshield'даги чекловлар сабабли ҳарбийларимиз қуруқликдаги техникалар бормайдиган позицияларга дронлар орқали озиқ-овқат ва сув етказиб бериш, шунингдек, Россиянинг Shahed туридаги реактив дронларини уриб тушириш имкониятидан маҳрум бўлмоқда", — дея қўшимча қилди Украина етакчиси.

🔥 @burchakostida

🇺🇸🇺🇦🇷🇺 АҚШ Конгрессига Россия билан “дизел битими”ни блокловчи қонун лойиҳаси киритилди

Конгресс Вакиллар палатасига “Россия нефти бўйича коррупциявий битимларни тақиқлаш тўғрисида”ги қонун лойиҳаси киритилди. У АҚШ президенти Доналд Трампнинг Россия дизел ёнилғисини харид қилиш ва импорт қилиш бўйича битимини блоклашга қаратилган. Бу ҳақда Вакиллар палатасининг Ташқи ишлар бўйича қўмитаси демократларининг сайтида хабар берилди.

Қонун лойиҳаси ҳаммуаллифлари орасида 16 нафар демократ ва бир нафар республикачи бор. Ҳужжатда АҚШ Молия вазирлиги томонидан берилган, Россия ёнилғиси билан битим тузишга рухсат берувчи бош лицензияларни бекор қилиш ва келажакда янги лицензиялар беришни тақиқлаш таклиф қилинмоқда. Ҳужжатда, шунингдек, Оқ уйни Россия энергетика секторига қарши санкциялар жорий этиш назарда тутилган.

"Қўшма Штатлар Кремлга босимни кучайтириши керак бўлган бир пайтда, Трамп Украинани қўллаб-қувватлаш ўрнига Путин билан тил бириктириб, шахсий манфаатлари йўлида битимлар тузмоқда. Бу АҚШ ҳимоя қиладиган барча тамойилларга зиддир. Конгресс ҳаракат қилиши керак", — деди қонун лойиҳасини тақдим этган демократлардан бири Грегори Микс.

9 октябр куни АҚШ президенти Доналд Трамп Россия президенти Владимир Путин билан телефон орқали мулоқот қилганди ва шундан сўнг Россия АҚШ ва жаҳон бозорига дизел ёнилғиси етказиб берадиган “дизел битими”ни эълон қилганди.

🔥 @burchakostida

🇫🇷 Макрон Францияда зўравонликка ўрин йўқлигини айтиб, буни амалга оширганлар жазоланишини таъкидлади

"Республикамизда зўравонликка ўрин йўқ. Атрофдаги ҳамма нарсани вайрон қилган, давлатвидоралари ва дўконларга ҳужум қилган, ҳатто мэрия биноларини талон-торож қилганлар жавобгарликка тортилади ва жазоланади", — дея намойишларга муносабат билдирди Франция президенти ўзининг Х ижтимоий тармоғида.

Эммнуэл Макрон ҳуқуқ-тартибот идоралари ходимларини бутун миллат номидан қўллаб-қувватлашини таʻкидлади.

"Биз фақат давлат институтларини вайрон қилишга интилаётган ва ўз талабларини тинч йўл билан билдираётганларга тўсқинлик қилаётган тартибсизлик уруғини сочувчиларга қарши бирлашамиз", — дея қўшимча қилди у.

Франция бош вазири Себастян Лекорню мамлакатдаги оммавий тартибсизликлар фонида идоралараро инқироз штабини чақирди. Штаб фаолиятида адлия вазири Жералд Дарманен ва ички ишлар вазири Лоран Нунес ҳам иштирок этмоқда.

🔥 @burchakostida

🇺🇦🇷🇺 Яндекс дата-марказларига Украинанинг ҳужумлари ортидан россияликларнинг маълумотлари четда сақланиши мумкин

Россиядаги дата-марказларга қилинаётган дрон ҳужумлари сабабли Интернет-савдо компаниялари ассоциацияси ҳукуматдан россияликларнинг шахсий маълумотларини “дўст мамлакатлар”да сақлашга рухсат беришни сўради.

Бу ташаббус, компанияларга Россияда дата-марказларнинг ишлашини тиклаш имкони бўлмаган тақдирда, муҳим аҳамиятга эга бўлган тизимларни вақтинчалик хорижий захира маълумотлар марказларида жойлаштиришга имкон берадиган махсус ҳуқуқий режимни жорий этишни назарда тутади.

Маълумот учун, Россияга “дўст мамлакатлар” рўйхатига Марказий Осиё минтақасидан Ўзбекистон, Қозоғистон, Қирғизистон ва Тожикистон киритилган.

🔥 @burchakostida

🇷🇺Санкт-Петербургдаги “Петербург нефт терминали“ ҳудудида ёнғин чиқди

Маҳаллий ҳокимият маълумотига кўра, ёнғинни ўчириш ишларига Фавқулодда вазиятлар вазирлиги ходимлари жалб қилинган.

Дронлар ҳужуми сабабли шаҳарда мобил интернет узилиши мумкинлиги маълум қилинди. Ленинград вилояти ҳудудида ҳозиргача 126 та учувчисиз учиш аппарати уриб туширилган.

🔥 @burchakostida

🇸🇦Саудия Арабистонида ҳарбий вертолёт ҳалокатга учради

Саудия Арабистонида AH-6i ҳарбий вертолёти ҳалокатга учради. Бу ҳақда Reuters агентлиги хабар берди.
Ҳодиса оқибатида вертолёт бортида бўлган икки нафар экипаж аъзоси ҳалок бўлди.

🔥@burchakostida

🇷🇺 Санкт-Петербургда электр таъминоти узилиб, айрим йўллар ёпилди

ОАВ хабарларига кўра, Санкт-Петербургнинг айрим ҳудудларида электр таъминоти қисман узилган.
Дронлар ҳужуми фонида Екатерингофкадан Шкиперскийгача бўлган йўл қисми ёпилган.

Большой Обуховский кўприги яқинида ҳам автомобиллар ҳаракати тўхтатилган. Шаҳар аҳолисидан шахсий автомобиллардаги сафарларни имкон қадар камайтириш сўралган.

🔥@burchakostida